GAWAIN 1 Batay sa tekstong Ang Sanaysay: Introduksiyon ni Bienvenido Lumbera:
1. Ano ang kasaysayan sa pagakaroon ng sanaysay sa Pilipinas?
- Inihayag ni Bienvenido Lumbera na simula pa lamang ng panahon ng mga Kastila sa Pilipinas ay umpisa na rin ng pag iral na sanaysay na ginamit ng ating mga katutubo, ito ang siyang naging daan ng mga prayle upang mapahayag nila ang kanilang mga nararamdaman o damdamin sa pagpapalawak ng kristyianismo sa bansa. Nagsimula ang pagbubuo ng sanaysay bilang wika na ginagamit sa komunikasyon na kaaunay nakabuo ng mga di inaasahang sanaysay at doon nagsimula ang pag-iral nito. Naipahayag din dito kung ano ang naging papel ng sanaysay sa panahon ng pananakop ng mga Kastila sa Pilipinas. Kalauna’y nadebelop at nabuo ni Bayani Abadilla ang depinisyon ng katagang “sanaysay” mula sa pagbilang lamang sa mga pormal na sulatin, hanggang sa kasalukuyang pagtanggap sa mga sermon ng pari, talumpati, editorial, magasin, feature article, liham at talaarawan bilang bahagi sa kategorya ng sanaysay. Binigyan niya ito ng kahulugan na ginagamit at kinikilala hanggang sa kasalukuyan.
2. Paano masasabing mahusay ang isang sanaysay?
- Ang isang sanaysay ay masasabing mahusay kung ito ay mayroong matatag at matinong paghawak sa wika upang maging mabisa sa pagpapaabot sa mambabasa ng layon nitong sabihin. Ang pagkakaroon din ng maingat na pagkakaayos ng damdamin, kaisipan at obserbasyon ayon sa layunin ng sanaysay ay mahalaga upang makamtan ang bisa at epekto ng akda sa mga mambabasa. Isa rin sa dapat ilagay sa ating isipan ang pamimili at pagsasaalang-alang ng mga salitang pipiliin upang maipalaman sa mambabasa nang mabuti ang layong iparating ng buong sanaysay. Mahalaga ang lahat ng nabanggit gunit lagi natin iisipin na sa huli ay nakasalalay pa rin ang pagiging mahusay ng isang sanaysay sa kabuluhan ng nilalaman nito at kung paano ito isinulat ng may akda.
3. Paano magiging kapaki-pakinabang pang pagbasa ng sanaysay?
- Ang sanaysay ay magiging kapaki-kapakinabang, mahalaga na maintindihan muna ito ng mga mambabasa, lalo na ng mga kabataan o estudyante. Makakamit ito sa pamamagitan ng pagdadagdag ng may akda ng mga linyang hindi magbibigay ilang sa mga mambabasa. Kilala ang sanaysay bilang “akdang walang pintig ng buhay” kaya’t hindi nakakapagtaka kung mabagot ang mambabasa kapag sinimulan nila itong basahin. Mahalaga na mabasa nang buo ang isang sanaysay upang maintindihan ang mga kontekstong napapaloob dito kaya’t nararapat lamang na himahimayin ang bawat parte upang ipaintindi sa mga mambabasa. Sa mga paraang ito ay magiging kapaki- pakinabang ang pagbabasa ng sanaysay dahil tagumpay na maipapaabot sa kaisipan ng mga mababasa ang pinakalayunin at paksa ng sanaysay kung saan ay ipoproseso na ito ng utak at saka matatamo na ang pagintindi at pagkatuto.
4. Ano ang mga katangian at kahalagahan ng Sanaysay?
- Ang mga katangian na dapat taglayin ng isang sanaysay ay dapat itong maging isang boses ng may akda upang maibahagi ang layunin at paksa na gustong isiwalat sa sanaysay Ang konkesyon sa pagitan ng may-akda at ng mambabasa, na parang ang may-akda ay direktang nagsasalita sa kanila, ay kinakailangan. Ang tono ng sanaysay ay mahalaga dahil ito ay naghahayag ng layunin ng manunulat, na kadalasang nakabatay sa isang emosyonal na tugon. May koneksyon din ang sanaysay kung saan titingnan ng mambabasa kung paano nauugnay ang tono at boses ng sanaysay sa paksang tinatalakay. Ang panghuli ay ang kuro-kuro sa sanaysay kung saan ang palitang-kuro ang magbubukas ng pintuan para sa mga mambabasa upang isa buhay at mapakinabangan ang mga estilong ipinakita ng may akda sa pagbuo ng sanaysay. Ang sanaysay ay mahalaga dahil ito ay nagbibigay linaw sa mga paghihirap sa lipunan, kultura, at indibidwal. Pinalalakas din nito ang pilosopiya ng pagbabasa, pagsusuri, at pagtingin sa mga bagay na pangkultura. Nag-aalok din ito ng mga rekomendasyon at mga bagong interpretasyon ng mga kaganapang panlipunan. Itinataguyod din nito ang paniniwala sa pagbasa at paglikha alinsunod sa ideolohiya at paniniwala ng may-akda. at pangkultura, at sa wakas, ito ay gumagawa ng makabuluhang kontribusyon sa paglago ng kultura, ilang siyentipikong disiplina, ekonomiya, pilosopiya, at marami pang ibang larangan.