"Tinitiyak ko sayo ngayon din, isasama kita sa paraiso"

Iya to i kaduwa istorya na c Jesus ng pagpako si eya c krus. I nagpinugad na cto pinabaya na c
paraiso si Maidas, i adda c duwangan magnanakaw huwang na jesu-kristo nagpapako c krus.
Kapae daw kay eya i pinabaya na c kristo pdaeray c paraiso? Ay daw naghimo na cto aa kay
pinabaya gayud iya c paraiso? Makasalanan maylat eya pareho c addanagan ray pa nagpapako c
krus..

Kilala tadaw Maidas- adangan c mga matangkaw nagpapako c krus.. basi kairug kitam c iya.
Ngan kilala ta lat i adangan pa huwang na basi kaiwas may kita c mga naghimo na.

Yayray duwangan ray niya mayya pagkakapareho na pati pagkalaenan na:

. Yayto mga aa pareho mayya
1. Makasalanan
2. Pareho mayya matapit na c kamatayon
3. Pareho mayya aglaom si nagpinugad kaligtasan.

Yayto may i pagkalaenan na mayya:

1. I premero matangkaw, i nagpara isip na hamok i kalugaringon na na akaligtas cray
sitwasyon. "di ba ikaw ang jesu kristo?" Iligtas mo ako pati ang iyong sarili" iya nan i
istorya na padaeray c jesus. Gana pagsisisi c kasal anan na... Importante hmk c eya na
kaligtas eya. Gana pagpapakumbaba, pag amin c sala na, ngan gae lat eya atalaw c ginoo.
2. I kaduwa matangkaw may atalaw c ginoo, katuanan eya c mga sala na sanglit atao eya
agpakumbaba. Atao eya agbasol c mga sala na. Ngan agkarawat na i kaparusahan na kay
akasala eya. Gana laen nagbasol na, gana laen nag among na, kay katuanan eya c
naghimo na sala, instead na agdemmand eya kaligtasan, agpakumbaba eya ngan agbasol c
sala na.
Yayto kaduwa matangkaw i nagpabaya n jesus padaeray c paraiso. Kon tilaw ko kam, cnga kam
c duwangan ray matangkaw? Snga ari kapurupareho bi?

Ako, pareho ako c premero ray matangkaw. Na atao hmk ag intom c ginoo kon agkinahanglan
bulig. Na atao hmk patapit c ginoo kon niya nagkinahanglan na. Pareho c premero matangkaw na
agdemmand hmk dayon kaligtasan, katalwasan c mga problema na.

Ako pareho ako c premero matangkaw, na gae atao agbasol c sala na... Na kon kabuligan na c
problema na-gae na ag intom na i diyos. Na kon atalwas c mga nag abat na gae na atao
agpasalamat c ginoo.

Ako pareho ako c premero matngkaw. Na gana kamamaluan na. Gae akamalo Agpalako pabor
bsan bali sala na. Na badaw ray i paagi panahon para pag intom c ginoo gae daw gayod kaintom.
Nga ng panahon na mahalap i kinabuhi gae atao agpasalamat c mahalap kamutangan na. Pero ng
akaabat pagkuri eya patapit c Diyos basi kabuligan.
Ako pareho lat ako c mayya, makasasala, ngan aglaom na kabuligan c mga problema na, na
aglaon lat kaligtasan ngan katalwasan c ginoo.

Ako., atalaw gad ako c ginoo, sanglit as much as possible aglikay ako na gae kasala, na maging
mahalap ako aa. Pero bsna ay hinimo ko, aa may hmk ako ghapon, maen perpekto ngan akasala.
Maen deserve ko ag serve c ginoo. Maen deserve ko n ag atubang c kaam intero ngan maging
speaker cto importate allaw.

Actually pang duwa nayto kunta na nag ala ako speaker cto. Ag decline ko i premero offer c ako
kay feeling ko. I dont deserve to be here.

Maen ako i pinakadaluman aa c kalibutan, maen ako perfect, makasasala ako aa.

Ay kay ako i kinahanglan nag ala speaker maen i ditanga na perme agserbe c ginoo. Na perme
para simba ngan para huwang c intero aktibidadis na c simbahan.

Ay kay ako i kinahangalan mag atubang ato c kaam. Maen mga aa nan anan na malabat charities
sa himo na. Nga malabbat sa buligan na. Maen pareho ko na bisan pagbulig c pamilya ko makuri
sa himo ko.

Matabbol kaaratan c ako.

Angay ba ako ag atubang ngan anili c Ginoo? Angay ba ako agserbe c eya? Angay ba ako
maging speaker enanto?

Yayto mga burden nag abat ko i magpigar c ako basi gae katapit c ginoo. Kay kon isip mo..
Matala dapat i kapuso ko si ginoo kay makasasala ako. Maen ako angay agtapit c eya ngan
pasallod c simbahan na puro kahalapan. Pero maen, maen may ako i patapit si eya... eya may i
maghimo paagi na patapit si ako. Perme ako para paabat-na na bisita ko eya.

I kaduwa matangkaw aminugad may si "Hesus, intumon may ako kon agtikang na i paghadi mo"

Bisan ay pa kasalanan ta bsna ay pa kita klaseha aa.kon atao kita agbasol c mga sala ta ngan atao
kita agtapit c ginoo.. Karawat na kta,ngan Abrihan na i pwertahan na c langit para c kita

Nya mga panahon c kinabuhi ta na gasita agpataanan na kita c ginoo. Na pagkaabat ta, kay
makasasala kita agparusahan na pa kita ngan maen kita welcome c ginhadian na.

Nya mga pnahon na akaisip kta na maen kta angay na kapadaeray c langit, na maen deserve ta
kapadaeray tungod c mga sahimo ta ato c kalibutan.
Gae ag isip ta na i langit para nan c intero, kay i diyos, mapagpatawad. I diyos agbulig na tadong
na kita kon kapadaeray kta c baliko lalan. Na kon akasala kita paintom na kita gayud na maen na
tama i nagparahimo ta.. Ngan sundok na i konsensya ta.. kinahanglan hmk hinimo ta... Abrihan
ta i kapuso ta c eya basi kasallod eya c kinabuhi ta

Atao ba kita agkarawat na akasala kita? Atao ba kita agpakumbaba kon kita i maen tama? Atao
ba kita agbasol c mga sahimo ta? Gae... Gae kita atao cnan ag isip hasta na mahalap i
kamutangan ta.. Pero kon anakka i panahon na akasala kita, ngan gana na laen sa lahian ta.. Eya
na kita dina ag intom c Ginoo..pero maski daenan kaw cnan.. Bsan daenan ako cnan... Karawat
na kta ghapon c Ginoo.

"Sumatan ta si kamatuuran, mismo inanto allaw aghuwang na kita ari si paraiso"

I kaduwa allingon na Hesus ng pagpapako c eya c krusP... agkahalap nag pinsar ha.. Na bisan
kita makasasala, bsan gae eya para pansin ta kon aman-o eya.. Pero kon patapit kta c eya bsan ay
orasa, abrihan na i pwertahan para c kita.