2

FILIPINO
Ikalawang Kwarter – Modyul 1
Paghihinuha sa mga Mangyayari
Filipino – Ikalawang Baitang
Alternative Delivery Mode
Ikalawang Markahan – Modyul 1: Paghihinuha sa mga Mangyayari
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala
at mga may-akda ang karapatang-ari ng mga iyon. Ang anomang gamit maliban sa modyul
na ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Jose R. Ocon Jr., Anabel M. Labial, Aida P. Gales
Tagasuri: Delia D. Acle, Annette A. Cadeliña, Brigette R. Aranas, Susana T.
Pabillore, Rafunzel C. Jamero, Mariebel S. Galo, Jeselyn T.
Mandihanon, May Ann Y. Ajon, Isabelo N. Jagape
Tagaguhit: Pura A. Cocamas
Tagalapat: Shella Mae M. Rullon
Tagapamahala: Dr. Arturo B. Bayocot, CESO III, Regional Director
Dr. Edgardo V. Abanil, CESO VI, SDS
Dr. Lanila M. Palapar, ASDS
Dr. Emelia G. Aclan, CID Chief
Dr. Linda D. Saab, Division EPS-LRMS
Delia D. Acle, EPS – Filipino
Lucita B. King, PSDS Designate
Roy S. Estrobo, ADM Coordinator

Inilimbag sa Pilipinas ng Sangay ng Camiguin

Department of Education –Region X

Office Address : B, Aranas St., Poblacion, Mambajao, Camiguin

Website : www.depedcamiguin.com
E-mail Address : depedcamiguin@gmail.com, camiguin@deped.gov.ph
 2

FILIPINO
Ikalawang Kwarter – Modyul 1
Paghihinuha sa mga Mangyayari
Paunang Salita
Para sa tagapagdaloy:
Malugod na pagtanggap sa asignaturang Filipino Ikalawang Baitang ng
Alternative Delivery Mode (ADM) Modyul para sa araling Paghihinuha sa
mga Mangyayari
Ang modyul na ito ay pinagtulungang dinisenyo, nilinang at sinuri ng mga
edukador mula sa pampublikong institusyon upang gabayan ka, ang gurong
tagapagdaloy upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang
pansarili, panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-aaral sa mapatnubay
at malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang pan-21 siglo habang isinasaalang-alang ang kanilang mga
pangangailangan at kalagayan.
Bilang karagdagan sa materyal ng pangunahing teksto, makikita ninyo ang
kahong ito sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong o estratehiyang
magagamit sa paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang mag-

aaral kung paano gamitin ang modyul na ito. Kinakailangan ding subaybayan at
itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:
Malugod na pagtanggap sa Filipino Ikalawang Baitang Alternative Delivery
Mode (ADM) Modyul ukol sa Pghihinuha sa mga Mangyayari

ii
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa
pagkatuto.
Ang modyul na ito ay may mga bahagi at icon na dapat mong maunawaan.
Alamin Sa bahaging ito, malalaman mo ang mga
dapat mong matutuhan sa modyul.

Subukin Sa pagsusulit na ito, makikita natin kung

ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong
laktawan ang bahaging ito ng modyul.

Balikan Ito ay maikling pagsasanay o balik-aral

upang matulungan kang maiugnay ang
kasalukuyang aralin sa naunang leksyon.

Tuklasin Sa bahaging ito, ang bagong aralin ay

ipakikilala sa iyo sa maraming paraan
tulad ng isang kuwento, awitin, tula,
pambukas na suliranin, gawain o isang
sitwasyon.

Suriin Sa seksyong ito, bibigyan ka ng maikling

pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.

iii
Pagyamanin Binubuo ito ng mga gawaing para sa
mapatnubay at malayang pagsasanay
upang mapagtibay ang iyong pang-unawa
at mga kasanayan sa paksa. Maaari mong
iwasto ang mga sagot mo sa pagsasanay
gamit ang susi sa pagwawasto sa huling
bahagi ng modyul.

Isaisip Naglalaman ito ng mga katanungan o

pupunan ang patlang ng pangungusap o
talata upang maproseso kung anong
natutuhan mo mula sa aralin.

Isagawa Ito ay naglalaman ng gawaing

makatutulong sa iyo upang maisalin ang
bagong kaalaman o kasanayan sa tunay na
sitwasyon o realidad ng buhay.

Tayahin Ito ay gawain na naglalayong matasa o

masukat ang antas ng pagkatuto sa
pagkamit ng natutuhang kompetensi.

Karagdagang Gawain Sa bahaging ito, may ibibigay sa iyong

panibagong gawain upang pagyamanin
ang iyong kaalaman o kasanayan sa
natutuhang aralin.

iv
 Susi sa Pagwawasto Naglalaman ito ng mga tamang sagot sa
lahat ng mga gawain sa modyul.

Sa katapusan ng modyul na ito, makikita mo rin ang:

Sanggunian Ito ang talaan ng lahat ng

pinagkuhanan sa paglikha o
paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng modyul. Gumamit ng hiwalay na
papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang
gawaing napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain
at sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos
nang sagutin lahat ng pagsasanay.

Kung sakaling ikaw ay mahirapang sagutin ang mga gawain sa modyul na

ito, huwag mag-aalinlangang konsultahin ang inyong guro o tagapagdaloy.
Maaari ka rin humingi ng tulong kay nanay o tatay, o sa nakatatanda mong
kapatid o sino man sa iyong mga kasama sa bahay na mas nakatatanda sa
iyo. Laging itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng
makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!

v
vi
 Alamin
Tingnan ang nasa larawan. Ano kaya ang ginagawa ni Lita at
ng kanyang alagang si Muning? Sa palagay mo, bakit hinahabol ni
Lita ang kanyang alaga?

Baka naglalaro
sila ng habul -habulan.

Sa palagay ko, nagalit si Lita

dahil sinira ni Muning ang
kanyang laruan, kaya hinabol
niya ang kanyang alaga.

Magkapareho ba ang kanilang sagot? Kung ikaw ang

tatanungin ano ang iyong sagot? Ano kaya ang iyong hinuha o
palagay sa larawan?

1
 Subukin

Bago ka magpatuloy, sagutin mo muna ang panimulang

pagsubok.

Panuto: Piliin ang hinuhang maaaring mangyari sa

sumusunod na pahayag/teksto. Piliin ang titik ng
tamang sagot at isulat sa sagutang papel.

1. Kung ang bata ay magtatanim ng mga punongkahoy,

A. mapakinabangan ito ng mga tao
B. walang matitirahan ang mga hayop
C. magiging mainit at marumi ang paligid
D. wala itong maibibigay na tulong sa mga tao

2. Kung pinutol ng mga tao ang punong itinanim ng

bata,
A. presko at malamig ang hangin
B. maganda pa rin tingnan ang paligid
C. makapag-aani pa rin ng mga prutas
D. hindi na ito mapakinabangan ng tao

3. Kung magtutulungan ang mga tao sa pag-aalaga ng mga puno,

A. malalanta ang mga ito
B. wala na ang mga ito sa paligid
C. higit na lulusog at dadami ang mga ito
D. walang makukuhang pagkain ang mga tao

4. Nakapag-ipon si Jose mula sa kanyang baon. Isang

araw nagkasakit ang kanyang nanay at wala silang
pambili ng bigas.

2
 A. Nangutang siya sa kanyang tiyahin
B. Binili ni Jose ng bigas ang naipong pera
C. Binili ni Jose ng laruan ang naipong pera
D. Tiniis niya ang gutom dahil walang makain

5. Kailangan ni Daniel ng pera para pambili ng gamit sa

pag-aaral. Nagkataong may paligsahan sa kanilang paaralan sa
pagsayaw at pag-awit na may papremyo. Si Daniel ay mahusay
sumayaw.
A. Sumali siya sa paligsahan ng pag-awit.
B. Sumali siya sa paligsahan ng pagsayaw.
C. Ayaw niyang sumali dahil kinakabahan siya.
D. Wala siyang pakialam dahil ayaw niya ang premyo.

Aralin

1 Paghihinuha sa mga Mangyayari

Ang pagbibigay ng hinuha o palagay ay pagbibigay ng maaaring

mangyari sa nabasa o napakinggang teksto. Basahing mabuti at
unawain ang bawat pagsasanay upang masagot ang mga katanungan.

3
 Balikan
Panuto: Basahin nang mabuti ang kuwento at sagutin
ang mga tanong. Ibigay ang iyong hinuha batay
sa kuwentong binasa o batay sa iyong
karanasan.
Maging Malusog
Dapat panatilihing malusog, masigla at maligaya upang
maiwasan at ligtas sa sakit.
Paano ba ang maging malusog? Kailangang kumain ng wastong
pagkain. Nagpapalusog ng katawan ang masustansiyang pagkain.
Dapat din nating panatilihing malinis ang katawan sa pamamagitan ng
pagliligo araw-araw. Mag-ehersisyo upang lumakas ang ating
katawan. Nararapat din ang sapat na pahinga. Magsuot ng
maginhawang pananamit. Ugaliin din natin ang pagsusuot ng
facemask upang hindi tayo mahawaan sa anumang sakit. Dapat nating
sundin ang mga paalala upang katawan ay manatiling malusog at
masigla.

Panuto: Ibigay ang iyong hinuha o palagay batay sa

kuwentong binasa. Isulat ang titik ng tamang
sagot.
1. Gawin ang lahat upang manatiling malusog, masigla
at maligaya.
A. upang maiwasan at ligtas sa sakit
B. upang maging pasaway at tamad
C. upang maging masakitin at matamlay
D. upang maging maganda at mayaman

2. Si Ben ay isang batang malusog, masigla at matalino.

A. marahil mahilig siya sa matatamis na pagkain

4
 B. marahil palagi siyang umiinom ng kape at gatas
C. marahil kumakain siya ng mga de latang pagkain
D. marahil kumakain siya ng masustansiyang pagkain
3. Nakabubuti sa lahat ang pag-eehersisyo araw-araw.
A. Ito’y nagpapakinis ng kutis.
B. Ito’y nakapapagod ng katawan.
C. Ito’y nagpapalakas ng katawan.
D. Ito’y nagpapataba ng katawan.

4. Kailangan din ang sapat na pahinga at ugaliing

magsuot ng facemask .
A. para hindi mahawaan ng sakit
B. para hindi magkaroon ng tagihawat
C. para makaroon ng magandang katawan
D. para magkaroon ng maraming facemask
5. Naliligo araw-araw si Riza. Gusto niyang laging
malinis ang kanyang katawan.
A. baka ayaw niyang maglaro
B. baka gusto niyang lalong gumanda
C. baka ayaw niyang mag-ehersisyo araw-araw
D. baka gusto niyang maging malusog at ligtas sa sakit

Mga tala ng guro para sa mga mag-aaral

Basahin at unawaing mabuti ang kuwento o teksto sa
bawat pagsasanay upang masagot ang mga katanungan.

Tuklasin

5
 Panuto: Basahin at unawaing mabuti ang kuwento
at sagutin ang mga tanong sa ibaba.

Mabait na Kapitbahay
Malamig ang gabi kaya mahimbing ang tulog ng mga tao.
Biglang may malakas na putok at may sumigaw. Naglalabasan ang
mga tao at nakita nila na nasusunog ang isang bahay. Dali-daling
kumilos ang bawat isa. May tumawag ng bumbero at halos lahat ay
nagtutulungan sa pagkuha ng tubig upang maisalba ang bahay. Unti-
unting napatay ang apoy dahil sa pagtutulungan ng mga tao.
Dumating ang bumbero upang tiyakin na ligtas na sa sunog ang
bahay.
“Malaki ang bahay namin. Doon muna kayo titira
pansamantala”, sabi ni Mang Floro. “Kami naman ang bahala sa
iyong pagkain habang inaayos pa ang mga kailangan ninyo”, sabi
naman ng mag-asawang Dela Cruz. “Bukas magpapatawag ako ng
pulong upang planuhin ang pagsasaayos sa inyong bahay”,sabi ng
Punong Barangay. Luhaang nagpapasalamat ang pamilya ni Mang
Ambo. ( source: LM Filipino 2, 2013)

Panuto: Ibigay ang iyong hinuha sa kalabasan ng mga pangyayari

batay sa kuwentong inyong nabasa. Isulat ang titik ng
tamang sagot sa sagutang papel.
1. Payapa ang panahon, walang tunog na marinig sa
paligid, mahimbing ang tulog ng mga tao.
A. marahil masama ang panahon
B. marahil wala ng tumira sa lugar
C. marahil hatinggabi na at malamig ang panahon
D. marahil takot ang mga taong lumabas dahil sa aswang
2. Naglalabasan ang mga tao sa kani-kanilang bahay at
nagsisigawan.
A. may baha
B. may sunog
C. may bagyo
D. may parada
3. Unti-unting napatay ang apoy at naisalba ang bahay.
A. dahil nataranta ang mga tao
B. dahil nag-away ang mga tao

6
 C. dahil nagtulungan ang mga tao
D. dahil nag-agawan ang mga tao
4. May bumberong dumating sa lugar ng nasunugan.
A. upang hulihin ang mga nasunugan
B. upang pagalitan ang mga nasunugan
C. upang makiusyuso sa mga taong lumabas
D. upang tumulong at tiyakin na ligtas na ang lugar
5. Luhaang nagpasalamat ang pamilya ni Mang Ambo
sa tulong ng kanilang kapitbahay.
A. nagalit sila sa nangyari
B. nahiya sila sa nangyari
C. nalungkot sila sa nangyari
D. natuwa sa mga tulong na natanggap

Suriin
Panuto: Basahin nang mabuti at ibigay ang angkop na hinuha o
palagay. Isulat ang titik ng tamang sagot.
1. Tuwang-tuwa ang iyong kaklase nang siya’y dumating
sa paaralan.
A. marahil siya ay nadapa
B. marahil umiiyak siya sa tuwa
C. marahil nakatanggap ng regalo
D. marahil sumakit ang kanyang tiyan
2. Masayang–masaya si Ramon na lumapit sa kanyang
ina sabay halik sa mukha nito.
A. siguro nagpapansin lang siya
B. siguro humihingi siya ng baon
C. siguro masakit ang kanyang tiyan
D. siguro binabati niya dahil kaarawan ng nanay niya
3. Umiiyak nang malakas ang sanggol na bagong gising.
A. dahil inagawan siya ng laruan
B. dahil gusto na niyang lumakad
C. dahil kinarga siya ng kanyang nanay
D. dahil nagugutom siya at gustong umiinom ng gatas

7
4. Umulan nang malakas at may kasamang malakas na
hangin. Nabuwal ang mga puno at nagliparan ang mga bubong ng
bahay.
A. may baha
B. may lindol
C. may sunog
D. may bagyo

5. Si Gabriel ay nagsusuot ng facemask kahit saan siya

magpunta.
A. marahil matatakot siyang mahawaan ng sakit
B. marahil pogi siyang tingnan kapag suot niya ito
C. marahil mahihiya siyang makita ang kanyang ngipin
D. marahil matatakot siyang madumihan ang kanyang mukha

Pagyamanin
Ginabayang Gawain
Panuto: Basahin at unawaing mabuti ang kuwento at sagutin ang mga
tanong sa ibaba.

Butas Pala!
Sabado ng umaga, maagang gumising
si Katrina. Kumain siya ng almusal at inihanda
ang sarili dahil pupunta siya sa palengke upang
magtinda ng mga mangga na nakuha ng
kanyang tatay sa kanilang likod-bahay.
Hapon na nang maubos ang paninda ni Katrina.
Dali- dali siyang umuwi dala niya ang pera.
Lumakad siya buong sigla sabay ang pagkanta.
Pagdating niya sa bahay dali-dali niyang
dinukot ang pera sa kanyang bulsa. Bigla na lang
siyang namangha at pinapawisan dahil wala na ang
laman nito. Butas8 pala ang kanyang bulsa.
Panuto: Ibigay ang iyong hinuha sa kalabasan ng pangyayari batay sa
kuwentong iyong binasa. Isulat ang titik ng tamang sagot sa sagutang
papel.
1. Maagang gumising si Katrina, kumain ng almusal at
nagbihis.
A. pupunta siya sa parti
B. pupunta siya sa paaralan
C. pupunta siya sa palengke
D. pupunta siya sa simbahan
2. Ang mga manggang itinitinda ni Katrina ay nakuha ng
kanyang tatay sa likod-bahay.
A. marahil bumili ng mangga ang kanyang tatay
B. marahil binigyan ng mangga ang kanyang tatay
C. marahil nagtanim ng mangga ang kanyang tatay
D. marahil nanghingi ng mangga ang kanyang tatay
3. Dali-daling umuwi si Katrina at lumakad nang buong
sigla sabay ang pagkanta.
A. masaya siya dahil nakabili siya ng laruan
B. masaya siya dahil pinauwi na siya sa bahay
C. masaya siya dahil kinain niya ang mga manga
D. masaya siya dahil naubos ang lahat ng kanyang paninda
4. Pagdating sa bahay dali-daling dinukot ni Katrina ang
pera sa bulsa.
A. baka pinagalitan na siya ng tatay
B. baka sabik na niyang ibili ang pera ng pagkain
C. baka gusto na niyang ihulog ang pera sa alkansiya
D. baka sabik na niyang ibigay ang pera sa kanyang
tatay
5. Bigla nalang namangha at pinapawisan si Katrina nang
nalaman niyang wala na ang kanyang pera sa
kanyang bulsa.
A. marahil nadapa siya at nasaktan
B. marahil biglang sumakit ang kanyang tiyan
C. marahil bigla siyang pinagalitan ng kanyang tatay
D. marahil nanghihinayang siya sa perang nawala dahil sa butas
niyang bulsa

9
 Malayang Gawain
Panuto: Basahin at unawaing mabuti ang kuwento.

Si Mang Nardo

Si Mang Nardo ay mahusay mag-alaga ng manok. Sinisiguro

niya na nabibigyan niya ito ng pagkain. Araw-araw, lagi niyang
winawalisan at tinatabunan ng lupa ang mga dumi ng manok. Ayaw
niyang magreklamo ang kanyang mga kapitbahay na mabaho at
marumi ang kanyang manukan. Pagkatapos maglinis ay nakikinig siya
ng drama sa radyo.
Isang araw, habang kumukuha siya ng tubig sa dram ay
nagpuputakan ang mga manok. Dali-dali siyang pumunta sa
kinalalagyan ng manok. Laking gulat niya sapagkat ang bawat
kulungan ng manok ay may maraming itlog. Halos lahat ng manok ay
may itlog. Kinuha niya ang mga itlog sa bawat kulungan at inayos
ayon sa laki.
Masayang-masaya si Mang Nardo dahil marami silang
maibebentang itlog sa palengke. Ang ibang itlog naman ay ibibigay
niya sa kanyang kapitbahay. Hindi nakakalimutan ni Mang Nardo na
ibahagi sa iba ang kanyang biyayang natatanggap.
Ang Bagong Batang Pinoy 2, LM ph.168-169

Panuto: Ibigay ang iyong hinuha sa kalabasan ng

10
 pangyayari o sitwasyon batay sa kuwentong iyong binasa.
Isulat ang titik ng tamang sagot.

1. Nagpuputakan ang mga manok habang kumukuha ng

tubig si Mang Nardo sa dram.
A. Nangingitlog ang mga manok.
B. Kinain ng ahas ang mga manok.
C. May pusa na nakapasok sa kulungan
D. Pinalabas ang mga manok sa kulungan.
2. Masaya si Mang Nardo nang nakita niya ang mga itlog.
A. may lulutuin na siyang ulam
B. kakainin ng kanyang mag-anak ang mga itlog
C. marami siyang maibebentang itlog sa palengke
D. may maibibigay na siyang itlog sa kanyang mga kaibigan
3. Iba-iba ang laki ng kanyang mga itlog.
A. ang bibili na ang pipili sa laki ng itlog
B. ihiwa-hiwalay ang mga itlog ayon sa laki
C. ihalo ang mga itlog kahit ibat-iba ang laki
D. iwanan nalang sa kulungan ang maliliit na itlog
4. Halos lahat ng manok ay nangitlog.
A. pinakain niya ng bigas at mais
B. sinabihan niyang mangitlog silang lahat
C. malaki-laki ang manukan ni Mang Nardo
D. inalagaang mabuti ni Mang Nardo ang mga manok
5. Walang reklamo ang kanyang mga kapitbahay na
mabaho at marumi ang kanyang manukan.
A. Nilinis ng mga kapitbahay ang manukan.
B. Nilinis niya araw-araw ang kanyang manukan.
C. Tiniis ng mga kapitbahay ang malansang amoy.
D. Nag-isprey si Mang Nardo ng air freshener
sa manukan.

Tayahin
Panuto: Basahin at unawain nang mabuti ang bawat sitwasyon sa
Hanay A at ibigay ang iyong hinuha sa pamamagitan ng pagpili
ng sagot sa Hanay B. Isulat ang titik ng tamang sagot.

11
 HANAY A HANAY B
1. Maraming tao sa loob, lahat ay abala sa a. sa simbahan
pamimili. May bumaba at paakyat sa escalator.
Saang lugar kaya sila?
2. Nakabihis nang maayos si Mateo paglabas sa b. may parada
kwarto. Tuwang-tuwa ang mga bisitang nasa
hapag kainan. Paglapit niya sa mesa hinipan niya
ang kandila sa gitna ng keyk. Ano sa inyong
palagay ang okasyon?
3. Araw ng Linggo, maagang gumising ang buong c. kakain ng
pamilya. Nagbihis nang maayos ang lahat. Saan pananghalian
kaya ang lakad nila?
4. Nakahanda na ang mga pagkain sa mesa. d. kaarawan
Tinawag ng nanay ang lahat sa hapag kainan. Ano
sa inyong palagay ang kanilang gagawin?
5. Maraming tao ang nasa paligid ng daan. May e. sa mall
pinatutugtog na musika gamit ang drum at
xylophone na instrumento. Mayroon ding
sumasayaw na mga batang babae na may hawak na
baton. Masaya ang paligid.

Isaisip
Panuto: Sagutin ang mga sumusunod:
1. Bakit kailangang unawain nang mabuti ang teksto o kuwentong
iyong binasa?
2. Paano mo maibigay ang iyong hinuha sa kalabasan ng pangyayari
o sitwasyon sa teksto o kuwentong iyong binasa o napakinggan?
3. Ano ang ibig sabihin ng hinuha?
Ipagpalagay na hindi mo pa nabasa ang isang teksto. Magagawa
mo kaya na mabigyang kahulugan ang pamagat nito? Sa anong paraan?

12
Makabubuo ka ng maraming hinuha habang nagbabasa batay sa iyong
sariling karanasan.
Paghihinuha o Pagpapalagay (Inferencing)
Kapag nagpapaliwanag o nagbibigay ng maaaring mangyari sa
nabasa o napakinggang teksto o kuwento, ikaw ay gumagawa ng
paghihinuha o pagpapalagay. Ang pag-unawa sa diwa ng isang pahayag
ay nagagawa sa iba’t-ibang paraan. Di ba’t minsa’y napaliwanag mo
ang kahulugan ng isang di-tuwirang pahayag sa teksto? Nasasagawa mo
ito sa tulong ng mga pahiwatig at ng iyong sariling kaalaman sa paksa.

Ang hinuha o palagay at implikasyon ay halos nagbibigay ng

kahulugan. Nagkakaiba lamang ang mga ito batay sa kung sino ang
gumagawa o tumatanggap ng ideya o kaisipan. Ang manunulat at
tagapagsalita ay nagpapahiwatig o nagbibigay ng implikasyon. Ang
mambabasa o tagapagsalita ang nagpapalagay o nagbubuo ng hinuha.
Sa paghihinuha, epektibong mapapahayag kung gagamitin ang
mga panandang: siguro, marahil, baka, waring, tila, sa aking palagay, sa
tingin ko, maaaring at iba pa.

Isagawa
Panuto: Ibigay ang iyong hinuha sa mga sumusunod na
pahayag. Piliin ang titik ng tamang sagot.
1. Kung ang isang bata ay masunurin sa kanyang mga magulang,
A. magagalit sila
B. malulungkot sila
C. magyayabang sila
D. magiging masaya sila
2. Kung tumutulong ang mga bata sa paglilinis ng silid aralan marahil
ang guro nila ay…
A. matutuwa
B. magagalit
C. matatakot
D. magugulat

13
3. Pauwi na si Peter galing sa paaralan, habang naglalakad sa kalsada
sinunod niya ang batas trapiko.
A. masagasaan siya
B. pagtawanan siya
C. huhulihin siya ng pulis
D. maayos ang kanyang pagtawid
4. Sinusunod ni Rey ang pagsisipilyo ng ngipin pagkatapos kumain.
A. sasakit ang kanyang ngipin
B. masisira ang kanyang ngipin
C. magiging marumi ang kanyang ngipin
D. magiging matibay ang kanyang ngipin
5. Sinasabi ng nanay na hindi magbababad sa celpon sa paglalaro ng
mga online games.
A. maaari itong makasira ng mata
B. maaari itong makapagpagaling
C. maaari itong makapagpaganda
D. maaari itong magpapalinaw ng paningin

Tayahin (Assessment)
Panuto: Ibigay ang iyong hinuha sa kalabasan ng mga pangyayari sa
mga sumusunod na pahayag o teksto. Isulat ang titik ng tamang
sagot sa sagutang papel
1. Nakabihis itim ang Pamilya Reyes. Malungkot at nag-iiyakan ang
iba. May nagdadasal at nagbibigay ng abuloy.
A. may pista
B. may burol
C. may kasalan
D. may binyagan

2. Lahat ng mga tao ay masaya. Nakabihis ng dilaw ang

mga dalaga at barong tagalog naman ang mga
binata. Ang paligid ay napuno ng magagandang
bulaklak. Sa pagtugtog ng musika, naglakad ang
babaeng nakasuot ng puting mahabang damit at may
hawak na bulaklak.

14
 A. marahil may parada
B. marahil may kasalan
C. marahil may paligsahan
D. marahil may palatuntunan

3.Tumunog ang kampana ng simbahan. Ang pamilya ni Aling Soling

ay nagbibihis nang maayos. Sila ay handa ng pumunta sa
simbahan.
A. marahil dadalo sila ng misa
B. marahil maliligo sila sa dagat
C. marahil dadalo sila ng binyag
D. marahil pupunta sila sa palengke

4. Ang mga tao ay nagsigawan at nagsitago sa ilalim ng

mesa at upuan. Maya’t-maya ay nagsilabasan sila at
pumunta sa malawak na espasyo o lugar.
A. baka may baha
B. baka may lindol
C. baka may sunog
D. baka may pumutok na bulkan

5. Laging sinusunod ni Rosa ang utos ng kanyang mga magulang.

Tagubilin parati nila na maglilinis ng bahay at huwag magpapasok
ng mga taong di-kilala habang wala sila. Masaya naman niya itong
sinusunod.
A. Si Rosa ay isang batang matipid.
B. Si Rosa ay isang batang malikhain.
C. Si Rosa ay isang batang masunurin.
D. Si Rosa ay isang batang mapagmahal.

Yeheey!
Tapos na ako!

15
 Susi sa Wastong Sagot

Subukin Balikan Tuklasin

1. A 1. A 1. C
2. D 2. D 2. B
3. C 3. C 3. C
4. B 4. A 4. D
5. B 5. D 5. D

Suriin Ginabayang Malayang Gawain

1. C Gawain 1. A
2. D 1.C
2. C
3. D 2.C
4. D 3.D 3. B
5. A 4.D
4. D
5.D
5. B
16
Tayahin Isagawa Tayahin
1.D 1.B
1.E 2.A 2.B
2.D 3.D 3.A
3.A 4.D 4.B
4.C 5.A 5.C
5.B

Sanggunian

17
Dir. Lydia B. Liwanag 1999. Landas sa Wika at Pagbasa
2.
Dane Publishing House, Inc.

Alma M. Dayag. Pinagyamang Pluma 3 Ikalawang

Edisyon.
Phoenix Publishing House

Nilda S. D. Garcia, etal.Ana Bagong Batang Pinoy 2

Unang Edisyon 2013
Rex Book Store, Inc.

18
Para sa mga katanungan o puna, sumulat o tumawag sa:

Department of Education – Division of Camiguin

B. Aranas St., Poblacion, Mambajao, Camiguin Province

Email Address: depedcamiguin@gmail.com, camiguin@deped.gov.ph

Cellphone no: 09057284681