Luke 10: 38 - 42

Characters
● Ministry leader
● Mentor 1
Mentor 2
● Mentor 3
● Mentor 4
● Mentee
● Mentee 1st child
● Mentee 2nd child

Props

● Kagamitan sa bahay (Living Room and Kitchen)

● Upuan
● Goods

Setting 1: COG – Abraham Room

SCENE 1: Ladies Ministry Meeting

Narrator: Sa kalagitnaan ng ladies Ministry meeting

Ministry leader : remind ko lang sa bawat grupo na alagaang mabuti ang bawat pamilyang
Napili ninyo. Kahit once a week nyo silang i-c2s.

Mentors: Amen po ( sabay sabay)

Narrator: Araw ng Paghayo. (May daladala ang grupo na kaunting goods para s pamilyang
kanilang pupuntahan.)

SCENE 2: Sa Kalsada Patungo sa Bahay nina Roda

Mentor 1: ui sis sana nman andun ung buong family ni ate Roda para makapakinig silang lahat
no?

Mentor 2. Oo nga, nakakatuwa sya, malalaki na ang mga anak nya at mukhang mababait din.

Mentor 3. Kaya nga. Andun din sana ung mister nya no.

Mentor 4; sana nga. Mas maganda nga kung andon sila lahat. But anyway wag nating
kalimutan invite sila mag church bukas ha. And if possible sa Friday fellowship.

Narrator: nasa harapan sila ng bahay ni ate Roda.

SCENE 3: Sa Salas ng Bahay

Mentors 1,2: tao po ! Magandang araw po ate Roda!

Ate Roda: (lalabas ng bahay habang nagpupunas ng kamay sa damit) ay! Kayo po pala, tuloy
tuloy po kyo.
(Sumilip narin ang dalawang dalaga sa may pinto)

Child 1 and 2: (kumuha ng ilang upuan sa kusina)

Ate Roda: maupo po kayo. Salamat naman po at nakarating kayo today.

Narrator: naupo na ang lahat at nagsimulang magkamustahan

Mentor 1. Kamusta naman po kayo ate Roda?

Ate Roda: mabuti nman po, eto nakakaraos kahit hirap.
Mentor 2: opo hindi po nagpapabaya si Lord, kahit mahirap ang buhay naiiraos nman natin ang
bawat araw.
Mentor 3: ilang taon na nga po pala itong mga dalaga ninyo?
Child 1: ako po si Lea 17 po nasa senior high po.
Mentors: (tatango tango)
Mentor 4: saan ka nagaaral anak?
Child 1: Sa pcu po sa Dasma..
Mentor 1: ahhh, ikaw anak?
Child 2: Ako po si Anie, 14 po ako , dyan po ako sa Vito napasok.
( tatango tango ang lahat)
Mentor 2: (kinuha ang dalang goods) bago nga po pl tayo magsimula nais po naming iabot sa
inyo ang munti naming nakayanan.
Ate Roda: (tuwang tuwa) naku, salamat po ng marami. Nagabala pa po kayo.
(Iniabot ni Ate Roda kay Lea ang goods)
Mentor 3: wala pong anuman yon. Tayo po ay magsimula na sa pagaaral ng salita ng Diyos.

Leah: (dala dala ang mga goods) aayusin ko lng po ito at ipaghahanda ko rin po kyo ng
pampalamig. (Dumiretso sa kusina)

Narrator: Nagsimula nang mag C2s. Si Annie ay matamang nakikinig sa mga mentors.
Mayamaya ay tatawagin ni Lea si Ate Roda.
SCENE 4: Sa Kusina
Leah: Nay saglit nga po!
(Magpapaumahin si Ate Roda sa mga mentors)
Ate Roda: anu yon nak?

Leah: tingnan mo nga iyang si Annie nay! Sarap ng upo doon. ( nakasimangot) ayaw man lang
akong tulungan d2.
(Saktong papasok sa kusina si Mentor 4 para makiihi, at maririnig ang usapan ng mag
ina.)
(Lalapit sa mag- ina at papaliwanagan si Lea)
Mentor 4: Lea, sis may magandang paliwanag dyan katanungan mo. Siguro ay narinig mo na
ang storya ni Marta at Maria noong minsang dumalaw sa kanilang lugar si Hesus. Pinatuloy sila
ni Marta na kapatid ni Maria. Dahil si Marta, ay sobrang abala sa paghahanda para sa kanilang
panauhin at marahil ay napagod na rin, tinanong nya si Hesus, kung hindi ba mahalaga kay
Hesus na iniwan daw sya ni Maria sa “paglilingkod”, dahil si Maria ay naiwan sa loob ng bahay
kasama nina Hesus at ng mga disipulo, at nagrequest sya na patulungan naman sya. Pero
sinagot sya ni Hesus ng ganito, “Marta, Marta, ikaw ay nababalisa at nababagabag sa
maraming mga bagay. Mayroong isang kinakailangan at pinili ni Maria ang mabuting bahagi na
hindi makukuha sa kaniya.” Ano ang pinili ni Maria?

Leah: Nakinig po sa pangangaral ni Hesus.

Mentor: At base dun sa usapan nila, sino ang mas kinalugdan ng Panginoon?

Leah: si Maria po.

Mentor: Bakit daw?

Leah: Dahil po mas pinili nya ang “kinakailangan” at mabuting bahagi na hindi makukuha sa
kanya.

Mentor: Ano po ba ang ginawa ni Maria?

Leah: Nakinig po sa pangangaral ni Hesus.

Mentor: Samakatwid sis, mas kinalugdan ng Panginoon ang nakinig sa kanyang mga aral
kaysa sa nagpakapagod ng pisikal para siya ay kalugdan ng Dios.

Leah: Naunawaan ko na po, na mas mahalaga ang pag-aaral at pakikinig ng salita ng Dios
kaysa anumang mga kaabalahan natin. Salamat po. Cge po, makikinig na rin po muna ako sa
loob.

(Magkakasamang papasok sa salas si Mentor 4, Aling Roda at Leah).