CUPAK GRANTANG

Ada katuturan satua, I Cupak teken I Grantang. Manyama ajaka dadua. I Cupak
ane kelihan, I Grantang ane cerikan. I Cupak gobanne bocok, kumis, jempe, kales
brenges, bok barak kekeh alah duk. Basang gede madaar kereng pesan. Akuskusan
daaran acepok. Nanging adine, I Grantang len pesan. Pangadegne lanjar, goba alep
asing anake nepukin makejang ngedotang. Kemikane manis tur anteng magarapan.
Kacrita sedek dina anu. I Cupak ajak I Grantang matekap di carike. I Grantang
matekap nututan sampi, nanging beline I Cupak malali dogen, Tusing runguanga adine
magae. Suba suud I Grantang matekap mara I Cupak teke uli malali.
Yadiastu keto bikas beline masih penampene I Grantang. I Grantang ngomong
munyine alus. "Kema beli maluan mulih tiang lakar manyus alu abedik. I Cupak masaut
gangsar, "lamun keto kola lakar maluan mulih, adi" Cupak laut majalan mulih. Suba joh
liwat uli sig I Grantange, manjus lantas I Cupak meguyang di endute kanti awakne misi
endut. I Cupak nyaru majalan ngamulihang jlempah jlempoh.
Kacrita jani suba teked ia diwangan umahne laut ia gelur-gelur ngeling. Meme
Bapane tengkejut nyagjag laut nakonin. "Cening-cening bagus ngudiang cening padidi
mulih monota, adinceninge dija? "Masaut I Cupak sambilanga ngeling" kola anak uli
semengan matekap. I Grantang anak melali dogen uli semengan ngenemin luh-luh.
"Mara monto I Cupak masadu bapanne suba brangti teken I Grantang, Bapanne
ngrumrum I Cupak. 'i Nah mendep dewa mendep, buin ajahan lamun teka I Grantang
Iakar tigtig bapa, lakar tundung bapa uli jumah. Lega keneh I Cupake ningeh Bapanne
pedih teken I Grantang. Apang tusing ketara dayane jele, I Cupak pesu ngaba siap lakar
mabombong.
Mangkin, kacrita I Grantang suba ngamulihang uli di carik. I Grantang majalan
jlempah-jlempoh kabatek baan kenyelne kaliwat. Suba teked jumahne sahasa bapanne
teka nyagjag nyambak tur nigtig. Bapanne ngomong "makaad cai makaad Grantang".
Nirguna bapa ngelah panak cai. Goba melah, solah jele tur tuara demen nyemak gae.
Dija cai maan ajah-ajahan keto?" I Grantang ngeling sigsigan merasa teken dewek kena
pisuna. Ngomong laut I Grantang ajak bapanne pegatpegat, "Nah bapa yan suba keto
keneh bapanne lakar nundung tiang uli duma, tiang nrima pesan tresnan bapanne
ento. Dumada sapakat tiange uli jumah bagia idup miwah belin tiange I Cupak.
"Amonto I Grantang ngomong teken Bapanne laut majalan makaad uli jumah. 1
Grantang jlempah-jlempoh majalan naanang basing seduk. Sakit kenehne ningeh
munyon bapanne.
Suba joh I Grantang liwat, teka lantas I Cupak tur nakonang adine I Grantang.
Meme . . . Bapa adin kolane dija ? "Masaut bapanne getar," Adin I Dewane suba tigtig
bapa, suba tundung bapa uli jumah. Jani apang tuanangga rasan mayusne ento. Mara
keto pasaut bapanne I Cupak ngoling gelur-gelur tur mamunyi. "Ngudiang ketoang
bapa adin kolane. Adi tundung bapa adi koline dija jani alih kola adin kolane ? Anak
kola anak anak kola ane mayus magae, ngudiang adin kolane tundung bapa ? "Ningeh
munyin I Cupake keto dadi engsek Meme bapanne, marasa teken dewek pelih. "Jani
kola lakar ngalih adin kolane, gaenang kola takilin !" Masepan-sepan Memene
ngaenang I Cupak takilan.
Kacrita jani I Cupak ninggal umah ngalahin meme bapanne lakar ngruruh I
Grantang, Gelur-gelur I Cupak ngaokin adine "Adi .. . Adi ... Adi Grantang ene kola teka
ngaba takilan . . . Adi!" Pamragat bakat baana nugtug adine, tepukine di tengah alase.
Ditu lantas I Cupak mapasihin adine. "Adi jalan Adi mulih, ampurayang beli adi, jalan
adi mulih!" I Grantang masaut alon, "kema suba beli mulih padidi, depang tiang
naanang sakit ati, diastu emasin tiang mati. Apa puaran tiange idup tusing demenin
rerama. "Lamun adi tusing nyak mulih kola lakar bareng nugtug adi, natakin panes tis,
suka duka ajak dadua. Jalan mareren malu adi, kola kenyel pesan nugtug adi uli jumah.
Ene kola ngaba takilan, jalan gagah ajak dadua.
"I Cupak lantas nunden adine ngalih yeh,"kema adi ngalih yeh, kola nongosin
takilane dini. Nyrutcut I Grantang ngalih yeh. Suba liwat I Grantang ngalih yeh, pesu
dayane I Cupak lakar nelahang isin takilane. Sepan-sepan I Cupak ngagah takilane
lantas daara telahanga. Suba telah, kulit takilane besbesa tur uruna ditanahe I Cupak
nyaru-nyaru pules geris-geris. Teka I Grantang ngalih yeh, dapetanga takilane mura di
tanahe. Lantas I Cupak dunduna teken I Grantang. I Cupak mapi-mapi kapupungan.
"Aduh adi, apa mesbes takilane ? Bas makelo adi ngalih yeh kanti takilan bakat kalain
pules. Nah ene enu lad-laadane jalan gagah ajak dadua. "Masaut I Grantang," nah daar
suba beli tiang tusing merasa seduk!" I Cupak madaar padidi, ngesop nasi nginem yeh,
celekutan nigtig tangkah. Suud madaar I Cupak taag-taag nyiriang basang betek.
I Cupak ajak I Grantang buin nglanturang pajalanne. Jadi kacrita ia neked di desa
Bencingah Puri Kediri. Di desane ento suung mangmung. Tusing ada anak majlawatan.
I Cupak ngetor sambil nglanturang pajalanan. Jani ia suba teked di Puri Kedirine ditu
ada peken. Di pekene masih suung mangmung tuah ada dagang nasi aukud mengkeb
madagang. I Grantang matakon, "nawegang jero dagang nasi, titiang matur pitaken,
napi wastan jagate puniki, napi mawinan jagat druwene sepi. I Dagang nasi masaut,
"jagate puniki mawasta jagat Kediri. Jagate puniki kena bencana. Putran Ida Sang
Prabu kapandung olih I Menaru. Ida Sang Prabu ngamedalang wecana, sapasira jagi
mrasidayang mademang I Menaru jagi kadegang agung ring jagate puniki, Wantah
putran Ida jagi kaparabiang ring sang mademang punika. "I Cupak masaut elah, "ah
raja belog kalahang Menaru. Kola anak suba bisa nampah menaru, kema orahang
teken rajane dini. Bantas menaru aukud elah baan kola ngitungang.
"1 Grantang megat munyin beline, "eda beli basa sumbar ngomong, awak tusing
nawang matan Menaru. Patilesang ragan beline di gumin anak. 'XI Cupak bengkung
mapalawanan, "Adi bas matata, adi mula getap. Kalingke maupah ngodag gumi, baang
ngidih nasi dogen beli nyak ngamatiang I Menaru. "I Grantang nglanturang munyine
teken jero dagang nasi. "Inggih jero dagang nasi durusang mrika uningang ring Ida
Sang Prabu. Titiyang jagi ngaturang ayah, ngamademang ipun I Menaru. "I dagang nasi
lantas gegison tangkil kapuri. Nganteg di puri, I dagang nasi matur, "inggih Ratu Sang
Prabu susuhunan titiyang, puniki wenten tamiu sareng kalih misadia jagi
ngamademang I Menaru. Mara keto atur I Dagang Nasi, ledang Ida Prabu ngandika,
"Kema tunden ia tangkil ke puri apang tawang gelah!" I Dagang nasi ngenggalang
ngalih I Cupak teken I Grantang. Nganteg di peken dapetange masehin lima mara suud
madaar. I Grantang kimud kenehne nepukin beline setata ngaba basang layah.
I Grantang lantas ngomong/'nawegang jero dagang nasi belin titiange i wawu
ngambil ajengan ledang jero ngampurayang saantukan titiang nenten muat jinah". I
Cupak masaut "saja kola nyemak nasi, ampura kola, tusing sida baan kola naanang
basang layah". I Dagang Nasi angen kenehne ningeh munyine I Grantang. Munyin I
Cupake tan kalinguang. I Dagang Nasi laut nekedang pangandikan Ida Sang Prabu,
apang tangkil ajak dadua. I Cupak ajaka I Grantang mapamit ajak I Dagang Nasi.
Teked di puri liu panjake malaibt kaden I Menaru. Kacrita mangkin sampun teked
di puri, Ida Sang Prabu ngandika "eh cai ajak dadua cai uli dija, nyen adan caine ? I
Grantang matur alon. Nawegang titiyang ratut tityang I Grantang, puniki belin titange I
Cupak. Titiang misadia janten ngamademang meseh ipun Menaru, I Cupak ngomong
"kola seduk, kola lakar ngidih nasi abetekan. Basang kolane layah. Suud keto I Cupak
ajak I Grantang mapamit. Ida Prabu mapica bungkung mas masoca mirah teken
pajenengan Puri Kediri.
Ento pinaka cirin I Grantang dadi utusan. Gelisin cerita I Cupak bedak, lantas
nepukin tlaga linggah bek misi yeh. I Cupak lantas morahan teken adine. "Adi mareren
malu adi, kola bedak, kola ngalih yeh ditu tur ngedeng limanne. "Eda beli ditu ngalih
yehf ento yeh encehne I Menaru tusing dadi inem, beli!" "Ningeh munyin adine keto I
Cupak makesiab ngatab-tab muanne putih lemlem. I Grantang nutugang majalan, Buin
I Cupak nepukin gegumuk maririgan. I Cupak matakon teken adinet "nyen ane ngae
gunung-gunungan dini "Ene tusing ja gunung-gunungan beli, ene taine I Menaru beli, I
Cupak nyerit baan takutne. "Aduh mati jani beli adie yan amune geden tainne lamun
apa ya gedenne I Menaru, adi? Jalan suba mulih adi!"
I Grantang ngewalekang belinne ane gedenan sanggup. Ngudiang beli keto belie
Tusing dadi anak ngelong janji. I Grantang ngancangang majalan ngungsi umah I
Menarune. I Cupak bejag-bejug nutug I Grantang. Critayang mangkin I Cupak ajak I
Grantang suba teked disisin goan I Menaru, Umah I Menaru ditengah goane. I Cupak
laut ngomong "Adi kola tusing bani tuun adi, adi dogen suba masiat nglawan I Menaru.
Kola ngantiang dini," Kewala ngidih olas kola teken adi tegul kola dini adi! Bincuh I
Grantang ngalih tali anggone negul I Cupak.
 Suba suud I Grantang negul beline, I Grantang laut matinget beline, "ene tingalin
tumbake buin ajahan beli". Yan bah kangin tumbake ento cirin tiange menang di
pasiatan. Yen bah kelod tumbake ento cirin tiange katah. "I Grantang laut tuun ka
goane. Teked di tengah goane dapetanga I Menaru nagih marikosa Reden Dewi. I
Menaru matolihan tur matbat I Grantang. "Ih iba manusa cuil, wanen iba teka mai. Yan
iba mabudi idup matulak iba mulih! "I Grantang masaut wiring." Apa orahang iba
Menaru? Kai teka mai mula nyadia lakar ngalahang iba." "Kai lakar mendak Ida Raden
Dewi putran Sang Prabu. Kai lakar ngiring ida ka puri. I Menaru lantas ngelur brangti
laut ngamuk. I Grantang lantas nebek I Menaru aji keris pajenengan. I Menaru ngelur
kasakitan basangne embud mabrarakan.
Kacrita jani I Cupak baduuran ningeh I Menaru ngelur. I Cupak pesu enceh,
tetegulane telah pegat. I Cupak lantas ningalin tumbake suba bah kangin. Mara I
Cupak masriang kenehne liang. I Cupak laut ngomong, "Adi antos kola adi. Yan tusing
kola maan matanding ajak I Menaru jengah kola, adi". I Grantang ngomong uli goane
teken I Cupak". Beli tegarang entungang tali bune ke goane. I Cupak rantas
ngetungang taline ento. I Grantang ngemban Ida Raden Dewi ngamenekan. I Grantang
ngomong, "Beli ene jemak malu Ida Raden Dewi. I Cupak lantas nyemak tur Ida Raden
Dewi kasirepang di batan punyan kayune. I Cupak ngenggalang megat tali bune. I
Grantang ulung ngluluk di tengah goane.
Kacritayang mangkin I Cupak ngiring Ida Raden Dewi nuju Puri Agung. Tan
kacritayang di jalan I Cupak suba neked di Purine. Ida Sang Prabu ledang kayunne tan
sipi, gelis nyaup Ida Raden Dewi. Ida Sang Prabu raris matemuang Raden Dewi teken I
Cupak sawireh I Menaru suba mati. I Cupak ngorahang I Grantang suba mati lempaga
baan I Menaru. I Cupak mangkin kadegang agung ring pura. Kacritayang jani I Cupak
sampun madeg agung ring puri. Makejang panjake keweh sasukat madeg I Cupak.
Sadina-dina gegaene nguling.
Critayang mangkin I Grantang di tengah goane. I Grantang grapagrepe bangun
nyelsel awak, "nguda kene lacure numadi". I Grantang nemuang daya bakal nganggon
tulang I Menarune menek. I Grantang jlempah-jlempoh menek. Saking swecan Ida
Sang Hyang Widhi, I Grantang ngidaang ngamenekan. I Grantang jani suba neked dj
baduuran. I Grantang lantas nutugang pajalane nuju ka puri. Kacritayang mangkin I
Grantang suba teked di puri. Ditu lantas I Grantang ngomong teken penyeroan I
Cupake," jero tulung tityang, matur ring Ida Sang Prabu. Malaib penyeroane ka puri
ngwentenang unduke punika teken Raden Cupak. I Cupak inget teken adine ane enu di
goane. Ditu lantas I Cupak ngelur nunden panjake ngejuk tur gulung aji tikeh
entungang ka pasihe. I Grantang lantas katungang di pasihe.
Buin manine kacrita Pan Bekung memencar di pasihe ento. Uling semengan
memencar tusing maan be angan aukud. Ngentungan pencar tanggun duri, pencare
merasa baat, mara penekange bakatanga tikeh. Buin Pan Bekung mulang pencar, buin
bakatanga tikehe ane busan. Gedeg basang Pan Bekunge, laut tikehe abana menek tur
kagagah. Makesiab Pan Bekung ninggalin anak cerik. Pan Bekung ngenggalang ngajak
anake ento mulih. Teked jumahne pretenine baan Men Bekung. Buin wai gaenanga
bubuh, uligane boreh. Sayan wai sayan misi awakne I Grantang. Dadi kendel Pan
Bekung teken Men Bekung maan nuduk panak truna. Suba seger I Grantang. I
Grantang lantas ngae tetamanan. Magenepan bungane tanema. I Grantang ngalap
bungane ento. Men Bekung ngadep bungane ento ka peken. Teked di peken teka
wang jero uli Puri Kediri lakar meli bunga. Makejang bungane kabeli baan wang jerone.
Kacrita jani wang jero neked di puri tur ngaturang sekar ke puri. Mara Raden Dewi
ngambil sekar tur kaaras dadi marawat-rawat anak bagus di bunga. Eling ida teken I
Grantang anak bagus ane ngamatiang I Menaru. Ida Raden Dewi lantas matakon teken
wang jerone." Dija nyai men bungane ene ? Buin mani ateh gelah ka pasar apang
matepuk teken dagang bungane ene.
Maninne kairing Ida Raden Dewi ka pasar numbas sekar. Gelisang crita ka panggih
Men Bekung nyuun bunga mawarnawarna. Raden Dewi raris nampekin. Kagiat Raden
Dewi nyingak bungkung mas masoca mirah ane anggona teken Men Bekung.
Bungkunge ento druen Ida Sang Prabu lingsire ane kapicaang teken I Grantang. Raden
Dewi ngandika teken Men Bekung," dija umah memene, ajak gelah malali kema apang
gelah nawang." Gelisn crita Ida Raden Dewi sampun neked di Pondok Men Bekunge.
Pan Bekung makwewengan nyumbahnyumbah mendak rauh Ida Raden Dewi,
Ningeh bapane makwewengan I Grantang masi nyagjag. I Grantang matemu teken Ida
Raden Dewi. Raden Dewi ngagjag mlekur I Grantang tur nangis masesambatan,aduh
beli nguda beli las beli ngutang tiang. Ngudiang beli tusing kapuri ngalih tiang, Ngiring
mangkin ka pun tangkil ring Ida Sang Prabu. "I Grantang matur alon, ngaturang
pajalane ane suba liwat.
Kacritàyang mangkin I Grantang teken Raden Dewi suba neked di puri. Sang Prabu
maweweh-weweh ledang kayun idane nyingak putrane anut masanding ajaka I
Grantang.
Kacritayang mangkin I Cupak katundung uli purii I Grantang mangking kadegang
agung ring puri, Sasukat I Grantang madeg agung, jagate gemuh raharja. Panjake
meras girang suud ngayahin raja buduh,