Mga Aktor at Pamilihan sa Paikot na Daloy Kahalagahan
1. Sambahayan Ang sambahayan ay isang sektor sa ekonomiya
na kinabibilangan ng mga pamilya o ng mga tao na kumikita ng pera. Ang sambahayan din ang bumibili sa mga produkto at serbisyo ng mga bahay-kalakal. Dahil dito, masasabi natin na ang sambahayan ang nagbibigay ng kita sa mga bahay-kalakal. Ginagamit ng mga nasa sambahayan ang mga produkto at serbisyo para sa ikauunlad nila; tulad ng eduksayon, kalusugan, at marami pang iba.
2. Bahay-kalakal Ang bahay-kalakal ay napakahalaga dahil kaya nitong
lumikha ng mga produkto. Sa plano ng produksiyon, maitatakda ng bahay-kalakal ang uri at dami ng mga produkto na kakayaning malikha. Dito din maitatakda ang dami at halaga ng mga salik na gagamitin sa produksiyon. Bukod dito, dito din maitatakda ang halaga ng mga produktong ipagbibili. Dito natin mababatid ang iba pang mga desisiyon na kailangang isagawa ng bahay-kalakal sa hinaharap. 3. Pamahalaan Ang pamahalaan ay importante rin dahil sila ang nagsisilbing tagapamahala kung maayos at maunlad ba ang ekonomiya ng ating bansa. Tungkulin nilang siguruhin na wasto ang produksiyon ng mga produkto at serbisyo na kinakailangan ng mga mamamayan. Isa pa, sila din ang nag-iisip ng mga mahahalagang hakbang para mapaunlad ang ekonomiya ng ating bansa sa pamamagitan ng tulong ng mga nasa paligid nating mga bansa.
4. Pamilihang Pinansiyal Ang pamilihang pinansiyal o Financial Market ay isang
merkado o isang institusyon na pinagkukunan ng mga taong negosyante ng salapi upang magpatayo ng isang negosyo. Ilan sa mga halimbawa nito ay ang mga sumusunod; bangko, pawnshops, insurance company, kooperatiba, at marami pang iba. 5. Panlabas na Sektor Napakahalaga ng panlabas na sektor dahil hindi lahat ng kailangan natin ay nasa loob ng ating bansa. Kailangan natin ng ugnayan sa panlabas na sektor para sa pag-angkat natin sa mga produkto. Sa ating bansa, mahalaga ang panlabas na sektor para sa mga produkto nating petrolyo dahil wala naman tayong sapat na suplay ng enerhiya sa loob ng ating bansa. 6. Pandaigdigang Pamilihan Ang pandaigdigang pamilihan o World Market ay napakaimportanteng bahagi ng paikot na daloy ng ekonomiya dahil dito nagaganap o naisasagawa ang mga operasyong pangkalakalan sa pagitan ng mga ibat-ibang bansa. Sa tulong ng pandaigdigang pamilihan, ay nakukuha natin ang mga bagay na kinakailangan natin na kung saan ay wala sa loob ng ating bansa. 7. Pamilihan ng mga Tapos na Produkto Ang pamilihan ng mga tapos na produkto ay isang pamilihan kung saan ang mga mamamayan o mamimili ay bumibili ng mga produkto o serbisyo upang mapunan ang kanilang mga pangangailangan sa pamamagitan ng pagkonsumo ng mga ito. Kung wala ang pamilihan na ito, hindi mabubuhay ang mga tao dahil wala silang pagkukunan ng mga pagkain na kakailanganin nila sa kanilang pang-araw-araw na pamumuhay sa loob ng ating bansa. 8. Pamilihan ng mga Salik ng Produksiyon Ang pamilihan na ito ang pinagkukunan ng mga sambahayan at bahay-kalakal ng mga produkto at serbisyo. Sa madaling salita, ang pamilihan ng mga salik ng produksiyon ang pinanggagalingan ng mga produkto na ipinagbibili ng mga sambahayan at bahay-kalakal. Kung wala ang pamilihan na ito, hindi rin gagalaw ang sambahayan at bahay-kalakal. Sa kabuuan, ang pamilihan na ito ang nagkokontrol sa sambahayan at bahay-kalakal.