nakalimbag na sagisag at pagbibigay-kahulugan nito. (Lapp at Flood, 1978) Ito ay isang proseso na nangangailangan ng pag-iisip, pagpapahalaga, pagpapasya, pagwawangis, at paglutas ng suliranin. (Lalunio, 1985) Ito ay isang tiyak at madaliang pagkilala ng ayos at pagkakasunud-sunod ng mga salita, pagsasama-sama ng mga salita para makabuo ng ideya at kahulugan. (Lorenzo, et. Al,1997) Ito ay isang proseso ng pag-iisip at ito’y prosesong interaktibo. (Badayos, 1999) ANO ANG MAPANURING PAGBASA? Ito ay isang gawain ng pagbabasa na pinaglilimi at tinitingnan nang mabuti ang akda, piksyunal man ito o di- piksyunal.Pinag-iisipang mabuti ang nilalaman at mensahe na nais ipaabot ng manunulat. Ang mapanuring pagbasa ay isang sining sa paggawa ng mga pagpapasya o paghatol at pagtuturo o pagsasabi ng mga kanais-nais na katangian, kapintasan, kamalian o pagkukulang ng isang akda. ANO BA ANG MATALINONG PAGSUSURI? 1.Nakapagbibigay ng matalas na komento, opinyon o reaksyon sa nabasa sa paraang positibo; 2. Nakapagsusuri sa bawat detalye ng binabasa; 3.Nakapagbibigay ng balanse at makatwirang paghuhusga sa pamamagitan ng pagbanggit ng mga positibo at negatibong punto sa binasa; 4. Walang kinikilingan; kung nararapat na sumang-ayon ay ipinahahayag ang pagsang- ayon at kung nararapat tumutol ay ipinahihiwatig ang pagtutol; 5.Pinagtutuunan ng pansin ang nais ipahiwatig ng manunulat; 6.Pinahahalagahan ang kalakasan(strength) ng akda at tinutukoy ang kahinaan (weakness) ng akda; 7. Nagbibigay ng mungkahi para sa ikaliliwanag at ikahuhusay ng teksto. PROSESO NG ISANG MABISANG PAGHUHUSGA 1. Liwanaging mabuti kung anong uri ng teksto ang sinusuri. Ito ba ay isang talumpati, editoryal, balita at iba pang babasahin. 2.Basahin ito ng masinsinan at igawa ng lagom (buod ng nilalaman), mas maikli lamang lagom kaysa mismong akda. 3. Bigyang-halaga hindi lamang ang nilalaman kundi pati ang estilo o paraan ng pagkakasulat ng katha. 4. Bukod sa pagbanggit sa kahusayan at kahinaan ng katha, mag-ukol din ng karampatang pagpapakahulugan. 5.Lakipan ng ilang siping makapagbibigay- kahulugan sa ginagawang panunuri at samahan ng maikling pagbibigay-katuturan. 6.Iwasan ang pagbibigay ng anumang kapasyahan nang walang lakip na batayan o patunay. 7. Ibatay ang anumang pagpapasya sa takdang pamantayan, bagamat maaaring isama rin ang sariling pagkilala ng sumusulat ayon sa matapat niyang paniniwala.