Ang dula ay isang uri ng panitikang ang pinakalayunin ay itanghal sa tanghalan.
Ayon kay Arrogante (1991) ang dula ay isang pampanitikang
panggagaya sa buhay na ipinamalas sa tanghalan. Sinasabing ito ay paglalarawan sa madudulang bahagi ng buhay.
Ang dula ay lumilibang, nagbibigay-aral, pumupukaw ng
damdamin, at humihingi ng pagbabago. Higit na nakapagpapakilos ang dula kaysa ibang akda sapagkat bukod sa naririnig ang mga salita, nakikita pa ang kilos at galaw sa tanghalan.
Di pa man dumarating ang mga Espanyol sa Pilipinas ay
pinaniniwalaan nang kilala na ang dula sa ating bansa. Nag- ugat ito sa mga ritwal at seremonyang isinasagawa noon ng ating mga ninuno tulad ng canao ng mga Igorot, ang bayak o embayoka ng mga Muslim (na kagaya ng iyong binabasang dula), ang Tatarin ng mga Tagalog, at iba pa. 1. Ito ay isinasagawa tuwing buwan ng Mayo tungkol sa paghahanap ni Santa Elena sa krus na pinagpakuan kay Kristo. Ang mga tauhan o kasali sa pagtatanghal ay kahalo-halo ng taong-bayan. 2. Inilalarawan ditto ang simula ng lahat – ang paglalang kay Eba at Adan, ang pagsilang kay Jesus, ang Kanyang kamatayan, at muling pagkabuhay. Itinatanghal ito bilang isang serye, mula Lunes Santo hanggang Sabado de Gloria. 3. Ito ay isinasagawa tuwing sasapit ang ang Pasko, Disyembre 24 ng gabi bago magmisa de gallo. Sina Mariaat Jose ay naghahanap ng bahay na masisilungan at mapagsisilangan kay Hesus. 4. Dulang panrelihiyong ginaganap sa mga lansangan sa lalawigan ng Mindoro at Marinduque tuwing mahal na araw. Ang mga karakter na gumaganap ay nakasuoto naglalagay ng mga maskarang may iba’t ibang kulay at iba pang palamuti o guhit sa kanilang katawan. 5. Dulang panlansangan at panrelihiyon kung saan isang marangyang parade ng mga sagala at konsorte ang nagaganap. Sila ay lumilibot sa mga kalye hanggang sa makarating sa simbahan upang maihatid ang krus. Nang dumating ang panahon ng 1960 hanggang 1980 ang mga dulang lumaganap sa bansa ay may layuning magbigay ng kabatiran , kamalayan at panghihikayat.
Ayon sa Panitikan sa Pilipinas 2001 ni Ruben et al, ang mga
tema ng dula sa panahong ito ay may usaping panlipunan at itinatanghal na mga protesta, simposya, welga, demonstrasyon ng mga taong nagsama-sama at nagtipon- tipon upang ipadama ang mga karaingan.