KONTEMPORARY O Naratolohiya Si Edgardo Reyes ay ipinanganak noong ika-20 ng Setyembre ng 1936 at namatay noong ika-15 ng Mayo ng 2012.
Siya ay isang nobelista, kuwentista at
scriptwriter sa wikang filipino. Isa sya sa pinaka-prolific na awtor ng kanyang panahon. Karamihan ng kanyang akda ay unang lumabas sa mga magasin na liwayway at bulaklak.
Kasapi si Reyes sa Agos sa Disyerto Anthology
Ang Maynila sa Kuko ng Liwanag ay orihinal na isinulat ni Edgardo Reyes bilang isang nobela noong 1986 na na-serialize sa “Liwayway Magazine” noong taong 1966 hanggang 1967. Nasa-pelikula lamang ito noong 1975 sa tulong ng pag-direktor ni Lino Brocka. Ang nilalaman ng o paksa ay patungkol sa pagiging makabayan, nasyonalismo, nakatuon din sa isyung panlipunan na ang layunin ay mang-aliw sa mga mambabasa.
Dekada 70, Luha ng Buwaya, Ang Ibong Mandaragit at Daluyong
ay ilan lamang sa mga nobela sa pahanong iyon. Nilikha ang nobela sa panahong (1960’s) nag-uumpisa pa lamang ang mga ilang isyung panlipunan na sa kasalukuyang panaho’y isa nang pangunahing problema ng bansa. Halimbawa’y ang prostitusyon. Na ngayo’y hindi na lamang nalilimitahan sa loob ng bansa at malayang nakapangyayari sa loob at labas ng Pilipinas partikular sa mga Pilipinong OFW na tinitiis ang lahat ng pasakit para lamang maitawid ang pamilya. Kung sa milyung ito nabuha’y si Ligaya, maaring isa rin siya sa mga inosenteng Pilipinong nabiktima ng human-trafficking sa kamay mismo ng kapwa Pilipinong kapit rin sa patalim kagaya nang nangyari sa nobela. Ito ay bunsod ng mga di patas na oportunidad para sa mga Pilipino sa usapin ng trabaho’t hindi maayos na alokasyon ng gobyerno sa pondong kinukuha sa buwis ng mamamayan upang masolusyunan ang pambansang kahirapan. BUOD Maynila sa Kuko ng Liwanag Si Julio, isang maralitang mangingisda ay lumuwas ng Maynila upang hanapin ang kanyang kababata't kasintahang si Ligaya, na matagal nang sumama sa isang Mrs. Cruz upang magtrabaho at mag- aral sa lungsod. Sa paghahanap, naranasan ni Julio ang maging biktima ng masasamang elemento ng lipunan, mapagsamantalahan sa loob at labas ng konstruksiyon, mawalan lagi ng trabaho,makapatay ng taong nang di sinasadya, magkagutom-gutom at makatulog sa kung saan-saan na lamang... Sa gitna ng tensyon at kabiguan, siya'y nag-anyong mabangis, siya mismo'y naging mapanganib. Nagkita rin sila ni Ligaya. Nalaman na ang dalaga pala'y naging biktima ng prostitusyon: binili at mistulang bilanggong kinakasama ng isang Tsino. Nagkasundo silang tatakas si Ligaya, sa tulong ni Julio, anu man ang kanilang kahinatnan. Continuum Pangkaraniwan na sa mga taga-probinsya ang lumuluwas ng Maynila upang makipagsapalaran na kaya katulad ng mga tauhan na sina Julio Madiaga at Ligaya. Dala ng kahirapan at pangarap na makarating sa siyudad ay napillitan na makipagsapalaran sa Maynila. MAYNILA: Isang lugar na nanaisin nino man na marating. Isang lugar na kakikitaan ng pag-unlad at kasaganaan. Sentro ng lahat ng pangangailangan ng isang bansa. Ngunit sa kabilang banda ay maaaring kabaliktaran. MAYNILA: Positibo at negatibong simbolismo. Sumisimbulo sa pag-asa sapagkat ang tauhan na katulad ni Ligaya na sa kabila ng mga pag-aalala ay pinili pa rin na pumunta sa lugar na ito nagbabakasakaling dito niya matutupad ang kanyang pangarap sa tulong na rin ng isang mapagsamantalang Mrs. Cruz MAYNILA: Maaari din na ito ay sumisimbolo sa kahirapan, kapaitan ng buhay, karahasan at kasawian. Makikita sa nobela/pelikula ang malagim na sinapit o kinahinatnan ng dalawang mahalagang tauhan. Kakikitaan din ito ng hindi pagkakapantay-pantay ng mga buhay ng mga Pilipino. Always Hystoricize Sinasabing malaki ang ginagampanan ng lugar ng Maynila. Maraming mga tao ang dumarayo dito upang maghanap ng trabaho o kaya naman ay makipagsapalaran sapagkat bukod sa ito ang sentro ng bansa ay dito rin naganap ang ilang makasaysayang pangyayari. Ito ang naging kabisera ng mga bansang sumakop sa atin. Saan mang sulok ng ka-Maynilaan ay makikita ang mga iniwang bakas ng mga bansang minsang naghari-harian.Isa na dito ay ang sikat na Intramuros, mga simbahan. Naging sentro ng mga makapangyarihang mayayaman. Sa paglipas ng mga panahong pananakop ay nag- iwan ito ng ilang masasabing magandang simulain. Naging sentro ito ng mga komersyo, ng edukasyon at lalo’t higit ay ang mga namumuno. Dahilan upang maging sentralisadong lugar upang magtayo ng malalaking negosyo. Puntahan ng mga probinsyang mahihirap na nagbabakasakali na dito mahahanap ang kanilang kasaganaan o ang katuparan ng kanilang pangarap. Ngunit sa kabila ng kaularan ng ka-Maynilaan ay hindi maikakaila na ito rin ang lugar na talamak ang mga negatibong gawain. Maaaring mukha ng kahirapan. Talamak ang korapsyon ng mga namamahala. Puntahan ng mga taong nangngarap na nasasadlak sa kahirapan dahilan upang dumami ang mga tinatawag na squatter. Dahil sa hirap ng buhay ay dito nagsisimula ang mga krimen na maaring hindi o sadya dala ng kahirapan, gutom makaraos ang araw upang mabuhay. Katulad ng Maynila sa Kuko ng Liwanag,nakita ang kahirapan ng buhay. mga talamak na masamang gawi tulad ng prostitusyon. Isang kahit isang tukang pamumuhay. Orature as history o Oraturang Pangkasaysayan o Panitikang Pasalita LIGAYA- tumutukoy sa damdamin. Ito ay nangangahulugang saya, tuwa, lugod o galak.
TAIWAN(bansa)-pagbebenta ng sahod
Call boy –lalaking prostitute
Ginisa sa sariling mantika- biktima ng pagsasamtala ng ibang tao Power Relations Makikita ang sitwasyon ng tauhan na si Julia Madiaga na hindi siya makaalis sa kinasasadalakan niya. Dala ng hirap na nararanasan tulad ng walang permanenteng trabaho, walang bahay na matuluyan at matulugan,pangungulila sa taong minamahal. Gayundin ang kinasadlakan ni Ligaya sa pagsama niya kay Mrs. Cruz na nag-alok ng trabaho ngunit pagdating sa Manila ay ibang trabaho pala na hindi inaasahan. Napasok sa isang prostitusyon na kung sino-sinong mga lalaki ang nakakasalamuha hanggang sa makilala ang isang Intsik. Bagama’t naibibigay ng Intsik ang pangangailangan ni Ligaya ay hindi ito pinapayagan na umalis ng bahay sapgakat alam nito ang maaaring gawin sa kanya. Katulad nga ng usapan nila ni Julio na tatakas sa ganap na ika-3 ng umaga ay hindi sumipot ang babae hanggang sa malaman na lamang ni Julio na namatay na ito dahil sa Intsik. Konklusyon Bakit ito itinuring na kontemporaryong panitikan?
Ang nobelang Maynila sa Kuko ng Liwanag ay maituturing na
kontemporaryong panitikan sapagkat nasasalamin dito ang mga kaganapan noon sa kasalukuyan. Ilan sa mga kaganapan na makikita ay ang kalagayan ng buhay(nakatira sa squatter area na sa kasalukuyan ay may mga tao pa rin na nakatira at , uri ng trabaho (construction worker/ prostitusyon). Ang nobelang ito sa aking palagay bagama’t niluma na ng panahon ay hindi maluluma ang diwa sapagkat hanggang sa kasalukuyan ay masasalamin ang mga mahahalagang pangyayari na ipinakita.
Nasa makabagong panahon na ang lahat, ngunit ang katauhan ni
Ligaya bilang isang babaeng biktima ng prostitusyon dahil sa mga mapagsamantalang tao ay masasalamin sa kasalukuyan sapagkat ngayon ay mas makabago na ang pamamaraan. Isang problema na hanggang sa ngayon ay hindi nasosolusyonan. Gayundin ang isang katauhan ni Julio na maiuugnay sa mga tao mula sa probinsya na nagbakasakali rin sa Maynila. Mga tao na walang permanenteng trabaho, walang maayos na tirahan.
Mga krisis na makikita hindi lamang sa lipunan kundi pati na rin sa
ating mga sarili. Ipinakikita ang realidad ng buhay ng isang tao na makikita hanggang sa kasalukuyan.