Изработил: Катерина Бинева Вовед • Производството на сирење претставува вид на конзервирање на млекото во производ со поголема трајност. Основна операција во производството на сирењето е потсирувањето, односно издвојувањето на поголемиот дел од казеинот од другите состојки на млекото. Млекото како суровина за преработка на сирењето • Квалитетот на сирењето зависи од многу фактори, најважно е составот и квалитетот на млекото од кое е добиено. Составот на казеинот во потсиреното млеко се менува во зависност од здравствената состојба на животното, меѓутоа важни се алфа и бета казеинот кои сочинуваат 94% од масата на казеинот. Во млечната маст влегуваат над 25 масни киселини во форма на глицерини, а од солите најважни се калциумовите соли. Лактозата не влегува во составот на зрелото сирење, но е од големо значење при зреењето особено во првата фаза.Утврдено е дека кога животните пасат се добива поквалитетно сирење, отколку при шталско хранење. Подготовка на млекото за потсирување Подготовката го опфаќа следното: • Прочистување на млекото од механички нечистотии – филтри со специјални апарати • Пастеризирање: ниска на 60°C за време од 30 минути и краткотрајна на 72°С за време од неколку секунди • Додавање на калциумови соли – подобрување и зголемување на способноста за потсирување и подобрување на конзистенцијата на згрутчената маса. • Додавање на чиста култура – се додаваат млечнокисели бактерии од групата на млечнокиселите стрептококи и лактобактерии. Потсирување на млекото • За потсирување на млекото како најпогоден ензим се покажал химозинот (сиришен ензим) кој се употребува во точно определена количина во растворена состојба. • Потсирувањето се врши во кади и во текот на технолошките операции како што се дробење и сушење, згрутчената маса се менува и се подобрува нејзината цврстина. Цврстината на масата зависи од белковините и млечната маст. Потсирената маса треба да се обработи за да може од неа да се добие сирење. Обработка на згрутчената маса • Најпрво се отстранува вишокот на вода или се сведува на одредено ниво за различни видови сирења. Обработката се врши во кадата каде што се вршило потсирувањето и започнува со сечење и дробење на згрутчената маса. Потоа се превртува со помош на сирењарска лажица и се дроби на парчиња со сирењарска лира. Калапењето на згрутчената маса се изведува на два начина: со наливање на згрутчената маса каде што зрната на масата не налегнуваат цврсто и меѓу нив останува простор, и со калапење на грутка од згрутчената маса за добивање на потврдо сирење. Температурата на калапите и температурата на згрутчената маса не смее многу да се разликува бидејќи површината на калапот брзо се лади. • Пресување на згрутчената маса – целта е да се забрза истечувањето на сурутката од масата и пресуваното сирење да добие мазна, рамномерна и затворена површина. За меко сирење се применува самошресување, а за тврдо и полутврдо сирење најмногу се користи хидраулична преса. • Солење – целта е да се подобри вкусот и конзистенцијата, да се регулира процесот на зреење и да се зголеми трајноста на сирењето. Солењето може да биде по сува постапка или со користење на солен раствор. За сувата постапка се користи сол со големина од 2мм, а солениот раствор се прави со превриена вода во која се става одредено количество сол во концентрација во зависност од видот на сирењето. Овој раствор треба да се филтрира на 7-10 дена. Зреење на сирењето • Зреењето на сирењето е микробиолошки процес во кој сирењето добива вкус, мирис, изглед и еластичност. Зреењето на поедини видови сирења зависи од: должината на зреењето, температурата, влажноста на воздухот, големината на сирењето, содржината на вода и количество на сол. Улога на сирењето во исхраната • Сирењето има висока хранлива вредност, богато е со витамини А и Д, витамин Б-комплекс, фосфор, протеини и калциум. Сирењето е доста здраво и со неговото консумирање си обезбедуваме вредни хранливи состојки во организмот. Заклучок • Општиот заклучок е дека сирењата што се произведени од пастеризирано млеко се далеку побезбедни и поздрави во однос на оние што се произведени од непастеризирано млеко. Безбедноста на сирењата е поголема преку пастеризација бидејќи вклучува загревање на млекото со цел да се елиминираат непожелните бактерии, кои можат да го нарушат вкусот или во најлош случај здравјето на консументот. Користена литература • Учебник: Прехранбена технологија за IV година • Интернет: • http://bimilk.com.mk/vesti/sve-vesti/bitolski-sirenja-od-pasterizirano-mleko-za-pozdravo-uzhivanje-1 • https://mk.julinse.com/%D0%BA%D0%B0%D0%BB%D0%BE%D1%80%D0%B8%D0%B8- %D0%BD%D0%B0-%D1%81%D0%B8%D1%80%D0%B5%D1%9A%D0%B5-%D0%B8- %D1%84%D0%B0%D0%BA%D1%82%D0%B8-%D0%B7%D0%B0- %D0%B8%D1%81%D1%85%D1%80%D0%B0%D0%BD%D0%B0/ • https://mkn.koshachek.com/articles/ulogata-na-sireneto-vo-ishranata.html • https://zelenaberza.com.mk/osnovni-fazi-vo-proizvodstvo-na-sirenje/