ng Africa at Persiya PAMANTAYANG PANGNILALAMAN: Naipapamalas ng mag-aaral ang pagunawa at pagpapahalaga sa mga akdang pampanitikan ng Africa at Persia.
PAMANTAYAN SA PAGGANAP: Ang mga
mag-aaral ay nakapanghikayat tungkol sa kagandahan nga alinmang bansa batay a binasang akdang pampanitikan. SAKLAW NA ARALIN Si Nyaminyami, Ang Diyos ng Ilog Aralin 1 Zambezi (Mitolohiya) Mga Anekdota sa Buhay ni Nelson Aralin 2 Mandela Aralin 3 Ang Ibong Nakahawla (Tula) Si Rustam at si Sohrab (Buod ng Aralin 4 Epikong Persiyana) SI NYAMINYAMI, AND DIYOS NG ILOG ZAMBEZI PAGTUKLAS
Gawain 1. Picture Analysis
Panuto: Tingnan at suriing mabuti ang mga larawan, pagkatapos pagnilayan ang mga tanong. Alin-alin sa mga ginagawa ng tao ang maaaring makapagdulot ng kaunlaran subalit pinagmumulan naman ng pagkasira ng kapaligiran o ng kalikasan? Sa iyong palagay, maaari pa rin kayang magkaroon ng kaunlaran ang isang bayan nang hindi nasisira ang kapaligiran? Sa papaanong paraan? Mahalagang Tanong:
Bakit mahalagang mapangalagaan
ang ating kalikasan? Paano makaaapekto sa tao ang pagsira sa kapaligiran? ALAM MO BA?
Ang Ilog Zambezi ay ikaapat sa pinakamalaking ilog
sa Africa. Ito’y nasasakop ng anim na bansa. Sa ilog na ito matatagpuan ang Dam ng Kariba. Tanyag ang lugar na ito sa mga turistang nais makakita sa kagandahan ng dam at sa kalikasang nakapaligid sa ilog. Maraming bahagi kasi ng mga kagubatan sa magkabilang pampang ng ilog ang protektado sa ilalim ng Nature Conservation Act. Ang isa pang dinarayo sa lugar na ito ay ang iba’t ibang sports sa tubig tulad ng white water rafting, kayaking, river boarding, at jet boating. Ang Kariba Dam kung saan sinasabing nakatira ang diyos ng ilog na si Nyaminyami ay isa sa pinakamalaking dam sa boung mundo sa taas nitong 128 metro at habang 579 na metro. Dumaan sa maraming kalamidad ang dam bago tuluyang nabuo noong 1960. Ang mga kalamidad na ito ay sinasabing kagagawan ni Nyaminyami dahil sa galit niya sa pagtatayo ng dam na sumira sa kanyang tahanan, naglayo sa kanila ng kanyang asawa, at naging dahilan ng paglilipat ng tirahan ng humigit kumulang 57,000 mamamayang kabilang sa tribong Tonga o Ba Tonga na sinasabing minahal at pronotektahan ng diyos ng ilog. Hanggang sa kasalukuyan ay hindi pa rin nawawala ang takot sa paniniwalang gigibain ni Nyaminyami ang dam lalo pa’t ito ngayon ay nagpapakita ng mga senyales ng paghina ng estruktura. Ayon kay Felix Nkulukusa, ang permanent secretary ng Zambia Ministry of Finance, ang dam ay maaaring bumagsak kung hindi maiaayos ang mahihinang bahagi nito sa loob ng tatlong taon. Inaagapan naman ito ng dalawang bansang nakasasakop sa dam, ang Zambia at Zimbabwe. Unti-unting isinasaayos at pinatitibay ang mahigit limampung taong gulang na dam. Aabot kasi sa mahigit 3.5 milyong tao mula sa mga bansang Zambia, Zimbabwe, Malawi at Mozambique ang maaaring madamay o malagay sa panganib kung sakaling tuluyang bumigay ang dam. Gawain 2. Paglinang ng Talasalitaan Panuto: Ibigay ang salitang kasalungat o kasingkahulugan ang nakasalungguhit na salita. Ilagay ang sagot sa iyong kwaderno. (10 puntos) 1. Ang paniniwala ng Tribong Tonga ay isang dambuhalang nilalang si Nyaminyami na may asawang hegante rin tulad niya. 2. Alam nilang pinoprotektahan sila ng diyos ng ilog laban sa mga nilalang na lagi silang pinagsasamantalahan. 3. Nanlumo ang mga tao nang magdesisyon ang pamahalaang ituloy ang proyekto subalit natuwa na rin sila nang magkaroon sila ng koryente mula sa nasabing dam. 4. Ang bakang itim na inilagay ng mga Tonga ay nakalutang sa lawa subalit kinabukasa’y nawala ang baka kaya’t inakalang ito’y nakalubog na 5. Kinatatakutan ng mga tao ang paniniwalang magigiba ang dam dahil mapababagsak daw ito ng ngitngit ng diyos ng ilog. Si Nyaminyami, Ang Diyos ng Ilog Zambezi (Isang Mitolohiya mula sa Tribung Tonga ng Africa) “Ating pagpalain, alagaan, at igalang ang kalikasan. Ang pagsira dito’y makapagdadala sa tao ng kapahamakan.” Ang napakagandang ilog Zambezi ay may itinatagong isang hindi pangkaraniwang hiwaga na magpahanggang ngayon ay pinaniniwalaan ng marami, lalo ng ng mga mamamayan ng tribung Tonga o Ba Tonga na naninirahan sa magkabilang pampang ng ilog Zambezi. Ayon sa mitolohiya, sa loob ng napakahabang panahon, si Nyaminyami, ang diyos ng ilog ay tahimik na naninirahan sa Lawa ng Kariba na karugtong ng ilog Zambezi kasama ang kanyang asawa. Maraming katutubo na raw ang nakakita kay Nyaminyami tulad ni Pinunong Sampakaruma subalit walang matibay na ebidensiyang makapagpatunay rito. Ayon sa mga nakakita, si Nyaminyami raw ay may ulo ng isang isda at katawan ng isang ahas. Siya’y isang dambuhala sa lapad na halos tatlong metro at habang hindi nila magawang hulaan. Naniniwala ang mga mamamayan ng Tonga na si diyos Nyaminyami ay nagging mabuti sa kanila. Katunayan, sa mga panahon daw ng matinding taggutom na dala ng mahahabang tagtuyot sa Africa ay nabuhay sila sa tulong ng mga bahagi ng katawan ni Nyaminyami na ibinibigay o iniiwan niya para sa mga mangingisda. Kinilala at iginalang ng mga Tonga si Nyaminyami at sa loob ng napakahabang panahon, naniwala silang pinoprotektahan sila ng diyos ng ilog kahit wala silang masyadong nagging ugnayan sa mga tagalabas. Namuhay sila nang mapayapa subalit ang lahat ay nagbago noong mga huling taon ng 1940s nang mapagtibay ang desisyon ng pamahalaang ipatayo ang Dam ng Kariba. Ikinatakot ng mga mamamayan ang balita, lalo na nang malamang ang dam ay itatayo sa mismong tabi ng malaking batong pinaniniwalaang tahanan ng diyos ng ilog na si Nyaminyami at ng kanyang asawa. Katunayan, napakalaki ng paggalang ng mga mamamayan sa bahaging iyon ng lawa at walang mangingisda ang nangahas lumapit man lang doon dahil ang mga naunang nangisda raw roon ay nahigop ng alipuyo sa tubig at hindi na muling nakita. Kaya nga tinawag nila ang higanteng batong iyon na “kariva” o “karinga” na ang ibig sabihin ay “ang bitag” at dito rin nagmula ang pangalang “Kariba” para sa lawa. Nang magdatingan ang mga puting inhenyero at mga manggagawang magpapasimula na sa paggawa ng dam ay nagbabala ang mga nakakatanda ng Tonga. “Huwag na ninyong ituloy ang plano. Hindi ninyo magugustuhan ang gagawin ni diyos Nyaminyami sa inyo at sa inyong proyekto.” Pinagtawanan lang ng mga puti ang ganitong mga babala at paniniwala. Itinuloy pa rin nila ang mga panimulang gawain sa pagtatayo ng dam tulad ng pagpapaalis sa mga mamamayan ng Tonga sa pampang ng ilog na kanila nang nagging tahanan sa napakahabang panahon. Pinalipat ang mga mamamayan sa mas mataas na bahagi ng ilog. Pinagpuputol din ng mga dayuhan ang libo- libong matatandang puno upang makagawa ng daan at upang may magamit sa pagbuo ng tirahan ng mga manggagawa. Subalit ang ikinatatakot ng matanda ay nangyari nga noong gabi ng Pebrero 15, 1950. Isang napakalakas na bagyo mula sa Karagatang India, isang pangyayaring hindi karaniwang nagaganap sa lugar na ito ang bumayo at nagdala ng napakalakas na hangin at ulang nanging sanhi ng napalaking baha sa buong lambak ng Zambezi. Inanod ang maraming kabahayan at ang lahat ng madaanan ng ilog na umapaw nang mahigit pitong metro. Tatlong araw ang inabot bago narrating ng rescue team ang lugar at sila’y nanlumo sa nakitang pinsala. Ang katawan ng mga namatay na usa at iba pang hayop ay nangakasabit sa sanga ng matataas na kahoy na nagpakita kung gaano katas ang inabot ng tubig baha. Sa kasamaang palad ay namatay ring lahat ang mga kasama sa rescue team nang mabagsakan sila ng gumuhong lupa. Sa kabila ng pangyayaring ito ay hindi rin nahadlangan ang pagpapatayo ng dam. Hindi inisip ng mga puti na ito’y isang babala ni Nyaminyami kundi nagkataon lang na may dumating na bagyo at binaha ang lambak ng Zambezi. Subalit noong 1957, nang halos patapos na ang dam ay dumating ang pinakamalaking baha sa kanilang kasaysayan. Sinasabing ang ganito katinding baha ay dumarating lamang nang minsan sa isanlibong taon. Inanod ng baha ang malaking bahagi ng papatapos na sanang dam gayundin ang mga kagamitan sa paggawa nito. Maraming buhay rin lalo nan g mga manggagawa sa dam ang nawala. Ang nakapagtataka, ang katawan ng mga puting manggagawa ay hindi lumutang. Hinanap ang mga ito kung saan-saang bahagi ng ilog at lawa subalit walang nakita isa man sa kanila. Dahil dito’y kinausap ng mga pinuno ang mga nakatatandang Tonga. “Paanong nangyaring ang katawan ng mga itim ay lumutang samantalang wala ni isa man sa mga puti ang nakita kahit pa hinanap na sila kung saan-saan?” ang nagtatakang tanong ng mga kinatawan ng pamahalaan. Tulungan ninyo kaming mahanap ang mga katawan nila.” “Si Nyaminyami ang may gawa ng dambuhalang baha. Mag-alay kayo ng isang itim na baka para mawala ang galit niya at nang ilabas niya ang katawan ng mga Puti,” ang sabi naman ng mga nakatatanda. “Kalokohan! Hindi totoo ang Nyaminyami na iyan! Tumulong na lang kayong maghanap sa mga nawawala,” ang sagot ng mga pinuno. .Subalit kahit anong tindi nang tulong-tulong na paghahanap ay hindi pa rin natagpuan ang katawan ng mga nawawala. Nang malapit nang magdatingan ang mga kapamilya ng mga manggagawang namatay ay wala nang nagawa ang mga pinuno kundi subukin ang mungkahi ng mga nakatatandang Tonga. Nagsagawa ng ritwal ang mga Tonga saka ipinaanod ang inialay na itim nab aka sa Lawa ng Kariba. Kinabukasan, wala na ang itim nab aka kung saan ito ipinalutaang at sa halip, ang katawan ng mga putting manggagawang tatlong araw nang hinahanap ang nakitang nakalutang. . Walang maibigay na matibay na paliwanag maging ang mga pinuno ng mga gumagawa ng dam sa mahiwagang pangyayaring ito. Subalit natitiyak ng matatandang Tonga; kagagawan ng galit na galit na si Nyaminyami ang lahat ng ito. Pagkatapos ng malaking baha ay pinag-araan ng mga eksperto ang daloy ng tubig sa ilog Zambezi at saka nila pinag-usapan ang patungkol sa itinatayong dam. Nagkasundo silang ang ganoon kalaking baha ay nangyayari lamang nang minsan sa isanlibong taon kaya’t itinuloy pa rin nila ang pagtatayo ng dam. . Sa kabila ng paniniwala ng mga eksperto ay alam ng matatandang Tonga na muling gaganti si Nyaminyami at may mangyayari pa uling sakuna. Dahil kasi sa pagtatayo ng dam ay nalubog sa halos tatlumpung metrong tubig ang batong tirahan ng diyos ng ilog at ang masaklap, sinasabing naiwan daw sa kabilang bahagi ng dam ang kanyang pinakamamahal na asawa at alam nilang ito ay lubhang nagpagalit sa kanya. . “Tigilan na ninyo ang pagsira sa tahanan ng diyos Nyaminyami. Hayaan n’yo na kaming makabalik sa pampang na dati naming tirahan. Kung hindi ay muli ninyong matitikman ang bagsik ni Nyaminyami,” ang babala nila sa mga puti. “Kalokohan! Mga eksperto na mismo ang nagsabi, nangyayari lamang ang ganoon kalaking baha tuwing isanlibong taon. Itutuloy namin ang pagpapatayo ng dam!” ang maatigas na paninindigan ng mga pinuno. . At hindi nga nagkamali ang mga Tonga. Nang sumunod na tag-ulan ay muling sumilab ang galit ni Nyaminyami na ngayo’y mas matindi pa kaysa sa dalawang nauna. Isang mas Malaki pang baha ang naganap kaysa sa naranasan nila nang nagdaang taon. Sa laki ng baha ay nagging lubhang mapinsala ito. Nasira nito ang coffer dam, ang tulay sa pagitan ng itinatayong dam at ng pampang, at ang malaking bahagi ng dam na malapit na sanang matapos. Sinasabing ang ganoon kalaking baha ay nangyayari lamang nang minsan sa sampung libong taon. .Subalit hindi nito napigil ang pagpapatayo ng dam. Itinuloy pa rin ito ng pamahalaan at noong 1960, natapos din sa wakas ang Dam ng Kariba. Ito na ngayon ang pangunahing pinagmumulan ng suplay ng kuryente para sa mga bansang Zimbabwe at Zambia. Makikita naman ang rebulto ni Nyaminyami sa itaas na bahagi ng Ilog Zambezi at nakatanaw na tila ba nagbabantay sa kabuoan ng Dam ng Kariba. Dinarayo na rin ito ngayon ng napakaraming turistang nais makapaglaro ng mga isport na pantubig at upang makita ang kagandahang ng paligid at ng dam na ilang beses nang muntik-muntikang hindi maitayo dahil sa paghagupit ng kalikasang pinaniniwalaang kagagawan ng diyos ng ilog. .Ang mga Tonga naman ay patuloy na naninirahan sa mataas na bahgi ng ilog Zambezi. Madalas silang nakararamdam ng pagyanig sa paligid. Naniniwala silang ito ay ang mga pagkakataong galit ang diyos Nyaminyami at nagpipilit maabot ang kanyang kabiyak na nasa kabilang bahagi ng dam. Naniniwala silang isang araw ay magigiba rin ni Nyaminyami ang dam subalit sa kanilang puso’t isipan ay umaasa rin silang sana’y hindi na ito mangyari sapagkat kung magtatagumpay si Nyaminyami ay tiyak na isang trahedyang walang katulad ang idudulot nito sa mga mamamayang wala namang kinalaman. Patuloy na lamang nilang pag-iingatan at alagaan ang kanilang kapaligiran bilang pagbibigay-pugay sa kanilang alaala. . SAGUTIN NATIN 1. Anong hiwaga ang itinatago ng napakagandang ilog Zambezi? Ano-ano ang magpapatunay sa sinasabi ng mga Tonga o Ba Tonga na may isang diyos ngang naninirahan at nagbabantay sa ilog na ito? 2. Sa paanong paraan namuhay ang mga mamamayan ng tribung Tonga sa tabi ng lawa ng Kariba noong unang panahon. . 3. Bakit labis nilang ikinagulat at mariing tinitulan ang pagtatayo ng dam? Ano ang naging epekto sa kanilang pamumuhay?
4. Ano-anong kalamidad ang nangyari sa lugag na
naging dahilan kung bakit muntik-muntikan nang hindi matapos ang pagtatayo ng dam? Bakit kay Nyaminyami iniuugnay ang mga kalamidad na ito? . 5. ano-ano ba ang mga sinasabibg naging dahilan sa labis na pagkagalit ni Nyaminnyami sa mga taong nagpasimula sa paggawa ng dam? Makatwiran bang makadama siya ng ganito para sa mga taong iyon?
6. Kung ikaw ang tatatungin, alin sa mga
ginagawa ng mga taong ito ang sa tingin mo ay talagang nakagagalit? Bakit?