Professional Documents
Culture Documents
Prezent Im
Prezent Im
Cërnilishtë
Edukimi medial
Kl. VII
Tema: Lajmi
Njësia mësimore:
Lajmi dhe karakteristikat e tij, lajme të ndryshme, lajme mjedisore
• koka e lajmit
• shpjegimi i ndikimit
• faktet e mbështetjes
• parafrazat
• citatet
• prapavija (bekgraundi) dhe
• temat sekondare
Parimi “gjashtë pyetje - kush, çka, kur, ku,
pse dhe si?”
Lajmi nuk do të ketë një tërësi të rrumbullakuar nëse
nuk përgjigjet në pyetjet gazetareske themelore: kush,
çka, kur, ku, pse dhe si. Përgjigjet duhet të ruhen në
tërë tregimin dhe lexuesit t’i japin të gjitha elementet e
rëndësishme për një ngjarje të caktuar. Për çfarë
ndodhie bëhet fjalë, kur ka ndodhur, cilët njerëz janë
të përfshirë, ku ka ndodhur; si, cilat janë shkaqet.
Kush?
Kush? Prapa çdo ngjarjeje qëndron ndonjë kryerës i
veprimit, viktima e ndonjë vepre ose dëshmitari i
ngjarjes. Tregimet për njerëzit gjithnjë e tërheqin
vëmendjen e publikut, sidomos nëse bëhet fjalë për
persona të njohur të jetës publike, qoftë nga politika,
kultura, ekonomia, sfera sociale ose estrada
Me fjalë të tjera, kur në tregime kemi njerëz,
përgjigjemi në pyetjen kush.
Çka?
Çka u ka ndodhur njerëzve ose çka ka ndodhur
përgjithësisht?
Përse të shkruhet për ndonjë njeri dhe ditën e tij pa
kurrfarë ndryshimesh ose momentesh të reja?
Për shembull: “EVN” ia preu rrymën në shtëpi
shkupjanit M.A, për shkak se nuk i kishte paguar
faturat e rrymës nga maji deri në gusht, në një lartësi
prej 30 mijë denarëve
Kur?
Në lajm ose në tregim doemos duhet të theksohet
koha e saktë e ngjarjes.
Për shembull:Të shtunën në mbrëmje u rrëzua shtylla
e largpërçuesit, me ç’rast fshati Cërnilishtë mbeti në
terr për 5 orë.
Ku?
Njësoj sikurse koha, duhet të bëhet lokacioni i saktë i
vendit të ngjarjes.
Për shembull: Në rrugën Gostivar-Kërçovë, në
vendndalesën Strazha, rruga është mbuluar me borë.
Si?
Njëra prej dy pyetjeve të fundit së cilës duhet t’i
përgjigjet teksti gazetaresk është se si është zhvilluar
ngjarja.
“Ndeshja ndodhi kur mjeti i markës ‘mercedes’, i
drejtuar nga M. S., nga korsia e djathtë kaloi në
korsinë e majtë dhe i ra autobusit të markës ‘Man’ me
regjistrim SK, me ç’rast shoferi i automjetit të
udhëtarëve mori lëndime të rënda trupore”.
Përse?
Gazetari duhet të përgjigjet duke u thirrur në burime
zyrtare dhe të tjera se përse ka ndodhur ngjarja.
Prapa çdo pasoje doemos duhet të ketë ndonjë shkak.
Nëse ‘mercedesi’ e ka shkaktuar fatkeqësinë duke
kaluar në korsinë e kundërt
Si ka qenë rruga? A mos është bërë shkaku i ndonjë
kthese të rrezikshme? A mos e ka humbur kontrollin
shoferi për shkak të lodhjes ose për shkak të dehjes? A
mos ia ka prerë rrugën ndonjë shtazë apo ndonjë
këmbësor?
SI PËRGATITEN LAJMET?
Mediat (gazeta, radioja, televizioni dhe ueb-faqja)
kanë një ekip gazetarësh, të cilët mbulojnë një hark të
gjerë ngjarjesh. Të gjithë ata e përbëjnë
redaksinëvendin ku përgatiten lajmet. Gazetarët që
njoftojnë nga terreni quhen reporterë. Ata që njoftojnë
nga qytetet ose shtetet tjera janë korrespondentë.
Numri më i madh i reporterëve punojnë në të
ashtuquajturën redaksi e brendshme, duke mbuluar
ngjarje që ndodhin në qytet, në rajon ose në vend.