Aya sunnah a ikidiya ko mbala a ai (ski) sii ko masa a kasosojod sii ko sambayang na pakapmblagn sa

diyangka a Sarangkao o Manosiya! go phakatindgn piyapiya, go phaka-adapn sa Qiblat so poro o mga

kmr . giyanan i titindgan o kadaklan ko mga Ulama, go giyanan i tindg o Madhab o Imam tano a
Shafii ago so Imam Ahmad Bin Hambal.
MADHAB A SHAFI'I
" :

"...
Pitharo o Imam Shafii: Giyanani kabaya akn a sowaan o tao a somosojod a pakapagawataa niyan a
Rarb iyan ago so mbala a bobon, go awata niyan so dowa a siko ko mbala a Kilid iyan sa diyangka a
opama ka kasasawaan a irk iyan na khailay so irk iyan sa kikakayangn iyan ko mbala a siko niyan, go
diniyan pakapndkta a ambala a lb iyan, go pakamblaga niyan ambala a ai (ski) niyan..
" :
" ..
Pitharo o Imam Nawawi Al-Shafii: Aya katharo o mga pd ami a mga ulama a mga Shafii na Aya
Sunnah (a sowaan o tao sii ko masa a kasosojod iyan) na pakamblaga niyan so mbala a ai niyan.
Pitharo o Imam Al-Qadhi Abu at-tayyeb Al-Shafii a pitharo o mga pd ami a mga Ulama a mga Shafii
a aya diyangka a kapakapmblaga ko mbala a ai (sii ko masa a kasosojod) na Sarangkaw.
. : : .
Pitharo o Imam Qalyobi Al-Shafii ago so Imam Umaira Al-Shafii: Aya Sunnah (sii ko masa a
kasosojod) na pakapmblagn so mbala a ai sa diyangka a Sarangkaw, na sakamauto mambo a datar o
mbala a lb a pakapmblagn sa diyangka a sarangkaw.

MADHAB A HAMBALI
: : ":
."
Pitharo o Imam Ibn Al-Quddama Al-hambali: Aya sunnah (sii ko masa a kasosojod) na so
kapakamblaga o Tao a somosojod ko mbala a lb iyan ago so mbala a ai niyan, sa aya dalil na so Hadith
a miyapanothol o Abu Humaid: a igira a somosojod so Nabi na pakambblagn iyan amabala a Lb iyan,
ago aawatn iyan a tiyan iyan ko mbala a bobon iyan.
Commentary: Miyakarayag a aya tindg o Madhab a Shafii ago so Madhab a Hambali na pakapmblagn
so mbala a ski (palada ai) sii ko masa a kasosojod sii ko sambayang. na diniyangka o Madhab a Shafii
sa Sarangkaw a kapakapmblaga ko mbala a ski sii ko masa a kasosojod.

Sii ko Madhab a Hanafi ago sii ko Madhab a Maliki na da a miya-aloy o mga ulama iran a tindg
iran ko ikidiya ko mbala a ai sii ko masa a kasosojod. Aya maana o Lalag na dadn tindgi o Pat a Imam
so kapakandkta ko mbala a ai sii ko masa a kasosojod sii ko sambayang!. Misabap san na aya dn a
taralbi sii ko Muslim na sadn sa da tindgi o pat imam ko mga mas-alah a riyaot iran na mastomo so
kapphananggilai niyanon, sa aya datar anan na so gikapakandkta ko mbala a ai sii ko masa a kasosojod
na dadn aba san mitindg ko pat a Imam na mastomo so kapphananggilai tano sa lagid anan a kpit!.

KATAYA SO DALIL A PITINDGAN O KADAKLAN KO MGA ULAMA KO GIPAKAMBLAGA

KO MBALA A AI SII KO MASA A KASOSOJOD:
) : ( 735)
: ) ( : " :(2/297) " " .(
."
Miyakathitayan ko Abi Humaid: iniropa iyan so okit a sambayang o Nabi (pbuh): igira a somosojod so
Nabi na pakambblagn iyan so mbala a bobon iyan. Piyakarayag o Imam Al-Shawkani a giyanan a
hadith sa pitharo iyan: gipakamblagn o Nabi so mbala a bobon iyan (sii ko masa a kasosojod iyan),
go so mbala a lb iyan, go so mbala a ai (ski) niyan.
": " :
" .
Pitharo o Imam Al-Sheerazi: Pakamblaga o tao a somosojod so mbala a ai niyan ka miniropa o Abu
Humaid so ropaan a kasambayang o Nabi (pbuh): igira a somosojod so Nabi na pakambblagn iyan so
mbala a ai niyan. Piyanothol o Abu dawood ago so Imam Al-Bayhaqi.
Aya mitindg ko gikapakandkta ko mbala a ai sii ko masa a kasosojod na isa ko mga ulama a Salafi
a si Shiekh Uthaymeen (died 2001 G) ago so miyonoton ada mapirakatao a pd ko mga bago a mga
Ulama. Na si Shiekh Bin Baz (died 1999 G) a isa mambo ko mala a ulama a Salafi na aya pitindgan
iyan na so pitindgan o kadaklan ko mga ulama a giyanan so gikapakamblaga ko mbala a ai sii ko masa
a kasosojod!. Miya-aloy anan ko fatwa iyan Nooron Ala ddarab.
Aya maana niyan na makambibida sa Kpit si Shiekh Uthaymeen ago si Shiekh Bin Baz sii sa giyai a
Mas-alah a p'phagosayin tano. ka si Shiekh Uthaymeen na aya kpit iyan na pakapndkt'n so mbala a ai
sii ko masa a kasosojod, na si Shiekh Bin Baz na aya kpit iyan na pakapmblagn so mbala a ai.
Aya dalil i Shiekh Uthaymeen ko kpit iyan ko gikapakanddkta ko mbala a ai sii ko masa a
kasosojod na Hadith a Dhaeef ka hadith a Shadh. Aya pn a pd a ulama a komiyokomon sa Shadh na isa
ko mga ulama sa hadith o mga Salafi a si Shiekh Moqbil!. Sa kataya so Nass o Hadith a dalil i Sheikh
Uthaymeen:


:
:
: :

" :
" :
"
" : " : " : " :
" .
: :
. " "
Note: Sasabotn tano a so pat a Imam na bbgan siran o Allah sa madalm a ilmo ko mga hadith o Nabi
(pbuh), na dadn a sakatao kiran iba niyan pikpitan a giyanan a gikapakandkta ko mbala a ai sii ko masa
a Kasosojod. Na ino pn dadn a sakatao kiran iba niyan anan pikpitan ka karina sa malobay a giyanan a
hadith a dalil i Shiekh Uthaymeen.
So Mipantag ko katindg ko masa a Sambayang na miyaompong so mga Ulama sa aya Sunnah a
ikidiya ko mbala a ai na pakapmblagn. Na diniyangka o mga ulama tano a mga Shafii sa diyangka a
Sarangkaw o manosiya. na kiyokom iran sa Makrooh so kapakanddkta ko mbala a ai sii ko masa a
katitindg ko sambayang.