sangguniang magagamit sa pagkuha ng mga impormasyon at tala. Matatagpuan ito sa katapusan ng papel at may pamagat na "Talasanggunian". Kapag kakaunti ang pinagkukunan o hanguan, hindi na ito pinapangat-pangkat. Itinatala na lamang ito ayon sa alphabetong pasunodsunod. Isinasama sa talasanggunian ang tala tungkol sa awtor, pamagat at publikasyon. Halimabawa ng Talasanggunian:
San Andres, Teody. 1988. Rizal-Bayani ng Lahi: TCS-Publishing
house. Goday, Renato. 1995. Gamiting Filipino: Rex Bookstore. Mendoza, Elisa. 2004. Sining ng Komunikasyon at Linggwistika: TCS-Publishing house.
Ang Paglika ng Konseptong Papel
Ang konseptong papel ay ang kabuuan ng kaisipan o ideyang nabuo mula sa istraktura at buod ng isang ideyang tumatalakay sa ibig linawin at patunayan. Ito ay binubuo ng apat na bahagi: a.) Ang Rasyunal - Sa bahaging ito ipinapahayag kung saan nagmula ang ideya at kung bakit napili ang isang paksa. Ibinibigay din dito ang kahalagahan at kabuluhan ng nasabing paksa. b.) Ang Layunin - Sa layunin isinasaad ang nais matamo ng riserts. Ito'y maaaring pangkalahatan at tiyak. Sa pangkalahatan ipinapahayag ang kabuuang layon, ang gustong malaman ang riserts. Tiyak ito kung ipinapahayag ang ispesipikong layon sa pagririserts ng paksa. Halimbawa: Pangkalahatang Layunin:
Alamin at suruin ang pinsalang maaaring magawa ng
protesta sa mga estudyante ng BulSU na taga-Bulacan. Mga Tiyak na Layunin: 1. Alamin ang bilang ng mga estudyante sa BulSU. 2. Pag-aralan ang maaaring pinsalang pisikal na magagawa sa mga estudyanteng nakatira sa Bulacan. 3. Ipakita ang maaaring magawang solusyon upang mapigil o maibsan ang pinsala sa pamamagitan ng riserts. c.) Metodolohiya - Ipinapakita rito ang prosesong gagamitin sa pagkuha ng datos at pagsusuri sa napiling paksa sa riserts. Sa pagkuha ng datos, maaaring gamitin ang sarbey, interbyu, case study, questionaire, obserbasyon, atbp. Halimbawa:
Kukuha ng datos ukol sa protesta sa Bulacan mula sa mga
artikulo at dyaryo. Kukuha rin ng impormasyon ukol dito sa mga opisinang nasasakop ng ganitong lugar. Magiinterbyu ng mga estudyante at mga propesor na nagtuturo sa BulSA.
d.) Inaasahang Output - Ito ang inaasahang kalalabasan ng
riserts. Maaari ring sabihin dito kung ilang pahina ang mabubuong riserts, at kung may karagdagang bahagi tulad ng bibliograpi at apendiks. Halimbawa: Inaasahang Output: May tinatayang 40-50 pahina ang mabubuo mula sa riserts. Kasama na rit ang pahina ng bibliograpi at apendiks.