Nakuha ko ang masculinity ko noong ako ay pitong taong gulang siguro.
Ito ang panahon
na sinasabihan ako ng aking ama at mga kapatid na lumayo na sa aking ina at subukang gayahin ang aking ama. Bilang tanging lalake sa aming pamilya bukod sa aking ama, kinailangang mahubog ako sa pagkakalalake sa isang maagang panahon.Tinuruan ako na matutong mabuhay ng hindi masyadong umaasa sa aking ina. Noong mga panahon na ito, ay litong lito ako at nalulungkot dahil hindi ko maisip na kakayanin kong mabuhay ng hindi na masyadong umaasa sa ina. Kinailangang kong patayin ang pagmamahal ko sa ina at ilipat ito sa aking ama upang maging isang tunay na lalake. Para sa akin, ito ang pinaka malalang pangyayari siguro na pinagdaanan ko ngunit ngayon ay nakita ko ang halaga nito dahil kinayang kong mabuhay ng hindi umaasa sa iba.