Efren Peaflorida

Mula sa Wikipediang Tagalog, ang malayang ensiklopedya

Tumalon sa: nabigasyon, hanapin
Efren Peaflorida
Kapanganakan

1981 (edad 3334)

Pilipinas
Kilala dahil sa

"Kariton Classroom"

Si Efren Geronimo Peaflorida, Jr. (ipinanganak noong 5 Marso 1981) ay isang guro
at panlipunang manggagawa sa Pilipinas. Siya ang nagtatag at tagapamuno ng
Dynamic Teen Company, na naghahandog sa mga kabataang Pilipino ng alternatibo
sa mga palaboy sa kalye sa pamamagitan ng edukasyon, sa paglalapit ng paaralan
sa mga hindi kinakaugaliang lugar tulad ng sementeryo at mga tambakan ng
basura.[1]

Noong Marso 2009, itinampok si Peaflorida sa Bayani ng CNN bilang bahagi ng

programa ng network sa pagpaparangal sa mga indibidwal na may kahangahangang kontribusyon sa pagtulong sa iba.[2] Noong 22 Nobyembre 2009, hinirang
siyang Bayani ng Taon ng CNN para sa taong 2009.

Si Efren Geronimo Peaflorida, Jr.ay ipinanganak noong 1981 bilang pangalawang

anak nina Efren Peaflorida Sr., isang traysikel drayber, at Lucila Geronimo,
maybahay.[3] Nagsimula ang pamilya ng isang maliit na negosyong pansitan para
makasapat sa kanilang pangangailangan.[3] Lumaki si Efren sa isang iskwater na
malapit sa tambakan ng basura, naglalaro sa gitna ng mga basura at naliligo sa
maruming tubig.[3] Malimit siyang inaapi ng kanyang mga kapitbahay.[3]

Nagtapos si Peaflorida ng elementarya at sekondarya sa tulong ng iskolarsip at

tulong pinansiyal, at nagkamit siya ng ilang mga parangal at gawad sa klase.[3]
Taong 2000, nagtapos siya sa San Sebastian College - Recoletos na may degree sa
Teknolohiyang Pangkompyuter na may mataas na karangalan.[3] Ipinagpatuloy niya
ang kanyang ikalawang kurso sa Cavite State University, kung saan nagtapos siya
bilang cum laude noong 2006 sa kursong Mataas na Edukasyon.[3].
Dynamic Teen Company[baguhin | baguhin ang batayan]

Nang siya'y 16 na taong gulang, itinatag ni Peaflorida ang grupo ng kabataan sa

mataas na paaralan na may layuning ilayo ang atensiyon ng mga mag-aaral sa mga

gang sa kalye, at tungo sa pagbubuo ng lipunan at pagunlad pansarili.[3] Kasama

ang ibang kamag-aral pinangalanan nila ang grupo bilang "Dynamic Team
Company".
CNN Hero[baguhin | baguhin ang batayan]

Si Peaflorida ay iminungkahi para sa Bayani ng CNN ng Club 8586, ang grupo ng

kabataan na sumagot sa pag-aaral niya ng elementarya at hayskul.[4] Matapos ang
pagsasala sa mahigit 9,000 mga nominado mula sa humigit 100 mga bansa, napili
ng Blue Ribbon Panel ng CNN si Peaflorida bilang isa sa 28 mga bayani ng 2009.
Noong Oktubre 1, itinanghal si Peaflorida bilang isa sa mga sampung natitirang
nominado. At noong Nobyembre 22, hinirang siyang Bayani ng Taon ng CNN para sa
taong 2009. Kalakip ng parangal ang 100,000 dolyar na pera para ipagpatuloy ang
kanyang gawain sa Dynamic Teen Company.[4]