KONSEPTONG PAPEL SA PANANALIKSIK SA PAG-INOM NG ALAK NG MGA
KABATAAN
FILIPINO 12
IPINASA NI ANGELA A. GAUIRAN
IPINASA KAY GNG. NARCISA LAGGUI
MAY 25, 2017
I. INTRODUKSYON Ang pag-abuso sa alak ay isang masalimuot na problema, kabilang na rito ang mapanganib na pag-inom, nakapipinsalang pag-inom, at pagkasugapa. Ang mapanganib na pag- inom, gaya ng pakahulugan dito ng World Health Organization, ay regular na pag-inom ng alak na maaaring magdulot ng pinsala, sa katawan, isip, o lipunan. Kasali rito ang pag-inom nang higit sa limitasyong inirerekomenda ng mga awtoridad sa kalusugan o isinasaad ng batas. Ang nakapipinsalang pag-inom ay nagsasangkot ng pag-inom na nagdudulot na ng pinsala sa katawan o isip pero hindi pa humahantong sa pagkasugapa. Ang pagkasugapa ay inilalarawan bilang kawalan ng kakayahan na magpigil sa pag-inom. Ang isang taong sugapa sa alak ay may matinding pagkauhaw rito, umiinom pa rin sa kabila ng mga problemang idinudulot nito, at nakararanas ng di-kaayaayang mga sintomas kapag hindi nakainom. II. RASYONALE Ang isa sa mga hilig ng mga kabataan ngayon ay ang pag-inom ng alak. Nagiging bisyo ito para sa karamihan. Hindi lamang ang mga matatanda ang umiinom ngayon. Maging ang mga menor de edad at kahit ang mga kababaihan. Iba't iba ang kanilang dahilan kung bakit sila umiinom ng alak. Dahil sa okasyon at kapag sila ay may problema. At ito ay nagiging bisyo na nila. Kaya't nagiging pangkaraniwan na para sa mga kabataan ang uminom ng alak. Malalim ang mga dahilan kung bakit maraming nahihilig na uminom nito. Marami ring nagiging epekto ng pag-inom nito. At napakaraming naaapektuhan. Isa itong lason na sumisira sa buhay ng maraming kabataan. Bagamat ibat iba ang dami ng alak sa kailangan sa ibat ibang tao upang malasing, maaaring magsilbing gabay ang sumusunod. Ayon sa mga ibat ibang himpilan, ay pinakamarami ngunit katanggap-tanggap parin na pag-inom ay 1-2 bote ng beer kada araw ngunit hindi lalampas ng 7 bote ng beer sa isang linggo. Sa hard drinks naman gaya ng gin, vodka, rum, o brandy na may 40% alcohol, hanggang 4 na shot (25 ml x 4 = 100mL) bawat araw ngunit hindi lalampas ng 14 na shot sa isang linggo. Ngunit marahil marami sa atin ang hindi nakakaalam na ang paglalasing at pagiging manginginom ay maraming masamang epekto na naidudulot sa ating katawan at maging sa ating buhay. Marahil marami sa atin na ang alam ay nakakalaki lamang ng tiyan ang alak. Ngunit kung ating pag-aaralan,marami din epekto ang pag-inom ng alak at paglalasing sa ating kalusugan at pamumuhay. Ang pananaliksik na ito ay kinakailangan upang maipabatid sa mga mambabasa nito ang lumalalang kondisyon ng pagkalulong mga kabataan sa beer at alak. Ang mga estudyante ng kolehiyo ang karaniwang biktima ng mapanirang alak. Sa panahon ngayon ang mga kabataan ay mas lalong nalulong sa paginom dahil sa madaming dahilan nariyan ang pinakamadalas na dahilan ang problema sa pamilya, pagiging mapangahas sa pagsubok sa madaming bagay, ang pageendorso ng mga alak na ito gamit ang media sa diyaryo man o telibisyon. III. LAYUNIN Ang layunin ng pananaliksik na ito ay mapagaralan at alamin ang mga sanhi ng pag-inom ng alak ng mga kabataan. Makakatulong din ito sa mga hindi umiinom ng alak upang huwag na nila subukan ang masamang bisyo na ito. Tukuyin kung ano ang karaniwang dahilan kung bakit umiinom ng alak ang kabataan. Alamin kung ano ang aspektong naapektuhan sa buhay ng isang mag-aaral na umiinom ng alak Tukuyin ang ibat ibang pamamaraan ng pagkontrol sa mga mangininginom IV. LAWAK AT DELIMITASYON Ang paksang ito ay tumatalakay sa dami ng mga kabataan na nalululong sa bisyo lalo na sa alak o ang paginum ng alak. Ang paksa ay nakatuon sa dami ng umiinum ng alak sa loob ng paaralang Cagayan State University, sa mga estudyante ng College of Engineering, sa edad na 16-20 taong gulang natututo ang mga kabataan na magkaroon ng bisyo, dahil na rin sa impluwensiya nga mga taong nakapaligid sa kanila. Isang magandang halimbawa dito ang mga kaibigan o barkada maaari ka nilang maimpluwensiyahan ngunit nakadepende rin ito sa kagustohan mo, at maging ang kulang na atensiyon na ibinibigay ng mga magulang ay sapat ng maging dahilan upang tayo ay malulong saanumang bisyo.Ipapaliwanag namin dito ang mga maaaring sanhi o dahilan ng mga kabataan upang malulong sa mga bisyo at ang maaaring epekto nito sa kanilang pangaraw-araw na pamumuhay at lalo na sa kanilang kalusugan, at kung papaano nila ito maiiwasan V. METODOLOHIYA Ang metodolohiyang maaring gamitin sa paggawa ng papel ayon sa paksang ito ay ang pagkuha ng impormasyon sa mga librong nabasa na tungkol sa pag-inom ng alak. Maari rin gumamit ng sarbey upang malaman ang opinyon ng mga kabataan na umiinom o hindi umiinom ng alak. Ang mga datos na makakalap ay maaring gamitin upang malaman ang bilang ng kabataang umiinom at hindi at ang kanilang mga dahilan kung bakit sila umiinom. Maari rin magsagawa ng interbyu ng mga piling estudyante. VI. INAASAHANG BUNGA Inaasahan na sa pag-aaral na ito, mababawasan ang mga kabataang nalululong sa alak. Inaasahang mabibigyang linaw ang mga kabataan sa epekto ng alak. Mauunawaan ang maaring maidudulot nito sa ating katawan at masamang epekto sa buhay ng mga kabataan. VII. BIBLIOGRAPIYA Ong, Willie T.Paano ititigil ang pag-inom ng alak?.June 23, 2016.Philippine Star Ngayon Filipinodiksyonaryo(2016).Isyu: Mga Problemang Kinahaharap ng Mga Kabataan Ngayon: Bisyo sa Kabataan mula sa https://filipinodiksyonaryo.wordpress.com/2016/09/02/isyu-mga-problemang- kinakaharap-ng-mga-kabataan/ Mga masasamang epekto ng paglalasing o sobrang pag-inom ng alak hinalaw sa http://kalusugan.ph/