gigising sa akin.Kasunod noon ay ang pagmamadaling bumangon upang ihanda ang aking sarili sa pagpasok sa eskwela. Palibhasa ay wala si mommy at si daddy,kailangan kong ayusin ang aking sarili ng mag isa gayun din ang aking Kuya. Sa ibang bansa nga pala naghahanap buhay ang aming magulang.Magkasama sila sa bansang España upang makipagsapalaran sa ikauunlad ng aming pamumuhay. Bakit ko nga ba naikwento? Dahil sa aking munting pananaw,dito sumasalamin ang buhay ng modernong kabataan na tulad ko,ang maging responsable para sa sarili. Sa panahon ngayon , kung hindi man abala ang ating mga magulang sa kanilang mga hanap buhay ay mayroong kakaunting oras para maasikaso o matulungan tayo sa ating personal na gawain.At ang iba naman ay piniling maghanapbuhay sa ibang lugar o ibayong bansa tulad ng aming magulang. Maaaring nung araw ay mura mga bilihin,mababang "Tuition Fee", ganun din ang transportasyon.Mayroon pa silang kapasidad upang mapag aral ang mga anak. At dahil na rin sa pag usad ng panahon ay marami ang nagbago.Hindi na naging madali ang magpaaral kadahilanang sa tinatawag nating "Price Increase" at mga "Expenditures hike". Bilang kabataan sa panahong ito ay mas lalo pang lumawak ang aming pang unawa at responsibilidad ng pagmumuhay sa loob ng aming pamilya.Naramdaman namin ang lubos na pagkalinga dahil sa sakripisyo ng aming mga magulang para sa amin. Bagaman at hindi madali sa kanila na kami ay mabigyan ng sapat na edukasyon ay patuloy pa rin silang nagsisikap para sa amin.Dahil dito lalo naming naintindihan ang labis na pag aaruga nila sa mga anak na tulad namin. Ang pagmamahal,pang unawa,at responsibilidad sa sarili ang aming mga katangian upang maabot ang tagumpay na aming minimithi.Ito rin marahil ang mga mabubuting bagay na aming maibabahagi sa mga kabataan sa susunod pang panahon. Kami ang mga kabataan ngayon, na may mas malalim na pananaw sa ikakaunlad ng pamilya gayun din sa ating bayan na may takot sa Diyos at respeto sa kapwa. Ito ang kabataan sa modernong panahon....