KAYA KO UNI, AKO PA!

Sa buhay na kadakol nin problema, maabot ang punto na masabi kang "Habo ko na, dae ko na kaya."
Pero aban-aban mangirit ka na sana asin masabing "Kaya ko uni, ako pa!"

Sa oras nin daeng kasiguraduhan, maduwa-duwang isip ka nin huli ta sa hiling mo mayo ka nang
padudumanan. Pero aban-aban mangirit ka na sana asin masabing "Kaya ko uni, ako pa!"

Sa lugar na pano nin negatibo asin kadakol kang kakontraryo, mapundo ka na sana tapos masabing "Suko
na ako" ta akala mo daog kana. Pero aban-aban mangirit ka na sana asin masabing "Kaya ko uni, ako pa!"

Sa panahon na mayong nagtutubod asin nagtitiwala saimo, minahagayhay ka asin masabing "Ay inda,
pagal na ako." Pero aban-aban mangirit ka na sana asin masabing "Kaya ko uni, ako pa!"

Masakit pero piriton mong kayanon, mapagal pero piriton mong tapuson, makahibi pero piriton
magngirit, makalugmok pero piriton mong magtindog nin huli ta sa tawong dae tatao magsuko, mayong
makakadaog. Basta pag may problema ngiritan mo sana asin magsabing "Kaya ko uni, ako pa!"