Bidasari

*SFX IBON*
Ang kaharian ng Kembayat ay naliligalig dahil sa isang dambuhalang ibon. Ang ibong ito ay
mapaminsala sa mga pananim at maging sa buhay ng tao. Ang ibong ito ay ang ibong garuda.

Isang Taganayon: Paparating na ang garuda! Magsitago na kayo! Masitago na hangga't may
oras pa!
*SFX SIGAW NG TAO*
Lahat ng tao ay natakot at nagkagulo, walang isang tao hindi sumisigaw. Sa pagtatakbuhan ng
mga tao, nagkahiwalay sa pagtakbo ang sultan at sultana ng Kembayat. Ang sultana ng
Kembayat ay nagdadalantao noon.
Sa laki ng takot ay naisilang niya ang sanggol na babae sa may tabi ng ilog...

Sultana: *SFX MOTHER IRE*

At sa pagkalito ay naiwan niya ang sanggol sa isang bangka.

Sultana: Nasaan na ang iba? Kailangan kong makatakas! K-kailangan kong makaalis!

May makapulot naman ng sanggol. Siya ay si Diyuhara, isang mangangalakal mula sa kabilang
kaharian.

*SFX BABY CRYING*

Diyuhara: Huh? Ano iyon? S-sanggol! Ika'y kaawa-awa naman! Nasaan ang iyong magulang?

Kanyang pinagyaman at iniuwi sa bahay ang sanggol. Pinangalanan nila ang sanggol na
Bidasari. Habang lumalaki si Bidasari ay lalo pang gumaganda. Maligaya si Bidasari sa piling ng
kanyang nakikilalang magulang.
Sa kaharian ng Indrapura, ang Sultang Mongindra ay dalawang taon pa lamang kasal kay Lila
Sari. Mapanibughuin si Lila Sari. Natatakot siyang umibig pa sa ibang babae ang sultan.

Lila Sari: Mahal mo ba ako, o Sultan?

Sultan: Mahal na mahal ka sa akin.

Hindi pa rin nasisiyahan ang magandang asawa ng sultan sa sagot niya.

Lila Sari: O mahal na sultan, hindi mo kaya ako malimutan kung may makita kang higit na
maganda kaysa akin?

Sultan: Kung higit na maganda pa sa iyo, ngunit ikaw ang pinakamaganda sa lahat.

Nag-alala ang Sultana kaya't karakarakang inutusan niya ang matapat niyang mga kabig na
saliksikin ang kaharian upang malaman kung may babaeng higit na maganda sa sultana.

Lila Sari: Hanapin niyo kung sino man ang mas lalamang sa aking angking ganda! Gawin niyo,
kahit halughigin niyo pa ang buong kaharian!

Kampon: Opo, Mahal na Sultana.

Nakita ng mga tauhan ni Lila Sari si Bidasari at siya ay higit na maganda kaysa kay Lila Sari.

Inanyayahan ng Sultana si Bidasari sa palasyo upang diumano ay gagawing dama ng Sultana.

Ngunit pagsapit doon, si Bidasari ay lihim na ikinulong ni Lila Sari sa isang silid at doon
pinarurusahan.

Bidasari: Parang awa niyo na! Pakawalan niyo na ho ako!

Lila Sari: Hindi! Hindi maari! Dito ka lamang at dito ka mabubulok hanggang kamatayan!

Nang hindi na matiis ni Bidasari ang mga pagpaparusa sa kanya,sinabi niyang kunin ang isdang
ginto sa halamanan ng kanyang ama. Kapag araw, isusuot ni Lila Sari ang isdang ginto na parang
kwintas.At kapag gabi na,ibabalik niya sa tubig at hindi maglalaon si Bidasari at mamamatay.

Lila Sari: Pumapayag ako sa binibibigay mo sa akin.Sige! Umuwi ka na rin!

Ginawa ni Lila Sari ang sinabi sa kanya ni Bidasari kaya si Bidasari ay nakaburol tuwing umaga
at muling bumabangon kapag gabi na. Pero si Diyuhara ay nag-alala na patuloy na patuloy lang
papatayin si Bidasari.

Diyuhara: Kung ito ay tuloy lang na mangyayari,kailangan ni Bidasari ng tahanan ng kanyang

sarili

Kaya siya ay nagpagawa ng isang malaking palasyo at doon mag-isa nakatira si Bidasari

Si Sultan Mongindra ay nagulat nang may makita siyang isang mahiwagang palasyo na
nakapwesto sa gubat habang siya ay nangangaso. Nakasara ang pinto nito kaya pinilit niyang
buksan ito at pinasukan niya ang palasyo.

Doon sa loob ng isa sa mga silid ng palasyo, nakita niya si Bidasari,natutulog ng mahimbing.

Sultan Mongindra: Sino itong magandang binibini at parang hindi ko siya magising kahit ano
ang gawin ko?

Umuwi na lang si Sultan Mongindra nang hindi niya nakausap si Bidasari.

Bumalik siya kinabukasan at naghintay siya hanggang gabi. At nang sumapit ang gabi,doon na
gumising si Bidasari.
*SFX CRICKETS*
Sultan Mongindra: Magandang binibini,kay tagal ako naghintay na gumising ka. Maari bang
malaman pangalan mo?

Bidasari:Ako ay si Bidasari, Mahal na Sultan.

Sultan Mongindra: Bakit ngayon ka lang nagising sa pagkatulog mo?

Bidasari: Kaya nangyayari ito sa akin ay dahil sa inyong asawa na si Lila Sari.

Nagalit ang Sultan sa narinig niya kaya agad-agad niya iniwan si Lila Sari sa palasyo.
Pinakasalan niya si Bidasari at siya na ang naging reyna.

Samantala, pagkaraan ng mga ilang taon,ang tunay na magulang ni Bidasari ay muli nang
naninirahan ng tahimik sa Kembayat. Nagkaroon pa ng isang supling at ipinangalan na Sinapati.

Isang araw,pumunta si Diyuhara sa Kembayat at doon nakita si Sinapati.

Napansin agad ni Diyuhara na kamukhang-kamukha ni Sinapati si Bidasari.Kinaibigan niya si

Sinapati at ibinalita tungkol sa kapatid niya.

Diyuhara : Sinapati,may kapatid ka. Sobrang magkamukha kayong dalawa.

Sinapati: Ho?W ala ho akong kapatid.

Diyuhara: Itanong mo sa mga magulang mo

Agad-agad, pumunta si Sinapati sa kanyang magulang at nagtanong tungkol dito.

Sinapati: Ama, ina. Wala ba akong kapatid na nawalay sa ating pamilya?

Sultan: Mayroon...Tara,sumama ka sa akin sa Indrapura.
*SFX HOPEFUL HAPPY ENDING*
Nang nakarating na sila sa Indrapura,nagkita ang dalawang magkakapatid at parehas sila nagulat
nang nakita nila na magkamukha sila. Masaya na ang Sultan ng Kembayat ngayon nahanap na
niya ang kanyang nawawalang anak. Habang gulat naman ang sultan ng Indrapura na ang
pinakasalan niyang si Bidasari ay isang prinsesa pala.