Allene Mei P.

Ebuenga 12 – STEM

AGAMA
Senior High School – Organisasyon kaugnay sa Agham
Pambansang Mataas na Paaralan ng Zambales

KATITIKAN NG PULONG

Petsa ng Pagpupulong: Ika-12 ng Setyembre, taong 2018 (Miyerkules)

Sakop na Oras ng Pagpupulong: Mula ika-4 ng hapon hanggang ika-4:44 ng hapon
Lokasyon ng Pagpupulong: Room 15, 3rd Floor, Senior High School Building

MGA DUMALO:

1. Ecobisag, Sheena Faye P. Pangulo

2. Ramos, Justin M. Kalihim
3. Divino, Jackielyn A. Tagapangulo ng Finance Committee
4. Duplon, Alethea Ariadnae D. Klerk ng Finance Committee
5. Rosete, Angel S. Tagapangulo ng Activity Committee
6. Asingua, Melody Anne C. Klerk ng Activity Committee
7. Bautista, Prauline Daisy C. Tagapangulo ng Membership Committee
8. Mislan, Danica Mae D. Klerk ng Membership Committee

HINDI NAKADALO:

1. Lesaca, Emmanuel Florenzo M. Ikalawang Pangulong Panlabas

I. PAGTAWAG NG PASIMULA NG PULONG

 Pormal na pinasimulan ang pulong ganap na ika-4 ng hapon sa pangunguna ng Pangulo

ng AGAMA Club na si Sheena Faye P. Ecobisag kaagapay ang Kalihim na si Justin M.
Ramos.
Allene Mei P. Ebuenga 12 – STEM

 Ang pambungad na panalangin ay pinangunahan ni Prauline Daisy C. Bautista,

Tagapangulo ng Membership Committee, at ang pagkanta sa Pambansang Awit ay
pinangunahan naman ni Melody Anne C. Asingua, Klerk ng Activity Committee.

II. PAGBASA AT PAGPAPATIBAY NG NAGDAANG KATITIKAN NG PULONG

 Binasa ng Kalihim na si Justin M. Ramos ang katitikan para sa nakaraang pulong na

naglalaman ng mga itinakdang opisyal ng AGAMA Club para sa Taong Panuruan 2018-
2019. Sapagkat walang naging puna o inihaing karagdagan or pagbabago rito,
ipinagtibay ng Pangulo ang nakaraang katitikan ng pulong at ito’y pinangalawahan ng
mga dumalo.

III. ACTION ITEMS O MGA USAPING NAPAGKASUNDUAN (AGENDA):

1. Pagkakaroon ng diskusyon ukol sa mga planong aktibidad ng organisasyon buhat sa iba’t

ibang komite
2. Paglalahad ng mga inaasahang problema kaugnay sa mga plano
3. Pagmumungkahi ng mga solusyon para sa mga suliraning ito
4. Mga karagdagang usapin at mga rekomendasyon

IV. PAGBALITA O PATALASTAS SA PULONG:

1. Nagsimula ang paglalahad ng mga plano mula sa Membership Committee na iprinisinta

ng Tagapangulo na si Prauline Daisy C. Bautista at Klerk na si Danica Mae D. Mislan.

a. Sentro ng usapin ang pagkakaroon ng malaking bilang at malawak na sakop ng

mga kalahok ng organisasyon. Dahil dito, kulang na ng opisyal na hahawak o
mangunguna sa mga kalahok na ito.
b. Mungkahing solusyon: Ipagpaalam sa Punong Tagapayo na si Gng. January Ong
Merete ang problemang ito at itanong ang limitasyon ng organisasyon hinggil sa
bilang ng mga opisyal. Kung maaari pang magdagdag, kukuha ng opisyal sa bawat
klase o silid-aralan upang mas matutukan ang mga miyembro or kalahok.

2. Sunod na nagsalita ang mga opisyal mula sa Finance Committee na sina Jackielyn A.
Divino, Tagapangulo, at Alethea Ariadnae D. Duplon, Klerk.

a. Nabanggit ng Klerk ang naging problema ng AGAMA Club noong nakaraang taon
ukol sa pagbabadyet ng pondo ng organisasyon. Dahil dito, iminungkahi nila ang
mga aktibidad na makatutulong sa paglikom ng pondo tulad ng “Fun Run” at
“Segregation of Waste Program”.
Allene Mei P. Ebuenga 12 – STEM

b. Napagpasiyahan na mga mag-aaral mula sa Senior High School Department ng

ZNHS lamang ang maaaring sumali sa mga aktibidad na ito.

c. Fun Run:

i. Napag-usapan ang distansya o layo ng “Fun Run” na maghahati sa aktibidad

depende sa kagustuhan ng mga kalahok. Nagtala ng ilang dibisyon tulad ng
1-km run, 5-km run at 10-km run. Inaasahan na ang mungkahing ito ay
makatutulong upang makapili ang mga kalahok ng dibisyon na mas angkop
para sa kanila.
ii. Naging parte rin ng diskusyon ang pagtatalaga ng sakop ng “Fun Run” na
sinasabing mula Iba hanggang Botolan. Isinama ang Botolan upang mas
marami ang sasama sa aktibidad na ito.
iii. Ang iba pang usapin ukol sa “Fun Run” ay ipinagpaliban na lamang at
napagdesisyunan din na magkaroon ng hiwalay na pulong ukol dito.

d. Segregation of Waste Program:

i. Nakapaloob sa aktibidad na ito ang pangongolekta ng mga plastik na bote at

ang mga nalikom ay ibebenta. Ang perang makukuha rito ay maidadagdag
sa pondo ng organisasyon, ngunit nabanggit na maliit lamang ang halagang
makakalap mula rito.
ii. Mungkahing solusyon: Makipag-ugnayan sa iba pang organisasyon sa
paaralan na may kaugnayan rin sa agham at kapaligiran tulad ng YES-O at
CARE. Ngunit kung ninanais na mga mag-aaral ng SHS lamang ang magiging
kalahok sa aktibidad na ito, kinakailangan ang mas maagap na paglikom ng
mga bote at iba pang mga bagay na maaaring ibenta.
iii. Ang iba pang usapin ukol sa “Segregation of Waste Program” tulad ng tiyak
na proseso ng segregation at pangongolekta ng mga bote, at mga materyales
na gagamitin, ay ipinagpaliban na lamang at napagdesisyunan na magkaroon
ng hiwalay na pulong hinggil dito.

3. Matapos ang Finance Committee, nag-anunsyo naman ang Tagapangulo ng Activity

Committee na si Angel S. Rosete at ang kaniyang Kalihim na si Melody Anne C. Asingua
ukol sa mungkahi nilang mga aktibidad para sa AGAMA Club.

a. Para sa buwan ng Hulyo, magkakaroon ng “Disaster Readiness and Risk Reduction

Seminar” ang lahat ng mag-aaral ng Zambales National High School para sa
paghahanda sa mga sakunang maaaring tumama sa kani-kanilang mga lugar.
b. Para sa buwan ng Setyembre, magsasagawa ang organisasyon ng “AGAMA Quiz
Bee” kung saan papalawakin nito ang kaalaman ng mga estudyante ukol sa
agham. Bago sumali, kinakailangang magbayad muna ang mga estudyante ng
limang (5) piso kada tao. Ang mga mananalo sa kompetisyong ito ay
makatatanggap naman ng kaukulang premyo.
Allene Mei P. Ebuenga 12 – STEM

c. Karagdagan naman sa buwan ng Setyembre ang pagsasagawa ng “Coastal Clean-

up” sa Takar River ng Bangantalinga, Iba, Zambales. Nilalayon nito ang paghikayat
sa mga mag-aaral na pangalagaan ang anyong-tubig ng ating bayan sa
pamamagitan ng pagpapanatili ng kalinisan ng mga baybayin at dalampasigan.
Ang pagrerehistro sa aktibidad na ito ay may bayad na labing-limang (15) piso
kada tao.

i. Nailabas bilang suhestiyon na maaaring magdala na lamang ng sariling

kagamitan tulad ng walis at pandakot ang mga sasama sa “Coastal Clean-up”
upang hindi na magbayad ang mga ito.
ii. Nairekomenda rin na magkaroon ng assessment of participants upang
masigurong maayos at mahusay ang gagawing paglilinis ng mga kalahok sa
aktibidad na ito. Maaaring magtalaga na lamang ng opisyal na gagawa nito,
or ‘di kaya’y paki-usapan ang punong tagapayo ng bawat klase.
iii. Ang “Coastal Clean-up” ng AGAMA Club ay inaasahang magkakaroon ng
kaibahan o sariling timpla mula sa “International Coastal Clean-up” na
ginaganap din taun-taon. Isa sa mga suhestiyon ay ang posibleng pamagat
ng “Coastal Clean-up” na “Linis Dalampasigan”.

d. Para naman sa buwan ng Oktubre, magkakaroon ng iba’t ibang aktibidad sa

kadahilanang ang Oktubre ang itinalagang “AGA-Month” ng AGAMA Club. Ang
mga kaukulang aktibidad ng “AGA-Month” ay magaganap sa loob ng isang linggo
lamang.

i. Una sa nabanggit ang “AGAMA Mural Competition” kung saan gagamit ang
mga kalahok ng organic paints o mga recyclable na materyales sa pagpipinta
ng kanilang mural sa harap ng Zambales National High School. Ang pagsali
rito ay nangangailangan ng limampung (50) piso kada tao.
ii. Sunod naman ang “AGAMA Recycled Fashion Show” na konektado sa
“Segregation of Waste Program”. Dala nito ang pamansag na “waste to
wearable clothes”. Ang mga damit naman na malilikha ay gagamitin upang
makalikom ang pondo. 30% nito ay dadaan sa auction at 70% nito ay para sa
AGAMA Club na lamang.
iii. Pangatlong suhestiyon naman ay ang “Mr. and Ms. AGAMA 2018”. Ito ay
isang beauty pageant na kung saan gagamit ng recyclable na damit ang mga
lakahok para sa kanilang panggayak. Konektado naman ito sa “AGAMA
Recycled Fashion Show” at maaaring kumuha ng kanilang mga kasuotan sa
mga nalikhang recyclable na damit.

e. Sa kabuuan, kaakibat ng mga aktibidad na ito ang “spend and claim policy” ng
AGAMA Club kung saan gagamitin ng organisasyon ang pondo nito ngunit
makatatanggap rin ang AGAMA ng pera mula sa mga posibleng kasapi ng mga
nabanggit na aktibidad.
Allene Mei P. Ebuenga 12 – STEM

f. Ang iba pang usapin kaugnay sa bawat aktibidad na nabanggit ay inaasahang

magkakaroon na lamang ng hiwalay na pagpupulong.

4. Bago matapos ang pagpupulong ay pinaalalahanan ng Pangulo ang mga opisyal ukol sa
kanilang mga tiyak na trabaho tulad ng pagbuo ng Constitution and Bylaws ng AGAMA
Club, mga video teaser, at promotional activities na isasagawa sa mga social networking
site.

5. Itinalaga ng Pangulo na ang susunod na pulong ay gaganapin sa ika-17 ng Setyembre,

taong 2018. Ang AGAMA Club ay magkakaroon ng pagpupulong kada-Lunes at
Miyerkules ng bawat linggo.

6. Sa kadahilanang nabanggit na ang mga usaping napagkasunduan at wala nang iba pang
suhestiyon, nagtapos ang pagpupulong sa ganap na ika-4:44 ng hapon ng kaparehong
araw.

ITINALA NI:

ALLENE MEI P. EBUENGA

Ikalawang Kalihim

SINANG-AYUNAN:

SHEENA FAYE P. ECOBISAG

Pangulo