Naniniwalang lahat, may kakayahan

‘Di man perpekto, may pintas, bawat isa

‘Di hadlang para ito’y maging basehan
Pantay-pantay kahit may pagkakaiba

Natuto sa sariling pagkakamali

Buhat ng paglipas ng mga panahon
Mga sandaling hindi maikukubli
Pangyayaring nagsimula ng pag-ahon

Salamat, aking magulang, kaibigan

Kasama sa panahon ng saya’t hirap
Upang kamtan, magandang kinabukasan
Sa tulong ng DIyos, abot ang pangarap