MGA ESTRATEHIYA UPANG MAGING MATAGUMPAY ANG ISANG NEGOSYO

Isang Papel Pananaliksik na Iniharap sa Kaguruan ng

College Department

Dr. Yanga’s Colleges, Inc.

Bilang Pagtupad sa Isa sa mga Pangangailangan ng Asignaturang

Integratibong Pananaliksik

Revellame, Ron Ron E.

Reyes, Antoneth M.

Salvador, Kobie D.L.

Tari, Ela Giezi

Setyembre 2019
LAYON AT HANGARIN NG PAG-AARAL

Ang pananaliksik na ito ay hindi nakatuon sa isang lugar lamang kundi naaangkop sa lahat ng uri
ng pagnenegosyo sa iba’t ibang lugar, kasama din sa pananaliksik na matulungan ang lahat ng mga
nagbabalak magsimula ng negosyo at kung anong estratihiya ang kinakailangan upang makapanghikayat
ng mamimili. Ninanais ng mga mananaliksik ipakita ang epektibong pamamaraan sa pagsisimula ng isang
negosyo at kung saan ang tamang pwestuhan na makakapag-anyaya ng mamimili, nakapaloob din sa
pag-aaral na ito na mapaunlad ang daloy ng pera sa bansa at makapang-hikayat na tangkilikin ang mga
lokal na produktong gawa ng mga Pilipino upang mapaganda at mas maging tiyak na epektibo ang
pagnenegosyo sa bansa, ang nagnenegosyo at ang mamimili ang parehong higit na makikinabang sa
pananaliksik na ito.

KALIGIRAN NG PAG-AARAL

Maraming mga negosyo ang hindi nagtagumpay dahil sa kakulangan ng kaalaman tungkol sa negosyo, sa
pagsisimula at sa pagtatayo nito. Kaya't minarapat ng mga mananaliksik na pag aralan ang paksang
"MGA STRATEHIYA UPANG MAGING MATAGUMPAY ANG ISANG MALIIT NA NEGOSYO". Negosyo ang
pundasyon sa pagkakaroon ng isang magandang buhay. Ang pagkakaroon ng isang negosyo ay hindi na
bago sa mga Pilipino sapagkat isa ito sa mga paraan nila upang magsugal ng kanilang pera upang
magkaroon ng matagumpay na negosyo at umunlad sa buhay. Dito naipapakita ng isang Pilipino ang
pagiging madiskarte upang makagawa ng paraan para sila ay umunlad. Ito ang nagging dahilan upang
ang pag-aaral na ito ay masimulan ng mga mananaliksik. Madami sa mga Pilipino ang nahihirapan sa
pagpapalago ng kanilang mga negosyo o sa pagpapanatiling maunlad ito kaya ito ang nag-udyok sa mga
mananaliksik na gumawa ng pag-aaral ukol sa mga estratehiya upang magkaroon ng isang maunlad na
negosyo.

Ang pag-aaral na ito ay naglalayon na matulungan ang mga Pilipino sa pagpapalago ng kanilang mga
negosyo sa pagtukoy kung ano ang mga mainam na estratehiyang maaaring gamitin sa pagpapaunlad ng
isang negosyo. Hindi man maiiwasan na may mga pangyayari na dumating sa isang negosyo upang ito ay
masubok sa kung gaano ito katatag, ang mga mananaliksik ay gagamit ng mga metodo upang matukoy
ang mga ito.

PAGLALAHAD NG PROBLEMA

General

• Paano masasabi na ang isang negosyo ay maunlad na?

• Ano ang mga maaaring pwedeng makaapekto sa pag-unlad ng isang negosyo?

Specific

• Ano-ano ang iba’t ibang estratehiya sa pagkakaroon ng isang matagumpay na negosyo?

• Ano ang epekto ng mga salik na makakaapketo sa pag-unlad

LAYUNIN

Layunin ng pag-aaral na maintindihan ng mga mananaliksik ang mga estratehiya upang

magkaroon ng isang maunlad na negosyo na makakapagbigay kahalagahan nito sa mga sumusunod:

1. Estudyante

Upang ang mga estudyante ay magkaroon pa ng karagdagang kaalaman patungkol sa pagnenegosyo.

Mas mabibigyang benepisyo ng pag-aaral na ito ang mga estudyante na nasa Accountancy, Business and
Management (ABM) Strand dahil maikokonekta nila ang kanilang mga aralin sa pag-aaral na ito.

2. Negosyante

Makakapagbigay benepisyo ang pag-aaral na ito sa mga negosyante dahil makakapagbigay ng mga
estratehiya ang mga mananaliksik upang makatulong sa pagpapaunlad ng kanilang mga negosyo.
Makatutulong din ito upang mapalitan ng mas maayos ang mga bagay na may kamalian sa kanilang mga
negosyo.

3. Posibleng Negosyante (Nagbabalak magtayo ng isang negosyo)

Makatutulong ito upang makapagbigay ng kaalaman ang mga mananaliksik sa mga posibleng
magnegosyo patungkol sa kung paano maaaring umunlad ang isang negosyo bago pa man sila magtayo
ng kanilang negosyo.

4. Mananaliksik sa Hinaharap

Maaaring maging sanggunian ang pag-aaral na ito sa mga susunod pang pag-aaral upang maging suporta
ng mga mananaliksik sa hinaharap.