Suportang emosyonal mula sa magulang ng mga estudyanteng STEM sa

paaralan ng Holy Angel University.

Panimula

Ang pagkakaroon ng mabuti at maayos na edukasyon ay nararapat na makamit ng bawat

kabataan dahil ito ay makakatulong upang sila ay magkaroon ng magandang kinabukasan at
makamit ang kanilang mga pangarap sa buhay. Ito din ang humuhubog sa pagkatao at pag-iisip
nila. Ang kabataan ay pag-asa ng bayan ika nga ni Rizal, kung kaya’t nararapat na mabigyan ang
bawat kabataan ng suporta at gabay na nagmumula sa kanilang mga magulang. Malaking papel
ang ginaganapan ng mga magulang sapagkat sila ang nagsisilbing impluwensiyang huhubog o
magiging pundasyon ng pagkatao ng mga kabataang magiging kinabukasan ng bayan. Ilan sa
mga suportang maaring ibigay ng mga magulang sa kanilang anak ay emosyonal na suporta, ito
ay makatutulong upang magkaroon ng kagustuhan ang bawat bata na makilahok at mas
magsumikap pa sa kanilang pag-aaral. Dahil ang maayos na suporta ng isang magulang ay
nagbibigay ng positibong resulta hindi lamang sa katangian at pag-uugali ng isang bata kundi
pati na rin sa mga marka nito sa paaralan.

Ayon sa artikulo ni Brooks (2019). Ang sabi sa pag aaral ng “National Coalition for
Parent Involvement in Education” hindi mahalaga ang kita, katayuang sosyal o estado sa buhay
ng isang pamilya upang ang kanilang anak ay magpursigi sa pag aaral. Dumedepende ito sa
suportang binibigay ng isang magulang katulad nalamang ng emosyonal, ito ay gumaganap
bilang isang mahalagang papel dahil ang pagkakasangkot ng magulang sa edukasyon ng kanilang
anak ay may mga positibong epekto ang mga halimbawa nito ay magkakaroon sila ng mataas na
grado, sisipagin sila pumasok sa paaralan at ito ang huhubog sa kanilang mga ugali. Ang mga
magulang na aktibong sumusuporta sa pag-aaral ng kanilang mga anak ay nagbibigay ito ng
malaking pagkakataon upang matapos ang kanilang edukasyon.

Subalit, sa panahon ngayon hindi lahat ng kabataan ay nakakatanggap ng emosyonal na

suporta mula sa kanilang magulang. Ang pananaliksik na ito ay makakatulong upang matukoy
kung ang lahat ng estudyante sa STEM mula sa paaralan ng Holy Angel University (HAU) ay
nakakakuha ng emosyonal na suporta mula sakanilang mga magulang. Sa pananaliksik na ito
pipiliting tukuyin ang mga problema o katanungan na may kinalaman sa pananaliksik na ito. Ang
pag-aaral na ito ay naglalayong patunayan na ang emosyonal na suporta na ibinibigay ng mga
magulang para sa kanilang anak ay mahalaga.

Kaugnayan ng mga magulang sa mga estudyante sa STEM

Ang mga magulang ay may obligasyong mapaaral ang kanilang mga anak sa
pamamagitan ng pagbibigay ng mga kagamitan nila sa kanilang pangangailangan sa paaralan at
pagbabayad ng kanilang tuition fee. Mayroon silang karapatang makatanggap ng impormasyong
nauukol sa kanilang pag-aaral upang mapalaganap ang kanilang isipan ukol sa mga sa paaralan
ng kanilang anak. Responsibilidad ng mga mag-aaral na pagbutihin ang kanilang pag-aaral
upang mahikayat ang kanilang kaalaman at maraming matutuhan. Kailangang alamin ng mga
magulang ang mga pangyayari sa paaralan tulad ng pangagailangan nilang dumalo sa mga
pagpupulong. Ang pagkakaroon ng pagbibigay na maayos na edukasyon ng mga magulang sa
kanilang mga anak ay isang epekto ng pagkakaroon ng matagumpay na mag-aaral. May
karapatan din ang isang magulang na turuan ang kanyang anak sa kanyang mga kinakailangang
gawain sa kanyang pag-aaral upang mapalaganap ang kaalaman nito. Isa rin sa pinakamahalaga
ay ang pagkakaroon ng balanseng pag-aaral ang isang estudyante upang hindi lang sa libro
nanggagaling ang kanyang mga natututuhan kundi rin sa mga magagandang impluwensiya sa
kanyang napapaligiran. Importante ang pagkakaroon ng isang kolaborasyon upang mapalaganap
ang isipan ng isang mag-aaral sapagkat naibabahagi niya ang kanyang opinyon at nais na
iparating na mga impormasyon. Nagkakaroon din ng mataas ng pangarap ang mga magulang
kapag ito ay binibigyan nila ng sapat na edukasyon para sa kanilang mga anak.
KAUGNAY NA LITERATURA AT PAG-AARAL

Ayon kay Kennedy, T. J.; Odell, M. R. L. (2014), ang STEM education ay naging meta-
discipline, isang pinagsama-samang pagsisikap na nag-aalis ng mga tradisyunal na hadlang sa
pagitan ng mga paksang ito, at sa halip ay nakatuon sa pagbabago at ang inilapat na proseso ng
pagdidisenyo ng mga solusyon sa mga kumplikadong problema sa konteksto gamit ang mga
kasalukuyang tool at teknolohiya. Ang pakikipag-ugnayan sa mga mag-aaral sa mataas na
kalidad na STEM na edukasyon ay nangangailangan ng mga programa na isama ang mahigpit na
kurikulum, pagtuturo, at pagtatasa, pagsamahin ang teknolohiya at engineering sa kurikulum ng
agham at matematika, at isulong din ang siyentipikong pagtatanong at ang proseso ng disenyo ng
engineering. Ang lahat ng mga mag-aaral ay dapat maging bahagi ng STEM vision, at ang lahat
ng mga guro ay dapat mabigyan ng wastong propesyonal na mga pagkakataon sa pagpapaunlad
na naghahanda sa kanila na gabayan ang lahat ng kanilang mga mag-aaral tungo sa pagkakaroon
ng STEM literacy.

Ang pahayag naman ni Vasseur (2018), ay ang mga kababaihan ay nahaharap sa maraming
mga hadlang pagdating sa post-secondary education, at ito ay lalong totoo sa agham,
teknolohiya, engineering at matematika (STEM), pati na rin sa tradisyonal na mga lalaki na
dominado na mga trades tulad ng hinang. Ang mga hadlang na ito ay mas mataas pa para sa mga
mature na estudyanteng babae - mga taong hindi bababa sa 24 na taong gulang - na madalas ay
nagdidiskrimina laban kapag nais nilang ituloy ang kanilang pag-aaral.

Ayon kay Concepcion, Effraime (2017), ang blog na ito ay naglalaman ng mga
mahahalagang impormasyon patungkol sa STEM. Kabilang na rito ay ang mga kursong
maaaring kuhanin ng isang estudyante ng STEM sa pagtungtong sa kolehiyo, mga paksa o
asignaturang sa strand na ito lamang itinuturo, at kung ano nga ba ang mga benepisyo ng pag-
aaral sakop nito.

Binigay diin naman ni Glancy (2013), ang term na STEM ay ginagamit sa iba't ibang mga
konteksto at nagdudulot ng maraming iba't ibang konotasyon. Binubuo ng mga mag-aaral ang
kanilang pag-unawa sa natural na mundo mula sa kanilang mga karanasan dito. Ang mga
konsepto ng puwersa at paggalaw ay nagsisimulang mabuo kapag ang mga bata ay naglilipat ng
mga bagay na may iba't ibang laki. Ang tagubilin ay bumagsak kapag nabigo itong kumuha ng
pagsasaalang-alang ng mga haka-haka na dinala ng mga mag-aaral mula sa kanilang mga
karanasan. Ang pagkonekta sa pag-aaral sa totoong mundo ay hindi lamang tungkol sa
pakikipag-ugnayan ngunit mahalaga sa pagkuha ng istraktura ng matematika, mahalaga sa pag-
aaral.

Ayon sa Virtual (2020), ilang mga gawain ang pwedeng matupad sa suportang pang-
emosyonal. Katulad na lang ng pakikinig ng magulang sa kanyang anak lalo na kapag ito ay
nagsasalita ng malalim na paksa tungkol sa buhay.

Binigyang diin naman nina Đurišić at ni Bunijevac (2017), at nilahad nila na ang mga paaralan
at ang mga magulang ay kailangang bumuo ng samahan o pagsamahin ang kanilang suporta
kung gusto nila tumaas ang grado at porsyento ng pagkatagumpay ng kanilang anak o mag-
aaaral. Dahil ito ay makakabuo ng tiwala sa magkabilang panig na makakatulong upang
magpursigi at magtagumpay ang mga mag-aaral sa sistemang pang-edukasyon. Ang mga mag-
aaral ay nangangailangan ng isang positibong karanasan o kapaligiran sa pag-aaral upang
magtagumpay sa paaralan samakatuwid kailangang magkaroon ng komunikasyon ng magulang
at ng paaralan upang matutukan ng maayos ang pangangailangan ng isang estudyante o bata. Sa
ganitong paraan nagkakaron ng positibong epekto ang suporta ng magulang hindi lamang sa
kanilang anak ngunit pati narin sa paaralan.

Pinabulaanan naman ni Marphatia (2010), na hindi dumedepende ang nakamit na

“educational achievement” ng isang magulang, sa edukasyon ngayon ng kanyang anak.
Makapagtatapos ng pag-aaral ang isang mag-aaral kung susuportahan nila ito ng maayos at
ibibigay ang pangangailangan nito. Sa madaling salita may kakayahang magturo ng literasiya at
sumuporta ang isang magulang kahit ano pang antas ng edukasyon ang nakamit nila mababa man
o hindi. Ito ay hindi dumedepende sa nakamit ng kanilang magulang nung sila ay nag-aaral pa, sa
grado ngayon ng kanilang anak sa paaralan dumedepende ito sa binibigay na suporta ng
magulang at pagpupursigi ng bata sa kanyang edukasyon.

Base sa artikulo ng “Global Partnership for Education” (GPE) (2018) ang mga magulang at
ang mga “extended families” ay may pinaka direkta at pangmatagalang epekto sa pag-aaral ng
mga bata. Dahil sila ay nagsisilbing huwaran at nagbibigay inspirasyon at gabay. Ito ay tutulong
sap ag intindi ng kanilang leksyon at pati narin sa paghubog ng kanilang sarili at nararapat din na
tiyakin ng mga magulang ang kalidad naedukasyon na natatanggap ng kanilang anak. Ayon daw
sa pag-aaral ang mga magulang na sumosuporta sa edukasyon ng kanilang anak ay magsasanhi
ng kasipagan para sakanila na magsasanhi ng mas mahusay na kalabasan ng grado. Habang
tumatanda ang kanilang mga anak, mahalagang tandaan na ang mga magulang ay mananatiling
huwaran. Ang kanilang mga saloobin patungo sa edukasyon ay maaaring parehong magbigay ng
inspirasyon.

Ayon kay Epstein (2011), ang pakikilahok ng magulang at edukasyon ay tumutulong sa mga
mag-aaral na makamit ang tagumpay. Ngunit makakamit lamang ang tagumpay kung ang
kalidad ng edukasyon ay mabuti at kung sapat ang pagkakasangkot ng magulang. Mayroong
balanse sa pagitan ng mag-aaral, magulang, at ang paaralan.

Binigyang diin naman ito ni Wang (2014), ang pakikilahok ng magulang sa paaralan ay
mahalaga sa paglulunsad ng positibong pag-unlad ng kabataan. Ang pakikilahok ng magulang ay
tumutulong sa mga kabataan sa akademiko at emosyonal. Bukod dito, ang pakikilahok ng
magulang ay makakatulong sa akademikong kalusugan at kalusugan ng kaisipan nang direkta
pati na rin nang hindi direkta sa pamamagitan ng pakikipag-ugnay sa pag-uugali at emosyonal.

Ayon kay Crosnoe (2013), ang kalidad ng pangangalaga na ibinigay sa mga bata sa isang
maagang edad ay direktang nakakaapekto sa mga kasanayan sa hinaharap ng bata sa lipunan at
akademiko. Ang mga magulang, at lalo na ang mga ina, ay ang parang unang ‘teacher’ sa
kanilang anak at ang kanilang mga desisyon ay nakakaapekto sa kanilang anak nang direkta dahil
nakikita sila bilang "taong namamahala".

Sinabi ni Mostavi (2020) sa kaniyang pag-aaral na nararapat lamang na palakasin o patatagin

ang kalusugang pang emosyonal ng mga bata kaysa ipatong sa kanila ang kabigatan ng
kaloobang nagmumula sa paaralang dinadagdagan pa ng mga problema sa kanilang mga tahanan.
Sinabi pa niya na ang mga estudyante ay nagsisimula pa lamang o patuloy pang natututo kung
papaano maging mabait, makipag-tulungan at maging matatag sa gitna ng mga problema na
silang makatutulong upang maging handa sila sa kung anumang harapin nila sa hinaharap.

Isinaad nila Dworkin at Serido (2017), ang mga natututunan ng mga tao habang sila’y mga
bata pa ay pangmatagalan at dadalhin nila hanggang sa kanilang pagtanda kaya naman ang
suportang kanilang natatanggap o ang mga kaugaliang nakikita nila sa kanilang mga magulang
ay dapat na maging maayos upang sila rin pagdating ng panahon ay maging mga matitinong
mamamayan ng mundo. Sinabi rin nila na ang pag-uusap at ang komunikasyon sa pamilya ay
isang napaka importanteng bagay lalo na habang ang mga estudyante ay lumalaki at natututo pa
kung papaano mamuhay nang silang mag-isa sa labas ng kanilang mga tahanan kasama ang
kanilang pamilya.

Sinabi sa pananaliksik nila McCormick et al. (2013) na ang pakikilahok ng mga kamag-anak
ng isang estudyante sa kaniyang paaralan ay nakatutulong sa kaniyang pag-aaral. Nasabi rin nila
na ang interaksiyon sa pagitan ng mga magulang at ng kanilang mga anak ay nakaiimpluwensiya
sa kung papaano umakto o itrato ng isang estudyante ang kaniyang mga kasamahan sa paaralan
at mga guro nito kaya kung hindi maayos ang pakikitungo ng isang magulang sa kaniyang anak,
hindi rin maayos ang kalalabasan nito pagdating sa “performance” (italicized) nila kanilang pag-
aaral.

Base sa artikulo ni Moral-García (2020), ang layunin ng pag-aaral ay pag-aralan kung paano
nauugnay ang suporta ng magulang sa kasanayan sa pisikal na aktibidad, kasiyahan sa palakasan,
antas ng pisikal na aktibidad, pagganap sa akademiko at pag-inom ng alkohol. Naglarawang
cross-sectional na pag-aaral, na may 1100 mga kabataan (12-16 taong gulang), kung saan ang
mga salik na nauugnay sa suporta ng magulang, kasarian at edad ay kumilos bilang mga
independiyenteng variable, at kasiyahan sa isport, antas ng pisikal na aktibidad, pagganap ng
akademiko at alkohol kumonsumo kumilos bilang umaasa variable. Isinagawa ang isang
multivariate na pagsusuri sa istatistika.

Pinabulaanan naman ni Roska (2019), mas kinakailangan ng emosyonal na supporta ng mga

mag-aaral, dahil, mas madami pang darating na pagsubok sa buhay. Dinagdag nya pa dito na ang
isang epekto ng suportang emosyonal na nabibigay ng mga magulang ay ang pakikisma sa mga
tao.

Ayon kina Burke, Sharp, Woods, at Paradis (2021), ang mga programang magulang-
edukasyon sa palakasan ng kabataan ay lilitaw upang magbigay ng isang naaangkop na landas
upang mapabilis ang malusog na paglahok ng magulang, mapahusay ang positibong suporta ng
magulang, at makatulong na mapawi ang mga stressors na inilagay sa mga magulang, coach, at
atleta ng kabataan. Gayunpaman, kaunti ang nalalaman tungkol sa pagiging epektibo, disenyo, at
mga pamamaraan ng pagsusuri na ginamit sa mga programa ng edukasyon sa magulang sa
konteksto ng palakasan ng kabataan.
 Shui-fong, Wong, Yang at Yi Liu (2012), ibinunyag nila na ang mga mag-aaral ay
nakikibahagi sa paaralan nang maramdaman nila na ang kanilang mga guro ay nagpatibay ng
mga nakagaganyak na kasanayan sa pagtuturo at mayroon silang panlipunan-emosyonal na
suporta mula sa kanilang mga guro, magulang, at mga kapantay. Mataas ang kanilang pakikipag-
ugnayan noong nagkaroon sila ng mataas na self-efficacy, nag-endorso ng mga layunin sa pag-
aaral, at attribution sa pagsisikap. Pinakamahalaga, kapag ang mga mag-aaral ay nakikibahagi sa
mga paaralan, sila ay nakaranas ng mga positibong emosyon nang madalas at ang kanilang mga
guro ay nagbigay sa kanila ng mataas na marka sa akademikong pagganap at pag-uugali.

Ayon kay Zhang (2018), sa pamamagitan ng pakikipag-ugnayan sa kanilang mga anak,

maaaring direktang itanim ng mga magulang ang impormasyong pang-edukasyon, talakayin ang
mga pamamaraan ng pag-aaral, ipaalam ang halaga at layunin ng edukasyon, o ipahayag ang
kanilang mga inaasahan para sa kanilang mga anak. Natututo ang mga bata mula sa mga
diyalogo ng kanilang mga magulang tungkol sa edukasyon at maaapektuhan sila ng mga
mensahe ng kanilang mga magulang tungkol sa edukasyon.

Binigyan diin ni Gokturk (2017), ang pakikilahok ng magulang ay nauugnay sa maraming

benepisyo ng mag-aaral. Gayunpaman, ipinapakita ng mga kaugnay na literatura na hindi
kuntento ang mga magulang o guro sa saklaw at lalim ng pakikilahok ng magulang sa mga
paaralan. Ito ay maaaring bahagyang dahil sa pagkakaiba-iba ng pagkakaunawaan ng
magkabilang panig sa konsepto ng pakikilahok ng magulang. Sa pag-aaral na ito, ang mga
karanasan at pananaw ng mga guro sa epektibong pakikilahok ng magulang. Ang pag-aaral na ito
ay nagbibigay ng isang insight sa kung paano naiintindihan ng mga guro ang pang-edukasyon na
pakikilahok mula sa mataas hanggang pababa na “socio economic status” (SES) na mga
magulang kung saan ayon sa teorya ay kapareho nila ang kultural na kapital. Ang mga
natuklasan ng kolektibong “case study” na ito ay nagpapakita na mayroong mahahalagang hindi
pagkakaunawaan at kaugnay na tensyon sa pagitan ng mga magulang at guro sa mga tungkulin
ng bawat partido. Naniniwala ang mga guro na ang mga tungkuling pang-edukasyon ng mga
magulang ay kadalasang ginagawa sa tahanan. Sa kabaligtaran, ang mga magulang ay
ipinapakita na may mas mataas na pagnanais na lumahok sa mga desisyon sa edukasyon. Ang
divergence na ito sa pagitan ng mga magulang at guro ay tila bawasan ang mga produktibong
pakikipagsosyo sa pagitan ng dalawang partido.
Batayan Konseptwal
Ang batayang konseptwal na ito ay gagamitan ng diagram ng siskematiking paraan.
Ito ang daloy ng pananaliksik upang matukoy ng mga mananaliksik ang Suportang
emosyonal mula sa magulang ng mga estudyanteng STEM sa paaralan ng Holy Angel
University.
Input:
Ang mga mananaliksik
ay naglalayong
malaman kung ano ang
epekto ng suportang
emosyonal na
nagmumula sa mga
magulang ng mga mag-
aaral na stem sa aaralan
ng Holy Angel
University.
* edad ng mga
nakaanayam
* suportang nakamit
mula sa magulang
*epekto sa performance
nila bilang mag-aaral
Process:
*Gumawa ng Output:
talasagutan o survey na
-Pag-decipher ng datos
sasagutan ng mga
mula sa panayam
estudyanteng stem sa
-Pagsusuri ng mga
Holy Angel University.
resulta
*Ipakalat ang link ng
talasagutan sa mga - Pagkakaroon ng mga
estudyanteng stem sa tunay at totoo na resulta
HAU at mga sagot mula sa
respondents.
*Humanap ng mga
mapagkakatiwalaang - Makikita dito ang
pagkukuhanan ng resulta ng mga pag-aaral
detalye kung nabibigyan bang
suporta ng mga
*Magsaliksik sa kung
magulang sa kanilang
papaanong nakaaapekto
mga anak pangdatings s
ang suporta ng mga
performance nila sa
magulang sa
paaralan.
performance ng
estudyante.
Paglalahad ng Suliranin

1. Nabibigyan ba ng mga magulang na sapat na suporta pang-emosyonal ang mga STEM na

estyudyante ng HAU?

2. Ano ang mga impormasyon na nakukuha sa mga respondants;

2.1 Edad

2.2 Kasarian

2.3 Oo o hindi, nabigyan sila nang suportang pang- emosyonal

3. Antas na binigay ng mga STEM na estyudyante ng HAU, kung gaano sila sinusuportahan ng
kanilang mga magulang?

4. Ano ang epekto sa mga STEM na estudyante ang kakulangan ng suporta mula sa magulang?

5. Mas nagiging aktibo ba ang mga estudyante ng STEM sa HAU kapag sila ay nakakatanggap
ng sapat na suporta?
Kahalagahan ng Pag-aaral

Ang pananaliksik na ito ay magsisilbing gabay at tulong sa mga sumusunod:

Mag-aaral. Ang pananaliksik na ito ay makatutulong sa pagpapalawak ng kaalaman kung gaano

talaga kahalaga ang edukasyon at kung paano nila maaabot ang kanilang mga layunin gamit ang
edukasyon. Maaari din nilang maunawaan kung paano nakaaapekto ang kanilang mga magulang
sa kanilang edukasyon at sa kanilang mga desisyon sa buhay.

Mga magulang. Ang pananaliksik na ito ay maaaring makatulong na linawin kung paano
nakaaapekto ang desisyon ng isang magulang sa kahihinatnan ng buhay ng kanilang anak. Dahil
ang mga magulang ang tumatayong unang guro ng mga bata, kaya naman mahalagang malaman
kung paano nakatutulong ang pagsuporta, ang pagtuturo at ang tinuturo ng mga magulang sa
kanilang mga anak.

Mga mananaliksik sa hinaharap. Ang panannaliksik na ito ay para din sa mga magsasaliksik
sa hinaharap, ito ay nakakatulong sakanila para mas lumawak ang kanilang kaalaman sa mga
bagay na ito. Imporante ito sa mga magiging mananaliksik para makita at malaman kung
nabibigyan ba ng emosyonal na suporta ng mga magulang ang kanilang mga anak. Ito rin ay
magagamit nila kung konektado man ang kanilang pananaliksik sa ganitong paksa.

Sa mga guro. magkaroon sila ng kaalaman sa mga dapat gawin ng kanilang estudyante nang sa
gayon ay magabayan at matulungan ang mga mag-aaral sa tamang pamamaraan ng kanilang pag-
aaral. Magiging isang malaking karangalan at tagumpay sa isang guro na maging matagumpay
ang kanilang mga estudyante sa hinaharap.

Sa mga administrasyon. makakatulong ang pananaliksik na ito upang magkaroon sila ng

kaalaman kung ano ang maari nilang ibahagi sa mag-aaral tungo sa wastong pag-aaral at
mahikayat ang mga estudyante na mag-aral ng mabuti.
Saklaw at delimitasyon
Ang pagaaral na ito ay naglalayong tukuyin ang epekto ng Suportang emosyonal na
nagmumula sa magulang ng mga estudyanteng STEM sa paaralan ng Holy Angel University.
Ang pananaliksik na ito ay iikot lamang sa mga STEM senior highschool na estudyante ng Holy
Angel University. Ang pag-aaral na ito ay naglalayong maimbestigahan kung papaanong ang
ipinahahayag na pag-uugali at reaksyon ng mag-aaral ay matutukoy sa mga nararanasan nilang
emosyonal na suporta mula sa kanilang mga magulang.

Metodolohiya at Pamamaraan ng Pag-aaral

Inilalahad sa kabanatang ito ang mga pamamaraang ginamit ng mga estudyante sa pag-
aaral at ang kanilang mga karanasan patungkol sa naganap na online class. Ang susunod na
bahagi sa pagsasagawa ng pananaliksik bago dumako sa pangangalap ng mga datos sa
pamamagitan ng sarbey ay pagbubuo ng disenyo ng pananaliksik. Naniniwala ang mananaliksik
na angkop ang disenyong ito para sa paksang ito sapagkat mas mapapadali ang pangangalap ng
datos. Tinatalakay sa bahaging ito ang mga suportang emosyonal na nararanasan ng mga
estudyante sa STEM.

Disenyo at Pamamaraan ng Pananaliksik

Ang disenyo ng pananaliksik na ito ay tumutukoy sa mga estudyanteng nakakaranas ng

kahirapan sa pag-aaral dulot ng pandemyang ito. Ito ay naglalaman ng iba’t ibang kategorya na
pwedeng dahilan at epekto ng pakikibaka ng mga STEM students sa kanilang mga gawain. Ang
pananaliksik na ito ay gumamit ng labing pitong (17) respondent na nagmula sa Holy Angel
University. Ang mga mananaliksik ay gagamit ng disenyo at pamamaraang sarbey bilang
disenyo ng kanilang pananalisik. Ang disenyo na ito ang tutulong para mangalap ng mga datos sa
sasagutang sarbey ng mga kalahok. Magsasaad ang mga mananaliksik ng mga
makakatotohanang impormasyon mula sa paksa na aming nakuha upang maging maayos ang
pagkakarepresenta dito. Ang sarbey na pamamaraan ang bumabagay sa pananaliksik na ito
sapagkat makukuha ng mga mananaliksik ang mga saloobin ng mga STEM students ng Holy
Angel University batay sakanilang pangangailangan sa financial at emosyonal. Gagamitin ng
mga mananaliksik ang paraan ng pagpapaliwanag ang mga suportang emosyonal ng mga
estudyante upang masuri ng mabuti ang pananaliksik na ito. Pinag-aaralan sa mga palarawang
pananaliksik ang pangkasalukuyang ginagawa, pamantayan, at kalagayan. Ang mga nailahad ang
mga suliranin na kinakaharap ng bawat estudyante at tungkol sa suportang emosyonal ng
kanilang mga magulang.
Paraan ng Pangangalap ng Datos
Pag katapos mamili ng tiyak na paksa para sa pag aaral, ang mga mananaliksik ay
nangalap ng datos ukol sa napiling paksa. Ang mga mananaliksik rin ay nakapangalap din ng
datos mula sa iba't ibang websayt sa internet, iba't ibang pag aaral na maaring i-ugnay sa paksang
napili.
Matapos pag tibayin ang paksa, ito ang naging batayan ng mga mananaliksik upang
makabuo ng mga talatanungan. Ang mga mananaliksik ay bumuo ng pitong katanungan upang
maging suporta sa kabuoan ng thesis.
Ginamit ng mga mananaliksik ang sumusunod na instrumento sa pagsasaliksik upang
makuha ang kinakailangang datos para sa pag-aaral na ito. Ang mga instrumento ng pagkolekta
ng data ng mga mananaliksik na ginamit ay sa pamamagitan ng pagsasagawa ng isang
palatanungan sa pamamagitan ng mga form ng Google form. Ginagamit ito upang mabawasan
ang pakikipag-ugnay sa harapan ng mga participante. Ang mga mananaliksik ay gumagamit ng
isang pamantayang pagsubok sa paggamit ng mga form ng Google, kaya ang instrumento ay
maaaring maituring na wasto at maaasahan.

Pagsusuri ng mga Datos

Gagamitin ang Frequency and Percentage Distribution para makuha ang kabuuang marka.
Ang pormula na gagamitin ay:

P = 𝑓𝑛 x 100
Ang paggamit ng ang Frequency and Percentage Distribution ay pinakamahusay na ginagamit sa
pagsusuri ng data kapag survey ang ginamit. Tinatala nito kung ilang beses pinili ng mga
respondente ang isa sa mga sagot sa sarbey. Ililista at gagawa ng tally at table batay sa kasagutan
ng mga respondents. Pagkatapos mailista lahat, susuriin ang data upang hanapin kung ano ang
hinahanap ng mga tanong sa survey at upang malaman kung sapat ba ang suporta na tinatanggap
ng mga STEM students sa magulang nila.
Konsiderasyong Etikal
Tiniyak ng mga mananaliksik na walang nasaktan na pisikal o emosyonal dahil lamang sa
pagpapatakbo ng pag-aaral na ito. Ang mga nakikibahagi (Mga piniling STEM na mag-aaral
mula sa Holy Angel University o HAU), ay personal na ipinaalam ng mga mananaliksik kung
sila ay maaaring maging bahagi ng pananaliksik o hindi. Matapos makuha ang pahintulot, tiniyak
ng mga mananaliksik na naipaliwanag nang mabuti ang mentalidad ng pag-aaral at ang saklaw
ng partisipasyon ng mga kalahok. Ipinaalam din sa mga kalahok na ang lahat ng mga datos na
nakalap mula sa kanila ay pinangangasiwaan nang may kumpidensyal at para sa layunin ng pag-
aaral na ito lamang. Higit pa rito, tiniyak ng mga mananaliksik na ang mga datos mula sa kanila
ay hindi gagamitin sa hinaharap nang walang pahintulot ng napiling tao.

Mga Kalahok at Sampol sa Pag-aaral

Ang Holy Angel University ay isang unibersidad na matatagpuan sa Angeles City, Pampanga.
Naririto sa paaralang ito ang maraming estudyante at nakakaranas ng maraming gawain na
kailangang isagawa. Ang mga mananaliksik ay nagsasagawa ng mga pananliksik at datos
tungkol sa suportang emosyonal ng mga magulang ukol sa kanilang karanasan ng kanilang mga
anak sa unibersidad na ito. Sa ginawang pag-aaral ng mga mananaliksik, ang mga respondenteng
napili ay may malaking kaugnayan sa kanilang pag-aaral. Pinili nila ang mga estudyanteng
STEM ng Holy Angel University dahil alam ng mga mananaliksik na pareho lang ang
pinagdadaanan ng mga estudyante sa strand na STEM sa iba tungkol sa pangangailangan ng
suportang financial at emosyonal.
Alam ng mga mananaliksik na ang kanilang mga respondente ay may malaking maitutulong sa
ginawa nilang pag-aaral upang malaman ang kanilang mga saloobin sakanilang pinagdadaanan at
upang masolusyunan ito. Ang naturang pag sagot ng mga estudyante ito sa mga katanungan ng
mga mananaliksik ay ibabase ang resulta sakanilang isanasagawang pag-aaral. Ang mga kalahok
ay mayroong 17 na sumagot sa aming sarbey ang mga magsisilbing respondente sa pag-aaral na
ito na kung saan malalaman ng mga mananaliksik ang kanilang mga opinyon patungkol
Suportang emosyonal ng mga estudyanteng STEM sa Holy Angel University. Sila ang mga
napili ng mga mananaliksik na sagutan ito upang malahad nila ang kanilang mga pananaw dito at
maibahagi ang kanilang mga karanasan ukol sa online class na nagaganap ngayong pandemya.
Ang mga mananliksik ay may matitibay na datos tungkol sa paksa na kanilang ipinapahayag at
sadyang makatotohanan ang datos na kanilang makakalap.
Instrumento ng Pag-aaral
Ang unang ginawa ng mga mananaliksik ay gumawa ng isang sarbey at ito ang unang instrument
para makakuha ng mga datos galling sa mga styudyante STEM sa HAU. Ang sarbey ay may
nilalaman na mga tanong sa unahan ang edad, pangalan at mga ibang impormasyon na para
sigurado na sila ay kabilang sa STEM na estyudyante sa HAU. May ptiong tanong at ang lima
dito ay mga katanungan at ang dalawa dito ay ang pag-antas mula sa 1-10.
Ang nilalaman ng sarbey; sa unang katanungan ay nilahad kung maayos ba ang suporta ng mga
magulang pang – pinansiyal. Ikalawa, kung nabibigy ba ng kanilang mga magulang na suportang
pang-emosyonal ang kanilang mga anak. Ikatlo, ito ay ang pag-antas kung gaano kataas ang lebel
na nakukuha ng mga respondante ang suportang pang-pinansyal galling sa kanilang mga
magulang. Ikaapat, ito ay katulad ng pangatlo at dito naman ay pag-bigay antas naman sa
suportang pang-emosyonal. Ikalima, ito ay katanungan na base sa pag aantas gaano sinusuporta
ang mga respondante sa pangkahalahatan. Ika-anim, ito ay may katanungan na kung maayos ba
ang nagging resulta ng pagsusuporta sakanila. Ika-huli, naghingi ang mga mananaliksik ng
paraan sa mga respondante kung paano sila nasusuportahan ng kanilang mga magulang sa
kanilang mga pangangailangan.