I.KAHULUGAN: Kinabibilangan ng maliit na pangkat ng tao upang sama-samang lutasin ang napapanahong suliranin o usapin. Nagpapalitan ng mga opinyon o kuro-kuro tungkol sa paksang pinag-uusapan.
II. MGA DAPAT TANDAAN KUNG KASAPI SA PANGKATANG TALAKAYAN:
Pakinggan ang bawat sasabihin ng kasama sa patalakayan. Makibahagi, huwag matakot maglahad ng katotohanan, huwag manatiling tahimik. Huwag ililihis sa paksang pinag-uusapan na maaaring makapagpabagal sa talakayan. Magkaroon ng bukas na isipan. Iwasan ang maling pangangatwiran o pag-iisip, huwag sasalungat sa katwiran ng nakararami. Iwasan ang pagiging mapagmataas o makipag-alitan sa mga kasama.
III. URI NG PANGKATANG TALAKAYAN
1. SIMPOSYUM Paglalahad ng iba-ibang pananaw tungkol sa itinakdang paksa. Karaniwang kontrolado ng isang tagapamuno. Inilalahad ang paksa at ipinakikilala ang mga tagapagsalita. 2. LECTURE FORUM Katulad ng simposyum iisa lamang ang tagapagsalita. 3. PANEL DISCUSSION Talakayan ng tatlo hanggang anim na kasapi na naglalayong mapag-usapan at malutas ang isang problema o isyu sa harap ng mga manonood o tagapakinig. 4. ROUND TABLE Binubuo ng apat o higit pang eksperto sa isang paksa na nagpapalitan ng mga pananaw o kuru-kuro. 5. MALAYANG TALAKAYAN May moderator na namumuno. Ang bawat kasapi ay malayang nakapagbabahagi ng opinyon at nakapagtatanong.
IV. PARAAN NG PAGTATALAKAYAN
1. GULONG O WHEEL DISCUSSION Pinamumunuan ng isang tagapangulo na malayang nakikipagtalakayan sa lahat ng kalahok subalit ang mga kalahok ay hindi maaaring makipagtalakayan sa isa`t isa. 2. TANIKALA O CHAIN DISCUSSION Ang kalahok sa gitna ay malayang nakikipagtalakayan sa dalawang kalahok na malapit sa kanya subalit ang dalawang ito ay hindi maaaring makipagtalakayan sa isa`t isa. Ang dalawa pang kalahok ay maaari lamang makipagtalakayan sa taong malapit sa kanila. 3. PAHUGIS Y Ang posisyon ng mga kalahok ay parang anyong Y na hawig sa paraang gulong bagamat may ilang kalahok na nagagawang makipagtalakayan sa katabing kalahok lamang. 4. PABILOG Ang isang miyembro ay malayang nakikipagtalakayan sa dalawang magkabilang kalahok lamang. 5. PANLAHAT Lahat ng kalahok ay aktibong nakikipagtalakayan sa isa`t isa.