Professional Documents
Culture Documents
Dokumen Tips Paglalakbay Ni Rizal Sa Europa Kasama Si Viola
Dokumen Tips Paglalakbay Ni Rizal Sa Europa Kasama Si Viola
(1887)
Kabanata 9
Pagkatapos mailathala ang Noli, nagbalak si Rizal na bisitahin ang mahahalagang lugar sa
Europa.
Natanggap ni Rizal ang padalang P1,000 ni Paciano sa kagandahang loob ni Juan Luna na nasa
Paris at siyang nakatanggap ng pera.
Potsdam (lungsod malapit sa Berlin, pinasikat ni Frederick ang Dakila) – unang lugar na binisita
nila ni Viola
MAYO 11, 1887- nilisan ni Rizal at Viola ang Berlin sakay ng tren.
Ayon kay Viola, kasama sa bagahe ni Rizal ang lahat ng liham mula sa kanyang pamilya at
kaibigan.
Dresden
Si Rizal ay may interes sa botanika at nag-aral ng “Iba’t ibang uri ng mga halamang may
kakaibang ganda at laki.”
Nakita nila si Dr. Jagor at pinayuhan silang telegramahan muna si Blumentritt bago sila tumungo
sa Leitmeritz (Litomerice, Czechoslovakia)
MAYO 13, 1887 (1:30 pm)- narating ng tren ang estasyon ng Leitmeritz, Bohemia.
Sinalubong sila ni Propesor Blumentritt sapagkat natanggap nito ang kanilang telegrama.
Dala ni Blumentritt ang larawang-guhit ni Rizal sa sarili upang makilala nya ito.
Dinala sila ng propesor sa bahay nito para ipakilala sa asawa at pamilya. Nasiyahan sina Rizal at
Viola sa pagbisita kay Blumentritt.
Dolores (tinatawag na Dora o Dorita ni Rizal), Conrad, at Fritz- mga anak ni Blumentritt.
Isang hapon, inanyayahan sina Rizal at Viola ni Blumentritt sa isang beer garden kung saan
mayroon ng pinakamasarap na beer sa Bohemia.
Kilala ni Blumentritt ang burgomaster kaya’t nilapitan nila ito at ipinakilala sina Rizal at Viola.
Nakipag-usap si Rizal sa wikang Aleman kaya napahanga niya ang burgomaster at mga kaibigan
nito.
Labing-isang buwan (11 months) lamang natutunan ni Rizal ang wikang Aleman.
Isang hapon, inanyayahan sila Rizal at Viola ng Samahang Turista ng Leitmeritz (si Blumentritt
ang kalihim)
Pinalakpakan siya ng mga nakikinig dahil sa kanyang galing sa pagsasalita sa wikang ito.
Gumuhit si Rizal ng larawan ng propesor at ibinigay ito rito bilang regalo dahil gusto niyang
maalala ang masasayang oras sa tahanan ni Blumentritt.
Sa Leitmeritz:
Dr. Carlos Czepelak- bantog na siyentipiko at iskolar na Polano na nakilala at nakausap ni Rizal
Sa huling gabi ay naghandog ng hapunan sina Rizal at Viola sa kanilang otel para kay Blumentritt.
MAYO 16, 1887 (9:45 am)- nilisan nina Rizal at Viola ang Leitmeritz lulan ng tren.
Kipkip ni Rizal hanggang kanyang libingan ang magagandang alaala ng kanyang pagbisita sa
Leitmeritz.
Mga liham:
Liham kay Blumentritt (Mayo 24, 1887)- ipinahayag ni Rizal ang pag-aalala sa
karamdaman ni Dora.
Liham mula Brunn, Autria (Mayo 19, 1887)- liham para kay Blumentritt ng pagbati sa
kanyang pamilya at sinabi ni Rizal kay Blumentritt na nalimutan niya ang kanyang
diyamanteng alpiler sa kanyang kwarto sa Otel Krebs.
Prague
Dala ang liham ng rekomendasyon mula kay Blumentritt ay binisita nina Rizal at Viola ang
makasaysayang siyudad ng Prague.
Bantog na kuwebang pinagkulungan kay San Juan Nepomuceno at tulay kung saan
itinapon ang santo.
Matapos magpaalam kay Propesor Willkomm ay nagtungo silang dalawa sa Brunn. Ayon kay
Viola, “walang kakaibang nangyari” sa lungsod na ito.
Vienna
MAYO 20- narating nina Rizal at Viola ang magandang lungsod ng Vienna (kabisera ng Austria-
Hungary)
Ang Vienna ay tunay na “Reyna ng Danube” –nabighani ng lungsod na ito si Rizal dahil sa
naggagandahang gusali rito, imaheng panrelihiyon, at kakaibang halina.
Natanggap ni Rizal ang nawawala niyang diyamanteng alpiler (natagpuan ng katulong ng Otel
Krebs at ibinigay kay Blumentritt)
Binisita nila ang mga simbahan, museo, galerya ng sining, teatro, at liwasang pampubliko.
MAYO 24- nilisan nila ang Vienna lulan ng bangka upang makita ang magagandang tanawin ng
Ilog Danube.
Napuna ni Rizal na ang mga pasahero ng bangka ay gumagamit ng papel na napkin kapag
kumakain, at ito ay bago sa kanya.
Tumigil sila para tikman ang ipinagmamalaking Munich beer na pinakamasarap sa buong
Alemanya.
Nagtungo sila sa Stuttgart, Baden, at Rheinfall (Talon ng Rhine- ang pinakamagandang talon sa
Europa)
Geneva
Mula Lausanne, sumakay ng bangka sina Rizal at Viola para tawirin ang maulap na Lawa ng
Leman sa Geneva.
Namangka sila Rizal at naipakita niya ang husay sa paggaod ng bangka na natutunan niya noon
sa Calamba.
HUNYO 19, 1887- ika-26 na kaarawan ni Rizal; niyaya niya si Viola sa isang magandang
tanghalian
HUNYO 23- naghiwalay na sila— nagbalik si Viola sa Barcelona at nagpatuloy si Rizal ang
paglalakbay sa Italya.
Ikinagalit ni Rizal ang Eksibisyon ng mga Igorot sa Eksposisyon sa Madrid noong 1887
Habang nasa byahe sina Rizal at Viola, nagkaroon ng Eksposisyon ng Pilipinas sa Madrid,
Espanya.
Nang nasa Geneva (Switzerland), nakarating kay Rizal ang balita tungkol sa kalunus-lunos na
kalagayan ng mga Igorot na ginawang bahagi ng eksibisyon.
Sumulat siya kay Blumentritt mula sa Geneva noong Hunyo 6 at 19, 1887
Si Rizal sa Italya
Inilarawan niya kay Blumentritt ang “karangyaan na siyang Roma,” isinulat niya noong Hunyo
27, 1887.
“Pagod na pagod ako na parang isang aso,” isinulat niya kay Blumentritt, “ngunit matutulog ako
na parang isang diyos.”