Ang pagbuklat ng bawat libro ay isang simbolo ng pagkatuto. Ang
pakikinig sa mga bawat salita ng isang guro ay isang paraan para mapaunlad ang sarali. Ang mga pagsusulit na naghahasa ng iyong kakayahan at talino. Bilang isang mag-aaral tungkulin ng bawat indibidwal ang making, matuto, at paunlarin ang sarili. Sa araling “Filipino sa Piling Larang Akademik” nabuksan nito ang isipan ng bawat indibidwal kung ano ang pagkakaiba ng akademik sa di- akademik. Nailathala dito kung paano pormal o tama ang isang pagsulat. Naiipakita din dito ang mga dapat iwasan o dapat tandaan bago sumulat ng mga nabanggit. Sa pagtatalakay nito, napaunlad ang kaisipan naming mga mag-aaral ukol sa iba’t ibang paraan ng pagsulat gaya na lamang ng mga talumpati, panukalang proyekto, bionote, adyenda, katitikan ng pulong at mga iba’t ibang uri ng sanaysay. Ang araling ito ay napaunlad ang aming mga kaalaman mga mag-aaral ukol sa pagbibigay ng mga sariling kaalaman o opinyon. Napakahalagang malaman nito sapagkat makakatulong ito sa hinaharap. Ang araling ito ay malaki ang naiambag sa kaalaman naming mga mag- aaral. Napalawig rin nito ang kahalagahan ng pagsulat sapagkat nauuso na ngayon ang teknolohiya at nakakalimutan na ng bawat mag-aaral ang halaga at ganda ng pagsulat. Hindi maitatangging ang bawat kabataan ngayon ay nakatuon na lamang sa social media at hindi nabibigyang pansin ang kanilang mga natatagong talento. Sa pamamagitan ng asignaturang Filipino sa Piling Larang Akademik ay aking natutunan ang mga wasto at iba’t ibang paraan ng pagsulat. Sa bawat salita na binibitawan ng aming guro ay ang paglawak at pagkatuto upang mapaunlad ang aking sarili at mga pagsusulit na nagpapatunay na ang bawat mag-aaral ay may natutunan at nahasa ang kakayahan at talino ng bawat estudyante.