PAMANTASAN NG LUNGSOD NG MARIKINA

Marikina City
College of Teacher Education
1st Semester A.Y. 2021-2022

FIL109 – Pagtuturo at Pagtataya ng Makrong Kasanayang Pangwika

Sabejon, Angelica A.
3EDFIL5A

Limang (5) Makrong Kasanayan: Mahalagang Salik sa Pagtuturo at Pagkatuto

sa Filipino

Abstrak

Ang bawat mag-aaral ay may kaniya-kaniyang kalakasan at pamamaraan ng

pag-aaral at pagkatuto. Kailangang itong isaalang-alang ng guro upang maging epektibo

at matagumpay ang prosesong pagtuturo-pagkatuto sa loob ng silid-aralan. Mas

magiging interaktibo ang talakayan dahil nakatuon sa mga mag-aaral ang pagtalakay at

malaya nilang naipahahayag ang kanilang mga ideya, opinyon at saloobin tungkol sa

paksang aralin. Ang bawat indibidwal ay natatangi kaya dapat ang layunin ng pagtuturo

ay magamit ang kanilang talino, kakayahan at talento upang linangin ang potensyal ng

bawat isa. Mahalaga ding malinang ang interaksiyon at komunikasiyon ng mag-aaral sa

loob at labas ng paaralan. Tatalakayin sa papel na ito ang (1) mga makrong kasanayang
pangwika, (2) mga kahulugan at kahalagan nito, (3) mga salik na makatutulong upang

maging epektibo ang proseso ng pagtuturo-pagkatuto sa Filipino

Mga susing salita: wika, Filipino, pakikinig, pagsasalita, pagbasa, pagsulat,

panonood, kakayahan

Panimula

Ang kahusayan sa komunikasiyon ng mag-aaral ay makikita sa paraan ng

kaniyang pabibigay at pagtanggap ng mensahe sa kapuwa, sa anyong berbal man o di-

berbal. Mas mauunawaan ng mag-aaral ang paksang-aralin kapag sila ay aktibong

nakikilahok sa talakayan. Higit ding nahahasa ang tatlong domeyn (pag-iisip, pagdama

at pagkilos) ng bawat mag-aaral sa mga gawaing ito. Ang mga makrong kasanayan na

dapat taglayin ng bawat isa ay ang: pakikinig, pagsasalita, pagbasa, pagsulat at

panonood. Ang lahat ng ito ay mayroong proseso, upang lubos na madebelop ang

kakayahan ng isang mag-aaral. Sa tulong ng pag-aaral, dito na nahahasa ang

karunungan ng mag-aaral sa lahat ng aspekto; ang kakayahang manindigan at

mangatwiran sa wastong paraan, pagiging malikhain, kakayahang umunawa sa lahat ng

pagkakataon na siyang makatutulong sa pag-unlad bilang mag- aaral.

1. Pakikinig – Aktibong proseso ng pagtanggap ng mensahe sa pamamagitan ng

sensoring pandinig at pag-iisip. Aktibo ito dahil nagbibigay-daan sa isang tao na

pag-isipan, tandaan at ianalisa ang kahulugan ng mga salitang kaniyang

napakinggan. Sa pakikinig kinakailangan ang ibayong konsentrasyon sa pag-

unawa, pagtanda o paggunita sa narinig. Doble ang paggamit natin sa pakikinig

 kaysa pagsasalita at apat hanggang limang ulit naman kung ihahambing sa

pagbabasa at pagsusulat.

2. Pagsasalita – Kakayahan at kasanayan na maipahayag ang kaniyang ideya at

paniniwala sa pamamagitan ng paggamit ng wikang nauunawaan ng kausap.

Naipaaabot sa kausap ang kaisipan at damdaming niloloob ng nagsasalita at

nagiging kasangkapan sa pagkakaunawaan ng mga tao. Sa mabisang pagsasalita

isinasaalang-alang din ang nakikinig.

3. Pagbasa – Ayon kay Leo James English, ang pagbasa ay pagbibigay ng

kahulugan sa mga nakasulat o nakalimbag na mga salita. Ang pagbasa ay isa sa

mga kasanayang pangwika na tulay ng mga estudyante upang mapahusay at

malinang ang kasanayan sa mabisang pag-unawa sa teksto. Nagbibigay ng

impormasyon na magiging daan sa kabatiran at karunungan.

4. Pagsulat – Ang pagsulat ay pagsasalin sa papel o sa anumang kasangkapang

maaaring magamit na mapagsasalinan ng mga nabuong salita, simbolo at

ilustrasyon ng isang tao o mga tao sa layuning maipahayag ang nasa kanyang

kaisipan (Sauco, et al., 1998). Katulad ng pagsasalita, ang pagsulat ay isang

paraan ng pagpapahayag ng mag saloobin, damdamin at kaalaman. Sa limang

na makrong kasanayang pangwika ang pagsulat ang sinasabing pinakamahirap

matutuhan.

5. Panonood - Ito ay ang proseso ng pagmamasid ng manonood sa palabas, video

recording at iba pang visual media upang magkaroon ng pag-unawa sa mensahe

o ideya na nais iparating nito. Nakabubuo ng hinuna mula sa mga detalye na

napanood na magagamit sa pag-aanalisa o pagsusuri sa paksang napanood

 Tinataglay ng bawat isa ang pagsasalita, pagsulat, pakikinig, pagbasa, at

panonood – ang limang makrong kasanayan. Ang lahat ng ito ay mayroong proseso,

upang lubos na madebelop ang kakayahan ng isang mag-aaral. Sa tulong ng pag-aaral,

dito na nahahasa ang karunungan ng mag-aaral sa lahat ng aspekto; ang kakayahang

manindigan at mangatwiran sa wastong paraan, pagiging malikhain, kakayahang

umunawa sa lahat ng pagkakataon na siyang makatutulong sa pag-unlad bilang mag-

aaral. Ang mag-aaral ay inaasahang nakapagpapakita ng iba’t ibang abilidad, estilo ng

pagkatuto, antas ng kanilang performans, preperensya, at maging sa kanilang

kagustuhan upang makamit ang kani-kanilang pangangailangan at nalalaman sa loob ng

paaralan na magagamit nila sa totoong buhay. (Bender, 2012)

Konklusiyon

Ang mga makrong kasanayan na nabanggit ay may malaking kaugnayan sa isa’t

isa. Ang tao ay nagkakaroon ng kakayahang makabuo ng mga kaisipan at

makapagpahayag ng damdamin at maayos na makipagkomunikasyon sa lahat ng

disiplina o larangan. Ang mga kaisipang nakukuha at nabubuo sa pamamagitan ng

pagbasa, pakikinig, pagsasalita at panonood ay maaaring sulatin upang maibahagi sa

iba. Nalilinang ito sa pamamagitan ng palagiang pag-iisip na ang kasanayang pangwika

ay nasa komunikasyon. Magiging mabisa ang pagkatuto kung mabibigyan ng

pagkakataon ang bawat isa na makisalamuha at makipagtalastasan sa kanilang kapuwa.

Mahihinuha na ang pagkatuto ng mga estudyante ay malilinang sa pamamagitan ng

pagsasama ng gamit ng iba’t ibang uri ng mga biswal at iba pang mga gamit

pampagtuturo sa klase sapagkat makatutulong ito na makakuha sa atensyon ng mga

estudyante upang matulungan rin nila ang kanilang sarili na makapagpokus sa mga

nagaganap na gawaing pangklase. Kung magkakaroon ng aktibong pagpoproseso ng

mga impormasyon at kaalaman ay tiyak na magkakaroon ng isang makabuluhang

pagkatuto.

Sanggunian:
Belong, J. (2019). Mga Makrong Kasanayan
(DOC) MGA MAKRONG KASANAYAN | jacob belong - Academia.edu
De Juan, A. (2017). Mga Istratehiya sa Pagtuturo ng Filipino sa Senior High School.
Mga istratehiya safilipino (slideshare.net)
Gloria, A.R. (2021) Paglinang ng mga Estratehiya sa Pagtuturo ng Wikang Filipino sa
Panahon ng Pandemya. p. 3-18
https://www.researchgate.net/publication/353443547_Paglinang_ng_mga_Estratehiya_
sa_Pagtuturo_ng_Wikang_Filipino_sa_Panahon_ng_Pandemya
Mangahis, J. (2011). Ang Makrong-kasanayan sa Filipinolohiya
https://ejournals.ph/article.php?id=7993
Saynes, K. (2020) Makrong Kasanayan sa Wika
https://www.academia.edu/36197827/Makrong_Kasanayan_sa_Wika