PRIMALS 7–10

Pedagogical Retooling in Mathematics, Languages,

and Science for Grades 7–10 Teachers

Session 12
KoMUNIKATIBONG
PAGTUTURO NG FILIPINO

Learning Action Cell Session Guide

Filipino 7–10

Prepared by:

MICHELLE FALCULAN-TOLENTINO
Senior Education Program Specialist
Bureau of Learning Delivery
Department of Education Central Office
Layunin

Pagkatapos ng sesyon, ang mga guro ay:

Pangunahing Layunin

1. Nailalapat ang mga komunikatibong pagtuturo sa paglinang ng

mahahalagang kasanayan sa Filipino;

Mga Tiyak na Layunin

2. Natutukoy ang kahulugan at kahalagahan ng Komunikatibong Pagtuturo

ng Filipino;
3. Naipaliliwanag ang mga simulain at prinsipyong kaugnay sa
Komunikatibong Pagtuturo ng Filipino;
4. Naipaliliwanag kung paano malilinang ang kasanayang komunikatibo sa
mga mag-aaral; at
5. Napahahalagahan ang KPF sa pamamagitan ng paggamit ng
komunikatibong pamamaraan sa sa pagtuturo ng Filipino.

Susing Pang-unawa

1. Ang Komunikatibong Pagtuturo ng Wika ay isang holistikong dulog na

nakatuon sa mag-aaral, mithiin nitong malinang ang kasanayang
komunikatibo sa pamamagitan ng pagbibigay ng kawili-wiling gawaing
angkop sa paggamit ng wika sa tunay na sitwasyon o mga awtentikong
interaksiyon bilang makabuluhang komunikasyon tungo sa kapaki-
pakinabang na literasi at panghabambuhay na pagkatuto. (Tolentino,
2018)

2. Ang dulog na ito ay batay sa teorya ng wika bilang komunikasyon, na higit

na pinahahalagahan ang kahulugan kaysa anyo ng wika. Ayon nga kay
Richards,J.C. and Rodgers, T.S (1986), ang wika ay sistema/proseso
para maipahayag ang kahulugan.

3. Ang pangunahing may ambag sa pag-usbong ng KPW ay ang

sumusunod:

 Ayon kay Chomsky (1957), Mayroong malikhaing kalikasan ang

pagkatuto ng wika, gaya ng pamamaraan ng tao upang
makalikha ng mga anyo at estruktura ng wika.

 Para kay Hymes (1972), ang kahulugan ng kaalaman sa wika ay

ang kalinangan sa komunikatibong kasanayan, sa buo nitong
katuturan, kabilang ang lahat ng mga sangkap na binubuo ng
tunay na komunikasyon.

2
  Naniniwala naman si Halliday (1975) sa kahalagahan ng gamit ng
wika, hinati niya ito sa pito: instrumental, regulatoryo,
interaksiyonal, personal, heuristiko, imahinatibo, at
representasyonal.

 Ginamit naman si Widdowson (1978) ang terminong “paggamit ng

wika” at “gamit ng wika” bilang dalawang aspekto ng
komunikatibong pagganap. Para sa kaniya, katumbas din ito ng
“pagpapahalaga” at “kahalagahan”.

4. Sa komunikatibong pagtuturo ng Filipino, itinuturo ang wika sa paraang

holistiko, integratibo, nakatuon sa mag-aaral, at awtentiko.

5. Sa pamaraang ito, ang mga mag-aaral ay dapat makabuo ng sariling

bersyon ng realidad na siyang iginigiit ng mga contructivist. Kaya ang
kagamitan ay gaya ng mga “open ended experiences” dahil ang
pagkatuto ay nagaganap kung ito ay batay sa sitwasyon,
kontekstuwal, interaksiyong sosyal at awtentiko.

6. Bahagi rin ng KPW ang pagtuon sa kulturang Filipino sa pagtuturo ng

wika at panitikan bilang paghikayat sa pagkilala, pagtanggap, at
pagpapahalaga sa ating pagka-Filipino. Kaugnay rin nito ang
pagtuturo ng Filipino sa kontekstong pang-Filipino.

7. Sa komunikatibong pagtuturo ng Filipino nililinang ang komunikatibong

kasanayan ng mga mag-aaral: (1) kasanayang gramatikal, (2)
Kasanayang pandiskurso, (3) kasanayang sosyolingguwistiko, at (4)
kasanayang estratehiko.

Mga Kagamitan Inaasahang Haba ng Oras

2-3 oras
 video, power point presentation,
pentel pens, meta cards Alignment to the PPST
Domain 1
Content Knowledge and Pedagogy

Diversity of Learners
Learners’ gender, needs, strengths,
interests, and experiences

Curriculum and Planning

Relevance and responsiveness of
learning programs

Planning and management of teaching

and learning process

3
Mga Sanggunian
Brown, H. Douglas. 2001. Teaching by Principles: An Interlanguage Approach to
Language Pedagogy. Addison Wesly Longman.Inc.
Chomsky, N. (1957). Syntactic Structures. The Hague, Mouton
Halliday, M.A.K. (1973). Explorations in the Functions of Language. London:
Edward Arnold.
Hymes, D.H. (1972). On Communicative Competence. In J.B. Pride and J. Holmes
(eds.). Sociolinguistics. Selected Readings. Harmondsworth: Penguin. 269-
293.
Hymes, D. (1971). On linguistic theory, communicative competence, and the
education of disadvantaged children.
Irwin, J.W (2007). Teaching Reading Comprehension Processes. Library of
Congress Cataloging-in Publication Data
Nunan, David. (1991). Communicative Tasks and the Language Curriculum. TESOL
Quarterly, 25 (2), 279-295.
Nunan, David. (1989). Designing Communicative Classroom. Cambridge: University
of Cambridge
Richards, J. C., and T. Rogers. (2001). Approaches and Methods in Language
Teaching. Cambridge, Cambridge University Press.

Iba pang babasahin

Delfin Tolentino, Jr. (2016); Panayam sa Pananaliksik Pangwika sa Araling Kultural
Zafra (2016), Ang Pagtuturo ng Wika at Kulturang Filipino sa Disiplinang Filipino
(Konteksto ng K-12)

Pamamaraan
1. Ipakilala ang sarili. Munghahing sasabihin: “Isang mapagpalang araw sa inyong
lahat. Ako si __________________ ng ___________. Buong galak ko kayong
tinatanggap sa sesyong ito. Tunay na nakasasabik ang ating sabay-sabay na
pagtuklas sa panibagong kaalamang ating matututuhan. Kaya naman, tara na!
Pakinggan at unawain ang ating mahuhusay na tagapanayam: Una, Gng. Michelle
Falculan-Tolentino, Senior Education Program Specialist mula sa Teaching and
Learning Diviison, Bureau of Learning Delivery, Department of Education, Central
Office at (2) G. Eros Atalia ng De La Salle University.”

2. Ilahad ang mga layunin at magiging daloy ng sesyon.

Panimulang Pagtataya (Pre-test)

1. Ipasagot ang panimulang pagtataya. Sabihin: “Bago tayo tuluyang magsimula sa

ating sesyon, magkakaroon muna tayo ng panimulang pagtataya. Basahin ang at
unawain ang panuto. Isulat ang inyong sagot sa sagutang papel. Pagkatapos ninyo
itong sagutan, itago muna ito at habang pumapalaot tayo sa ating sesyon, sabay-
sabay nating tuklasin kung tumutugma ba ang inyong sagot sa ating tatalakayin.” (I-
flash sa screen ang panuto at mga tanong, ipasagot ito sa loob ng limang minuto)

4
Gawain (Activity)

1. Pangkatin sa lima ang mga kalahok.

2. Ipagawa ang gawain:

Panuto: Batay sa sumusunod na layunin. Magplano para sa inyong pagtuturo.

Isagawa ang itinalagang gawain para sa bawat pangkat.

Mga Layunin:
1. Nabibigyang-reaksiyon ang mga kaisipan o ideya tinalakay na akda;
2. Natutukoy ang mga salitang magkakapareho o magkakaugnay ang
kahulugan;
3. Nagagamit ang angkop na mga pahayag sa pagbibigay ng sariling
pananaw.
Pangkat 1 Pangkat 2 Pangkat 3 Pangkat 4 Pangkat 5
Mungkahing Mungkahing Mungkahing Mungkahing Inaasahang
lunsarang lunsarang lunsarang lunsarang output ng
teksto at teksto at teksto at teksto at mag-aaral
panimulang gawain sa gawain para gawain para at
gawain/ paglinang ng sa paglalahad sa paglalahat/ mungkahing
pangganyak talasalitaan ng aralin at paglalagom at gawaing
pagtalakay paglalapat pagtataya

3. Ipaulat sa harap ang sagot ng bawat pangkat.

4. Itanong ang sumusunod:

 Paano ninyo pinili ang inyong mungkahing teksto sa para sa bubuoing
gawain?
 Bakit mahalang mayroong lunsarang teksto sa pagtuturo ng Filipino?
 Paano ninyo binuo ang inyong gawain? Ano-ano ang inyong mga isinaalang-
alang/konsiderasyon? Bakit?
 Sa inyong palagay, tugma ba ang inyong gawain sa mga layunin?
Patunayan.
Bigyan ng tuon sa pagtalakay ang huling dalawang tanong na ito:
 Sa kabuoan, bakit itinuturo ang Filipino?
 Paano dapat ituro ang Filipino sa mag-aaral?

Pagsusuri (Analysis)

(Pag-usapan ang mga sagot sa tanong)

1. Sabihin: “Lahat tayo ay mayroong mithiin kung bakit natin itinuturo ang Filipino sa
ating mga mag-aaral. Gaya ng inyong mga nabanggit sa ating gawain, bagaman
iba-iba ang ating hangarin sa ating mag-aaral ay nasa iisa pa rin tayong tunguhin
ang matutuhan nila ang Filipino at magamit nila ito upang maging buo at ganap na
Pilipinong may kapakipakinabang na literasi.”

5
2. Itanong: Maliwanag sa atin ang ating mga mithiin, kung gayon, paano natin ito
maisasakatuparan? Paano natin ituturo ang Filipino sa ating mga mag-aaral?

Paglalahat (Abstraction)

1. Gabay na Tanong sa Panonood para sa Video 1

Sabihin: Habang pinanonood ninyo ang video, inaasahang nasasagot ang

sumusunod na tanong:
 Ano-ano ang pagkakaiba ng pagtuturo ng Filipino noon at ngayon?
 Paano umusbong ang Komunikatibong Pagtuturo ng Wika?
 Ano ang kahulugan at kahalagahan ng Komunikatibong Pagtuturo ng Wika?
 Ano-ano ang simulain at prinsipyo kaugnay nito?
 Ano ang kasanayang komunikatibo? Paano ito malilinang sa mga mag-
aaral?
 Sa pangkalahatan, paano isinasagawa ang komunikatibong pagtuturo ng
Filipino?
 Itala ang inyong “AHA MOMENTS”.

2. Ipanood ang video 1:

Paksa: Komunikatibong Pagtuturo ng Filipino.
Tagapanayam: Gng. Michelle Falculan-Tolentino
Senior education Program Specialist
PRIMALS JHS, Chief Trainer

3. Pagkatapos panoorin ang video 1, magkaroon ng talakayan. Hayaang iproseso

ng mga kalahok sa kanilang kaisipan ang mga impormasyon na kanilang
napakinggan sa pamamagitan ng pagsagot sa mga ibinigay na tanong.

4. Gabay na Tanong sa Panonood para sa Video 2

Sabihin: Habang pinanonood ninyo ang video, inaasahang nasasagot ang

sumusunod na tanong:
 Bakit itinuturo ang Filipino?
 Ano ang dapat pagtuonan sa pagtuturo ng Filipino?
 Ano-ano ang dapat na maging output ng mag-aaral sa kanilang pag-aaral ng
Filipino?
 Itala ang inyong “AHA MOMENTS”

5. Ipanood ang video 2:

Paksa: Komunikatibong Pagtuturo ng Filipino.
Tagapanayam: G. Eros Atalia
Faculty
De La Salle University

6. Pagkatapos panoorin ang video 2, magkaroon ng talakayan. Pag-usapan ang

mga sagot sa tanong.

6
Paglalapat (Aplikasyon)

1. Ipagawa ang sumusunod:

Panuto: Magpangkat sa lima. Pumili ng tatlo o higit pang kasanayan mula sa Gabay
sa Kurikulum sa Filipino 7-10 at gamitin ang Komunikatibong Pagtuturo ng Filipino
sa pagtuturo ng piling bahagi lamang ng isang aralin.

2. Ipaulat ang ginawa ng bawat pangkat.

Pangwakas na Pagtataya (Post Test)

1. I-flash sa screen ang pangwakas na pagtataya.

2. Ipasagot ito nang oral sa mga kalahok. (Tingnan sa ibaba ang inaasahang sagot)

Panuto: Sagutin ng Oo o Hindi ang kasunod na mga pahayag ayon sa inyong

natutuhan (hal. sa pagtuturo ng sumusunod na hanay ng kasanayan sa Filipino).

Oo Hindi
1. Sa pagtuturo ng Filipino, dapat higit na magtuon sa anyong gramatikal √
sa halip na esensiya ng kahulugan at kabuluhan nito.
2. Dapat laging mauna ang paglinang sa kasanayan sa pakikinig bago √
ang pagsasalita, pagbasa, pagsulat, at panonood sa pagtuturo ng
Filipino.
3. Dapat magkakahiwalay ang pagtuturo ng mga makrong kasanayan √
(pakikinig, pagsasalita, pagbasa, pagsulat, at panonood).
4. Hindi hinihinging malinang ang lahat ng makrong kasanayan sa isang √
araw na pagtuturo.
5. Higit na makatutulong sa pagkatuto ng Filipino ang pagkakaroon ng √
mga gawaing awtentiko.
6. Ang kasanayang: F10WG-Ic-d-59 Nagagamit ang angkop na mga
pahayag sa pagbibigay ng sariling pananaw ay malilinang sa gawaing
ito–Tukuyin ang mga salitang ginamit sa pagbibigay ng pananaw sa √
pangungusap.
7. Sa pagtuturo ng hanay na ito ng kasanayan mas mahalagang magtuon √
sa pagsusuri sa panlipunang realidad sa halip na pormalistikong paraan.
8. Ang gawaing pagsulat ng sulating pormal hinggil sa napapanahong
isyu sa kasalukuyan ay angkop para malinang ang kasanayan sa √
pagsulat na: F10PU-Ic-d-66 Naitatala ang mga impormasyon tungkol sa
isa sa napapanahong isyung pandaigdig.
9. Sa pagtuturo ng wika at gramatika kailangang iparanas sa mag-aaral √
ang paggamit ng wika sa tunay at/o aktuwal na sitwasyon.
10. Mahalagang ituro ang Filipino hindi lamang bilang asignatura kundi √
bilang disiplina.
11. Ang silid-wika ay dapat nakatuon sa pangmemoryang pagkatuto. √
12. Higit na magtuon sa katumpakan sa halip na katatasan sa pagtuturo √
ng Filipino.
13. Upang matutuhan ang Filipino, dapat mawala ang takot sa mag-aaral. √
14. Ang silid-wika ay dapat magtuon sa pangmatagalang pagkatuto tungo √
sa panghabambuhay na literasi.
15. Dapat malinang ang komunikatibong kasanayan sa mag-aaral sa √
pagtuturo ng Filipino.

7
Pagpapahalaga/Pagwawakas

1. Bilang pagpapahalaga, baunin nating lahat ang mensahe ng pahayag na ito:

“…you are not merely a language teacher–you are

much more than that… You are an agent of change in
a world in desperate need of change: change from
competition to cooperation, from powerlessness to
empowerment, from conflict to resolution, from
prejudice to understanding.” (Brown, 2001)