Ang Tagahuli ng Ibon sa Impyerno

(Esasahi Juwo)

Mga tauhan:
Yama, ang hari ng impyerno
Kiyoyori, isang tagahuli ng ibon
Mga demonyo
Koro
Yama: Ako ang hari ng impyerno, si Yama! At nandito ako upang dumalo sa pulong ng anim na paraan. Yai, yai, nandyan
baa ng aking mga alalay?

Mga Demonyo: Masusunod po mahal na hari.

Kiyoyori: Lahat ng tao’y makasalanan, at dahil hindi ako naiiba sa karamihan ano ba dapat kong ikatakot?

Ako si Kiyoyori, isang tagabuli ng ibon. Isang bantog na tagahuli sa kapatagan. Pero ang buha’y ko’y umabot nasa
sa katapusan. Tinangay ako ng bangin at ngayo’y naglalakbay sa kadiliman. Walang bahid ng pait ay iniwan ko ang
mundong aking kinamulatan. Tinangay ako ng aking mga paa dito sa anim na paraan. Sa aking palagay, sa langit pa rin
ako mahihimlay.

Mga Demonyo: Ha! Ha! May naamoy akong parating na tao. Sigurado akong isa itong makasalanan, at may ihaharap na
kami sa’yo Haring Yama. Mahal na Hari, ang unang makasalanan ay dumarating na.
Yama: Bilisan ninyo’t itulak kaagad siaya sa impyerno.
Mga Demonyo: Abot-kamay lang ang imperno kaya halika na. Ang langit ay hindi madaling marating kaya sumama ka
na.(May hihila sa kamay ni Kiyoyori ngunit manlalaban sya) Halika na. (Isang demonyo ang hihila kay kiyoyori pero
manlalaban siya) Yai! Yai! Ibang klase ito sa mga makasalanan sa balat ng lupa. Ano bang pinagkakakitaan mo sa lupa?

Kiyoyori: Ako si Kiyoyori, ang kilalang tagahuli ng ibon.

Demonyo: Taga huli ng ibon? Kumikitil ka ng buhay mula umaga hanggang gabi. Mabigat ang kasalanan mo. Nasisiguro
kong sa impyerno ang tuloy mo.
Kiyoyori: Ang katotohanan ay hindi ako kasinsama ng katulad ng iniisip ninyo. Mas makabubuti siguro kung sa langit nyo
ako papupuntahin.
Unang demonyo: Hindi puwede! Itatanong ko muna sa hari ang tungkol sa kaso mo. Ipagpaumanhin ninyo mahal na
hari!
Yama: Anon’ng kailangan?
Unang Demonyo: Sabi ng bagong dating na makasalanan isa raw siyang tagahuli ng ibon sa kapatagan. Kaya sabi ko sa
kanya na dahil kumikitil sya ng buhay araw at gabi, nakagawa siya ng mabigat na kasalanan at karapat dapat lamang na
pagdusahan niya ito sa impyerno. Pero ayaw niyang sumang-ayon at iniisip niyang hindi patas ang panghuhusga natin sa
kanya
Yama: Dalhin mo’ng makasalanan na ‘yan dito.
Kiyoyori: susunod ako
Demonyo: Heto na po ang makasalanang pinatawag ninyo.
Yama: Halika rito ikaw na makasalanan! Nalaman kong buong buhay mo ay ginugol mo sa panghuhuli ng ibon. Iyan ay
paglapastangan sa buhay. Ngayon din ay dapat kang mapunta sa impyerno.

Kiyotori: Hindi kayo nagkakamali sa tinuran ninyo tungkol sa akin, pero ipinakakain sa mga palkon ang mga ibong
hinuhuli ko. Wala namang ibang nasasaktan sa ginagawa ko.

Yama: Isang uri din ng ibon nag palkon, di ba?

Kiyoyori: Tama kayo.
Yama: Sa tingin ko ay hindi nga ganoong kabigat ang iyong kasalanan.
Kiyoyori Mabuti naman po at umaayon kayo sa akin. Mas kasalanan naman talga ng palkon ‘yon kaysa sa akin. Kaya
hinihiling ko pong ako’y papuntahin ninyo sa langit.

Yama: at dahil hindi pa ako nakakatikim ng ibon sapul na ako’y nagging hari, ihuli mo ako ng isa, at gusto kong matikman
ngayon din. Pagkatapos ibibigay ko sa iyo ang hiling mo nang walang away.

Kiyoyori: Napakadali nyan. Manghuhuli ako ng ilang ibon ngayon at iaalay ko sa inyo.

Koro: Manghuli, manghuli, kailangang manghuli at lumabas na nga sila, isang kumpol na ibon at pinukol na ang panang
panghuli upang sa gayon ay maihaw na at maialay sa hari ng impyernong may kapangyarihang taglay

Yama: Sige, sige! Tiktikman ko.

Meri, meri! Yum, yum!
Ang sarap, ibang-iba ang lasa!

Kiyoyori (sa mga demonyo): Gusto n’yo bang tikman?

Mga Demonyo: Salamat, gusto naming. Hmmmmmmmmmmmm… masarap nga.
Yama: Wala pa akong natikmang kasinsarap nito. Dahil sa napakasarapang handog mo sa amin, maari ka ng bumalik sa
lupa. Doo’y puwede kang manghuling muli ng mga ibon sa loob ng tatlong taon pa.
Kiyoyori: Tatanawin ko ang itong malaking utang na loob.
Koro: babalik sa lupa, upang doon manghuli ng ibon. Iba’t ibang klaseng hindi mkakatakas sa iyong patibong. Pero bago
siya tuluyang bumalik pinabaunan s’ya ng koronnang sa bato ay hitik. Babalik na siya sa kapatagan at doo’y magsisimula
ng bagong buhay.

Sanggunian: Baisa-Julian, A.G., Del Rosario, MG. G., Lontoc, N. S. (2017). Pinagyamang Pluma 9. Quezon City.
Phoenix Publishing House, Inc.