I. Pamantayan ng Pangnilalaman – Naipapamalas ang kakayahan at tatas sa pagsasalita sa pagpapahayag ng
sariling ideya, karanasan, kaisipan at damdamin. II. Pamantayan sa Pagganap - Nakapag-uulat ng impormasyong napakinggan at makabuo ng balangkas ukol dito III. Tatas – IV. Layunin 1. Magiliw na makinig sa kuwento 2. Masagot ang mga tanong ukol sa kuwento 3. Nasasabi ang simuno at panaguri sa pangungusap V. Paksang Aralin: Simuno at Panaguri 1. Sanggunian: Alab Filipino V p. 158 – 159 Filipino Wika V p. 334-336 2. Kagamitan: Laptop, projector, manila paper, cartolina, pentel pen, larawan, aklat VI. Pamamaraan: A. Panimulang Gawain 1. Dasal 2. Checking of Attendance 3. Balik-Aral Lagyan ng wastong pang-angkop ang mga sumusunod. 1.tao___ bahay 2. bagoong ___ isda 3. tulisan ___ dagat 4. bahay ___ bato 5. wala ___ simuman B. Pagtuturo (Teaching Modeling) 1. Paghawan ng Sagabal baul na ginto salapi korona palasyo malyete reyna Matapos nating makilala ang mga salita at larawang ito, mayroon kayong mga katanungan na dapat sagutin. Ano ang sa palagay ninyo ang kahulugan ng baul nag into? (tanungin ang mga sumusunod pang mga salita) Ngayon naman mga bata, ako ay may babasahing kuwento upang mas maunawaan ninyo ang ating paksa o aralin. 2. Pagkukuwento Ang mga Magnanakaw p. 158 – 159 3. Talakayan Ipakilala ang mga pangunahing tauhan sa kuwento sa pamamagitan ng pagbibigay ng mga katanungan batay sa paglalarawan sa kanila. Sagutin ang sumusunod: Ano ang dahilan ng hari kaya ipinag-utos niya ang pagpugot sa ulo ng pulubi? Magsalaysay ng naging katuwiran ng mga magnanakaw sa kuwento. Ipaliwanat ang bigat ng kanilang kasalanan? Sino sa kanila ang nabigyan ng katarungan? Bakit? Alam natin na ang pangungusap ay salita o lipon ng mga salita na may buong diwa. Magbigay ng pangungusap na hango sa kuwentong binasa. Halimbawa: May isang pulubing nakapasok sa kaharian. Hinatulan ng hari ang pulubi na pugutan ng ulo. Magpapakita ang guro ng mga pangugngusap at magtatanong ukol dito. Pansisin ang mga bagagi nito. Ang pulubi ay nagnakaw ng pagkain. Ang pulubi ay pupugutan ng ulo. Pinatawad ng hari ang pulubi. Napansin n’yo baa ng mga guhit sa pangungusap? Alin ang simuno at alin ang panaguri? May dalawang bahagi ang pangungusap; ang Simuno at Panaguri. Sa pangungusap na ipinakita na may salungguhit na isa ay tinatawag na simuno; samantalang ang mga salitang may dalawang salungguhit ang tinatawag naming panaguri. Ang simuno ay ang paksa sa pangungusap. Ang panaguri naman ang nagsasabi o naglalarawan tungkol sa simuno. Mga halimbawa: Mataas ang bundok. Lumilipad ang ibon. Nandito ako. Kami ay nagkausap na. Nagsisikap mag-aral si Pepe Kung ating susuriin, may tanong na naiiwan sa ating isipan sa tuwing hahanapin natin ay simuno sa pangungusap, ang tanong na ano at sino ang pinag-uusapan sa pangungusap. Kung panaguri ay tanong naman ay ano ang sinasabi tungkol sa simuno. C. Ginabayang Pagsasanay Isulat kung ang salitang may salungguhit ay simuno o panaguri. Lagyan ng S kung ito ay simuno at P kung panaguri sa patlang. _______ 1. Maraming tao ang naparusahan ng hari. _______ 2. Ibinigay ng pulubi ang buto sa hari. _______ 3. Nagutom ang pulubi at nagnakaw ng mga pagkain. _______ 4. May pakialam ang hari sa bahay ng tao. _______ 5. Pinatawad ng hari ang pulubing nagnakaw sa kaharian. D. Malayang Pagsasanay Sumulat ng pangungusap batay sa mga salitang ibinigay. Tukuyin kung ito ay simuno o panaguri. 1. hari _____________________________________________________________________ 2. pulubi _____________________________________________________________________ 3. buto _____________________________________________________________________ 4. magnanakaw ___________________________________________________________________ 5. kaharian _______________________________________________________________________ E. Pangkatang Pagsasanay Gabayan ang mga mag-aaral upang makagawa ng balangkas na bubuuin batay sa nabasang akda: Pamagat: ANG MGA MAGNANAKAW I. Simula A. Ang ministro ang pinagkakatiwalaan ng amang hari. B. Natalo sa sugal ang ministro. C. Kinuha niya ang ginto sa korona ng hari. II. Gitna A. Nabayaran ng ministro ang kaniyang mga utang. B. Walang kaalam-alam ang hari sa ginawa ng ministro. C. Patuloy sa paglilingkod ang ministro. III. Wakas A. Nagkasakit ang amang hari. B. Inamin ng ministro ang kaniyang kasalanan. C. Pinatawad ng hari ang ministro. IV. Pagtataya. Salungguhitan ng isa ang simuno at dalawa naman kung panaguri. 1. Ang pulubi ay nagnakaw ng pagkain. 2. Ang pulubi ay pupugutan ng ulo. 3. Pinatawad ng hari ang pulubi. 4. Ang buto ay tumutubo. 5. Ang espada ay kinuha ng magnanakaw. 6. Umiyak ang pulubi. 7. Dinala sa hari ang pulubi. 8. Ninakaw ng ministro ang gintong korona. 9. Ang prutas ang paboritong pagkain ng hari. 10. Pinalaya ng hari ang pulubi. V. Takdang Aralin Bilugan ang simuno at ilagat sa kahon ang panaguri. 1. Pinakamababang bulkan ang Bulkang Taal. 2. Si Bb. Jovita Obnamia an gaming guro sa Filipino. 3. Kay ganda ng ating musika. 4. Ang Pilipinas ay isang bansang pinagpala. 5. Magtanim tayo ng mga puno.