Hunyo 17, 2019

Lunes

Mahal kong talaarawan,

Ngayon ang unang araw ng ikatlong linggo ko sa paaralan. Unti-unti ko nang

nararamdaman ang malaking bilang ng mga gawain na nakalaan sa huling taon ko rito. Ito ang
unang beses ngayong ikalabindalawang baitang na nakapasok ako bago mag alas-siyete ng
umaga. Sa aming asignaturang Practical Research II, tinalakay naming ang mga kalakasan at
kahinaan ng quantitative research, pati na rin ang mga katangian nito habang inumpisahan
naman ni Ginoong Ramos ang panibagong aralin naming sa Basic Calculus. Naging paksa naman
namin ang mechanics sa asignaturang General Physics I.

Hunyo 18, 2019

Martes

Mahal kong talaarawan,

Ipinagpatuloy naming ang talakayan namin sa Practical Research II habang nag wasto
kami ng aming ikalawang pagsusulit sa Basic Calculus. Sa apatnapu na aytem, dalawampu’t
siyam ang aking nakuha, nalulungkot ako sapagkat pakiramdam ko ito ay mababa ngunit iniisip
ko na lang na hindi ko naman ito lubusan na magagamit kung larangan ng medisina ang
tatahakin ko sa hinaharap at maaari pa naman akong makabawi sa mga susunod na kuwarter o
pagsusulit. Bukod pa rito, tinalakay naming ang iba’t ibang chemical substances sa aming
asignaturang General Chemistry I. Ipinagpatuloy naman namin ang aming takalayan sa
asignaturang General Physics I ukol sa vectors.

Hunyo 19, 2019

Miyerkules

Mahal kong talaarawan,

Bagong paksa o aralin ang tinalakay namin sa aming General Chemistry I. Nagkaroon
naman kami ng isang maikling pagsusulit sa asignaturang Pagsulat sa Filipino sa Piling Larang.
Nagkaroon naman kami ng saglit na pagtalakay ukol sa philosophy sa aming huling asignatura.
Dahil maaga kaming natapos sa talakayan, nabigyan din kami ng oportunidad na makauwi ng
maaga.