Professional Documents
Culture Documents
2 Palanka
2 Palanka
2. PALANKA
Palanka makina soil bat da: euste-puntu batean kulunka egiten duen haga, hain zuzen. Hagaren
puntu batean indarra egiten bada (bultzatuz edo tiratuz), orduan euste-puntuarekiko mugitu egingo da eta
hagaren beste muturrean eragina izango du. Arretaz kasu eginez gero, plano inklinatuarekin
harreman estua duela antzeman daiteke. Begira, bestela, irudia
Suposa dezakezun bezala, plano inklinatuarentzako arestian aipatu legeak oraingoan ere
balio du.
Pisua non dagoen, indarra non egiten den eta euste puntuaren kokapena kontutan
hartuz, hiru palanka mota daude funtsean.
2.1
MUGIMENDUA. Transmisioa eta eraldaketa
2.1 Kulunkaria
Irudiko datuak aintzat hartuta, kalkula ezazu zenbat pisatzen duen harriak.
Alikatea
Palanka konbinatua osatzen du alikate batek, euste-puntuan
lotzen diren bi palankek osatzen dutena hain zuzen ere. Pisua zera
da: harrapatutako objektuak tresna ixteko jartzen duen oztopoa.
2.2
PALANKA
Indarra pisua baino hiru aldiz urrutiago dago euste-puntuarengandik. Horregatik pisua
jaso ahal izateko behar den indarra hiru aldiz txikiagoa da, alderantziz proportzionalak baitira,
burutu behar duen ibilbidea hiru aldiz handiagoa bada ere.
2.3 Ariketa
Bigarren mailako palankaren kasuan ere orekaren legea betetzen da, jakina. Baina
nondik nora dira H eta L neurriak?
2.4 Botila-irekigailua
Kirtena altxatzerakoan txaparen erresistentzia gainditzen da.
Egarri handia duzu eta freskagarri bat edatea erabaki duzu, botila bat
zehatz mehatz. Horretarako luzeran 10 cm neurtzen duen irekigailua hartu
duzu, txapa trabatzeko puntua 3 cm-tara duelarik. Txapa irekitzeko 15 N-
etako indarra egin behar baduzu, zein da txapak egiten duen oztopoa?
Irekigailu hau bestela ere erabil daiteke. Nola? Zein da erabilpen egokiena? Zergatik?
2.5 Eskorga
Zer indar behar da irudiko eskorgari eusteko?
2.6 Intxaurrauskailua
Alikatearen kasuan bezala, palanka konbinatua osatzen du
intxaurrasukailuak, euste-puntuan lotzen diren bi palankek osatzen
dutena hain zuzen ere. Pisua zera da: intxaurrak hausteko jartzen
duen erresistentzia edo oztopoa.
2.3
MUGIMENDUA. Transmisioa eta eraldaketa
Mailua
Euste-puntua eskumuturra da eta karga egurraren/iltzearen gogortasuna da. Mailuaren
burua eskua baino askoz azkarrago mugitzen da.
Pintza
2.7 Kanabera
Esku bat euste-puntu gisa erabiltzen da eta besteak,
bitartean, indarra egiten du. Pisua arrainaren masa da. Oso gora
altxatu daiteke eskuaren mugimendu txiki batez.
Galdera: Lupia portura igotzeko zein indar egin behar duzu zure eskua metro bete mugitu
behar baduzu?
2.8 Erratza
Lehenik eta behin euste-puntua zein esku den zehaztu behar duzu, eta
gero non egiten den indarra eta pisua non dagoen. Ondorioz, zein mailako
palanka da erratza?
2.9 Gilotina.
Zein mailako palanka da gilotina? Hona datuak:
2.4
PALANKA
2.10 Eraikuntza
Igeltseroa zara eta etxez etxe zabiltza lan txikiak egiten: sukalde eta bainugelak
berritu, ateentzako zulo berriak ireki,.. Zure lanaren ondorioz obra-hondakin asko sortzen da
eta, jakina, kalera jaitsi eta zabortegira eraman behar da. Horretarako eskorga txiki bat
erabiltzen duzu adreilu eta bestelakoak kamioira igotzeko, irudian ageri bezala.
Zenbat indar egin behar da 500 N-etako zama 1,5 metrotara igotzeko 4,2 metrotako
luzera duen oholetik? Zure eskogak metro bat neurtzen du heldulekutik gurpilaren
ardatzeraino eta azken puntu honetatik zamaraino 0,35 metro daude.
Jakinda puxikek 475 N-etako indarrez goratzen direla eta bisagratik zortzi metrotara daudela,
zenbat pisatzen du elefante ipotxak?
2.5
MUGIMENDUA. Transmisioa eta eraldaketa
2.12 Zakuak
Auzoko parkera aita bat eta bi seme-alaba joan dira bertan jolastera. Halako batean
kulunkarian hasi dira, aita alde batetik eta seme-alabak besterik. Aitarak bakarrik (800 N) bi
seme-alabak (txikienak 200 N eta zaharrenak 300 N) baino gehiago pisatzen duen arren,
kokapenen arabera umeen aldeak behera egiten du. Desoreka berdintzeko A puntuan (euste-
puntutik metrobetera) zama bat kokatzen da. Bestalde, aita euste-puntutik 75 cm-tara dago,
seme-alaba gazteena 125 cm-tara eta bestea 150 cm-tara. Zenbateko da zama?
2.6