Banghay Aralin sa Filipino 8

Ni G. Dominic Arat

Kasanayang Pampagkatuto:

- Nabibigyang interpretasyon ang tulang napakinggan (F8PN-Iii-j-27)

- Naisusulat ang isang orihinal na tulang may apat o higit pang saknong sa alinmang anyong
tinalakay, gamit ang paksang pag-ibig sa kapwa, bayan o kalikasan (F8PU-Iii-j-29)

l. Layunin:

Pagkatapos ng isang piryud, ang mga mag-aaral ay inaasahang:

1. nakapagbahagi ng sariling pananaw o opinyon tungkol sa tatalakayin gamit ang Graphic

Organizer (PU)
2. natalakay ang Tayutay (PU)
3. natalakay ang tulang “Sa Kabataang Pilipino” ni Dr. Jose Rizal (PU)
4. natukoy ang mga Tayutay sa tula (PU)
5. nakalikha ng isang tula gamit ang mga Tayutay (PB)

ll. Paksang Aralin: Tayutay

Panitikan: Sa Kabataang Pilipino

Kagamitan: Pantulong biswal, Kagamitang pampagtuturo (Graphic Organizer)

III. Pamamaraan:

A. Introduksyon
- Magbibigay ang guro ng gawain gamit ang Word Map na Graphic Organizer, ibibigay ng guro ang
pangunahing ideya at ibibigay ng ilang mag-aaral ang kanilang pananaw tungkol dito.

Word Map

KABATAAN
- Ibabahagi ng guro ang mga layunin sa klase

B. Interaksyon
- Tatalakayin ng guro kung ano ang tayutay at ang ilang pinakagamit ng uri nito
- Hahatiin ang klase sa apat at ipababasa sa bawat pangkat ang tulang “Sa Kabataang Pilipino”
- Babalikan ng guro ang isinagawang motibasyon at ipasusuri sa mga mag-aaral ang kanilang mga
isinulat sa Graphic Organizer
- Ipatutukoy sa bawat grupo ang mga tayutay na mababasa nila sa tula at ipasusulat ito sa papel
- Bawat grupo ay magbabahagi sa klase ng isang tayutay na kanilang nakita at tutukuyin ng
kanilang kaklase kung anong uri ng tayutay ito
- Magdaragdag ang guro ng impormasyon at paglilinaw kung kinakailangan

C. Integrasyon
- Magbibigay ang guro ng mga katanungan sa mag-aaral tungkol sa kahalagahan ng tungkulin ng
kabataan sa lipunan
Halimbawa:
1. Anu-ano ang nararapat gawin ng kabataan sa kasalukuyang panahon para sa ikabubuti ng
ating lipunan?

D. Ebalwasyon
Gawain
Gumawa ng tula na may apat na saknong na naglalaman ng lima o higit pang tayutay.
Isulat sa isang kalahating papel. (15 puntos)

IV. Takdang-aralin
Magsaliksik ng iba pang uri ng tayutay at isulat sa kalahating papel.