IKA-9 na Linggo

Soap Opera at Teleserye

Isang programang pantelebisyon ang mga soap opera o teleserye. Gaya ng ibang produkto,
madaling tangkilikin at pasikatin ang mula sa banyagang oryentasyon. Naging tuntungang bato rin ito ng
maraming artistang Pilipino upang makilala sa industriya gaya ni Judy Ann Santos-Agoncillo na
binansagang “Teleserye Queen,” si Kathryn Bernardo bilang “Teen Queen,” at Marian Rivera na kilala sa
pagiging “Primetime Queen” dahil sa kanilang husay sa larangan ng pag-arte sa mga teleserye.

Ang soap opera ay nagmula sa ibang bansa mula sa tradisyonal na paraan ng pagtatmpok nito sa
mga tauhang nagpapamalas ng matinding emosyon. Samakatuwid, lamang ang pagiging drama ng soap
opera na noong una’t ang pangunahing tagapagtangkilik ay ang mga maybahay na madalas naiiwan o
namamalagi sa mga tahanan. Nagiging pangunahing libangan ito ng mga kababaihan noong dekada ’40.
Sa Pilipinas, dumagsa rin ang mga Mexicanobela, Koreanobela, Asianobela, at iba’t ibang soap opera mula
sa iba’t ibang bansa. Tinangkilik ang mga ito dahil sa mga paksang madaling nakauugnay ang maraming
mamamayan. Madaling makaugnay ang mga manonood kagaya ng mga kuwentong pag-ibig kasama ang
paghihiganti, pagtatagumpay, pagbabalik at marami pang iba na bibihag sa mga manonood.

Kilalang teleserye sa Pilipinas ang mga soap opera ng ibang bansa. Tinangkilk ito ng marami dahil
sa pormyulang ibinahagi ni Direk Jose Javier Reyes sa isang panayam. Ayon kay Reyes, kadalasan ang mga
nagdurusa ay mahihirap, na mabait, mahal ang Diyos, at naniniwalang ang kanilang kabaitan ay mag-aayos
ng kanilang pinagdadaanan. Sila rin ay karaniwang maputi, at kung babae, walang seksuwalidad, nagtitiis
sa pang-aapi, kabaligtaran ito sa mga kontrabida na madalas mayamn, pangit, mataray, at kung babae ay
makamundo at nang-aapi ng kapuwa.

Islogan sa Tarpo

Isang maikling pagpapahayag ang islogan upang magpahiwatig ng kaisipan, saloobin, ideya,
pananaw, at iba pa. isinulat ang nilalaman ng islogan sa malikhaing pamamaraan upang maglarawan,
maglahad, magpamulat, magpakilos, at manghikayat. Maaaring maging anyo ng isang islogan ang pagiging
tuwiran, patula, o patanong. Mahalaga ang bisa ng paggamit ng angkop na wika at estruktura nito upang
makabuo ng isang makabuluhang mensahe na tatatak at hahatak sa sinumang makababasa ng islogan.
Narito ang mga katangiang dapat taglayin ng isang islogan:

 Maikli ngunit malinaw ang mensahe

 Malikhain at makulay
 Nakahihikayat ng kaisipan, damdamin, at atensyon
 Angkop na gamit ng mga salitang naglalarawan, nagsasalaysay, naglalahad,
nangangatwuwiran, at nanghihikayat
 Orihinal ang ideya
 Taglay ang makabuluhang nilalaman
 Madaling unawain
 Nakaaaliw

Dahil sa islogan, nagiging midyum o daluyan ito ng iba’t ibang anyo ng adbertisment o
patalastas ng mga produkto o serbisyo para tangkilin ng mga konsyumer o mamimili. Nagiging puwang
din ang bahagi ng paglalagyan ng mensahe ng islogan ng mga bagong butyl ng kaalaman upang magbahagi
ng aral, magbigay ng paalala o babala, itinataguyod na mga adbokasiya, pananaw, at paninindigan upang
pukawin ang damdamin ng mga mamamayan nang sa gayon ay kumilos nang tama.

Kung tutuusin, mas madali at magandang pagkakataon ang bumuo ng makabuluhan at

magagadang islogan sa pamamagitan ng tarpolin. Mas tatagal ang buhay ng mensaheng ilalagay dahil sa
tibay na taglay ng tarpolin. Kaya’t mahalagang pagsanibin ang tibay ng tarpolin at husay ng nilalaman ng
islogan tungo sa isang kapaki-pakinabang na patalastas o anunsiyo.

Anime, Dubbing At Pagsasalin

Malaki ang gampanin ng anime, dubbing, at pagsasalin sa paglaganap ng mass media. Naiaangkop
ng pagsasalin at dubbing ang mensaheng hatid ng mga banyagang programa upang ilapat at ikonteksto sa
lipunang Pilipino na hindi malayo sa sarili nating kultura at kalinangang bayan. Gamit ang wika, pinag-
uugnay nito ang mga inaakalang magkakalayong kultura. Tunghayan ang isang akademikong sulatin upang
talakayin ang mundo ng anime at kaugnay pa nitong konsepto.