Synopsis:

Alyas FPJ at mga Batang Iskrap

Siya si FRANCISCO PACHECO JUAN A.K.A FPJ. Typical na panatikong tagahanga ng
yumaong FPJ (Ronnie Poe). Ang porma, tindig at mannerisms ay nakopya na sa
kanyang idolo kaya tinatawag na siyang ALYAS FPJ Umikot ang buhay niya sa pag-
iidolo sa artistang minahal ng sambayanan. Mula sa malayo ay tinatanaw ang idolo at
todong umiyak sa pagpanaw ang Da King. Mga film clips sa kampanya at sa lamay.
Dinadalaw niya ang puntod ni FPJ. Hindi political ang tema nito kundi istorya ng isang
fan ni FPJ.

Back story ng buhay pag-ibig ni Isko o Alyas FPJ. Nagpakasal sa iba ang nobyang si
Lumen sa isang nakaangat sa buhay. Wala raw kasi itong ambisyon sa buhay.
Lumuwas siya ng Maynila upang limutin ang kabiguan at upang matanaw man lang
niya ang kanyang idolong si FPJ. Isinama siyang paekstra-ekstra sa pelikula.

Sa pagtitinda ng balut sa Luneta ay nakilala niya at inampon ang dalawang bata: sina
Totoy at Nonoy na may kanya-kanyang istorya. Si TOTOY na iniligaw ng ina upang
sumama sa nobyong foreigner at si NONOY na isang battered child kaya naglayas.
Tinawag silang mga BATANG ISKRAP dahil kabilang sila sa mga nakikipag-agawan ng
mga tira-tirang pagkaing nanggagaling sa mga fastfood at niluluto uli. Tinuruan sila ni
Isko, Alyas FPJ) ng mabuting asal at pagsisikap sa buhay. Naging car watchboy at
shoe shiner sila upang makaipon ng pera para sa pag-aaral nila. Sa murang isip ni
Totoy ay naroon ang hangaring magkita uli sila ng ina kaya laging pumupunta sa lugar
na pinag-iwanan sa kanya sa Luneta. Naghihintay sa pagbabalik ng ina. Pinakaiingatan
din nito ang nakakuwadrong litrato ng ina.

Subplot pa rin si INE, ang batang prosti na nahawaan ng HIV ng isang Awstralyano.
Naging health worker si Ine na nagtuturo ng AIDS awareness. Istorya rin ng mga
streetkids na ang iba’y na-rescue at ang iba’y napahamak na.
 2

Umuwi ng Bikol sa ALYAS FPJ nang mabalitaang napatay si Lumen ng seloso at

malupit na asawa. Iniwan sa dalawang bata ang kubo sa breakwater. Nang magkaroon
ng malakas na bagyo ay tinangay sila at ang kanilang kubo. Nagkahiwalay sina Totoy
at Nonoy. Inakala nilang patay na ang isa’t isa lalo nang nakita ni Nonoy ang backpack
ni Totoy na naroon pa ang nakakuwadrong larawan ng ina nito..

Natagpuan si Nonoy ng ina. Sandali lang ang pagpapakitang kabaitan nito nagbalik sa
kalupitan kay Nonoy. Agaw buhay si Nonoy nang matagpuang nakakadena sa loob ng
bahay. Na-rescue at nadala hospital ang bata. Frontpage sa tabloid ang istorya ni
Nonoy. Dito natukoy nina Isko (Alyas FPJ) at Totoy ang kinaroroonang hospital ni
Nonoy.

Itinakas nila si Nonoy. Masaya na sina Alyas FPJ at mga BATANG ISKRAP dahil para sa
kanila ay pamilya na sila at laging gagabayan ni Alyas FPJ at ituturing na mga anak.

Silang tatlo, pinatawad na ang mga nagkasala sa kanila. Pinalipad nila ang mga lobong
nagtataglay ng kahilingan nila sa Diyos.
vvvvvvvvvvvvvvvvvvvvvvvvvvvvvvvvvvvvvvvvvvvvvvvvvvvvvvvvvv

2
 3

Alyas FPJ at mga Batang Iskrap

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
CAST OF CHARACTERS

ALYAS FPJ O FRANCISCO PACHECO JUAN, 45 balut vendor,

Kilala bilang Alyas FPJ dahil ang kanyang kilos at porma ay mala-
FPJ, isang panatikong fan ni FPJ (yumaong Ronnie Poe) Minsan ay
tinatawag din siyang DA KING.

NONOY ,8, na ang pagkakaroon ng sobrang magparusang ina ang

naging dahilan ng kanyang maagang kamatayan.

TOTOY, 11, tough guy, siga-siga at gustong maglider-lideran pero

ang totoo, naroon ang sobrang kahinaan. Traumatric ang
pangyayaring iniwan siya ng ina dahil sa lalaki. Feeling nya, walang
gustong magmahal sa kanya.

YOUNG TOTOY, 6, iniligaw ng ina. (Flashback)

INE, 14, flower vendor sa klab, nangangarap na mahango ang mga

magulang at kapatid sa matinding karukhaan kaya sumama sa
isang pedong awstralyano,nahawaan ng HIV.

SABEL, 30, ang nanay ni Nonoy , may dual personality: isang inang
nagmamahal at isang inang sobrang magparusa sa anak. She was a
rape victim , hiniwalayan ng nobyo nang mabuntis siya sanhi ng
rape, Malalaman din natin na she was also an abused child when
she was young and now…the perpetrator.

3
 4

MANANG NENA, 45, ang babaing ang naging misyon sa buhay ay

ipalaganap ang population education at responsible parenthood.

BOMBING,10 na isang pedo victim.

BOTYOK, 6, na bata pa’y natuto nang maging mandurukot at

snatcher, sa pagtakbo ay nabundol ng sasakyan, patay.

ELVIS, 14, kasama ang iba pang solvent kids ay na-rescue at nadala
sa “KANLUNGAN CENTER” Doon ay natuto, pinag-aaral sila at
tinutulungang magkaroon ng skills.

BEMBET, 7, friend of Nonoy, ang nakakaalam ng lahat tungkol kay

Nonoy.

DINA, 22, Nonoy’s teacher, matindi ang concern & involvement sa

kanyang pupil.

RUPERT, 33, Nonoy’s ex-convict father.

AMBO, 35 tisikong ama ni Ine.

ELIA, 35, Ine’s mother. Hindi makapagturo ng maganda sa mga anak.

ANNA, 35, ina ni Totoy.

4
 5

SI ALYAS FPJ AT MGA BATANG ISKRAP

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

1: BUROL NI FPJ, STO DOMINGO CHURCH: NIGHT

Footages ng burol ni FPJ. Puno ang

Sto, Domingo Church.

Insert si Alyas FPJ na nasa isang sulok

ng simbahan, umiiyak na parang
naulila.

Alyas FPJ: (Utters)

Idol, bakit naman ganito? Pa’no na kaming mga
fans mo?

Akala ko pa naman, magiging presidente ka.

Bubugbugin mo ang mga criminal at korap?
(iyak)

POV niya ang mga taong agos ang

dating upang makita ang kanilang idolo.

Z back to Alyas FPJ. May maalala siyang

eksena mula sa kanilang baryo sa
Libmanan, Camarines Sur.

5
 6

Focus-defous-focus to:

2: COUNTRYSIDE: DIRT ROAD: MORNING

Bihis na bihis si Isko or Alyas FPJ at may

bitbit na supot ng pagkain at tubig.

Papansinin siya ng mga madadaanang

mga lalaki sa may harap ng sari-sari
store.

Lalaki 1:
Ooy, FPJ, mukhang malayo ang mararating mo.

Tindera:
As usual, maghapon yan sa sinehan dahil me
palabas na pelikula ang idol niyang si Da King.

Lalaki 2:
Yung kakambal niya?

Lalaki 3:
Ano naman yan? (Pointing to the balutan)

6
 7

Alyas FPJ:
Nagbaon na ako ng tanghalian at hapunan ko!

Lalaki 1:
Lugi naman yata sa’yo ang sinehan niyan.
Maghapong walang tayuan.

Tindera:
Sinusulit lamang naman ni Alyas FPJ ang
pambayad sa sinehan.

Alyas FPJ:
Sige! Para mahabol ko ang first showing.

NARRATION:

Ang tunay niyang pangalan ay FRANCISCO

PACHECO JUAN.
Yun lang naman ang kaligayahan ni Isko a.k.a
FPJ. Ang mapanood ang kanyang idolo.

3- SINEHAN: SAME DAY

Mumurahing sinehan lang ito sa

prubinsiya. Habang pinapanood ni
Alyas FPJ ang pelikulang suntukan ay
shadow boxing din siya sa kanyang
upuan, masayang-masaya.

7
 8

Alyas FPJ:
Ang galing mo talaga, idol! Kaliwa! Kanan! Sige,
bodega! rapido! Galing! Galiiiing!

Z sa movie screen.

Z back kay Alyas FPJ, masayang-masaya.

Sumusuntuk-suntok din. Pan sa mga
katabi, Inis dahil naiingayan kay Alyas FPJ.

Babae:
Ano ba? Ang ingay mo!
Manood ka na lang, pwede?

Medyo napapahiya si Alyas FPJ, tatahimik.

4: TYPICAL BARRIO HOUSE: NIGHT

Nakaporma, papunta si Alyas FPJ sa nobya,

pumipitas ng mga bulaklak sa tabi-tabi.

Malapit na siya sa tarangkahan ng

matanaw ang kanyang si Lumen na
nasa may bintana at nakahawak-kamay
sa isang lalaking mukhang may kaya
sa buhay.

8
 9

Natigilan siya. POV niya sila:

Sweet na sweet sina Lumen at Andro.

Masamang masama ang loob ni Alyas FPJ.

Parang sasabog ang dibdib.

Inihatid pa ni Lumen ang lalaki

hanggang sa balkonahe. Paalis na
ang lalaki at hinalikan ang babae.

Nagrerebulusyon ang kalooban ni Alyas FPJ.

Natanaw siya ni Lumen. Umismid ito

at tumalikod papasok ng bahay.
5-BUKID; NEXT DAY; LILIM NG PUNO: EXT

Katatapos lamang ni Alyas FPJ sa pagpitas

ng mga gulay sa kanyang maliit na farm,
pasan ang sang kaing na talong or
kahit anong gulay. Kausap si Maring, kaibigan
ni Lumen.

Maring:
Ginagamit lang ni Lumen ang utak niya. Kasi ano
nga mahihita niya sa’yo. Wala ka raw ambisyon.
Para sa’yo okey na ang konting kinikita mo sa
kapiraso mong lupa.

Sayang talaga. Mula pa pagkabata ay kayo na

ang…

9
 10

Alyas FPJ:
Tama na po, Aling Maring!

Maring:
Kung mahal mo talaga, kumilos ka!

6- BAKURAN: NIGHT

Typical Barrio House. Nakaupo

sila sa baitang ng hagdan.
Nagpapaliwanag si Lumen.

Lumen:
Nasaktan kita. Ikaw na kahit kailan
ay hindi gumawa ng mali sa akin.

Alyas FPJ:
Hayaan mo na lang akong masaktan.

Lumen:
P-pero…

Tumayo na si Alyas FPJ. Paalis na. Pigil

10
 11

ang emosyon.

Alyas FPJ:
Ang importante ay kung masaya ka sa desisyon
mo.

Lumen:
Pinatatawad mo na ba ako?

Alyas FPJ:
Mahalaga pa ba yon?

Tatango si Lumen. Naiiyak.

Lumen:
Unfair sa’yo ang naging desisyon ko.
Naging mabuti ka sa akin.

Wasak ang puso, tuloy nang aalis

si Alyas FPJ.

7- SIMBAHAN, FAÇADE: DAY

Papasok ng bridal car ang bagong kasal.

Maraming dumalo sa kasal. Masaya ang lahat.

Mula sa malayo ay tanaw sila ni Alyas FPJ.

11
 12

May bitbit itong travelling bag. Aalis na.

8- SHANTY: MAYNILA: SQUATTER AREA:DAY

Shanty ni Enchong, pinsan niya.

Enchong:
Iniwan mo pala ang bukid mo.

Alyas FPJ:
Ipinatrabaho ko muna sa iba. Gusto kong
sumubok ng kapalaran dito.

Enchong: (OA)
O, si Lumen ang dahilan?

Matitigilan si Alyas FPJ, Malungkot.

Enchong:
Nagtitinda lang ako ng balut at chicharon sa
Luneta. Sama ka na lang. Hati tayo sa renta
nitong kuwarto.

Sisipatin ni Enchong ang kaibigan.

Pero, insan, mas bagay sa’yo ang mag-artista.

Kaporma mo si FPJ.

12
 13

Tama lang namang tawagin kang FPJ dahil yun

talaga ang initials mo. Francisco Pacheco Juan!

Medyo nahihiya si Alyas FPJ.

Kamot-ulo. Lahat ng kilos at
gesture ay mala-FPJ.

Cut to:

9-LUNETA; NIGHT
Nagtitinda ng balut at tstisaron si
Alyas FPJ.

Enchong:
Magtawag ka nang malakas!

Alyas FPJ:
Erap, nahihiya yata ako!

Enchong:
Kung nahihiya ka e uwi ka na lang dun sa atin at
magsaka.

Hihinga ng malalim at pagsisikapang

lakasan ang boses:

13
 14

Alyas FPJ:
BALUT KAYO RIYAN! Bili na kayo ng balut!
mama, ale!

Enchong:
Sabihin mo…”Pampalakas ng tuhod!”

Alyas FPJ: (Hesitant)

Pampalakas ng tuhod…daw!

Dismayado si Enchong.

Enchong: (dictating)
Peborit ni misis, peborit ni mister!

Alyas FPJ:
Kailangan pa ba yon?

Enchong:
Kailangan!

Alyas FPJ: (louder)

Peborit ni Misis , peborit ni Mister.

Enchong ‘s reaction. Aprub.

Thumbs up pa.

Cut to:

14
 15

10-SHANTY: NEXT DAY; DAY

Nag-aalmusal sila, kanin, tinapa

at kamatis. Masarap ang kain nila.

Enchong:
Hindi mo nami-miss ang prubinsiya?

Iiling si Alyas FPJ.

Enchong:
E ang leading lady sa buhay mo?

Alyas FPJ, kibit-balikat. Matitigil ng pagsubo.

Tatangkain ni Enchong na baguhin ang paksa
Ng usapan.

Enchong:
Yung caretaker ng mga talents sa pelikula.
Kailangan daw ng extra sa pelikula ni FPJ.

Matitigilan si Alyas FPJ.

Enchong:
Ipinalista ko tayong dalawa. Eekstra tayo!

15
 16

11-BAHAY NG TALENT MANAGER.

Naroon sina Alyas FP at iba pang

mga eekstra.

Talent manager:
Ang labas nyo ay taumbayan. Wala kayong
speaking lines kaya maliit lang ang bayad.

Mapapansin ng talent manager si

Alyas FPJ:

Talent manager:
Ikaw nga! Halika! Parang iba ang porma mo,Pare
ko!

Alyas FPJ:
B-Baket, po?

Papaikutan ng tingin ng Manager

si Alyas FPJ.

Talent Manager:
Wow! Kapag nakatalikod, FPJ!

Tumagilid ka…side view.

Side view si Alyas FPJ,

pumormang FPJ.

16
 17

Talent manager:
Medyo pa rin!

Alam mo, Erap! Kailangan daw nila ng dobol!

Baka pumasa ka! May porma!

Biglang natuwa si Alyas FPJ.

Haharapin ng talent manager ang

Iba pang naroon.

Talent Manager:
Maglilista na ako ng kasali!

Pila silang lahat, umaasang

makukuha sila.

Tutunog ang cellphone,

Talent Manager:
Hello?
Pack up? ….hmmm, gano’n?

To EXTRAS.

Talent Manager:
Pack up tayo. Basta sasabihin na lang kung kelan
tayo matutuloy. Aabisuhan kayo.

17
 18

Dismayado ang lahat lalo na sina

Alyas FPJ.

12-SARI-SARI STORE: DAY

Alyas FPJ at Enchong, kabilang sa mga

nakikinood ng pelikula ni FPJ sa
harap ng sari-sari store.

Kapag bumibigwas ng suntok si

FPJ, sumasabay din ang magkaibigan!

Alyas FPJ:
Sige, Erap! Pulbusin mo’ng dibdib! Isang kaliwa,
isang kanan! Wasakin mo’ng panga!

Enchong:
Suntoook! Galeeeng!

Tindera:
Ang ingay nyo! Nakakarindi na!

Alyas FPJ: (nahihiya)

S-sorry ho.

Tindera:
Enga pala, huling abiso na raw mula sa
munisipyo. Idedemolish na ang mga bahay natin.

18
 19

Kung gusto raw natin, mare-relocate tayo sa

Bulacan.

13-SHANTY: DAY: NEXT DAY

Bisita nila si Conching, 30,

mataba, kaibigan ni Lumen.
Habang nagtsitsika, panay ang
lamon nito.

Conching:
Kawawang Lumen, sising-alipin siya.
Yung si Andro, seloso, bugbugero.
Ginagawang punching bag ang asawa!
Kung makikita mo siya ngayon, kuluntoy na,
naglaho na ang ganda!

Parusa sa kanya ng langit dahil tinalikuran ka,

Isko!

Hindi kumikibo si Alyas FPJ pero masama

ang loob, tiim-bagang.

Conching:
Dahil sa pambubugbog ni Andro, nakunan siya
dun sa pangalawang anak nila.. Gusto nang
hiwalayan ni Lumen ang hayup na yon.

19
 20

Alyas FPJ:
Bakit hindi niya hiwalayan?

Conching:
Papatayin daw ni Andro ang buong angkan niya
kapag humiwalay!
At malamang na magawa, sira ulo pala ang
lalaking yon!

Napatayo, naglalatang sa poot si Alyas FPJ.

Enchong pats his shoulder.

Enchong:
Relak ka lang, Pards! Yun ang pinili niyang
kapalaran.

Conching:
Kumusta naman kayo rito, Enchong?

Enchong:
Negosyante, minsan ta-artits!

Lilinga sa paligid ng shanty si \

Conching , in disbelief.

Conching:
Negosyante?

Alyas FPJ:

20
 21

Tindero ng balut at chicharon.

Pa-extra-extra sa pelikula.

14-QUEZON: BUS STATION: DAY

Pababa ng bus galing Maynila.

Nasa Quezon na si Alyas FPJ at me binabalak.

15-SMALL RESTAURANT:DAY:

sa isang maliit na restaurant sa Naga.

Magkausap sina Alyas FPJ at Lumen. Nasa

anyo ni Lumen ang matinding pagsisisi.

Pinagmamasdan ni Alyas FPJ si Lumen.

Umiiwas si Lumen na tumngin ng
diretso kay Alyas FPJ. May mga pasa ang
mukha ni Lumen.

Lumen:
Okay naman ako…sobra nga lang siyang seloso
kaya…(pinipigil maiyak)
h-hindi niya sinasadyang makapanakit. Mahal na
mahal lang kasi niya ako.

Alyas FPJ:
Lumen, narito ako. Ayokong may nananakit sa’yo.

21
 22

Lumen:
Salamat sa pagmamalasakit mo.
Hindi ko kailangan ‘yon. May asawa na akong tao
at hindi na dapat nakipagkita sa’yo!

Tumayo na si Lumen upang umalis

ni hindi nagalaw ang pagkain.

Lumen:
Ayokong madamay ka…pasasalamatan ko kung
hindi na ako sasagi sa isip mo.

At tuloy nang lalabas si Lumen ng

restaurant. Maiiwang nahahabag pa
rin si Alyas FPJ. Susundan ng tanaw
ang babae.

16-SHOOTING: EXTERIOR: NIGHT:

Naroon sina Alyas FPJ, Enchong at iba pang

extras na lalabas na taumbayan sa
isang malaking eksena.

Asst Direk:
O, yung mga extra! Taumbayan. Ang isisigaw lang
nyo ay: (with fervor)
Lalaban kami! Hindi kami susuko!

22
 23

Enchong: (Whispers)
Baka kunin ka nang dobol ni manager.

Pinaparaktis ni Alyas FPJ ang kanilang

dialogue.

Alyas FPJ:
Lalaban kami! Hindi kami susuko!

Lalapitan ni Asst Direk si Alyas FPJ.

Asst. Direk:
Sorry, Bok. Ayaw ni manager na magpadobol.
Kaya naman daw niya.

Cut to:

17- DEMOLITION DAY: SQUATTER AREA: DAY

May mga demolition Team, Winawasak

ang mga illegal structures sa lugar na
yon. Lumalaban ang mga tao. De-baril
ang mga pulis na nagbabantay sa mga
magdedemolish.

23
 24

Yung mga abastos nila ay hawak ang

iba merong nagsusunongn ng aparador,
mga balutan.

Enchong:
Wala na tayong bahay. Uuwi muna ako sa
Libmanan. Makakaraos din don, saka balak ko
nang pakasalan si Oneng.

Alyas FPJ:
Okay lang. Sa Luneta na muna ako tatambay.

Z sa mga iba pang naroon, me

umiiyak, me palaban, me nagwawala.

Babae:
Ang pinaghirapan kong bahay!
Huwaaag!

Lalaki: (payat, tisiko)

Magkakamatayan muna tayo bago
nyo magiba ang bahay ko! (ubo, hika)

Pulis:
Matagal na po kayong inaabisuhan. Me

24
 25

paglilipatan po sa inyo.

Cut to:

18- ISANG KUBONG MALIIT SA GILID NG BREAKWATER: DAY

Yari sa tagpi-tagping yero at plywood

and karton na pwede ring tirhan. Me
maliit na lamesang crude din ang
pagkagawa.

Narration:
Isang abandonadong kubo sa gilid ng
breakwater ang itinuro kay Alyas FPJ
upang doon manirahan.

Lalaki:
Dito ka na lang. Yung unang gumawa niyan ay
hindi na bumalik. Baka patay na.
Balita ko’y tinangay ng malakas na alon nung
bumagyo nung nakaraang taon. . Buti itong
bahay, andito pa.

Alyas FPJ:
Salamat ho. Ayos naman ho ito.

25
 26

Lalaki:
Mahirap yung me binabayarang renta buwan-
buwan, sakit ng ulo.

Natutuwang pinagmasdan ang kubo.

Alyas FPJ:
Kahit paano, me palasyo na ako!

Cut to:

19- KUBO: LATER INT: DAY

Nagsimula nang ayusin ni Alyas FPJ ang mga

litrato at mga advertisement ng pelikula
ni FPJ. Idinikit o isinabit sa dingding.
Para sa kanya ay ito ang Kanyang kayamanan.

Matagal na pagmamasdan ang litrato ni

FPJ (Ronnie Poe.) Itatabi ang mukha niya sa mukha ng idolo.

Alyas FPJ: (Whispers)

Pwede!

26
 27

Cut to:

20-NEWS STAND: DAY

Mapapadaan si Alyas FPJ sa newsstand.

Makikita ang headline: Mga news ukol sa
pagkandidato ni FPJ bilang Presidente.

Da King kandidato sa pagka-Presidente!

Biglang magagalak si Alyas FPJ, Bilib sa
kanyang idol.

Alyas FPJ: (Excited)

Si Da king? Si Idol, magiging Presidente ng
Pilipinas? Dapat lang!
Boss, sa’yo ang boto ko! Ikakampanya kita!

Very hopeful siya, euphoric.

21-MONTAGE:

Mga film clips ng mga campaigns

ni FPJ, motorcade, maraming fans.

Inserted si Alyas FPJ sa crowd na

humahanga sa kanilang idolo.

27
 28

Alyas FPJ (shouts)

Mabuhay si Idol! Mabuhay si FPJ!
Mabuhay si DA KING1

Crowd:
DA KING! DA KING FOR president!
MABUHAY SI FPJ!

Ipakita ang mga excited na mga fans.

Cut to:

20-LUNETA: NIGHT: EXT

Bitbit ang basket ng balut-penoy at

mga tsitsaron,
nagtitinda sa Luneta si Alyas FPJ.

Habang nagtitinda ng balut, ikinakampanya si FPJ.

Alyas FPJ:

28
 29

Boss, huwag nyong kalilimutan si Da King. Kay

Da king tayo ,ho?

Customer:
Siyempre fan ako non.

Customer 2:
Baka sakaling mamura ang tiket sa sine kapag
siya na ang presidente.

Tuwang-tuwa si Alyas FPJ.

Tuloy sa paglalako ng balut.

Sa di layuan ay POV nila ang mga

magkakapartner na nagsusuyuan.

Mapapansin ang isang 10 year old boy na

nakatulog sa bench, ito si Totoy. Sa
tabi nito ay isang backpack. Tipong
nakatulog sa paghihintay.
May lobo pang nakatali sa wrist ng bata.

Lalapitan ni Alyas FPJ.

Alyas FPJ:
Bata, gising ka! Ba’t diyan ka natulog?

Pupungas-pungas na magigising

29
 30

ang bata.

Totoy:
Madilim na?

Alyas FPJ:
Gabi na nga? Ano’ng ginagawa mo? Nasaan ang
kasama mo?
Kanina pa kita nakikitang nag-iisa diyan.

Totoy:
s-sabi po ng inay ko…babalik siya ng alas-singko.

Alyas FPJ
Alas nuwebe na ng gabi. Hindi ka na babalikan
noon.
Sumama ka na lang sa akin para makatulog ka
nang maayos.

Totoy:
Ayoko po. Sabi po ni Inay, babalik siya! (Iyak)
Inaaayy! (Iyak)

Alyas FPJ:
Sige, kung ayaw mo, diyan ka lang.

Lalayo na si Alyas FPJ upang muling magtinda.

30
 31

Alyas FPJ:
Bili na kayo ng balooot! Pampalakas ng tuhod!
Tsitsarong malutong
Na me sawsawang suka at sili! Bili na kayo!
(SIGAW) BALUUUT!

POV niya ang batang na binuksan ang

backpack at kumuha roon ng tinapay,
kumain.

Inilabas ang maliit na nakakuwadrong

litrato ng ina. Buong pagmamahal pang
hinaplos. Inayus-ayos ang balloon na
nakatali sa wrist nang mabitiwan at
lumipad.

Umiyak nang umiyak ang bata.

Totoy: (iyak)
Ang lobo koooo!

Napalapit si Alyas FPJ kay Totoy.

Alyas FPJ:
Bata? Baket?

Young Totoy:

31
 32

Ang lobo ko! Lumipad ang lobo kooo!

Ang lobo kooo!

Tiyempong may dumadaang nagtitinda

ng lobo, bumili si Alyas FPJ ng dalawang lobo.

Alyas FPJ:
Dalawa, boss! Puti at pula.

At ibinigay sa bata.

Nag-aalaganing kukunin ng bata ang

mga lobo. Maayos na itatali ni Alyas FPJ
ang mga lobo sa backpack ng bata.

Kukuha ng dalawang itlog, isang

penoy at isang balut.
Ibibigay sa bata.

Alyas FPJ:
Bawal lang magkalat. Sa basurahan itatapon ang
mga pinagbalatan, ha?

Ituturo ang basurahan sa malapit lang.

Tatango ang bata. Anyong gutom.

32
 33

Alyas FPJ:
Gusto mong kumain ng kanin?

Tatango ang bata.

Alyas FPJ:
Tayo na!

Young Totoy:
Saan po?

Alyas FPJ:
Sa palasyo ko!

Nagtataka ang bata.

Sumama na ang bata kay Alyas FPJ, z

sa dakong likuran nila, nakatanaw
at lihim pasunud-sunod ang isang
babae, si Anna, ang nanay nung bata.
Lihim na sinusundan kung saan sila pupunta.

Malayo na sina Alyas FPJ at Totoy nang

tumigil sa pagsunod ang babae.

Lumuluha ito. Tinatanaw pa rin.

Parang nawalan ng lakas ang babae,
napaupo, iyak nang iyak. Reactions niya.
Parang naririnig pa ang mga
napag-usapan nila ng kanyang ina.

33
 34

Mother’s Voice Over:

Hindi namin kayo matatanggap ng anak mo.
Pumatul-patol ka sa may-asawa at ngayon e
Ako ang pagdurusahin mo sa pag-aalaga ng anak
mo? Suwail ka. Sungay mo, sunong mo.

Anna’s Voice Over:

Ayaw po kasi ni Bill na i-adopt ang bata.
Magpapadala naman po ako ng sustento
buwan-buwan!

Mother’s voice over:

Bakit hindi mo iwan sa ama niya ang batang yan?

Anna’s Voice Over:

Sinubukan ko na po pero alaga lang po siyang
bugbugin ng madrasta niya. Pinababayaan lang
ni Ricong apihin ang kanyang anak.

Mother’s Voice Over::

Huwag mong iiwan ang anak mo.
Mas intindihin mo ang obligasyon mo sa anak mo
kesa kalandian mo!
Huwag kang sasama sa foreigner na yon
na nakilala mo lang sa internet!

Iiyak nang iiyak si Anna.

34
 35

Narration:
Bakit may inang hindi dapat naging ina?
Bakit kailangang iwan ang isang musmos?
May ina palang makatitiis sa kanyang anak? Ano
ang kasalanan ng isang batang katulad ni Totoy?
Bakit kailangan niyang patuloy na mauhaw sa
pagmamahal ng kanyang ina?

Cut to:

21-KUBO SA BREAKWATER: SAME NIGHT

Pansit at kanin ang pagkain nila.
Gutom ang bata.

Alyas FPJ:
Kung gusto mo, dumito ka lang. Wala naman
akong kasama.

Delikado ka kasi sa mga sindikato kung

maglalaboy ka don.

Gutom ang bata, kain nang kain.

Tatanawin ang mga lobong nakatali

sa backpack.

35
 36

Alyas FPJ:
Ano ang pangalan mo?

Young Totoy:
Totoy.

Alyas FPJ:
Masanay ka sa buhay lansangan…handang
makipagbasagan ng mukha kung kailangan.
Maging tigasin. Pumaris ka sa akin. Matatag.

Yung tingin sa kanya ng bata ay

yung tinging umiidolo.

22-KUBO: NIGHT: LATER

Parang anak na ang turing ni Alyas FPJ kay

Totoy. Nakatulog ito sa tabi niya,
magiliw na kinumutn ni Alyas FPJ ang bata.

Yakap ng bata ang nakakuwadrong litrato ng ina.

Naisip ni Alyas FPJ na tingnan ang laman

ng backpack. May wallet doon, nakita ang

36
 37

nakasingit na sulat. Binasa ni Isko.

Voice Over:
Totoy, sinubukan ko nang iwan ka sa mga
kamag-anak natin ngunit galit sila sa akin dahil
anak kita sa pagkakamali. Hindi tayo tinanggap.

Ngayon ay kailangan ko nang sumama kay Bill

sa US. Ayaw niyang isama kita. Patulong ka sa
mga pulis para madala ka nila sa ampunan.
Patawarin mo ako, anak. Nanay.

Napatingin si Alyas FPJ sa bata. Naawa.

Kinuha ang sulat at itinago sa bulsa.

Badha ang poot sa mukha ni Alyas FPJ.

Cut to:

23-KUBO: THE NEXT MORNING

Nagpiprito si Alyas FPJ ng scrap o Iskrap.

Tira-tirang ulam galing sa mga fastfood..
Nagising si Totoy.

Young Totoy:
Mamaya po ihatid nyo ako uli dun sa pinag-

37
 38

iwanan sa akin ni Nanay. Baka po bumalik siya

don.

Alyas FPJ:
Kakain muna tayo. Masarap ito.

Totoy:
Fried chicken? Bakit maraming buto?

Alyas FPJ:
Iskrap ito…yung mga tira-tira galing sa fastfood.
Konting suka, konting toyo, okay na! Patay na ang
mga mikrobyo.

O, ‘lika na! Kain na ang BATANG ISKRAP!

(TAWA)

Totoy:
Baka hinahanap na po ako ng nanay ko.

Alyas FPJ:
Hindi ka niya hinahanap.

Totoy:
Paano nyong nalaman.

Kibit-balikat na lang si Alyas. Hindi kumibo.

Nakatingin ang bata sa litrato ng ina.
Parang source of inspiration.

38
 39

Kinuha ni Alyas FPJ and kuwadro at isinabit

sa wall malapit sa mesang kinakainan.

Alyas FPJ:
Ayos ba?

Totoy:
Ayos!

High five sila.

Balik tagpo sa FPJ wake.

May mga fans na umiiyak.

Mamamasa ang mga mata ni Alyas FPJ,

naiiyak na rin.

Biglang nagwala yung isang

babaing fan. Halos himatayin na
nagsisigaw.

Ale:
DA KING! Bakit mo kami inulilaaa?
I love you, Idol! Ansakeeeet!

Naiiyak na rin si Alyas FPJ .

39
 40

Totoy ( Whispers)
Boss manager, ‘kala ko ba dapat tigasin?!

Medyo mapapahiya si Alyas FPJ,

magdadahilan.

Alyas FPJ:
Napuwing lang e.

Ipakita ang maraming nakikipaglamay.

Film clips.

Ginulu-gulo ni Alyas FPJ ang buhok ni Nonoy..

Cut To: FLASHBACK ULI.

24-KUBO: ANOTHER DAY:

Bumungad sa pinto si Enchong nadatnan

Ang kaibigan at si Totoy. Bisita ni Alyas FPJ
si Enchong.

Lumilinga sa paligid si Enchong.

Enchong:
Hindi naman pala mahirap hanapin ‘to,e!

Alyas FPJ:
Dito ka na ?

40
 41

Enchong:
Namasyal lang. . Buntis na uli si Oneng ko.
Magdadalawa na ang mga kulits namin.
Buti nagkaro’n ng mass wedding sa bayan kaya
sa wakas ay nakasal din kami nang walang
gastos.

Alyas FPJ: (Sabik)

k-kumusta naman sila don? S-siya?

Enchong: (hinarap si Totoy)

O, ang laki na nitong butsukoy mo.

Totoy:
Totoy po !

Alyas FPJ: (excited)

Kumusta sa atin? Si Lumen?

Matitigilan si Enchong, hindi alam

kung paano sasabihin.
Hihinga ng malalim.

Alyas FPJ:
Hihiwalayan na ba ang asawa niya?
Sana, isinama mo na rito.

Hindi pa rin makapagsalita si

41
 42

Enchong, building up ang emosyon.

Hindi agad nakapagsalita. Nag-ipon
ng lakas ng loob.

Enchong: (breaks down)

P-Patay na siya?

Yanig. Parang nabingi si Isko,

parang binagsakan ng mundo.

Enchong:
Matagal siyang nawawala. Ang sabi nung asawa,
sumama sa lalaki niya.
Nanlalaki daw si Lumen…

Hanggang sa may nahukay na bangkay…k-kay

Lumen!

Basag ang bungo. Mukhang pinahirapan bago

pinatay.

Si Andro, ang asawa niya ang suspect.

Nagtatago ngayon.

Tiim-bagang si Alyas FPJ. Parang gustong

durugin ang mga balikat ng kaibigan.

42
 43

Enchong:
Ang sinasabing dahilan ay selos! Balak na
talagang hiwalayan ni Lumen ang asawa. yung
huling pag-aaway nila, matindi.

Alyas FPJ:
Hindi totoo ang narinig ko, di ba? hindi
magandang biro ito!

Nginig si Enchong sa nakikitang

poot ng kaibigan..

Enchong:
Ba’ t ako magbibiro sa ganitong bagay?

Pagsusuntukin ni Alyas FPJ ang wall ng

kubo. Mabubutas yon, warak.
Nagwawala si Alyas FPJ.

Parang batang hahagulgol si Isko.

Habag na habag sina Enchong at
Young Totoy.Emotional scene ito.

Cut to:

43
 44

25: LUNETA; NEXT DAY;

Nakaupo sa dating bench si Young Totoy, 5

parang naghihintay pa rin sa ina.
Bawat babaing dumadaan ay hinahabol
ng tingin, sinisigurong hindi ito ang
kanyang ina.

Iba’t ibang anggulong paghihintay ng

bata iba’t ibang panahon. Me umaaraw me,
umuulan. Matiyagahg naghihintay.

HANGGANG NGAYONG MALAKi-LAKI NA SIYA

11 YEARS OLD NA, Suot pa rin sa leeg ang karatulang “TOTOY”

Mukhang tigasin na ngayon si Totoy,11.

Si Nonoy, 8 years old, may mga pasa

sa mukha at braso, battered son, ay
makikiupo sa tabi ni Totoy.

Pupukulin siya ng matalim na tingin

ni Totoy na waring sinasabing istorbo ka.
Matatakot si Nonoy.

Totoy:
Dun ka sa kabila. Huwag dito.

44
 45

Pinapaalis ni Totoy si Nonoy.

Nonoy:
Baket? Kasya naman tayo rito.
Mahaba naman itong bangko.

Tssunn! Alis diyan! Layo ka!

Naiistorbo ako!

Takot si Nonoy, lalayo, pupunta sa

Kabilang bangko.

Balik si Totoy sa pagtingin sa malawak

na dagat.

Totoy (whispers, inip)

Dumating ka na, Nanay. Antagal mooo!

Umuulan, napatakbo si Nonoy

upang maghanap ng masisilungan.

Makikita si Ine, 14, Bata pa lang pero

naka-make up at mini-skirt.nagbukas ito ng
payong. Lapit dito.

Nonoy:
Ate, pwedeng makisukob?

45
 46

Mapapatingin si Ine, maawa kay nonoy.

Ine:
‘Lika! Sukob na!

Nonoy:
Me hinihintay ka rin, ate?

Ine:
Hindi na siguro darating.
Ikaw? Ba’t ka nag-iisa.

Takot, walang maisagot si Nonoy.

Makikita ni Ine ang mukha at braso
ng bata, mga pasa, maawa si Ine.

Ine:
Naglayas ka?

Naiiyak na si Nonoy.

Naawa si Ine.

Tatanawin ni Nonoy si Totoy na kahit

umuulan ay di-gumagalaw sa kinauupuan.

Isasama siya ni Ine. Magkasukob pa rin sila sa payong.

.Cut to:

46
 47

26- ILALIM NG TULAY : DAY

Improvised na tirahan made of malaking

kariton na may mga karton. Nagluluto ng
noodles si Elia, 35, buntis na nanay ni Ine.
Improvised ding kalan made of tatlong
bato na may kahoy na panggatong, mga
patpat. Hinihipan upang magdingas.

Umuulan sa labas. Pinagagalitan ng ina

ang anak na batang babaing 12 taon, si
Ine, isang batang sampagita vendor.
Kasamang dumating ni Ine
ang nahihiya pang si Nonoy. Naroon
ang ibang kapatid ni Ine Bombing, 10, Botyok,7

Elia
Ba’t ka nagsama ng batang uhugin? Ano ba ang
magagawa niya? Hindi pa pakikinabangan yan!

Ine
Kawawa naman siya, inay…ginaw na ginaw na at
nawawala raw siya. Pasilungin lang natin.

Elia
At pakakainin, gayon ba?

Ine (Pleads)

47
 48

Sige na lang, inay…papasada naman ako

mamaya.

Mapapatingin si Nonoy kay Ine,

nagtataka kung anong "pasada"
ang tinutukoy.. Nagtatanong ang
tingin niya kay Ine.

Si Ine, naroon ang hapdi sa anyo,

yung napipilitan nga lang niyang
gawin ang lahat. Pagkuwa’y anyong
iwawaksi na ang lahat.

Taka pa rin si Nonoy.

Bombing
Gusto mo, Bok, pasada rin tayo?

Ine
Bombing! Tama na! Mas bata sa’yo ‘yan!

Bombing (in protest)

Hindi pwedeng lumibre siya sa pagkain. Sa atin
lang, kulang pa ang lapang natin!

Elia:
Ngayong gabi lang ito. Bukas, iiskiyerda na ang
batang yan!

Ine:
Opo.

48
 49

Cut to

27-- KALSADA : NIGHT

Umuulan, nakapayong siya. Anyong

pagod na si Sabel, 33, nanay ni Nonoy.
Nasa anyo ang matinding pag-aalala,
naiiyak na siya.

Sabel
Nonoy! Nonooooy! (iyak)

Parang mawawalan na ng pag-asa,

mapapaupo sa may gilid ng plant box.

Iiyak nang iiyak.

Sabel:
Patawarin mo ako, anak! Hindi ko na uulitin ang
nagawa ko sa’yo! (iyak)

28- ERMITA : KALSADA: DAY

Umaambon-ambon na lang. Mula sa

likod ng mga sasakyan, lalabas si Ine,
kahit katorse anyos lang, nakabihis na
at may make up. Isang child prostitute
si Ine. Nakapayong sila ng bugaw, May

49
 50

kasama itong baklang bugaw na

edad 50 na. Naghihintay ng kostumer.

May lalapit na pedophile na foreigner at

isasama siya. Aabutan ng pera ang bugaw.
Sasama si Ine sa lalaki. Isasakay siya
sa kotse nito.

Habol tanaw siya ng baklang bugaw

na may edad na.

May kakalabit mula sa likuran ng

bugaw, paglingon nito ay si Bombing
ang makikita.

Mabibigla pa ang bakla.

Bakla
Baket?

Bombing
Pwede na ba ako?

Bakla
Pati ikaw? Pabata na nang pabata ang mga
commodities ko, ano?

Hahagurin ng tingin mula ulo

hanggang paa si Bombing.

50
 51

Bakla
Hmmm…meron naman kayang kukuha sa’yo?
Bubuwit ka pa, iho! Magpalaki ka muna
ng…(Ingunguso ang dakong ibaba ng bata)

Kukunut-noo si Bombing.

Bakla
Hamo…hamo, pag me nangailangan ng bubuwit!
Irereto kitaaa!

Ngingiti si Bombing, salbaheng

ngiti. umaasam.

Ine:
Uwi ka nga! Huwag kang sasali rito!

Cut to

29- ILALIM NG TULAY: LATE NIGHT

Salu-salo ang mag-anak sa dalang masarap

na pagkain ni Ine. May pansit, may kanin,
me adobo at me fried chicken. Agawan sila
na parang ngayon lang nakakain nang
ganoon kasasarap na pagkain.

Tanging si Ine ang hindi kumakain,

51
 52

pinapanood lang niya ang mga magulang

at kapatid.

Ine
Malaking magbigay si Awstralyano. Gusto niya,
sa kanya na lang ako pumirmi.

Ang ama niyang paubu--ubo habang

kumakain ay mukhang tisiko at sakitin.
Kapag umuubo at tumatalikod sa pagkain.

Kasalo nila si Nonoy. Magana silang

kumaing lahat.

Ambo
Kesa naman sa kung kani-kanino ka pa
pumapasada…e di pumirmi ka na lang sa isa?

Elia
At kamo’y malakas magbigay…

Ambo
Wala na rin namang mawawala pa sa’yo.

Mapait ang ngiti ni Ine.

Z kay Ine na pilit ang ngiti, may

sakit na dulot ang kasiyahang iyon.

Cut to

52
 53

30--ILALIM NG TULAY: LATER

Bale ang nasa loob lang kariton ay

ang tatay at nanay . Sina Ine, 14 ,
Bombing, 10, Botyok,7 at Nonoy ay
sa nakalatag na mga karton nakahiga.
Tulog na sila, magigising at babangon
si Ine at tumalungko, nag-iisip.

Nagising si Nonoy at bumangon

din, lapit kay Ine.

Ine
Tulog ka nga uli?

Nonoy
Ine…tigilan mo na lang kaya ang ginagawa mo?

Ine
Nandidiri ka sa akin?

Nonoy
Ilang taon lang ang tanda mo sa amin ni
Bombing…Bata ka pa rin…tulad namin.

53
 54

Ine (painfully)
Nonoy…kahit kelan, hindi ako naging
bata…habang naglalaro ng manyika ang mga
kasing-edad ko, iba ang nilalaro ko…kasi,
kailangan kong kumita ng pera.

May sakit kasi si itay…tisiko.

Wala na ngang trabaho, anak pa ng anak.
Alam mo ba…dati, marami kaming
magkakapatid…anim. Yung dalawa,
parehong namatay dahil sa sakit dahil
walang maibili ng gamot. Ni pagkain nga, walang
maibili. .

(Inis, sighs)
at ngayon, buntis na naman si inay!

Nonoy
E di sabihin mo sa kanilang tama na?

Ine
Kalbuhin pa ako ni Itay. Yun na lang ang
dibersyon nila, ano?

Nung una, flower vendor lang ako…pero

kinailangan ko ng maraming pera dahil may sakit
si bunsoy… ngayon, sanay na rin ako. Gusto
kong makatira sa totoong bahay kaya mula

54
 55

bukas, dun na ako sa condo ni awstralyano!

Nakatingin si Nonoy kay Ine, naluluha si Ine,

bitter, si Nonoy, habag na habag dito.

Ine
Tulog ka na!

Babalik si Nonoy sa kartong higaan.

Pero muling babangon, babaling kay Ine.

Nonoy
Ine…

Ayaw lumingon ni Ine, kasi’y ayaw

ipakita ang pagtulo ng luha.
Yuyugyog ang balikat nito. Concerned ,
lalapit uli si Nonoy.

Iyak nang iyak si Ine.

Ine:
Bukas ng umaga, balik ka na sa Nanay mo. Baka
nag-aalala na yu n sa’yo!

Takot, maiiyak si Nonoy.

Naawa sa kanya si Ine.

Nonoy:
Ayoko na sa amin?

55
 56

Mapapatingin sa kanya si Ine.

FLASHBACK NG NAKARAAN KAY NONOY.

31--- SCHOOL CORRIDOR TO OFFICE DAY

Nakauniporme na as lady security

guard si Sabel.Hila-hila ni Sabel si
Nonoy. Takot si Nonoy. Galit si Sabel,
nangigitil.

Sabel
Bakit ako ipapatawag ng titser mo kung wala kang
ginawang kabalbalan, ha?

Nonoy
Wala po talaga, inay.

Sabel
Siguro, nahuli kang nangongodigo, ano? Siguro,
nakipag-away ka…siguro me ginawa kang
kasalbahian!

Nonoy
Hindi po…wala po, inay!

Pinagtitinginan sila ng mga pupils

pati na ang mga teachers na

56
 57

nadadaanan nila.
Nanggigitil na binantaan ang bata.

Sabel
Kapag ako’y napahiya…mata mo lang ang walang
latay bata kaaah!

Sobra ang takot ni Nonoy.

Nasa tapat na sila ng faculty room.

May nakasulat dito sa may pinto.
Saglit na natigilan, reluctantly, papasok
silang mag-ina. Hila niya si Nonoy na
takot. Si Sabel, aanyong mabait na ina,
sa umpisa, ngiting medyo nahihiya.

Cut to:

32- SAME DAY: FACULTY ROOM: INT

Madaratnan nila si Dina na may

isinusulat sa kanyang class record.

Apprehensive si Sabel, friendly si

Miss Dina Hernandez.

Si Nonoy, takot, balisa sa maaring

isumbong sa kanya ng titser.

57
 58

Tingin muna kay Sabel, tapos kay

Nonoy, Sabel uli.

Dina
Mrs. Montevirgen?
Salamat po’t nakarating kayo.!

Uupo si Sabel, anyong gustong

makaalis na, balisa.

Sabel
Me kasalanan bang nagawa ang anak ko? sabihin
lang ninyo dahil hindi ako kunsintidorang ina.

Dina
No…as a matter of fact, gusto ko kayong i-
congratulate dahil si Nonoy ay isa sa
pinakamagaling kong pupil.

(shows the drowing)

Magaling siya lalo na sa drowing! Topnotcher din
siya sa long exams at quizzes.

Masisiyahang mangingiti si Sabel,

may pagmamalaki.

58
 59

Nag-ipon ng lakas ng loob ang guro.

Dina
Kaya lang, sobra siyang mahiyain…hindi
nakikipaglaro…at me mga pasa at sugat siya sa
katawan.

Sabel (Offended)
Hindi ho ako ang pupil nyo kaya huwag nyo
akong tuturuan kung paano dumisiplina ng anak.

Mapapahiya si Dina. Hindi akalaing

maririnig iyon kay Sabel.

Hiyang-hiya si Nonoy na tatagtagin

nang bahagya ang palda ng ina.

Nonoy
Huwag ho ninyong awayin ang ma’m ko,’nay!

Biglang buwelta ng tono si Sabel.

Sabel
Hinugot siya sa katawan ko kaya higit ang
pagmamalasakit ko . Dinidisiplina ko siya para
huwag maging tarantado

Dina (apologetic)

59
 60

Pasensya na po kayo, Mrs. Montevirgen.

Sabel
Hindi ako pwedeng magtagal. May duty pa ho ako.
Wala na ho kasing ama si Nonoy kaya ako ang
naghahanapbuhay.

Pupukulin ng nagbabantang tingin ni

Sabel si Nonoy. Matatakot si Nonoy.

Sabel
Ipatawag nyo ako kung me nagawang palso ang
anak ko! kung wala na tayong pag-uusapan ...

Dina (gustong pigilan si Sabel)

Mabait po siyang bata . Sana po, huwag naman
nyong sobrahan ang…

Sabel: (pinandilatan ang titser)

Alam ko ang dapat sa anak ko, Miss Hernandez!

Tuloy nang aalis si Sabel. Maiiwan ang

bata, yuko. Takot.

Napapailing na hndi halos makapaniwala,

sinusundan ng tanaw ni
Dina si Sabel. Babaling ang bata kay
Dina, takot, nahihiya, kimi.
Kakabigin at yayakapin ni Dina ang bata.
hahagurin ang buhok, habag. Impit na

60
 61

maiiyak ang bata.

Cut to

33-FLASHBACK SHANTY, ANOTHER DAY

Ang bata, nakatuntong sa mababang

bangko at nagbabantay ng sinaing
sa kalang de kahoy ang gatong.

Pagkuwa’y bababa sa bangko at

dudungaw sa bintana at natatanaw
ang mga batang nagsisipaglaro sa
lupa. Naiinggit ngunit naaliw sa panonood.

Sabel
Nonoy! Ano yung naamoy kong
nasusunog?

Nonoy (Takot)
a-ang sinaing!

Takbo ito sa kalan upang patayin

ang apoy. Binuhusan ng tubig ang apoy.

61
 62

Nanggigitil sa galit na pinagkukurot at

hinampas ng dalang walis ang bata.
Kinuha ang kapirasong kahoy na
may konting baga pa.

Sabel
Sutil ka! Pinababantayan ko ang sinaing ay kung
ano ang inaatupag mo!

Nonoy (takot)
Hindi na po mauulit, inay!

Sabel (nagpupuyos)
Talagang hindi na mauulit! Magtatanda ka!

Nonoy (takot)
h-hindi ko po sinasadya..h-hindi po!

Pinaso sa likod ang bata. Sisigaw sa

matinding sakit ang bata.

Nonoy
Huwag po! (in extreme pain, cries)

Biglang matitigilan si Sabel.

Na-realize ang sobrang kalupitan.
Nagsisisi.

62
 63

34 –SHANTY: DAY

Nilapitan ni Isabel si Nonoy na nasa

isang sulok, dumadaing sa nasunog
na balat, umiiyak.

Habag na habag si Sabel.

Sabel
h-hindi ko sinasadya, anak…n-nabigla lang
ako…h-hindi ko alam kung bakit ko nagawa.
Anak… hhindi ko gustong gawin…

Tangkang hawakan siya ni Sabel

nguni’t lalayo at lalong sisiksik
si Nonoy, nginig sa takot.

Sabel (tearfully)
Hindi na mauulit…pangako, hindi na kita
sasaktan…hindi na kita gugulpihin.

Magngunguyngoy lamang si Nonoy.

35: KALSADA :DAY

Balisa si Sabel, hinahanap niya ang anak,

ipinagtatanong sa mga kapitbahay.

Madadaanan sina Manang Manang Nena at

Prudencia. As usual parang nandidiri si

63
 64

Prudencia sa kanyang paligid. Ikinakampanya

na naman sa mga kapitbahay na sangkatutak
ang mga anak ang tungkol sa family planning.
Naglisaw ang mga batang naglaro. Naghahabulan,
ginawa pang panangga si Prudencia.

Prudencia:
Oy, ano ba? Pakalat-kalat ang mga bata.
Ay, naku, walang ganyan sa States, ano?
Sobrang dami ng mga anak at hindi na
maasikaso!

Manang Nena (Nangangampaya sa Family

Planning)
Oy Feleng, punta kayo ni Badong sa center at
nang makakunsulta kayo ng tamang paraan ng
family planning!

Feleng
Ngayon pa e nakapitong anak na kami?

Manang Nena
Magiging dalawang dosena pa yan, ano?
Kambal-kambal ka pa kung manganak!

Baling sa iba pa.

Manang Nena
Maraming method, me injectable, me pills, me
IUD…me tubal ligation!

64
 65

Marta
Bakit pambabae? Wala bang panlalaki?

Kulasa
Meron…putol!

Manang Nena
Oy, hindi putol yon…tali lang. Vasectomy!
Tuloy ang ligaya pero walang disgrasya!

Lilingalinga si Sabel sa paghahanap.

Sabel
Manang Nena…hindi ho ba nyo nakita si Nonoy?

Manang Nena
Hindi ko nga nakikita ang batang yon,a!

Sa darating sina Bembet, tatanungin ni Sabel.

Sabel
Bembet, si Nonoy, nakita mo?

Bembet
Hindi ho siya pumasok kanina. Hinahanap nga ho
ni ma’m.

Manang Nena

65
 66

Baka nakikipaglaro lang diyan sa labasan..

Baling uli sa mga babaing waring

pinupulong niya.

Manang Nena
Sa center, matse-check up kayo ng duktor kung
pwede kayo sa pills o kung ano ang
mairerekomendang paraan!

Biglang sabad si Karyo na nakikinig pala.

Karyo
Andami naman kasi nyo pinapakialaman, Manang
Nena. Hayaan nyo kami kung maging
sambatalyon man ang mga anak namin!

Manang Nena
Bayaan kayo? Yang mga anak nyo’y ni hindi nyo
mapakain nang sapat, mapag-aral,
mapadamitan…lilisaw-lisaw sa daan,
nagpapalimos!

Karyo (Pikon)
Hala, magsalita ka pa at pipilipitin ko ang leeg mo!
Puputulin ko ang dila mo!

Hinawakan sa leeg si Manang Nena.

66
 67

Manang Nena
Grrrk! N-nagmamalasakit lang…kung ayaw nyo, di
huwag!

Bubulung-bulong na lalayo na sina

Manang Nena at Prudencia.

Manang Nena
Kaya ako, hindi na nag-asawa, ayokong
magdagdag pa ng batang yagit sa kalsada!
(with gestures)
Kawawa ang mga anak ng iresponsable at
mangmang na mga magulang!

Prudencia:
That’s irresponsible parenthood…

Uunahan na ni Manang Nena:

Manang Nena:
Walang ganyan sa States!

37- -ERMITA; DAY

Naglalakad si Nonoy, walang direksyon,

may backpack. Gusto lang niyang makalayo.
Lakad nang lakad.

67
 68

Nakikita ang mga batang lansangan, may

nagsosolvent. Mga edad 7--15 taon, mixed
dalagita at binatilyo, marurungis, mukhang
hindi nagsusuklay. Pakawala.

Naglisaw sila, naghahabulan yung iba,

abala sa pagsinghot ng solvent.

Pagod, uupo siya sa di-kalayuan. Tutop

niya ang tiyan, hahagud-hagurin dahil sa
gutom na nararamdaman. Ang nasa tabi
niya at sisinghut-singhot ng solvent ay si
Elvis,14, marungis, mukhang grasa.

Sa di-kalayuan ay mga batang

nagkakakara’y krus. Maiingay,
me nag-aaway pa!

Bata
Andaya-daya mo. Parehong kara !

Bata 2
Basta, talo ka, aanga-anga ka,e!

Elvis (to Nonoy)

Gutom ka, bata? Gusto mo n’eto?
Makakalimutan mo ang gutom.

Takot, iiling si Nonoy.Takot na

68
 69

babaling sa kabila.

Elvis
Bago ka rito?

Tatango si Nonoy.

Tatangu-tango ang bata.

Elvis
Istokwa ka rin pala! Masasanay ka rin sa buhay-
kalsada.

Nonoy
S-saan kayo kumukuha ng pagkain?

Elvis
Nagpapalimos, nandedekwat, nandurukot, at
nagkakalkal ng basura …

Nonoy
Masama raw ang pangsinghot ng solvent…

Elvis
Kapag nagugutom ka, kailangan mong
makalimot.

Kung nakakamatay ito…e di lalong mabuti?

Tapos na ang gutom...at pagkainggit sa ibang
bata!

69
 70

Parang nalalagim pa si Nonoy sa narinig.

Biglang lapit si Totoy, 12, mukhang

batang maton, tipong hari-harian
sa teritoryong yon.

Totoy (asal-hari)
Balato nyo sa ‘kin yan!

(to Nonoy)

Oy, bata! Bakit ka nandito? Anong grupo ka?

Taga kabilang gang ka?

Nonoy
Gang?

Totoy
Sino ka? Bago ang kara mo? Manipis pa ang
mukha mo. Ba’t ka nandito? Hindi ka man lang
rumispeto sa ‘kin!

Nonoy (takot, nanginginig)

Si Nonoy ako…a-ano ang itatawag ko
sa’yo…sir?

Totoy

70
 71

Hindi sir…Boss Totoy! Ako ang hari dito!

38--- PARK: LATER

Totoy
Hala! Hagud-hagurin mo lang ang buhok ko para
makatulog. Paypaypayan mo rin ako!

Ibibigay ang kapirasong karton

.
Nonoy
Oo, boss Totoy.

Matiyaga naman si Nonoy na

pinapaypayan si Totoy.

Totoy
Teka, tingin ko, gutom ka na.

Babangon muna at dudukot sa bulsa,

mapapansing may relo si Totoy.
Kukuha ng sampung piso.

Totoy
Heto ang pera. Bumili ka ng taho o tinapay para
makakain ka.

Atubili pang kunin ni Nonoy ang pera.

71
 72

Totoy
Babayaran mo yan ng serbisyo. Alipin kita. Hala,
balik ka agad!

Relieved, mangingiti na si Nonoy.

Gutom na nga kasi siya.

Tatayo na at lalayo sa lugar na ‘yon

si Nonoy.

Cut to

38-- LATER : PLAYGROUND SA PARK

Sa may lilim ng puno, nakasapin lang

sila ng diyaryo.

Isang kamay ay may hawak ng tinapay. Isa

naman ay pumapaypay kay Totoy.
Masunurin si Nonoy.

Totoy
Dito. Banda rito .

Itataas pa ang kilikiling pawisan.

72
 73

Totoy
mainit, mamaya, ligo tayo dyan sa dagat.

Sisimangot si Nonoy.

Nonoy
Marumi na ang tubig. Maitim.

Totoy
Sanayan lang yan! Magbabanlaw naman tayo..

Saka wag kang rereklamo, ha?

Ako ang boss mo!

Nonoy
Okey Boss Totoy.

Patuloy sa pagpaypay si Nonoy sa

kanyang boss.

Nonoy
Bakit ka me pera?

Totoy
Madiskarte ako sa buhay. Tuturuan kita ng
iba’t ibang pagkakakitaan dito.

Nonoy
Saan tayo matutulog mamayang gabi?

73
 74

Totoy
Me lungga ako!

Biglang babalikwas si Totoy.

Totoy
Teka, anong oras na?

Titingin sa kanyang relo. Biglang bangon.

Totoy
Alas singko na! Dyan ka lang. Huwag kang
susunod.

At lalakad si Totoy patungo sa isang

bench sa park. Mauupo lang doon,
me isusukbit na karatulang me
nakasulat doon na TOTOY na
pagkakakilanlan sa kanya.
parang me hinihintay.Mula sa
di-kalayuan ay tinatanaw siya ni
Nonoy. Si Totoy, me hinihintay.

Titingin sa relo niya

Close shot sa relo niya 5:20

Inip na inip na si Totoy.

Totoy (whispers)
Dumating ka na…dumating ka na!

74
 75

Ganoon lang, nakaupo sa bench

na iyon, me hinihintay si Totoy.

Dissolve to:

39--LILIM NG PUNO : GABI NA

Nakatulog na si Nonoy at
nagising na gabi na, niyuyugyog
siya ni Totoy.

Totoy
Tayo na! Uwi na tayo.

Nonoy (excited)
Dumating ba yung hinihintay mo?

Totoy, bigong iiling.

Matatanaw ang balloon vendor.

Tinawag para bumili.

Totoy:
Pabili. Magkano?

75
 76

Vendor:
Kinse lang.

Dudukot ng isang sampu at

isang limang barya si Totoy.

Totoy:
Ganito ang kulay ng lobong
hawak ko noon. Na nilipad at nag-iiyak ako.

Kukunin ang pentelpen

Sa bulsa.

Totoy:
Pahiram sandali!

Sinulatan ang balloon

ng:“Nasaan ka, nanay?“

Totoy: (binulungan ang lobo)

Nasaan ka, Nanay? Gusto kitang
makita kahit minsan lang!

Z sa baloon vendor na nagtataka at napapailing.

Hinalikan muna ang baloon bago

itinaas ang kamay na may hawak

76
 77

ng lobo at pinakawalan. Lumilipad

ang lobo, hinahabol ng tanaw ni
Totoy.

Nonoy: (hinayang)
Sayang naman yung lobo!

Inakbayan na ni Totoy si Nonoy.

Totoy
Dali at baka
tayo maunahan sa ISKRAP!

39—BASURAHAN: SAME NIGHT

Kasama sina Totoy at Nonong sa

pagkalkal sa mga basurang galing
sa fastfood.

Maraming bata pa ang naroroon.

Bata 1:
Huwag nyo naman kaming agawaaan!

Batang babae:
Bilis, hintoy, hayun paaa!’

77
 78

Bata 3:
Anlaking tipak! Dyakpat!

Totoy (to Nonoy)

Bilisan mo nga!

Nonoy:
Hindi ba masama ‚to? Basura na to?

Totoy:
Huwag ka ngang maarte! Ang
masama e yung nagnanakaw.

Maiinitindihan naman ni Nonoy,

bibilisan na rin ang pagkalkal sa
basura.

Totoy:
O hawakan mo to! Huwag mong
ipapaagaw! Bilis at nang makauwi
na tayo sa palasyo

Magtataka si Nonoy.

Nonoy:
Palasyo?

78
 79

40-KUBU-KUBUAN SA BREAKWATER:NIGHT

Mapapatingin si Nonoy sa mga litratong

nasa dingding. Ang kubu-kubuang ito
ay puno ng mga litrato ni FPJ
(Fernando Poe Jr)
Idol kasi ng balut vendor si Da King.
Maliban sa litrato ng isang babae, si
Anna na nasa maliit na kuwadrong
plastic sa tapat ng maliit na mesa.

Nadatnan nila si Mang Alyas FPJ

ay nag-aayos ng trasnsistor.
Ang gamit nila ay ilawang de kerosene.
Inilabas ang mga nakuhang iskrap
nilang pagkain
ay chicken na tira-tirang napulot
mula fastfood.

Yung mga styrofoam na me

tigkakaunting pagkain, pinagsama-
sama nila.

Alyas FPJ:
O, Batang ISKRAP! Matakaw sa ISKRAP! Mabuti
at me nakolekta kayo ngayon…agawan dun.

Totoy:
Diskarte lang ho yon.

79
 80

(to Nonoy)

Okey lang ba sa’yo ang kumain ng mga tira-tira?

Ako, sanay na, Dapat matapang ang sikmura mo!

Nonoy
S-sige!

Totoy:
Lulutuin muna natin para mamatay ang mikrobyo
kung meron. Yung ang sabi ni Da
King!

Nagtataka si Nonoy.

Da King?

Ingunguso ni Totoy si Alyas FPJ.

41- KUBO: LATER

Inaantok at gutom na si Nonoy.

Habang nagpiprito ng mga iskrap

si Totoy, pinapangaralan si

80
 81

Nonoy.

Si Alyas FPJ, pinagtitiyagaan pa

ring kumpunihin ang lumang transistor.

Nonoy:
Da King?

Ipinakilala ni Totoy si Alyas FPJ.

Mangingiti naman si Alyas FPJ.

Totoy :
Ang hari ng palasyo, si Da King! FPJ,
Francisco Pacheco Juan, ang namber wan fan ng
tunay na DA KING!
Tatangu-tango sI Nonoy.

Alyas FPJ:
Mabiro talaga yang si Totoy.

Sino ka ba bata? Saan ka napulot

ni Totoy?

Hindi alam ni Nonong kung

magsasabi ng totoo.

81
 82

Alyas:
Baka hinahanap ka na sa inyo. Ihahatid ka namin
ni Totoy sa bahay nyo.

Iiyak si Nonoy.

Totoy:
Huwag na po natin siyang ibalik. Dito na lang po
siya.

Ipapakita ang mga pasa at

sugat ni Nonoy.

Totoy:
Gawa ng nanay niya!

Halos malusaw ang puso ni alyas FPJ.

Alyas FPJ
Sige, welcome ka sa palasyo ko
Pero kailangang maging mabait kang tulad ni
Totoy.

Nonoy:
Promise po Mang DA KING.

Alyas FPJ:

82
 83

Tatay na lang.

Ginulu-gulo ni alyas FPJ ang bata.

Matutuwa si Nonoy.

Alyas FPJ:
Hindi lahat ng bahay ay tahanan.
Pero itong kubo natin, tahanan at para sa atin…at
palasyo!

Hindi lahat ng batang ISKRAP , yung

nangangalkal ng basura ay asal basura din. Iba
kayo ni Totoy dahil mga anak ko kayo!

Totoy:
Tatang Da King, huwag na po ninyong tiyagaan
yang transistor na yan. Ibibili ko na lang kayo ng
bago.

Alyas FPJ:
Tapos na nga. Ikakarga ko na lang ang mga
baterya.
Me mapagkakalibangan na tayo!

Ilalagay ang mga baterya at

paandarin. Aandar naman.
May music muna. Ililipat ng
istasyon.

83
 84

Radio Newscaster:
Isang flash news po. Huwag pong
mabibigla ang sambayanang Filipino.
Ang Hari po ng Pelikulang Pilipino,
ang idolo ng lahat, si DA KING
Fernando Poe, Jr ay isinugod po sa
hospital at hanggang sa kasalukuyan
ay hindi pa nagkakamalay.

Gayon lamang ang panlulumo ni

Alyas FPJ, Tulala.

Alalaang dalawang bata.

BALIK-TAGPO SA WAKE NI RONNIE POE

Narration:
Buong bansa ay nagluluksa sa
pagpanaw ng Hari ng pelikulang
Pilipino lalo na ang mga katulad
ni Francisco Pacheco Juan na
mga tunay na tagahanga ng Da
King, isang masasabing alamat
na ng kasaysayan ng industriyang
Filipino.

84
 85

Umiiyak na si Alyas FPJ at iba pang

mga fans, kasama niya sina
Totoy at Nonoy.

42- Film Clips ng makasaysayang

paglilibing kay Ronnie Poe.
Insert sa crowd ang nagluluksang
si Alyas FPJ.

46-KUBO: DAY

Nagliligpit na ng mga damit niya si

Alyas FPJ, babalik na siya ng
prubinsiya. Malungkot ang
dalawang bata, Totoy at Nonoy.

Alyas FPJ:
Bukas ay uuwi na ako ng Bikol.
Pero kung gusto nyo isasama ko na lang kayo.

Totoy:
Hindi po ako pwedeng sumama,
baka po dumating yung…hinihintay ko.

85
 86

Tinging nahahabag si Alyas FPJ sa bata

Totoy:
Baka ho pwedeng huwag na kayong tumuloy.

Alyas FPJ:
Mahirap dito sa maynila…kaya lang
naman ako lumuwas dito e para
makita ng personal si FPJ…o kung uubra,
maging alalay niya…

Okey na sa ‘kin yung napapanood ko

siya sa pelikula.Siya lang naman
ang pinapanood ko.

Ngayong patay na siya.

At wala na rin si Lumen ko…

Hihintayin ko na rin ang oras ko.

Bukas, dadaan muna ako sa puntod

ng idol ko.

86
 87

43-- CEMETERY:DAY

Zoom to CS ng lapida ni FPJ. Sa harap ng puntod ni FPJ, naroon si

Mang Isko at umiiyak.

FPJ:
Boss…manager…masaya na rin akong gayahin ka
at tawagin akong FPJ.
Pasensya ka na at di ako kasinggwapo mo.

Uuwi na ako ng prubinsiya namin pero

ipagmamalaki ko sa kanila na nakita na kita ng
personal…malayo nga lang yun at
kumakampanya ka. Ipagmamalaki ko rin na
nadadalaw kita dito sa sementeryo.

Idol pa rin kita. ..habang nabubuhay ako!

Maiiyak nang maiiyak si Mang

Isko o Alyas FPJ.

Nasa likuran lang niya sina

Totoy at Nonoy. Malungkot.

Dissove to:

44—CEMETERY: SAME DAY: LATER

PALABAS NA SILA NG CEMETERY.

87
 88

Umuungot ang dalawang bata.

Totoy:
Huwag nyo na kaming iwan, Tatang FPJ.
Sino pa ang magiging tatay namin?

Alyas FPJ:
Di ba sabi ko, maging matatag kayo?
Hindi habampanahong kasama nyo ako.

Lungkot na lungkot si Nonoy.

Nonoy:
Mami-miss namin kayo, Tatang.

Alyas FPJ:
Bago ako aalis ay ipapasyal ko muna kayo.
Me inipon akong konting pera. Pupunta tayo
Sa karnabal!

Biglang guguhit ang tuwa sa

mukha ng dalawang bata.

45- MONTAGE SHOTS: KARNABAL: DAY

Sumakay sila sa iba’t ibang ride.

Merong nakasakay ng carousel silang tatlo,

88
 89

Nakasakay sa caterpillar.

Nakasakay sa taas-babang eroplanuhan.

Nasa loob ng giant balloons sina Totoy at Nonoy.

Enjoy na enjoy sila.

Kumakain sila ng frozen yoghourt.

Manonood ng 4D movies.
Matatakot pa at mabibigla sila.

Cu to:

46- BUS STATION: LATER

Inihatid ng dalawang bata si

Alyas FPJ pauwi ng Quezon.

Nagbilin kay Totoy..

Alyas PFJ:

89
 90

Linisin mo yung kuwadro ng litrato ng nanay mo.

Kailangang maalisan yon ng alikabok.
Kalasin mo muna sa kuwadro.

Tatango si Totoy.

At aalagaan mo si Nonoy. Ikaw na ang kuya niya

ngayon. Huwag mong aapihin.

Tatango si Totoy.

Sasakay nang bus si Alyas FPJ na

dala ang kanyang mga bagahe.

Totoy:
Ingat po kayo!

Palayo na ang bus.

47: PROVINCE: SEMENTERYO:MEDYO PAGABI NA

Dinalaw niya ang libingan ni Lumen.

Umiyak siya sa harap ng libing ng mahal.

Dumating si Enchong.

90
 91

Enchong:
Natanaw ka raw ni Oneng
kaninang pababa ka ng bus.
Nahulaan kong dito ka tutuloy.

Okay na. Nahuli na si Andro. Me tumestigo

at nakakulong na siya ngayon.

Tena, Bok…dun ka muna sa bahay.

48- ENCHONG SMALL BARRIO HOUSE; NIGHT

Naghain ng pagkain ang asawa ni

Enchong, si Oneng na buntis na.

Alyas FPJ:
Baka bumalik pa rin ako dun…
Baka kailanganin ako nung
dalawang bata.

Tutal, nahuli na rin si Andro. Bahala na ang batas

sa kanya.

Tatangu-tango si Enchong.

91
 92

49- KUBO SA BREAKWATER: NIGHT

Nakikinig ng music mula sa

Transistor ang dalawang bata.

Pinapaypayan ni Nonoy si Totoy,

napatigil. Mapapansin ni Nonoy
ang litrato ng isang babae na
nakakuwadro at nakasabit sa
pinakadingding. Iilan na lang
ang litrato ni FPJ.

Nonoy
Sino siya, Boss Totoy?

Totoy
Wala kang paki!

Supalpal si Nonoy, Shrugs shoulder,

hindi na lang siya uli magtatanong.

Close shot uli sa litrato.

Totoy (inis)

92
 93

Ano ba? Gusto mong itapon kita sa dagat?

Paypay pa! Kamutin mo ang likod ko!

Nonoy
Opo. Boss!

Pandalas ng kamot sa likod at

paypay sa kanyang boss si Nonoy.

Hanggang makatulog si Totoy,

at inaantok na rin si Nonoy.

cut to

50-- KUBO: MORNING

Nagisnan ni Nonoy si Totoy na

nagpapakulo ng tubig para sa kape.

Medyo naglinis ng maliit na mesa

at nang mapadako ang tingin sa
litrato sa dingding ay kinuha
ang litrato . sinipat-sipat at sa
pamamagitan ng kamisetang
suot ay pinunasan ito. Ayaw
niyang naalikabukan ang litrato.

Mapapansing gising na si Nonoy.

93
 94

Totoy
Gising ka na pala. “lika! Ipagtimpla
mo ‘ko ng kape!

Babangon si Nonoy, medyo giniginaw.

Nonoy
Walang pandesal?

Totoy
Wala. Kape lang. Ininit ko na yung iskrap at
pansit na tira natin kagabi.
Pagtiyagaan na natin.

Kinuha ni Nonoy ang nakatakip

na pansit.

Nonoy
Hindi pa panis. Pwede pa.

Totoy
Yung kape ko.

Sa susunod ikaw ang magpapakulo

ng kape, magluluto ng pagkain natin.

Nonoy
Yes, Boss!

Nagtitimpla na ng kape si Nonoy.

94
 95

Totoy
Me nanay ka? Oo nga naman pala, paano kang
sisibot sa mundo kung wala kang nanay?

Tatango si Nonoy.

Totoy
Naglayas ka?

Muling tatango si Nonoy.

Tumanaw si Nonoy sa litrato
sa dingding.

Nonoy
Nanay mo siya?

Tipong tinamaan si Totoy.

Parang sagrado sa kanya ang paksang iyon.

Nonoy
Nasaan siya? Tinakasan mo rin?

Totoy
Oy, alipin lang kita ! ako lang ang pwedeng
magtanong.

95
 96

Submissive si Nonoy.
Sumaludo pa.

Nonoy
Yes, Sir!

Totoy
Mamaya, ituturo ko sa’yo kung pa’no
magkadatung..sa car watching, car washing at
shoe shining…kikita tayo ng pera sa marangal na
paraan! Hindi tayo mandedekwat! Ayokong
sasama ka sa mga solvent boys…kapag
pineperwisyo ka ng mga loko, sabihin mo sa’kin
at ako ang bahala!

Sunud-sunod ang tango ni Nonoy.

Para sa kanya ay nakatagpo
siya ng isang kuya.

Totoy:
Pagpapawisan natin ang kakainin natin. Yun ang
mahigpit na turo ni Tatang Alyas FPJ !

Marami siyang naituro sa akin, kung hindi sa

kanya baka kasama na rin ako sa mga solvent
boys.

Kumbinsido si Nonoy.

96
 97

51- MONTAGE : CAR WASH: DAY

Nagca-car washing sila.

Car watch boy

NAGLILIMPIYA BOTA.

Masaya na si Nonoy sa pagsama

nila ng kaibigan.

MAGKASALO RIN SILANG KUMAIN NG TAHO.

Bumili pa sila uli ng second order sa

magtataho.

Masaya sila. Savoring the taho.

Cut to

52- NAGLILIMPIYA-BOTA SILA.

Kasalukuyam silang naglilimpiya

bota nang mapatingin
Si Totoy sa relo. Biglang nabalisa.
Tapos na si Nonoy sa nlilimpiya.

Totoy
Mag-aalas singko na pala! Ikaw na ang tumapos

97
 98

dito, Nonoy.

Nonoy
Saan ka pupunta?

Totoy
Dun sa dati!

At takbo na si Totoy patungo

doon sa dating pinaghihintayan.

Dissolve to:

53--- SA PARK: SA DATING BENCH: AFTERNOON

Nakaupo na naman doon si Totoy,

me nakasukbit na naman sa leeg
na karatulang me pangalang
TOTOY.matiyagang naghihintay,
titingnan lahat ang mga dumaraan.
Tatlong taon na niyang ginagawa yon.

Nang isang batang lalaking

5 taon ang umiiyak, nawawala ito.

Bata
Mommy! Mommmmyyy! (iyak)

98
 99

Parang namamalikmata si Totoy,

nakikita niya ang isang 6 year old
na batang lalaking umiiyak nang
paimpit. FLASHBACK ITO.

Young Totoy (cries)

Inaaay! Inaaaaay! Inay kooo!

Sobrang affected si Totoy sa

alaalang iyon, makikita sa anyo,
halos maiyak sa tinitimping
damdamin.

Z sa batang umiiyak.
Biglang heto ang nanay nung bata.

Mommy
Natalikod lang ako e nawala ka na!
Alalang-alala ako sa ‘yo!

Kinarga ang batang kanina’y

nawawala.

Sinundan sila ng tingin ni

Totoy.

Totoy (whispers)
Inay…inay!

99
 100

FOCUS DEFOCUS-FOCUS SA FLASHBACK/

54--- Bench: afternoon

sa bench din na yon. Sila ng nanay

niya. Si Anna ang ina ay medyo worried.
.
Five year old pa lang noon si
Totoy. May hawak siyang
nakataling lobo. Tumingin sa
wrist watch ang nanay niya.
Inilagay sa tabi ng bata ang
isang backpack .

Anna:
Mag-aalas singko na. Diyan ka lang…ibibili kita ng
ice cream .... Hawakan mo itong bag. Hintayin mo
ako at babalikan kita.

Young Totoy
Opo,inay. Dalian nyo!

Anna:
Alas singko. Hintayin mo ‘ko.

Young Totoy:
Dalian po nyo, inay.

Ang nanay niya, dali-daling lumayo.

100
 101

Kampante ang bata na nanonod ng

mga batang naglalaro na may mga
hawak ding lobo.

Naiinip na si Totoy pero wala

pa ang kanyang inay.

SAME PLACE: NIGHT: BACK TO PRESENT.

Naroon pa rin at tahimik na

naghihintay si Totoy, Lalapit sa
kanya si Nonoy.

Nonoy
Bossing Totoy, gabi na, uwi na tayo.

Laglag balikat na naman sa

lungkot si Totoy.

Tatayo na at sabay na silang

lalakad ni Nonoy.

Nonoy
Kumita ako ngayon. Me pambili na tayo ng bigas.

Cut to

101
 102

55-- KUBO : NIGHT

Naalala ni Totoy ang bilin ni Alyas FPJ.

Kinuha ang kuwadro ng ina at kinalas sa kuwadro.

Nabigla sa nakitang nakaipit sa likod

ng litrato at cardboard. Iyon ang sulat
ng kanyang ina. Binasa niya. Labis na nasaktan.

Close shot sa sulat ng ina.

VOICE OVER:
Totoy, sinubukan ko nang iwan ka sa mga
kamag-anak natin ngunit galit sila sa akin dahil
anak kita sa pagkakamali. Hindi tayo tinanggap.

Ngayon ay kailangan ko nang sumama kay Bill

sa US. Ayaw niyang isama kita. Patulong ka sa
mga pulis para madala ka nila sa ampunan.
Patawarin mo ako, anak. Nanay.

Poot nilamukos ang sulat. Ibinato.

Iyak nang iyak. Matagal na umiiyak.

Lalabas siya at nakatingin sa dagat,

102
 103

humihikbi pa rin.

56: LATER THAT NIGHT:

Sa loob ng kubo, nagising si Nonoy

at napansing wala si Totoy.
Bumangon at nakita sa may labas
si Totoy, Umiiyak ito. Masamang-
masama ang loob.

Alalang nilapitan ni Nonoy.

Nonoy
Boss Totoy?
Umiiyak ka?

Tumalikod si Totoy. Ayaw

ipakitang umiiyak siya. Kunwari’y
galit.

Totoy
Hindi ako umiiyak, pasok ka na sa loob.

Nonoy
Ba’t ka nga umiiyak?

Totoy
Hindi sabi! Kulit mo.

103
 104

Nonoy
‘Kala ko ba tigasin ka?

Totoy
Tigasin talaga Hindi ako umiiyak, ano?

Nonoy
Gusto mong kamutan kita sa likod?

Pigil ang pag-iyak ni Totoy.

Pinahid ang luha. Sa likod
ng kanyang kamay.

Totoy (pilit ang ngiti)

Wala naman ito. Baka lang naman
kako aasenso ako kung mag-aartista
ako.nagpapraktis lang ng drama.

Niyakap ni Nonoy ang kaibigan.

Pigil sa una, ngunit parang

batang bumulalas ng iyak si Totoy.

Totoy
Hindi na babalik si Inay…noon,
pinipilit ko sa sarili kong babalikan

104
 105

pa rin niya ako…

hindi na siya babalik. tanggap

ko na ‘yon ngayon.

Totoy
Nung iwan niya sa akin ang bag na puno
ng mga damit ko at naroon din ang relo, pitaka
niyang me pera at litrato nasa likod ng utak ko,
iniwan na talaga nya ako.
Pero pilit kong pinapaasa ang sarili kong
babalikan niya ako.

Wala naman siyang mapag-iwanan sa

Akin. Ayaw kaming tanggapin ng
lola ko o kahit sinong kamag-anak…
para sa kanila ay dagdag-palamunin lang ako,
perhuwisyo.

Gusto ni Inay na makalaya…malayang

sumama sa nobyo niyang foreigner kaya ako
iniwan…parang pusang iniligaw!

Alam mo ba ang pakiramdam ng

isang anak na basta na lang iniwan ng ina?

Iyak na ako nang iyak…isinama ako dito ni

105
 106

Tatang FPJ

Alam ko, iiwan mo rin ako.

IIyak uli ng iiyak si Totoy.

Pinipilit ni Nonoy na maiba ang

mood ng kaibigan.

Nonoy
O, sige, cut na ang eksena. kung ako ang
direktor, pasado ka na sa akting mo!

Inakbayan ni Nonoy si Totoy,

Si Totoy naman ginulo
nang ginulo ang buhok ng kaibigan.

Totoy
Ikaw kaya…balik ka na sa nanay mo? Baka
hinahanap ka na niya ngayon,

Nonoy
Ayaw mo na sa ‘ken?

Pipisilin ni Totoy yang

magkabilang pisngi ng bata.

Totoy
Ang kyut mo kasi, ‘no?

106
 107

Cut to

57-- CAR PARK : DAY

Abala si Totoy sa paglilinis ng

kotse. Lalapitan siya ni Nonoy.

Nonoy
Mag-aalas singko na, boss.

Totoy
Busy ako.

Nonoy
Hindi ka ba pupunta sa Park?

Totoy
Hinde…hindi na kahit kelan.

Nonoy
Baket?

Totoy
Pakialam mo?

Nonoy
Bakit?

107
 108

Totoy
Sino’ng boss sa atin?

Mapakamot ulo si Nonoy.

Tatalikuran na si Totoy.

Dissolve to:

58--- PARK : HAPON TO NIGHT

si Nonoy naman ngayon ang matiyagang

naghihintay sa bench na yon sa Park. Siya ang
may karatulang nakasulat sa harap na”Kaibigan ni Totoy”

Tinitingnan ang lahat ng babaing dumaraan.

Hanggang lubugan ng araw si Nonoy sa paghihintay.

Nang gumabi na ay umalis na si Nonoy.

68-- PARK ULI, HAPON

Matiyaga na namang naghihintay si Nonoy.

Isang babaing may 33 taon, maganda at

108
 109

mukhang mayaman, ito ang nanay ni Totoy.

Palinga-linga at pagkatapos ay uupo sa bench,
katabi ni Nonoy.

Kinikilala siya ni Totoy. Pamilyar ito sa kanya.

Maalala ang litrato sa dingding. Nanlaki ang
mga mata nang makilala ang babae.

Nonoy (whispers)
Kamukha niya.

Malungkot ang babae, tumulo ang luha nito,

parang may mabigat na kinokonsensya.

Nonoy
Me hinihintay po kayo?

Bitterly, tatango ang babae.

Nonoy
Me anak kayo?

Mapapatingin sa kanya ang babae. Hindi

alam kung magsasabi ng totoo. Naroon
ang guilt.

Nonoy
Me kaibigan ho ako…ang pangalan ay
Totoy! Dati, araw-araw ay nandito siya,
naghihintay sa nanay niya.

109
 110

Mangha ang babae, Magkahalong emosyon,

tuwa, pagkabigla.

59-- KUBO: LATER

Nagluluto ng noodles si Totoy.

Pakanta-kanta pa.
Una munang papasok si Nonoy.

Hindi lumilingon si Totoy pero

naramdamang
dumating na si Nonoy.

Totoy
Ba’t ngayon ka lang?

Nonoy
Me pasalubong ako sa’yo.

Totoy
Ano yon? Iskrap na naman?
Kungsabagay, peborit natin ang Iskrap.

110
 111

Sesenyasan ni Nonoy ang babae.

Papasok sa kubo ang babae.

Takot sa maaaring maganap.

Anna:
T-Totoy…

Pamilyar sa kanya ang boses na yon.

Natigilan. Ayaw lumingon.

Anna
Anak…

Nakatalikod pa rin si Totoy, ayaw lumingon,

Matindi ang naipong emosyon, yugyog-balikat
ito, Iyak nang iyak.

Niyakap ni Anna ang anak. Hagod ang buhok

nito, ang likod.

Anna
Malaki ang kasalanan ko sa’yo!

Hindi pa rin makapagsalita si Totoy.

Lalong lumakas ang hagulgol.

Si Nonoy, nasisiyahan sa nangyari.

111
 112

60-- LATER: GABI

Walang kibo si Totoy na nag-iisip.

Nakatingin sa dagat.

Nonoy
Ba’t hindi ka sumama sa kanya?
Dadalhin ka pala sa States.
Diborsyada na pala siya dun
sa pangalawang asawa niya.

Totoy
Noon, gusto ko lang malaman kung
talagang babalikan pa niya ako….pero ngayon,
hindi ko naman pala talaga siya kailangan.

Nonoy
Kailangan ka niya…

Totoy
Ewan, sanay na ako dito sa palasyo natin. Dito,
ako si Boss Totoy!

112
 113

61-- KUBO: HATINGGABI

Magigising sila sa malakas na hampas

ng alon. Masisira ang kanilang kubo.

Nonoy
Me bagyo!

Totoy
Kailangang makalikas tayo.

Dali-daling kinuha ni Totoy ang litrato ng ina.

Iyon lang ang inililigtas niya. Isinuksok sa
Back pack.

Biglang pumasok ang malaking alon at

sila’y tinangay.

Nonoy (cries.)
Totoy!

Nakakapit sa isang malaking kahoy si Nonoy.

Dissolve to:

113
 114

62--- BREAKWATER : DAY

Si Nonoy, Hinahanap ang kaibigan sa mga

nalunod at namatay na. Nakahilera ang
mga nalunod na patay na.

Makikilala ang backpack ni Totoy.

Bubuksan niya ito at makikita ang
nakakuwadro litrato ng ina.

Nonoy: (sigaw)
Totoy!

Matindi ang emotion ni Nonoy.

Hagulgol nang hagulgol sa inaakalang patay

Nang kaibigan.

63---RADIO STATION: DAY

114
 115

Nasa radio station si Sabel at mananawagan

ukol sa paglalayas ng anak. Haggard looking
na si sabel, anyong pagod at matindi ang worry
sa pagkawala ng anak.

Hawak ang mikropono at basag ang boses,

naiiyak. Ang announcer naman ay very
accommodating.

naaawa ang announcer kay Sabel.

Announcer
Huminahon po kayo, misis! Kung
naririnig kayo ng anak ninyo o taong
kumukupkop sa kanya ay uuwi na sa inyo ang
bata.

(nananawagan)
Nonoy Montevirgen …Nonoy, anak, umuwi ka na
at alang-alala na ang inay mo!

Batbat ng pamimighati si Sabel.

Cut to

64-- ILALIM NG TULAY : NIGHT

Balik sa ilalim ng tulay si Nonoy.

Maasim ang mukha ni Elia.

Elia

115
 116

Ba’t ka bumalik? Wala na rito si Ine. Dun na siya

sa condo ng awstralyano.

(Hampas sa brasong dinadapuan ng lamok)

Dun ay hindi siya lalamukin.kakain siya sa oras.

Bata, gusto man kitang ampunin e di pwede.

Kulang pa sa amin ang lapang namin. Kung
totohanin ni Ine ang pangako, iaalis niya kami rito.

Sa darating si Botyok. Kukunin

mula sa likuran ang pitaka,
ilalaglag sa kandungan ng ina.

Botyok
Hayan!

Mandidilat sa tuwa si Elia nang makitang

makapal na pera ang laman ng pitaka.

Elia
Paldo! Sa’n galing ‘to?

Botyok
n-napulot ko!

Elia (sarcastic)
Sa bulsa ng may bulsa? Nabingwit mo?

116
 117

Botyok
Bawal ho sa inyo ang magutom.
Buntis kayo at magugutom din yung beybi sa
tiyan nyo!

Babaling si Elia kay Nonoy

aabot ang isang dadaanin.

Elia
Sige, Nonoy, heto, punta ka sa restoran at bili ka
ng pansit , kanin, at sopdrink.

Sumunod si Nonoy.

Elia: (Pahabol)
O, baka itakbo mo ‘yan!

Z kay Botyok na sa anyo ay feeling proud

pa at marunong na siyang “kumita” ng pera.

Elia
Turuan mo rin kaya siyang mamingwit para me
pakinabang?

Botyok
Inay naman,e!

Sumimangot si Botyok pero tumango

na rin.

117
 118

65 --ILALIM NG TULAY: MORNING

Bumaba na ng kariton si Elia, Sa loob ng

kariton ay maririnig ang mga ubo ni Mang Ambo.

Kagigising lang nina Botyok at Nonoy.

Elia
Nonoy, sama ka kay Botyok para matuto ka.

Nonoy
Ano hong matutuhan ko?

Elia
Maghanapbuhay! Ige! Magkape muna kayo!

Ihahapag ni Elia ang mga pandesal at kape.

Cut to

66- LABAS NG QUIAPO CHURCH :DAY

Magkasama sina Botyok at Nonoy.

Maraming namimili . Abala ang lahat.

Isang babae ang nagbulsa ng kanyang pitaka.

118
 119

Titig na titig dun si Botyok. Siniko ni Botyok

si Nonoy at nagmamagaling pa.

Botyok
Nood ka lang, Bok!

Lapit si Botyok, kunwari, me tinitingnan din.

Duda ang isang tindera, masama ang tingin kay Botyok.

Gitgitan. Gigitgitin ni Botyok ang babae. Maingat

na nakuha nito ang pitaka. Mabilis na tatalilis.

Malalaman ng matanda na nadukutan siya,

Babae
Mandurukooot! Mandurukooot!

Tindera
Sabi ko na nga ba,eh!

Takbo nang mabilis si Botyok. Biglang tawid. Nabundol ng kotse!

Nonoy (SIGAW)
BOTYOOOK!

Tumilapon ang bata at duguang bumagsak.

Lagim na lagim si Nonoy.

119
 120

Cut to

67-PARK : DAY

maputla at mukhang may sakit na ang dungisang si Nonoy.

Matamlay ang katawang mahihiga sa gilid ng flower box.

Papatak ang ulan. Wala nang lakas si Nonoy na bumangon, Hinang-hina na siya.

68--- SAME PLACE : LATER

Nakapayong, nagmamadali sina Sabel at Mela

na patungo sa kinaroroonan ni Nonoy.

Sabel
Sa’n daw siya huling nakita?

Mela
Dito raw sa dakong ito.

Sabel
Nasaan ang anak ko?

120
 121

NONOY! NONOOOOY!
Gayon na lang ang pagkabigla nang
makita si Nonoy na nanginginig sa
ginaw, basing-basa.

Biglang lapit sa bata, pinangko ito.

Sabel
Anak, ba’t ka naglayas? Pagod na ako sa
paghahanap sa’yo! Huwag mo na ako uling iiwan,
ha?

Nakikitang ginaw na ginaw ang bata.

Bubuhatin ito. Habag na habag sa
bata ang ina.

Dadamahin ang noo nito.

Bigla ang pagkabalisa ni Sabel.

Sabel
Antaas ng lagnat mo, anak!

Cut to:

121
 122

69-SHANTY OF SABEL : NIGHT

Nilalagnat ang bata, Giniginaw, may basang

bimpo sa noo. Alalang- alala si Sabel. May
hawak na tableta at sambasong tubig si Sabel.

Sabel
Uminom ka ng gamot, anak. Para bumaba ang
lagnat mo. Baka ka makumbulsyon.

Si Nonoy, babaling lang sa kabila,

matindi pa rin ang hinanakit sa ina.

Sabel
Anak,huwag mo naman akong
ganituhin…nagsisisi na ako sa nagawa ko sa’yo.
Hindi na mauulit iyon. Ikaw na lang ang nalalabi
sa akin…

Huwag ka nang magagalit sa nanay, ha? Nagsisisi

na ang nanay.

Hinahagud- hagod ang buhok, buong

pagmamahal.

Yayakapin at hahagkan ni Sabel ang

bata.

Ang bata, natatakot pa rin, iiyak sa

tindi ng hinanakit.

122
 123

Umiiyak sila kapwa.

Sabel
Iinumin mo na ang gamot mo, ha?

Tatango na ang bata, may manipis na ngiti sa mukha.

70---MALL : FASTFOOD : DAY

Kumakain sila ng spaghetti at

hamburger , may softdrink.
Tuwangtuwa si Sabel habang
pinapanood ang maganang
pagkain ng anak.

Papahiran pa ang mukha ng anak

na nalagyan ng spaghetti.
Badha ang kaligayahan sa bata.
Masaya na rin si Sabel.

123
 124

Cut to:

71--- TOY SECTION : SAME DAY

Titig na titig si Nonoy sa toy robot.

Tuwangtuwa ito.

Sabel
Anak, sorry, hindi kita maibibili niyan…mahal ‘yan
at hindi natin kaya. Plastic na laruan na lang muna
at hamo, pag-iipunan ko yan para maibili kita.

Anyong hinayang si Nonoy,

gustong-gusto ang robot.

Tindera
Mura lang naman po, ’yan, misis…ibibigay na lang
namin sa inyo sa discounted price…nine hundred
ninety-nine na lang ho.

Sabel (ngiting nadapa)

Sanlibo na rin ho ‘yon. Hindi pa rin ho namin
kaya…saka na lang.

(a beat)

Tena, Nonoy.

124
 125

Hila na siya ng ina nguni’t nakalingon pa

rin sa toy robot. Makikita ang matinding
pagnanais ng bata sa mamahaling robot.

Dinala na siya sa mga nasa bangketang

mga plastic toys na mumurahin pero
patanaw-tanaw pa rin si Nonoy
doon sa robot.

Sabel
O, pili ka na rito. Treinta pesos lang dito…pareho
lang namang laruan.

Me batang dadaan na may kipkip na

toy robot, badha sa anyo ni Nonoy
ang
matinding inggit.

Sabel
O, heto, anak…gusto mo nito?

Hindi agad makasagot si Nonoy,

muling tatanaw sa mamahaling
laruang robot.
Pagkuwa’y parang napipilitan.

Nonoy
Opo, inay.
Hopeful ang bata.

125
 126

72---SHANTY : KUSINA : DAY

Naghuhugas ng pinggan sii Nonoy,

nagluluto naman si Sabel.

Sabel
Dalian mo diyan. Maluluto na ito at kakain na
tayo.

Madudulas sa kanyang kamay ang

isang pinggan, babagsak at
mababasag.

Pandidilatan ng galit na si Sabel.

Sabel
Nagdadabog ka? Tingnan mo! Nagbasag ka pa!

Nonoy (takot)
hindi ko po sinasadya!

Daramputin ni Sabel ang walis

at hahambalusin ang bata.

Sabel
Ayaw na ayaw mong mapakinabangan kita, ano?

126
 127

Kandakuba na ako sa paghahanapbuhay, hindi pa

kita maasahan sa trabaho ritooo! (hampas)

Papalahaw ng iyak ang bata.

Nonoy (cries, loud)

ARAYKUPOOO! TAMA NA POOOO!

Dinarampot ng bata ang mga

piraso ng nabasag na pinggan.
Umiiyak.

Sabel (nanggigitil)
Magtatanda ka!

Nagsumiksik sa sulok si Nonoy.

Cut to

73---KUSINA :SHANTY : DAY

Nakaluhod sa isang sulok si Nonoy, munggo

ang niluluhuran at nakakuwintas sa kanya
ang mga pira-pirasong basag na pinggan.
Humihikbi ito, hirap sa kanyang kalagayan.

127
 128

Nonoy (Whispers)
Gutom na ako…nangangawit na ako. bakit
kasi siya pa ang naging nanay ko!

Camera lingers to the agony of the child.

Lalabas si Sabel. Makikita ang itsura ng anak,

naluluha ito.

Parang maaawa naman si Sabel. Naglubag na

ang galit. Aalisin na ang kuwintas na mga
piraso ng plato. At itatayo na ang bata.

Sabel
s-sige na…kumain ka na.

Parang nagtataka ngayon si Nonoy

sa tono at kabaitan ng ina. Nakatingin
sa ina.

Halos maiyak si Sabel. Niyakap ang anak.

Sabel
Nonoy, ikaw na lang ang natitira sa akin.
Hinihigpitan kita upang lumaki kang matino
at disiplinado. Ayokong matulad ka sa ama
mo.

Naiintindihan mo ba, anak? Pinarurusahan

kita dahil mahal kita!

128
 129

Hindi kikibo si Nonoy,kunot-noo,

nalilito, may pagtatanong sa utak.
nakatingin lang sa ina.
Hindi ito makapaniwala na mahal
din pala siya ng ina.

Pagkuwa’y muling yayakapin ni Sabel

ang bata.

Walang response ang bata, hindi

yumayakap.Kakalas.

Sabel:
Sorry kung nasaktan kita…isasama kita sa
palengke, ibibili kita ng mga bagong damit, saka
laruan…saka kakain tayo ng halu-halo at pansit.

Nagtatanong ang tingin ng bata, hindi

makapaniwala sa kabaitan ngayon ng ina.

Cut to

74---BAKURAN: SHANTY EXT: ANOTHER DAY

129
 130

Nagwawalis ng hagdan si Sabel. Mapapansing

may dumating na tao. Pag-angat niya ng mukha
ay mabibigla pagkakita sa isang lalaki, si Rupert,
35 yrs old, bagong labas sa muntinlupa. May
bitbit na travelling bag. Nakatingin ito sa kanya,
buong kasabikan, badha ang kasiyahan dito.

Si Sabel naman, babadha ang poot pagkakita rito.

Sabel
Ano ang ginagawa mo rito? Hindi ba’t nakapiit
ka?

Rupert
Parolado ako, Sabel!

Sabel
Lumayas ka!

Rupert (pleads)
Gusto ko lang kayong makita ng ating anak!

Sabel
Wala kang anak!

Rupert
Nililitis pa lang ang kaso ko ay nalaman kong

130
 131

nabuntis ka…at ako ang ama ng iyong dinadala.

Sabel
Ipinalaglag ko…masamang binhi kasi!

Rupert
Sabel, pinagbayaran ko na sa piitan ang aking
mga kasalanan…nagsisi na ako…gusto ko lang
makita ang ating anak.

Sabel
Sanlibong beses ka mang mabitay ay hindi sapat
na kabayaran sa pagsira mo sa aking buhay!

Nonoy (wagayway ang card)

Inay, ibinigay na po ang report card ko.
pakipirmahan daw po ninyo.

Biglang lumigaya ang mukha ni Rupert

pagkakita sa bata. Pinagmasdang
mabuti ito.

Natigilan muna si Sabel.

Rupert
Ikaw si Nonoy?

Nonoy
Opo.

131
 132

Bigla ang bugso ng katuwaan kay Rupert.

Mabilis na kukunin ni Rupert ang isang

toy robot mula sa travelling bag. Ibibigay
kay Nonoy.

Rupert
Para sa ‘yo…kunin mo!

Nonoy
Ho?…bakit ho?

Pandidilatan ni Sabel si Nonoy.

Sabel
Huwag mong kukunin…pumanhik ka na!

Walang magawa si Rupert, bigo,

Ippinagtatauyan siya ni Sabel.
Nagpupuyos sa poot si Isabel.

Sabel (whispers)
Nagpakita ka upang guluhin kaming mag-ina?
Lumayas ka bago kita mapatay!

Pagsusuntukin ni Sabel ang baitang

ng hagdan, ang wall.Nagwawala.

Hahagulgol sa poot si Sabel.

132
 133

Mapapaupo sa hagdan.

Cut to

Focus-defocus to Flashback.

75--- SCHOOL PLAYGROUND: DAY

nagsisipaglaro ang mga bata sa playground,

si Nonoy ay nasa isang tabi lamang at
nanonood ng mga nagsi-seesaw, nagpapadulas
sa sliding board. Masasaya ang mga bata.
Hindi mapapansin ni Nonoy ang paglapit ni Rupert,
hawak nito ang mga chocolate bars at robot.

Rupert
Nonoy.

Nagtataka ang tingin ni Nonoy sa lalaki.

Iniaabot ni Rupert ang toy robot at mga chocolate bars.
Hindi kumikilos si Nonoy.

Rupert
Nonoy, makinig ka…ako ang tatay mo!

Hindi makapaniwala si Nonoy,

133
 134

nakatingin lang. Naiiling ito.

Tatakbong palayo ang bata, takot.

76—KALSADA DAY
Pauwi na ang bata, kasabay ang
ilang mga kaklase.

Inaabangan ni Rupert ang bata.

Dala uli ang laruang robot.

Pagtapat ng bata sa kinaroroonan

ng bata ay lalapit si Rupert.

Rupert
Nonoy…

Matitigilan si Nonoy, nakatingin

sa laruang robot.
Parang hinihila siya ng laruang
robot, lalapit sa
lalaki, medyo takot.

Rupert (tries to hide feelings)

Heto ang robot. Mahal ito. Gustong-gusto mo, di
ba?

134
 135

Nakatingin si Nonoy sa robot at

sa mga bars of chocolates,
napapalunok, gusto
niyang kunin ngunit nag-aalanganin.

Rupert
Itago mo. Huwag mong ipapakita sa nanay mo.
( dudukot ng pera) heto pa, pandagdag sa baon
mo.

Nonoy (Nakatingin sa pera, hindi kinukuha.)

Ayoko po.

Kukunin ni Rupert ang kamay ng bata,

ilalagay sa kamay nito ang pera,
ilalagay din ang mga chocolate bars.

Ipapahawak ang robot.

Gandang-ganda si Nonoy sa robot.

Mamahalin ito.Nakikiming yayakapin
ito,susungaw ang kiming ngiti .
Natutuwa si Rupert sa nakikitang
kaligayahan ng anak.

77---SABEL’S HOUSE : DAY7

135
 136

Masayang-masaya si Nonoy na nilalaro

ang robot. Naroon si Bembet na ang
nilalaro naman ay ang kanyang
manyika.

Nonoy
Dito, robot! Ditooo! Yaaan! Galeeeng!
S sa plastic na robot na binili ni
Sabel, nakatapon lang somewhere.
Mas enjoy ang bata sa expensive
robot.

Masayang yayakapin ni Nonoy

ang robot.

Bembet
Ambait ni Mang Rupert, ano? Ibinili ka ng robot?
Mamahalin siguro yan.

Nonoy
Pag nalaman ni Inay, magagalit yon…papaluin na
naman ako.
Minsan, gusto ko, maysakit ako…

Mapapatingin si Bembet kay

Nonoy, nagtatanong.

Nonoy

136
 137

kapag may sakit ako, inaalagaan niya

ako…ipinagluluto ako ng sopas…kahit mapait
ang panlasa ko…

(a beat)

ansarap kapag hinahaplos niya ang buhok

ko…minsan lang yon…yung ipinaghehele ako…
pero ansarap no’n!
mabait siya kapag may sakit ako…sana, lagi na
lang akong may sakit para lagi siyang mabait sa
‘kin!

(to robot)

O, lakad ka uli!

Ilalapag ang robot, kukuwerdasan,

lalakad ang robot. Tuwang-tuwa si Nonoy.

Masayang pinapanood siya ni Bembet.

Cut to:

78- RESTAURANT ;DAY

Pinapakain ni Rupert sina Nonoy at Bembet.
Pandalas ng kain ang dalawa, sarap na sarp.

137
 138

Dumating pa ang mga ipinabalot na pagkain ni Rupert.

Rupert:
O heto. Iuwi ninyo.

Masayang-masaya ang dalawang bata.

79--- SIDEWALK : DAY

Pauwi na sina Nonoy at Bembet.

Masaya si Nonoy. Bitbit pa ang
nakabalot na na pagkain, me pansit
at kung anuano..

Nonoy
Samahan mo ‘ko, me pupuntahan tayo.

Nagtatanong ang tingin ni Bembet,

80--- ILALIM NG TULAY : SAME DAY

138
 139

Dinalaw at dinalhan ng pagkain ni

Nonoy ang pamilya ni Elia.
Me karga nang sanggol si Aling Elia.
Inilapag sa mesa ang dala.

Nonoy
Dinalhan ho namin kayo ng pagkain.
Si Bombing ho?

Elia
Pumapasada na rin.
Napilitan na rin dahil…kailangan.

Bembet
Pumapasada ng padyak?

Nonoy
Hindi. Iba yon.

Nagtataka pa rin si Bembet.

Nonoy
Si Ate Ine po?

Sa darating si Ine. Wala na siyang makeup, maputla siya.

Ine
Hindi na ako pwedeng pumasada.
Me tama na kasi ako!

Nonoy

139
 140

Tama?

Ine
Minalas…yung awstralyano, me HIV…

At hinawahan ako ng ugok! HIV positive

na rin ako!
Nonoy…walang lunas ‘to …
maaga akong mamamatay! (hikbi)
okey lang! (singhot) okey lang ako talaga!

(tries to compose herself)

Elia (Habag)
Ine…

Ine
Okey lang sabi. Huwag nyo akong
iyakan. Buhay pa ako!

Ellia (himutok)
Lintik! Akala namin, yung awstralyanong
yon ang bibitbit sa amin sa ginhawa…
siya pala yun ang papatay sa anak ko.

Nonoy’s reaction, parang maiiyak.

Elia

140
 141

Kung hindi ako pumayag na

sumama ka sa awstralyanong yon, hindi
mangyayari sa’yo, to!

Ine
E bakit nyo pinapayagang pumasada
si Bombing? Gusto nyo siyang
maparis sa ‘kin?

Anyong affected, nagiguilty si Elia.

Elia
Sa lahat, kasalanan namin ng itay mo, gano’n?

Poot si Ine.

Ine
Gano’n!
dose anyos pa lang ako, pinadyokad nyo na ako…
Pinatay nyo na ang kinabukasan ko! Nawala na
ang kamusmusan ko!

Sinong bata ang natutuwang ibugaw siya ng

sariling ina?

Yanig, guilty si Elia na mapapaiyak.

141
 142

Elia
Oo! Kasalanan ko! Kasalanan ko…
kasalanan namin ng ama mo.

Ambo, lumabas ka dyan! Harapin mo ang

panunumbat ng anak mo! Ambo!

Pupuntahan sa kariton ang asawa.

Mabibigla pagkakita ditto.

Elia
Ambo! Ambo! Gumising kaaaa!
(marirealize na patay na ang asawa)
AMBOOOO! (hagulgol) HUWAG NAMAN,
AMBOOO!

Yanig si Ine, pigil ang emotion,

nginig na impit na iiyak.

Gayon na lang ang habag at

panlulumo nina Nonoy.at Bembet.

Umiiyak na rin si Nonoy.

Dissolve to

142
 143

80--- PARK: SAME DAY

Sa lugar na pinag-iistambayan ng
mga solvent children tumuloy
sina Nonoy at Bembet.

Lilinga-linga si Nonoy, may hinahanap.

Bembet
Sino’ng hinahanap mo?

Nonoy
Basta, me hinahanap ako.

Bembet
Bakit mo sila hinahanap?

Nonoy
w-wala lang.

Bembet
Umuwi na tayo! Baka mapagalitan ka na naman
ng nanay mo!

Muling lilinga-linga sa paligid si

Nonoy. Wala na ang mga batang
dating naglisaw dito.

Makikita ang matandang babaing

nagtitinda ng sigarilyo sa tabi-tabi.

143
 144

Nonoy
Magtatanong lang po, lola…yung mga batang
nag-iistambay dito? Yung mga sumisinghot ng
solvent? Nasaan po sila?

Tindera
A, sina Elvis, Buknoy, Onyong at Bekbek?

Tatango si Nonoy/
Tindera
‘yung Elvis, yung matangkad na payat na maitim,
nangholdap at nananaksak nung pumiyok yung
hinoholdap… natiklo, nakalaboso. Balita ko’y
dinala sa welfareville.

Anyong nalalagim si Nonoy sa narinig.

Tindera
Yung ibang mga bata, nireskyu na ng mga taga-
DSWD at nirerehab na.

Balita ko, natuturuan sila ron ng mabubuting

kaasalan…kumakain sa oras at me pag-asang
lumaking matitino!

Anyong naibisan ng alalahanin si

Nonoy.

Bembet

144
 145

Uwi na tayo!

Hinihila na ni Bembet pauwi si Nonoy.

Reluctantly, sasama nang umuwi ni Nonoy.

81--- SHANTY : BEDROOM TO SALA DAY

Sa kanyang kuwarto, masayang

pinaglalaruan ni Nonoy ang robot,
kapag kinuwerdasan ay lumalakad
at umiilaw. Tuwang-tuwa si Nonoy.

Nonoy
Ang gara! Ang galing! Akala ko, hindi na ako
magkakaroon ng laruang tulad mo, lumalakad.

(a beat}

Ang mga kaklase ko, walang laruang tulad mo!

Kapag nalaman nila, maiinggit sila sa akin!
Sigurado yon!

Muling kukuwerdasin ang robot,

lalakad ito.

Umaapaw sa tuwa ang bata.

145
 146

Nonoy
hindi ka lang laruan…ikaw pa ang aking
kalaro…kaibigan.

Lalakad nang lalakad ang robot.

Cut to:

81-- SHANTY’ EXT; TO INT; SALA; DAY

Dumarating si Sabel na galing sa duty

bilang lady security guard.. Mukhang
pagod ito.

Tatawagin si Nonoy..

Sabel
Nonoy! Nonoooy!

Bubuksan ni Sabel ang TV.

Tiyempong sa programa ay bisita ang

mga HIV Positives. Iniinterview si Ine.

Focus to:

146
 147

Sabel:
Nonooooy! Nonoooy!

Nonoy (Whispers)
Si inay!

Maririnig ni Nonoy ang tawag sa kanya.

Biglang matatakot. Tatakpan ng kumot
ang mga laruan at chocolate bars.
Ilalagay sa ilalim ng papag.

Nonoy
Andiyan na po, inay.

Lalabas ito na hawak pa ang libro.

Sabel
Ano ang ginagawa mo? Hindi ka pa nagsasaing.

Nonoy
Magsasaing na po, inay.

Sabel
Bumili ka muna ng aspirin sa tindahan. Masakit
ang ang ulo ko.

147
 148

Iniabot ni Sabel ang pera.

Sabel
Napagod ako ,a. makapahinga muna.

Papasok siya ng kuwarto. Mahihiga

sa papag.

Cut to:

82- SARI-SARI STORE; SAME DAY

Nakabukas ang TV sa sari-sari store at maraming nanonood.

Nonoy:
Aspirin po Aling Nena.

Nena:
Hayan panoorin ninyo yan! Para sa mga mahihilig
na walang protection.

FOCUS SA TV SET

83- TV SHOW NA ATING ALAMIN.

Makikita sa programang ALAMIN NATIN

148
 149

na ang isa sa mga iniinteview sa panel

si Ine. Matitigilan si Nonoy, titig sa
TV screen. Naroon si Ine.

TV Host
Mga kababayan panauhin po natin sa ngayon si
Magdalena de Jesus… tawag sa’yo ay Ine?

kamo’y katorse ka pa lang pero

nahawahan ka na ng HIV?

Ine (halos mabulunan, nahihiya)

D-Dala po ng kahirapan, maaga akong sumabak
sa g-gano’ng hanapbuhay.
N-Nakuha ko po sa isang …foreigner na kumuha
sa’kin.

TV Host:
May ginawa ka bang hakbang para pagbayarin
yung awstralyanong yon?

Ine:
Patay na po siya…nung isang buwan pa po.

Iiling si Ine.

149
 150

TV host
So ngayong isa ka nang health worker. Ano
ang masasabi mo sa ating mga viewers.

Ine
Ang nangyari sa akin at iba pang AIDS victims ay
maaaring mangyari sa inyo kung hindi kayo mag-
iingat. Ang tamang impormasyon ukol sa AIDS
ay kailangang maipalaganap ng pamahalaan.

TV host
Paano mong nakakayanan ang sitwasyon mo
ngayon?

Ine
Ang prayoridad ko po na nagbibigay ng lakas sa
akin ay ang layuning makapagbigay ng
mahalagang mga babala ukol sa AIDS… at paano
maiiwasan ito.

Z kay Aling Nena na parang

nagdidiskurso.

Aling Nena:
Yan ang sinasabi ko , yung condom hindi dapat
masamain. Nagbibigay ng protection! Kung nag-
condom yung awstralyano, hindi nasira ang

150
 151

buhay ni Ine.

84-BACK TO SABEL SHANTY: LATER

Malalaglag ang kanyang isang hikaw

kaya hahanapin, makikita ang mga
bagay na nakatalukbongn ng kumot
sa ilalim ng kama. Aalisin ang kumot
at matatambad sa kanya ang mga
chocolate bars at robot.

Aanyo ang poot.

85-- SHANTY : KUSINA: SAME DAY

Sa kalan, itinapon ni Sabel ang robot at

mga tsokolate.

Madaratnan iyon ni Nonoy.

Nonoy
Huwag po, inay! Huwag nyong sunugin ang robot
kooo! (iyak)

Gayon na lang ang galit ni Sabel na

hinarap ang bata. Pinandidilatan

151
 152

ang bata.

Sabel
Galing sa lalaking ‘yon, ano? Saan kayo
nagkikita? Bakit hindi ko alam na nagkikita kayo?

(a beat)

Sa eskuwela ka niya pinupuntahan?!

Niyuyugyog ni Sabel sa balikat

ang bata.

Sabel
Sasama ka ba sa kanya? Haaa? Iiwan mo ako?

Nonoy
h-hindi po, inay! (IYAK)

Sabel (nandidilat sa galit, parang mababaliw)

Nagbabait-baitan siya sa ‘yo…gusto ka niyang
kunin sa akin…iiwan mo ako dahil may ibinibigay
siya sa ‘yong mamahaling laruan at pagkain!
(hysterical) sasama ka sa kanya? Ha?! Iiwan mo
ako?! (yuyugyugin ang bata)
Iiwan mo akooo?

(a beat)
hindi mangyayari yon! papatayin muna kita.

152
 153

Nonoy (rebellious)

Nonoy:
hindi nyo naman talaga ako mahal! Wala kayong
ginawa kundi mamalo!
(bitter)

buti pa siguro kung patay na lang ako para hindi

nyo na ako mapalo!

Matitigilan si Sabel, ngayon lang

sumagot nang gayon sa kanya
ang anak. mapapaurong.

Nonoy (bitterly, tearfully)

Pati robot ko…ang dahilan para maging masaya
ako, sinunog nyo! Hindi nyo talaga ako mahal!

Z sa nasusunog na robot.

Nonoy
Robooot!

Pigil ni Sabel ang batang gustong

duhapangin ang nasusunog na
robot. Nanlilisik ang mga mata ni
Sabel. Pigil ang bata.

153
 154

Sabel
Masamang ina ako kaya mo ako
iiwan, ha? Haaa?

Iiyak nang iiyak ang bata.

hahaltaking papasok ng kuwarto
ang bata.

Pinipigilan ng bata ang ina ngunit

mas malakas ito. Pinagsasampal
at iniuntog ang ulo sa pader.

Tumitili sa sakit ang bata, Umiiyak.

Parang nawawala na sa katinuan si Sabel.

Kukunin ang kadena at kakadenahan

sa leeg ang bata na parang aso. Itatali
sa haligi ang kadena, isasara sa
padlock. Ang susi ay ilalagay sa bulsa.

Gayon na lamang ang sindak ng bata,

nagmamakaawa.

Nonoy
Huwag poooo! (iyak)

Humihingal sa poot si Sabel.

154
 155

Sabel (sumbat, poot)

Pinalaki kita sa kabila ng eskandalong
dulot mo sa buhay ko. mula nang
isinilang ka, puro kamalasan ang
dumating sa akin! dahil sa’yo…
dahil sa’yo’y tinalikuran ako ng nobyo
ko. dapat nga siguro’y inilaglag na lang
kita! Sutil! MALAS KAAAA!

Hindi ka makukuha ng ama mo.

Kahit ano ang mangyari’y hindi mo
‘ko iiwan! Hindiiii! Papatayin muna kita!

Sindak ang bata sa sinabi ng ina.

Dissolve to

86--- SAME PLACE; LATER

Nakatulog na ang bata sa sahig.

Dinalhan ni Sabel ng pagkain sa

tray ang bata, may sambasong tubig.

Sabel

155
 156

Nonoy, kain ka na!

Magigising si Nonoy, masama pa rin ang loob sa ina kaya hindi kakain. Iiling lang.

Sabel
Kain ka sabi,e!

Hindi pa rin kumikilos ang bata.

Sabel
Tinitirya mo ako, ha? Haaa?
Hindi ka kakain?

Hawak ang buhok ng bata at iduduldol

sa tray ng pagkain, didikit pa sa mukha
nito ang kanin at ulam.

Nonoy
RAYKUPOOOO!

Sabel
Kapag hindi ka kumain, mamatay ka ng gutom!

Baling sa kabila ang bata, ayaw nang marinig ang ina.

Sabel
Hahanap na ako ng malilipatan
nating bahay…yung malayo dito para hindi ka
masundan ng ama mo!

Huwag na huwag kang tatawag sa mga

156
 157

kapitbahay. Kapag nalaman nila ito, mata mo lang

ang walang latay. Hintayin mo ang pagbabalik ko!

Reaction ng bata. emotion builds up. Hingal sa poot Galit sa ina ang nararamdaman.

87-- HOUSE : FAÇADE; DAY

Naghahanap si Sabel ng mauupahang

bahay. Nagtatanung-tanong sa mga
bahay na may karatulang room for rent.

Kasera
Three thousand ang renta ng kuwarto may
sariling CR …pwera ilaw at tubig. Me sariling
metro ng tubig at ilaw.Two months deposit, one
month advance.

Sabel
Baka ho pwedeng one month advance na lang.
Biglaan lang po ang paglipat namin at…

Kasera
Hindi ho pwede, ale. Sa iba na lang ho kayo
lumapit.

Cut to

157
 158

88---KALSADA : DAY

Mainit, anyong pagod na si Sabel

sa paglalakad.

Problematiko. Pagtawid niya ng

kalsada ay biglang may
humahagibis na sasakyang dumagil
sa kanya, tumilapon siya sa malayo.
Nabagok ang ulo sa semento, nagdurugo.

Gimbal ang mga nakasaksi sa aksidente.

Tumakas ang naka hit na kotse.

Humahagibis.

Z sa duguang ulong si Sabel, walang

malay, lapitan ang mga taong dumalo sa kanya.

Lalaki
Nakuha ba ninyo ang plaka nung
nakadisgrasya rito?

Lalaki 2
Hindi,e…masyadong mabilis!

Ipapara ang isang dumaraang dyip.

Lalaki 1

158
 159

Emergency. Isakay ito at dalhin sa hospital.

Cut to

89-- HOSPITAL ROOM : NIGHT

Comatose si Sabel. May benda ang

ulo, may oxygen at inaasikaso ng
mga duktor.

Duktor
Kawawang babae…hit and run victim. Hindi pa ba
napapasabihan ang mga kamag-anak niya?

Nurse
Wala hong nakakaalam kung sino siya at kung
saan ang address. Wala siyang dalang ID.

Cut to

90--SHANTY :NIGHT

Madilim na sa bahay. Takot at

gutom na ang bata. Kinakapa
ang naiwang pagkain. Nang

159
 160

makapa ay pandalas ng subo.

Kinakapa ang inumin. Matatapon ito.

Pinilit nirerecover ng bata ang
tubig na natapon sa pamamagitan
ng kamay, uhaw, iniimod na ang sahig.

Hirap na ang bata.

Maririnig ang tawag ni Bembet ngunit nawalan na ng ulirat.

BEMBET:
NONOY! Nonoooy! NONOOOY!

91-- hospital room :Day

Nagkamalay na si Sabel.
Panicked nang malamang ilang
araw na siya roon.
Sabel
Limang araw na ako rito?

Nurse
Oho! Ngayon lang po kayo nagising!

Sabel
Ang anak ko! Iniwan ko ang anak ko ng limang
araw!

Magtatangkang bumangon na si Sabel,

160
 161

nagmamadali. Nagwawala.

Sabel
Kailangang makauwi ako!

Nurse
Makakasama po sa inyo! Nanghihina pa kayo,
Misis!

Sabel
Bitiwan mo ako! Kailangan ako ng anak ko!

Nurse
Sabi nang hindi pa ho nyo kaya!

Cut to

92-SABEL’S SHANTY: DAY

Buong lakas na pagtatadyakan

o babalyahin ni Matthew ang
pinto. mabubuksan iyon.

Umiiyak si Bembet na siyang humingi

ng tulong sa titser.

Mabilis na papasok si Dina sa loob.

Mahahambal pagkakita sa bata.
agaw buhay si Nonoy, nakakadena
ang leeg na parang aso. Mukhang
lubhang nahirapan, nagutom.

161
 162

Dina
Nonoy!

Nonoy (Naghihingalo)
m- ma’m…

Z sa ibaba ng bahay, mula sa

traysikel ay bumaba ang
nagmamadaling si Sabel.
May benda ito sa ulo.

Sabel (calls out)

Nonoooy!

Masasalubong sina Dina at Matthew.

Karga ni Matthew ang batang wala
nang buhay.

Sabel
Ano ang nangyari kay Nonoy? Diyos ko po. ano
ang nangyari sa anak ko? Nonoooy!!

Dina (Poot)
Mananagot ka sa ginawa mo sa anak mo!

Naiiyak sa habag si Sabel sa

162
 163

anak. Hambal na hambal.

Sabel
Babalikan ko naman talaga siya…
babalikan kooo! (Hagulgol)

Itinakbo na sa kotse si Nonoy.

93- NEWSPAPER: day

Headline si Nonoy, ang nangyari sa kanya.

NONOY, IKINADENA AT IKINULONG SA BAHAY, AGAW-BUHAY!

NARRATION:
Dahil nabalita sa diyaryo ang nangyari kay Nonoy
ay nalaman nina Alyas FPJ at Totoy ang
kinaroroonan ni Nonoy. Hindi nag-iisa si Nonoy,
ngayon ay may ama at kapatid na siya kina Alyas
FPJ at Totoy.

94-Luneta:

Masaya sila, napapagitnaan si

Nonoy nina Alyas FPJ at Totoy.
May hawak silang mga lobo.

NARRATION:

163
 164

Hindi lang si Nonoy Montevirgen…marami pang

batang biktima ng sariling magulang. May
mali…may dapat ituwid…bago maging huli ang
lahat!
120-BILANGGUAN: DAY

At si Sabel, tinakasan na ng katinuan.

Hawak ang isang unan na kinakantahan.

Sabel (sings)
Meme na, bunso…meme na, bunso…

CUT TO CUT:

Silang tatlo ay nanonood ng

mga plikula ni FPJ.

NARRATION:
Si Alyas FPJ? Sa pamamagitan ng kanyang CD
player ay walang sawang binabalik-balikan ang
mga pelikula ng kanyang idolo.

NARRATION:
At si Totoy, balang araw ay mapaghihilom din ng
panahon ang kanyang mga hinanakit sa ina.

BAKIT MATAAS ANG LIPAD NG MGA LOBO?

Marahil ay upang makahalik sa mukha ng Diyos,
at makarating ang kanilang mga bulong.

164
 165

Sabay-sabay nilang pinalipad kanilang

ang mga lobo. Pataas na nang pataas..

FREEZE FOR CREDITS

165