PANALANGIN PARA SA ARAW NG MGA AMA

DIYOS NA PINAGMUMULAN NG BUHAY,

DIYOS NG MGA LALAKING BANAL
TULAD NINA MOISES, ISAAC AT JACOB.
DIYOS NI ZACARIAS NA AMA NI JUAN
BAUTISTA, DIYOS NG MAHAL NA SAN
JOSE NA AMA NG IYONG ANAK NA SI
HESU-KRISTO, DINGGIN PO NINYO ANG
AMING PANALANGIN AT PAGKALOOBAN
NG PAGBABASBAS ANG LAHAT NG MGA
AMA AT LOLONG NATITIPON SA LUGAR
NA ITO

BASBASAN MO PO SILA NG LAKAS NA

NAGMUMULA SA IYONG BANAL NA
ESPIRITU SAPAGKAT SA PAMAMAGITAN
NILA NATUTUNAN NG MGA ANAK AT
APO KUNG PAANONG TUMAYO AT
LUMAKAD, KUNG PAANONG MAGSALITA
AT MAGLARO, AT KUNG PAANONG
MAKALAPIT SA IYONG BANAL NA
HARAPAN SA PAMAMAGITAN NG TAPAT
NA PANANALANGIN.
PAGKALOOBAN MO PO SILA NG
BIYAYANG MAKIISA SA IYONG BANAL
NA HAPAG AT MATANGGAP ANG
PAGKAING NAGBIBIGAY BUHAY
SAPAGKAT SILA ANG MGA
NAGTAGUYOD AT NAGPAKAIN SA AMIN
AT SILA DIN ANG NAGTURO SA AMIN
KUNG PAANONG ITAGUYOD ANG AMING
MGA SARILI AT AMING MGA PAMILYA.

PAGKALOOBAN MO PO SILA NG
KALUSUGAN AT KAPAYAPAAN, NG
GALAK AT KALIGAYAHAN, AT NG
PAGKAKATAONG KAMI’Y KANILANG
MAIPAGMALAKI BILANG MGA ANAK.

GAYUNDIN AMING ISINASAMA SA

PANALANGIN ANG MGA LALAKENG
WALANG NAKAKAALAALA LALO NA ANG
MGA TAHIMIK NA ITINATAGUYOD ANG
KANILANG PAMILYA, NAGLILINGKOD
NG MAY KABABAANG-LOOB, AT
NAGTITIIS NG HIRAP SA BUHAY PARA
SA KAPAKANAN NG KANILANG
ASAWA’T MGA ANAK. AMEN