MALABONG TINGIN

ni: Luisito M. Gomez

i.

Oh, itong pag-ibig sa aki’y nanahan

Inspirasyon kong totoo na tinuran
Huwag mo ng ipagsigawan sa madla
Ako’y tunay namang iniibig diba?

ii.

Kalulugdan nitong tunay na pagsamba

Sa puso ko at isip ay nagbabaga
Iniibig kita ngunit nangangamba
Wagas mong pagtingin ilaan ma sa’kin.

iii.

Di man sabihin ang una mong pagtingin

Alam kong ika’y aking makakapiling
Malabo man sa lupang kinasadlakan
Sa langit namang tunay nating tahanan.