Shkruani një ese përshkruese me temë:”Higjena personale dhe hedhja
e mbeturinave në vendin e caktuar, kushti domosdoshëm për mbrojtjen e trupit” . Trupi ynë është gjithnjë e më shumë i ekspozuar ndaj patogjenëve, hyrja në trup e të cilëve do ta dëmtonte vertetë shumë organizmin. Prandaj ne duhet të bëjmë shumë kujdes për ta parandaluar hyrjen e tyre. Edhe pse trupi ynë ka pengesa mekanike apo edhe kimike kundrejt patogjenëve, higjena personale dhe hedhja e mbeturinave në vendin e caktuar është një kusht i domosdoshëm për mbrojtjen e trupit. Higjena personale nënkupton mbajtjen pastër të trupit. Në këtë mënyrë zvogëlohet edhe rreziku i prekjes nga sëmundjet infektive. Higjena personale ka të bëjë me mbajtjen pastër të trupit nga papastërtitë që me kalimin e kohës krijohen nga vetë organizmi. Si për shembull lëkura e trupit prodhon një vaj, i cili ndihmon për ta mbajtur atë elastike. Nëse lëkura nuk lahet rregullisht ky vaj mund të grumbullohet në formën e papastërtive. Gjithashtu një shembull tjetër është se edhe kur temperatura e trupit është e lartë, ne prodhojmë djersë nëpërmjet gjëndrave të djersës në lëkurë. Nëse vaji, papastërtitë dhe djersa mbeten në lëkurë për një kohë të gjatë, ato përbëjnë një terren të mirë uhsqyes për bakteriet. Ato mund të prodhojnë substanca të cilat mbajnë erë jo shumë të këndshme. Por gjithashtu edhe në gojë gjenden me miliona baktere. Shumica prej tyre janë të dobishme, por disa prej tyre mund të jenë shkaku i erës së keqe të gojës dhe i prishjes së dhëmbëve. Dhe të gjitha këto “papastërti” të cilat marrin jetë në trupin tonë nga mos mbajtja e higjenës personale e kthejnë trupin tone mjedis të përshtatshëm i cili ndihmon futjen e patogjenit në organizëm pasojat e të cilit janë më të rënda. Ama gjithashtu një mjedis të përshtatshëm i cili ndihmon futjen e patogjenit në organizëm e krijon edhe hedhja e mbeturinave jo në vendin e duhur. Bashkëjetesa e njeriut dhe mjedisit, është një bashkëjetesë nga e cila njerëzit po dalin përfitues duke shkatërruar anën tjetër por njëkohësisht duke harruar se me dëmtimin e mjedisit, ai është shumfish më shumë herë i dëmtuar. Ndotja e mjedisit ia vështirëson trupit tonë mbrojtjen e tij përkundrejt patogjenëve. Të qqenurit pjesë e një mjedisi të ndotur të bën automatikisht një njeri më të predispozuar përkundrejt hyrjes së patogjenëve në organizëm. Një higjennë e pastër dhe hedhja e mbeturinave në vendin e duhur janë faktorë të cilët ndihmojnë mbrojtjen e trupit dhe e rrisin atë në mënyrë që të parandalohet hyrja e patogjenit në trup