Professional Documents
Culture Documents
ადამიანის აღქმა:
ფიზიკური სიგნალები
როგორც განხილვიდან ჩანს, როდესაც ვაფასებთ სხვა ადამიანების თვისებებს, ჩვენ ჩვეულებრივ
ყურადღებას ვაქცევთ მათ გარეგნობას და ქცევას. მოცემულმა ფაქტორებმა შეიძლება ხელი შეუწყონ
იმას, რომ ჩვენ გვიყალიბდება გასაოცრად დეტალური შთაბეჭდილება. მაგალითად, თუ ვამჩნევთ,
რომ ადამიანი უპირატესობას ანიჭებს ჩაცმის კონსერვატორულ სტილს, შეიძლება ამ ადამიანს
მივაწეროთ სხვა თვისებებიც, ისეთი, როგორიც არის კონსერვატულობა პოლიტიკურ
შეხედულებებში. ჩვენ ასევე ვიყენებთ ქცევას, როგორც ადამიანების შესახებ მსჯელობის საფუძველს.
როდესაც ვხედავთ, თუ როგორ ეხმარება ჩვენი თანაკლასელი მოხუცს ქუჩაში გადასვლაში, ვაკეთებთ
დასკვნას, რომ იგი კეთილი ადამიანია.
„გამორჩეულობა“
როგორც მე-2 თავში იყო აღნიშნული, ადამიანები თავიანთ ყურადღებას ძირითადად მიმართავენ
აღქმის ველის იმ ასპექტებზე, რომლებიც უფრო გამოკვეთილია, - ფიგურაზე და არა უკნა ხედზე -
ფონზე. აღქმის ამ თავისებურებას ქვია ფიგურა-ფონის პრინციპი. შთაბეჭდილების ჩამოყალიბების
შემთხვევაში ძირითად მნიშვნელობას იძენს ის ფაქტი, რომ განსაკუთრებით აქტიურად იქნება
გამოყენებული შედარებით განსხვავებული ორიენტირები. თუ მეცადინეობის პირველ დღეს
სტუდენტი ინვალიდის სავარძლით მოვა აუდიტორიაში, სხვა სტუდენტების შთაბეჭდილების
ჩამოყალიბებაზე განსაკუთრებით ძლიერ გავლენას მოახდენს ამ ადამიანის ფიზიკური დეფექტი.
ტანსაცმელი, ვარცხნილობა, ასაკი, რასობრივი მიკუთვნებულობა და სქესი მეორე ადგილზე გადავა.
3
ჩვეულებრივი, რომელიც აღმოცენდება, როგორც მნიშვნელოვან, ისე უმნიშვნელო სიტუაციებში
(Borgida, Howard-Pitney, 1983; Taylor, Crocker, Fiske & Sprinzen &Winkler, 1979).
ძირითადი თვისებები. მრავალ დისკუსიას იწვევს საკითხი იმის თაობაზე, არის თუ არა ზოგიერთი
თვისება მთავარი სხვა თვისებებთან შედარებით. მაგალითად, ისეთი თვისებების წყვილი, როგორიც
არის „გულითადი–გულგრილი“, ხშირად ასოცირდება მრავალ სხვა მახასიათებლებთან, მაშინ
როდესაც წყვილი „თავაზიანი – უხეში“ ასოცირდება მხოლოდ რამოდენიმე მახასიათებელთან.
დამახასიათებელ თვისებებს, რომლებიც იწვევენ მრავალი სხვა მახასიათებლების ასოციაციებს,
ეწოდებათ ძირითადი დამახასიათებელი თვისებები (Asch, 1946).
ცხრილი 3.1
კატეგორიზაცია
ისეთი სოციალური კატეგორიები, როგორიც არის სქესი, რასა ან სოციალური მდგომარეობა, ასევე
ახდენს გავლენას ჩვენს აღქმაზე. ადამიანები არ რეაგირებენ განმასხვავებელ სტიმულებზე, როგორც
აბსულუტურად დამოუკიდებელზე; ისინი სპონტანურად და უმალვე აღიქვამენ სტიმულებს, როგორც
რომელიმე ჯგუფის ან კატეგორიის ნაწილს. მაგალითად, ჩვენ ვერ აღვიქვამთ გაუპარსავ, ჭუჭყიან,
გაწეწილ მამაკაცს, რომელსაც აცვია დახეული ფეხსაცმელი და ხელში უჭირავს ძველი პარკი, როგორც
განსხვავებული ტიპის ადამიანურ არსებას; ჩვენ მაშინათვე ვაკუთვნებთ მას მაწანწალების
კატეგორიას. როდესაც მივდივართ კალათბურთის მატჩზე, ჩვენ ჩვეულებრივ ვყოფთ ადამიანებს ხუთ
სოციალურ ჯგუფად: ორივე გუნდის წევრები, მსაჯები, მხარდამჭერები და მაყურებლები.
კატეგორიზაციის ან დაჯგუფების პროცესი მიმდინარეობს სპონტანურად და არ მოითხოვს დროს
მოსაფიქრებლად. ყველაზე მარტივ დონეზე ჩვენ ვახორციელებთ კატეგორიზაციას გარეგნულად
ბუნებრივი მსგავსების საფუძველზე. ჩვენთვის დამახასიათებელია მივაკუთვნოთ ადამიანები
„მამაკაცების“ და „ქალების“ კატეგორიას მარტივი ფიზიკური თავისებურებების გამო, რომელიც
ჩვეულებრივ გარეგნული სხვაობებია, გარკვეული კულტურული ტრადიციები (თმის სიგრძე, მაკიაჟი,
ჩაცმულობის ტიპი). ეს ეხება ასევე ისეთ დამოკიდებულებებს, როგორიც არის ადამიანების
დამოკიდებულება სხვა სოციალური ჯგუფების მიმართ, მაგ. რასობრივი კატეგორიები.
6
შეესაბამებოდა მოცემული კატეგორიის („სიკეთე“ „ბებიისთვის) სტერეოტიპს, გადამუშავდებოდა
უფრო სწრაფად, ვიდრე ინფორმაცია, რომელიც მას არ შეესაბამებოდა („აგრესიული“ „ბებიისთვის“).
იმ პირობებში, როდესაც ჩვენ გვაქვს მოტივაცია, გავუგოთ სხვა ადამიანებს, ჩვენი შთაბეჭდილებები
ყალიბდება ნაწილ–ნაწილ, მისაწვდომი მონაცემების საფუძველზე. მივისწრაფვით რა, ვიყოთ
ზუსტები, ჩვენ ვცდილობთ გავიგოთ მეორე ადამიანის მიზნები. ადამიანის წარუმატებლობის
გასაგებად ჩვენ ვცდილობთ გამოვიყენოთ კატეგორიები და ასევე მივმართავთ ინფორმაციის
ინდივიდუალიზირებულ გადამუშავებას. როდესაც ავტობუსის მძღოლი აკეთებს შექსპირის
ციტირებას და ასრულებს პუჩინის ნაწარმოებებს, ჩვენ სურვილი გვიჩნდება, რომ მის შესახებ გავიგოთ
უფრო მეტი (Fiske & Neuberg, 1990).
რამდენად ხშირად მიგიმართავთ ადამიანისათვის სხვა სახელით? შეიძლება მასწავლებელთან საუბრის დროს თქვენ მას
შემთხვევით დაუძახეთ „მამა“. ან შეიძლება თქვენს ახალ ნაცნობს დაუძახოთ თქვენი ძველი მეგობრის სახელი. ჩვენ
დროდადრო ვუშვებთ ამგვარ შეცდომებს, და ზოგიერთ მათგანს მივყევართ სერიოზულ უსიამოვნებამდე. ცოტა ხნის წინ
ფსიქოლოგებმა გამოარკვიეს, რომ მსგავი შეცდომები ბევრს გვეუბნება იმაზე, თუ როგორ ვუკეთებთ ორგანიზებას
ინფორმაციას სხვა ადამიანების შესახებ.
კვლევაში, რომელიც ჩაატარეს ფისკემ, ჰასლამმა და ფისკემ (Fiske, Haslam & Fiske, 1991), მსხვილი უნივერსიტეტის
მკვლევარ პროფესორებს, თანამშრომლებს და უფროსკურსელებს თხოვეს გაეხსენებინათ და შეედგინათ სია, როდესაც მათ
მიმართავდნენ სხვისი სახელით. მას შემდეგ, როდესაც რესპოდენტებმა გაიხსენეს ასეთი შემთხვევები, ისინი მოათავსეს
სიტუაციაში, რომელიც მოდელირებული იყო გამოკითხულებსა და იმ ადამიანების ურთიერთობაზე, რომელიც
მიმართავდა მათ სხვა სახელით, ასევე იმ ადამიანთან ურთიერთობაზე, ვისი სახელითაც მიმართეს მათ.
მკვლევარებმა გამოარკვიეს, რომ ჩვენ მიდრეკილება გვაქვს აგვერიოს ორი ადამიანის სახელი მაშინ, როდესაც ორივეს
მიმართ გვაქვს მსგავსი დამოკიდებულება. მაგალითად, თქვენ შეიძლება მასწავლებელს დაუძახოთ „მამა“, იმიტომ რომ
ორივე ეს ადამიანი თქვენთვის არის მამაკაცური ავტორიტეტის განსახიერება. კიდევ ერთი შედარებით გავრცელებული
შეცდომა – როდესაც თქვენს შეყვარებულს მიმართავთ ძველი შეყვარებულის სახელით – ეს ხდება მსგავსი მიზეზის გამო:
ახლო და მიმნდობი დამოკიდებულება ერთი ადამიანის მიმართ მომენტალურად შეერევა ხოლმე მიმნდობ, თბილ და
ახლო ურთიერთობაში მეორე ადამიანთან.
ადამიანები იშვიათად უშვებენ მსგავს შეცდომებს, როდესაც საქმე ეხება სრულიად განსხვავებულ ტიპებს. ასე მაგალითად,
ძალიან მცირეა იმისი ალბათობა, რომ თქვენ მასწავლებელს დაუძახებთ თქვენი ძველი მეგობრის სახელს, მიუხედავად
იმისა, რომ შესაძლოა თქვენ მასთან გაქვთ გაცხარებული ინტელექტუალური კამათი, ხოლო ასეთი გაცხარებული
კამათები თქვენს მეგობართანაც გქონიათ.
რა მნიშვნელობა აქვს მსგავს შეცდომებს? ითვლება, რომ ჩვენი სოციალური ურთიერთობების და სხვა ადამიანების აღქმის
კოგნიტური სტრუქტურები ორგანიზებულია ჩვენს მეხსიერებაში არა მხოლოდ ამ ადამიანების მიმართ, ასევე ჩვენი
სოციალური ურთიერთობების ბუნებით მათ მიმართ. ამგვარად, ერთერთი მიზეზი, რომ ჩვენ ადამიანები ერთმანეთში
გვეშლება, მდგომრეობს იმაში, რომ რომელიმე მეგობრის შესახებ ინფორმაცია ინახება მეორე ადამიანის ინფორმაციის
გვერდით და ჩვენ უნებურად ვიღებთ არასწორ ინფორმაციას – ასეთ შემთხვევაში არასწორ სახელს.
კონტექსტის გავლენა
გარკვეულ კონტექსტში, ჩვენი საკუთარი როლი ასევე ახდენს გავლენას იმაზე, თუ რა შეხედულებებს
ვაყალიბებთ სხვა ადამიანების შესახებ. ამ მოვლენის ჩვენების დროს ელაიკმა და კლოცმა (Alicke,
Klotz, 1993) შეთავაზეს ექსპერიმენტში მონაწილეებს, რომ პარტნიორებთან ურთიერთობისას
მოქცეულიყვნენ როგორც ინტრავერტები ან ექსტრავერტები. ადამიანები, რომლებსაც შეთავაზეს
ინტრავერტული ქცევა, ძირითადად აფასებდნენ პარტნიორებს, როგორც ექსტრავერტებს, ხოლო მათ,
ვისაც შეთავაზეს ექსტრავერტის ქცევა, თავიანთ პარტნიორებში უფრო ინტროვერტები დაინახეს.
ნათელია, რომ მონაწილეებმა ვერ შეძლეს ყურადღება მიექციათ თავიანთი საკუთარ როლისთვის
პარტნიორის ქცევის ფორმირებაში.
როდესაც დაკავებულები ვართ – კერძოდ, როდესაც ჩვენი ყურადღება მიპყრობილია სხვა რამეზე, –
ჩვენ სავარაუდოდ აღვიქვამთ სხვა ადამიანების პიროვნულ თვისებებს, როგორც ხასიათის მყარ და
მუდმივ თვისებებს. როდესაც ვისმენთ პროფესორის მოსაწყენ ლექციას, ჩვენ შეიძლება მივიდეთ
დასკვნამდე, რომ მას ახასიათებს მოწყენილობა და არ გააჩნია იუმორის გრძნობა, ნაცვლად იმისა
ვიფიქროთ, რომ მას ასეთად ხდის მისი როლი, ყოველ შემთხვევაში არა ხანგრძლივად. ასეთი
შეცდომა ხდება იმიტომ, რომ ადამიანები არ ითვალისწინებენ გარემოს გავლენას ადამიანების ქცევაზე
და ამგვარად, რჩებათ მცდარი შთაბეჭდილება სხვა ინდივიდების შესახებ (Osbourne, Gilbert, 1992;
Gilbert, Tafarodi & Malone, 1993).
შთაბეჭდილების ინტეგრირება
შეფასება
ეს მომენტი ნაჩვენები იყო კლასიკურ კვლევაში, რომელიც ჩაატარეს ოსგუდმა, სუჩიმ და ტანენბაუმმა
(Osgood, Suci & Tannenbaum, 1957) გაზომვის მეთოდის გამოყენებით, რომელსაც ეწოდება
სემანტიკური დიფერენციალი. მოცემული კვლევის დროს მონაწილეებს მისცეს დამახასიათებელი
თვისებების სია, რომელიც წყვილებად იყო დაჯგუფებული და თხოვეს მიეთითებინათ, თუ რომელი
თვისება აღწერს შედარებით ზუსტად გარკვეული ტიპის ადამიანებს და საგნებს. სია შედგენილი იყო
ისეთი წყვილური მახასიათებლებისგან, როგორიც არის ბედნიერი–მოწყენილი, კარგი–ცუდი,
10
ძლიერი–სუსტი და თბილი–ცივი. შეფასების უმრავლესობა დადიოდა 3 ძირითად განზომილებამდე:
შეფასებითი (კარგი–ცუდი), ძალა (ძლიერი–სუსტი) და აქტიურობა (აქტიური–პასიური). როდესაც
გარკვეული ადამიანი ან საგანი ფასდებოდა ამ სამი განზომილების თვალსაზრისით, დამატებითი
შეფასებები იძლეოდნენ მხოლოდ მცირე რაოდენობის ახალ ინფორმაციას. სხვა სიტყვებით რომ
ვთაქვათ, თუ ჩვენ ვიცით, რომ ვიღაცა აფასებს „დედას“, როგორც ძალიან კარგს, საკმაოდ ძლიერს და
ცოტაოდენ პასიურს, ჩვენ მხოლოდ ცოტა მეტი რამის გაგებას შევძლებთ „დედის“ ხატის შესახებ, თუ
მივმართავთ დამატებით შეფასებებს. სამი ძირითადი მაჩვენებლის განმსაზღვრელი როლი ნათლად
ჩანს მრავალი განსხვავებული კულტურის წარმომადგენლების აღქმაში (Osgood, 1977; Osgood, May &
Miron, 1975). სამივე განზომილებიდან შეფასებითი არის ყველაზე მნიშვნელოვანი მაჩვენებელი,
რომელიც საფუძვლად უდევს აღქმას; ძალა და აქტიურობა შედარებით ნაკლებ როლს თამაშობს.
პოზიტიური მიკერძოებულობა
ადამიანის აღქმის ზოგადი შეფასებითი შეცდომა იმაში მდგომარეობს, რომ ჩვენ მიდრეკილება გვაქვს
ადამიანებს მივცეთ დადებითი შეფასება – ამ მოვლენას ეწოდება პოზიტიური მიკერძოებულობა
(Sears, 1983a). მაგალითად ერთერთი კვლევის დროს სტუდენტებმა დადებითი შეფასება მისცეს
თავიანთი კოლეჯის პედაგოგების 97%–ს (უნდა შევნიშნოთ, რომ შეფასების სკალის მიხედვით ეს არის
საშუალოზე მაღალი მაჩვენებელი), მიუხედავად იმისა, რომ მათი შთაბეჭდილება, რომელსაც
იღებდნენ ლექციების დროს, სრულიად სხვადასხვაგვარი იყო (Sears, 1983a). ასეთივე სახით
საზოგადოებრივი აზრის გამოკითხვა გვიჩვენებს, რომ დამოუკიდებელი პოლიტიკური ლიდერები
ხშირად იღებენ თავიანთ საქმიანობაზე დადებით შეფასებებს, ვიდრე კრიტიკულს (Sears, 1985).
11
ნეგატიურობის ეფექტი
ემოციური ინფორმაცია
ის, რაც უკვე ითქვა ნეგატიური ინფორმაციის გავლენაზე, ასევე სამართლიანია ემოციურად
შეფერილი ინფორმაციისთვისაც, რომელსაც ასევე ამჩნევენ ადამიანები და აქტიურად იყენებენ
თავიანთ მსჯელობებში სხვა ადამიანების შესახებ. ჩვენ ვაკეთებთ დასკვნებს, თუ რას წარმოადგენენ
სხვა ადამიანები, მათ მიერ გამოხატული ემოციების საფუძველზე. სინამდვილეში ემოციური
ინფორმაცია – ეს არის ინფორმაცია, რომლის იგნორირება ძნელია სხვა ადამიანების აღქმის დროს
(Edwards, Bryan, 1997). ინფორმაციის გადამუშავების პროცესზე ასევე ხდენს გავლენას, თუ
კონკრეტულად რომელი ემოცია გადაეცემა დასაკვირვებელ ობიექტს. ერთერთ კვლევაში
მონაწილეებს უჩვენებდნენ ვიდეოჩანაწერს ადამიანზე, რომელიც იყო წყნარ, მხიარულ ან
გაღიზიანებულ ხასიათზე. მხიარული ხასიათი იწვევდა ინფორმაციის სწრაფ ევრისტიკულ
სტერეოტიპულ გადამუშავებას მოცემული ადამიანის თავისებურებების შესახებ, მაშინ, როდესაც
მშვიდ ხასიათზე ყოფნა განსაზღვრავდა დასაკვირვებელი ადამიანიდან წამოსული ინფორმაციის
უფრო სისტემურ დამუშავებას. გაღიზიანების გამოვლენა ააქტიურებდა ინფორმაციის გადამუშავების
12
გზას, რომელიც რაღაცა საშუალო იყო იმ ორ ხასიათს შორის (Ottati, Terkildsen & Hubbard, 1997).
თუმცა, იმ შემთხვევაში, როდესაც ადამიანები მაღალ პასუხისმგებლობას გრძნობენ თავიანთი
დასკვნების მიმართ, განსჯის ფორმირების პროცესი ატარებს უფრო სისტემურ ხასიათს, მიუხედავად
კონკრეტული სიტუაციების ემოციური სტიმულებისა (Lerner, Goldberg & Tetlock, 1998; Ottati et al.,
1997).
გაშუალების პრინციპი
ცხრილი 3.2.
ასევე გამოთქვამენ ვარაუდებს, რომ დასკვნის ფორმირება ხდება ადიტიური პრინციპის საფუძველზე,
რომელიც იმაში მდგომარეობს, რომ ადამიანები აერთიანებენ ინფორმაციის ცალკეულ ფრაგმენტებს,
რომლის შეფასების ქულებსაც ერთმანეთს უმატებენ და არ აშუალებენ მას. განსხვავება მაშინ ჩნდება
ხოლმე, როცა ადამიანი იღებს ინფორმაციის ორ ფრაგმენტს, რომელიც 0-ოვანი წერტილიდან ხაზის
ერთ მხარეს იმყოფება, მით უმეტეს, თუ ერთერთი უფრო აშკარაა, ვიდრე მეორე. დავუშვათ, რომ
სიუზენს ძალიან მოეწონა ჯონი (+6), მაგრამ შემდეგ მან გაიგო მის შესახებ რაღაც ახალი ინფორმაცია,
რომელიც მხოლოდ ოდნავ სასურველია, მაგალითად იგი არის „წინდახედული“ (+1). გაშუალების
პრინციპის თანახმად სიუზენს ჯონი ნაკლებად უნდა მოწონებოდა, რადგან საშუალო ქულა (+3.5)
13
ნაკლებია, ვიდრე საწყისი ქულა (6). მაგრამ ადიტიური პრინციპის თანახმად სიუზენს იგი მოეწონება
კიდევ უფრო მეტად, რადგან ნებისმიერი დადებითი ინფორმაციის მიმატება უკვე არსებულ დადებით
შთაბეჭდილებასთან, მის შთაბეჭდილებას ქმნის კიდევ უფრო სასურველს.
მიწერილი მნიშვნელობა
მიწერილი მდგრადობა
ადამიანები აყალიბებენ სხვა ადამიანების შესახებ მყარ შეფასებით მახასიათებლებს, მაშინაც კი,
როდესაც მათ აქვთ ინფორმაციის მხოლოდ რამდენიმე ფრაგმენტი. ის, რომ შეფასება არის ადამიანის
14
აღქმის შედარებით მნიშვნელოვანი პარამეტრი, გასაკვირი არ არის, რომ ჩვენ გვახასიათებს
ადამიანების კარგებად და ცუდებად დაყოფა და არ ამოვდივართ ერთდროულად ორივე თვისებიდან.
ამგვარად, ჩვენ შეგვიძლია გავაგრძელოთ ადამიანების სხვა თვისებების აღქმა, რომელიც შეესაბამება
ძირითად შეფასებას. შეფასების სიმტკიცის ამ ტენდენციას უწოდებენ ჰალო–ეფექტს. თუ ჩვენ
მოგვწონს ადამიანი, მაშინ ჩვენ ვასკვნით, რომ ის მიმზიდველია, ჭკვიანია, კეთილშობილია და ა.შ. თუ
იგი ცუდია, მაშინ ჩვენ მივიჩნევთ მას უსინდისოდ, მახინჯად და უუნაროდ.
სქემები
მე–2 თავში ჩვენ შემოვიტანეთ სქემების ცნება, რომელიც არის განსჯის ორგანიზებული,
სტრუქტურირებული ერთობლიობა და მოიცავს ობიექტის შესახებ გარკვეულ ცოდნას, მასთან
დაკავშირებულ სხვადასხვა განსჯებს შორის კავშირებს და ზოგიერთ სპეციფიკურ მაგალითებს
(Taylor, Crocker, 1981). სქემები გვეხმარება დავამუშავოთ ინფორმაციის რთული ბლოკები მისი
გამარტივების და ორგანიზების თვალსაზრისით. ისინი გვეხმარებიან გავიხსენოთ და ორგანიზება
გავუკეთოთ დეტალებს, ავხსნათ და შევაფასოთ ახალი ინფორმაცია, შევამციროთ ინფორმაციის
დამუშავების დრო, შევავსოთ ჩვენს ცოდნაში ცარიელი ადგილები. სქემების ცალკეული სახეები
მონაწილეობენ სხვა ადამიანების შესახებ შთაბეჭდილების ჩამოყალიბების დროს აღქმის პროცესში.
15
პიროვნული სქემები სტრუქტურებია, რომლებიც ეხება ადამიანებს. მათ შეუძლიათ გულისყური
მიაპყრონ კონკრეტულ ადამიანს, მაგალითად აბრაამ ლინკოლნს. მოცემულმა სქემამ შეიძლება
ჩაირთოს ისეთი ელემენტები, როგორიც არის წინდახედულება, პატიოსნება, მოვალეობების მიმართ
სერიოზული დამოკიდებულება და დაჩაგრული ადამიანებისადმი ზრუნვა.
კულტურული
ადამიანი
ფაქიზი ხელოვნების
ადამიანი მფარველი
სქემა 3.1. სქემა „კულტურული ადამიანი“. წყარო: გადმობეჭდილია Cantor & Mischel, 1979
არსებობს სხვა სქემები, რომლის ფოკუსში არიან ჯგუფები. შედარებით ცნობილია ჯგუფური
სტერეოტიპი, რომელსაც შეესაბამება გარკვეული დამახასიათებელი ნიშნები გარკვეული ჯგუფის
ადამიანებისთვის (უფრო დაწვრილებით სტერეოტიპები განიხილება მე-6 თავში). ჯგუფის სხვა
სქემები თავის თავში ჩაირთავენ ჯგუფის ლიდერის და ჯგუფის წარმომადგენლების სქემებს.
ადამიანები სხვა ადამიანების შესახებ თავიანთ შეხედულებებს აყალიბებენ იმის საფუძველზე, თუ რა
როლს ასრულებენ ისინი ჯგუფში. მაგალითად წამყვანი როლის შესრულებამ, მაშინაც კი თუ მას არ
გააჩნია შესაბამისი უფლება, ძალაუფლება, ავტორიტეტი და პასუხისმგებლობა, შეიძლება აქტივაცია
გაუკეთოს როლურ სქემებს, გაააქტიუროს როლური სქემა, რასაც მივყევართ ჯგუფის საქმიანობაზე
პასუხისმგებლობის უფრო მაღალი დონის გადაწყვეტამდე ( Kerr, Stanfel, 1993).
16
პროტოტიპი. სხვა ადამიანების შესახებ შეხედულებების ჩამოყალიბების დროს ჩვენ ხშირად ვიყენებთ
სქემის პროტოტიპს. პროტოტიპი არის სქემის აბსტრაქტული იდეალი. მაგალითად, თუ განვიხილავთ
ფეხბურთელის კატეგორიას, ნათელი გახდება, რომ ჩვენ მხოლოდ აბსტრაქტული წარმოდგენა გვაქვს,
თუ როგორი ფიგურა აქვს სპორტსმენს, რა საქმიანობას ეწევა თავისუფალ დროს და შესაძლოა იმის
შესახებაც, თუ რომელ სტუდენტურ ორგანიზაციას ეკუთვნის იგი. როდესაც თქვენ ახალ ადამიანს
აკუთვნებთ ფეხბურთელის კატეგორიას, თქვენ მისი განმასხვავებელი თვისებები შეგიძლიათ
შეადაროთ იმას, რომელიც აქვს ამ სქემის სტერეოტიპს.
ამგვარად ჩვენ განვიხილეთ აღქმა, როგორც სხვა ადამიანების შესახებ ინფორმაციის მიღების
რაციონალური პროცესი და მისი ორგანიზება გარკვეულ პრინციპებთან შესაბამისობაში. ჩვენი
მიზნები და გრძნობები სხვა ადამიანების მიმართ, ასევე ახდენს გავლენას იმაზე, თუ რომელ
ინფორმაციას ვირჩევთ.
მიზნები
ერთერთი ფაქტორი, რომელიც გავლენას ახდენს სხვა ადამიანების შესახებ ინფორმაციის შეკრების
პროცესზე, არის მიზნები, რომელსაც ვისახავთ მათთან ურთიერთობის დროს. ერთერთ კვლევაში,
რომელიც ჩაატარა კლეინმა და კუნდამ (Klein, Kunda, 1992), მონაწილეებს უთხრეს რომ სტუდენტი
იქნება მათი პარტნიორი ან ოპონენტი თამაშში. ის, ვისაც მოლოდინი ქონდა, რომ სტუდენტი
იქნებოდა პარტნიორი, მასში ხედავდნენ მაღალი უნარების მქონე ადამიანს, მაშინ, როდესაც ისინი
ვინც სტუდენტს თვლიდნენ ოპონენტად, მას განიხილავდნენ როგორც დაბალი უნარების მქონე
ადამიანს. სპეციალურად მოდელირებული შოუ-ვიქტორინის დროს სტუდენტთან ურთიერთობის
შემდეგ, რომლის დროსაც სტუდენტი ზოგ კითხვაზე პასუხობდა სწორად, ზოგ კითხვზე არასწორად,
17
მონაწილეების შთაბეჭდილებები ყალიბდებოდა მათი მოლოდინების შესაბამისად. ის, ვინც
სტუდენტს განიხილავდა, როგორც პარტნიორს, თვლიდნენ მას უფრო საზრიანად, ხოლო ისინი, ვინც
ოპონენტად თვლიდა, განიხილავდა მას ნაკლებ მოსაზრებულად. მიუხედავად იმისა, რომ სტუდენტი
აბსოლუტურად ერთნაირად პასუხობდა კითხვებს ორივე შემთხვევაში.
ბოლო თავში ჩვენ წამოვწიეთ ინფორმაციის ორმაგი დამუშავების საკითხი, უფრო ზუსტად -
განსხვავება ევრისტიკულ სტრატეგიაზე დაფუძნებული ინფორმაციის სწრაფ გადამუშავებასა და
ინფორმაციის ნაწილ-ნაწილ უფრო სისტემატურ გამოყენებას შორის. ჩვენ აღვნიშნეთ, რომ ადამიანები
უფრო ხშირად იყენებენ ევრისტიკულ სტრატეგიაზე დაფუძნებულ ინფორმაციის სწრაფ
ცხრილი 3.3
გადამუშავებას, როდესაც დასკვნას მათთვის არ აქვს დიდი მნიშვნელობა, მაგრამ მათ გააჩნიათ უნარი
გადაერთონ ინფორმაციის სისტემატიზირებულ გადამუშავებაზე იმ შემთხვევებში, როდესაც დასკვნა
მნიშვნელოვანია მათთვის. ინფორმაციის ორმაგი გადამუშავების ეს პერსპექტივა მნიშვნელოვანია
სხვა ადამიანის აღქმის დროს. მაგალითად, ზოგჯერ ჩვენთვის აუცილებელია ზუსტი შთაბეჭდილების
ჩამოყალიბება. შევეცადოთ გადავჭრათ საკითხი, იქნება თუ არა კონკრეტული სტუდენტი ჩვენი
კოლეგა ლაბორატორიულ მეცადინეობებში; ქიმიაში ერთად მეცადინეობა ჩვენს მეგობარს ვთხოვოთ,
თუ სანდო ადამიანს მათემატიკის კლასიდან. სიზუსტის მოთხოვნილება ჩვეულებრივ ინიცირებას
უკეთებს ადამიანის შესახებ უფრო დეტალურ და ნაკლებად დამახინჯებული ინფორმაციის
შეგროვებას ( Boudreau, Baron & Oliver, 1992). ერთერთ კვლევაში (Neuberg, 1989) სტუდენტებს თხოვეს
ჩაეტარებინათ ინტერვიუ სამსახურში ასაყვან კანდიდატებთან. ნახევარს მიანიშნეს, რომ კანდიდატი
არასასიამოვნო ადამიანი იქნება, ხოლო მეორე ნახევარს არაფერი არ მიანიშნეს. გარდა ამისა, ზოგ
სტუდენტს თხოვეს ჩამოეყალიბებინათ ზუსტი შთაბეჭდილება ამ ადამიანზე, სხვებისთვის არ
უთხოვიათ. იმ სტუდენტებს, რომლებსაც არ დაუსახეს სიზუსტეზე ორიენტირებული მიზანი, ამ
ადამიანის შესახებ გაუჩნდათ საკმაოდ ნეგატიური შთაბეჭდილება, რომელიც შეესაბამებოდა წინასწარ
მოლოდინებს. მაგრამ იმ მონაწილეებს, რომლებსაც თხოვეს, რომ უფრო ზუსტები ყოფილიყვნენ,
გაუჩნდათ უფრო პოზიტიური შთაბეჭდილება, რომელიც ეწინააღმდეგებოდა საწყის მოლოდინებს,
რადგან გამოყენებული იყო ობიექტის შესახებ უფრო გულმოდგინე და ნაკლებად დამახინჯებული
ინფორმაციის შეკრების გზა. ამგვარად, სიზუსტის აუცილებლობას, ჩვეულებრივ მივყევართ
ინფორმაციის უფრო დეტალურ და სისტემატურ გადამუშავებამდე ადამიანის შესახებ, ვიდრე ეს
ხდება იმ შემთხვევებში, როდესაც სიზუსტე არ წარმოადგენს მიზანს (Chen, Shechter & Chaiken, 1996).
19
შთაბეჭდილებებს პოზიტიური, ნეგატიური ან ნეიტრალური შთაბეჭდილებით, იმის მიხედვით, თუ
როგორ განაწყვეს ისინი მკვლევარებმა ექსპერიმენტის დასაწყისში.
როდესაც ადამიანები ატყობინებენ მსმენელს ინფორმაციას ობიექტის შესახებ, ისინი არა მარტო
ცვლიან საკუთარ შეხედულებებს ობიექტის მიმართ, არამედ სისტემატიურად ახდენენ გავლენას
შთაბეჭდილებაზე, რომელიც უყალიბდება მსმენელს. ცნობილია, რომ როდესაც ჩვენ გადავცემთ
ინფორმაციას სხვა ადამიანის შესახებ, ჩვენ ჩვეულებრივ გავცემთ ინფორმაციას შემამსუბუქებელი
გარემოების შესახებ, რომელსაც შეუძლია გავლენა მოახდინოს მის ქცევაზე და ამის ნაცვლად ქცევას
წარმოვადგენთ, როგორც ობიექტის დამახასიათებელ თვისებებს. შედეგად მსმენელებმა შეიძლება
ჩამოაყალიბონ უფრო პოზიტიური ან ნეგატიური შეხედულება ობიექტის შესახებ, ვიდრე ამას
თვითონ მოსაუბრე გვაწვდის ( Baron, David, Brunsman & Inman, 1997).
აფექტური სტიმულები
ზოგჯერ ჩვენ საკუთარ შინაგან მდგომარეობას ვიყენებთ, როგორც საფუძველს სხვა ადამიანების
შესახებ შეხედულების ჩამოსაყალიბებლად, და ეს შეიძლება გახდეს სისტემატიური შეცდომის წყარო.
როდესაც ვართ ემოციების გავლენის ქვეშ, ადამიანებს უმეტესად აქვთ მიდრეკილება მიაქციონ
ყურადღება ემოციურ ინფორმაციებს და გამოიყენონ ისინი თავიანთ შთაბეჭდილებებში (მაგალითად,
Halberstadt, Niedenthal, 1997). მაგალითად, როდესაც ჩვენ აგზნებულები ვართ, ჩვენ მიდრეკილება
გვაქვს აღვიქვათ სხვა ადამიანები უფრო ექსტრემალურად, ვიდრე იმ შემთხვევებში, როდესაც
მშვიდად ვართ (Stangor, 1990). თუ თქვენ ეხლახან დაასრულეთ გაცხოველებული თამაში ტენისში და
ხვდებით ადამიანს, რომელიც თქვენზე ახდენს უსუფთაოს შთაბეჭდილებას. ამ ადამიანზე თქვენი
შთაბეჭდილება, როგორც უსუფთაოზე ალბათ კიდევ უფრო ძლიერი გახდება, ვიდრე იმ შემთხვევაში,
თუ ამ მას შეხვდებოდით წიგნის კითხვის შემდეგ.
კიდევ ერთი ფაქტორი, რომელიც გავლენას ახდენს სხვა ადამიანის შესახებ თქვენს აღქმაზე - არის
განწყობილება (Erber, 1991). როდესაც კარგ ხასიათზე ვართ, ადამიანებს აღვიქვამთ უფრო
პოზიტიურად, ხოლო როდესაც ცუდ ხასიათზე ვართ, ჩვეულებრივ, უფრო ნეგატიურად
განვიხილავთ მათ. ეს გავლენები განსაკუთრებით ძლიერია, როდესაც მეორე ადამიანის ქცევა
ნეიტრალურია (Stangor, 1990; Isen, 1999). ითვლება, რომ განწყობილება განსაკუთრებით დიდ
გავლენას ახდენს არაორდინალური ადამიანების შესახებ შეხედულებაზე, ვიდრე ორდინარულ
ადამიანებზე. მიზეზი იმაში მდგომარეობს, რომ ადამიანების განსხვავებულობა ხელს უწყობს
ინფორმაციის გაფართოებულ გადამუშავებას: მისაწვდომი ხდება ინფორმაციის დიდი მოცულობა და
დიდი დრო ეთმობა იმას, რომ განწყობილებამ მოახდინოს თავისი გავლენა ( Forgs, 1992).
20
განწყობილებამ შეიძლება მოახდინოს გავლენა არა მხოლოდ შთაბეჭდილების შინაარსზე, რომელსაც
ვაყალიბებთ ადამიანების შესახებ, არამედ მისი ჩამოყალიბების პროცესზე. როგორც უკვე ითქვა,
ადამიანების შესახებ დეტალური, პუნქტუალური, სისტემატური ინფორმაციის გადამუშავებასა და
ნაკლები ძალისხმევით და დროით ინფორმაციის კატეგორიალური დამუშავებას შორის, რომლის
საშუალებითაც ადამიანები აკეთებენ დასკვნებს სხვა ადამიანის თავისებურებების შესახებ მისი
რომელიმე სოციალური კატეგორიისადმი მიკუთვნებულობის საფუძველზე, არსებობს უზარმაზარი
განსხვავება. ნეგატიური განწყობილება ხშირად აიძულებს ადამიანებს, მიმართონ უფრო
ინფორმაციის ნაწილობრივი გადამუშავების გამოყენებას, ვიდრე კატეგორიალურის, იმ
შემთხვევებშიც კი, როდესაც კატეგორიალური ინფორმაცია მათთვის ხელმისაწვდომია. ადამიანებს,
რომლებიც იმყოფებიან პოზიტიურ განწყობილებაზე, მიდრეკილება აქვთ გამოიყენონ უფრო
კატეგორიებთან დაკავშირებული ინფორმაცია (Rdwards, Weary, 1993).
და ბოლოს შეგვიძლია ვთქვათ, რომ ძალიან ხშირად ადამიანების შესახებ ინფორმაციის ერთიანად
შეკრება მნიშვნელოვნად არის დამოკიდებული მოტივაციურ ფაქტორებზე. ამ ფაქტორების რიცხვს
შეიძლება მივაკუთვნოთ ჩვენს წინაშე დასახული გარკვეული მიზნები, აფექტური მდგომარეობა და
ასევე ადამიანის გარკვეული რწმენებისადმი მოტივაცია.
კაუზალური ატრიბუციის თეორია – ანუ უფრო ზუსტად რომ ვთქვათ, თეორია იმის შესახებ, რომ
ადამიანები როგორ და რატომ აკეთებენ დასკვნებს რაიმე მიზეზების შესახებ – 1958 წელს დაამუშავა
ფრიც ჰაიდერმა (Heider, 1958). იგი ამტკიცებდა, რომ ყველა ადამიანს გააჩნია ორი ძლიერი მოტივი:
სამყაროს გაგების მოთხოვნილება და გარე სინამდვილის კონტროლის მოთხოვნილება. იმისათვის,
რომ მივაღწიოთ გაგებას და კონტროლს, ჩვენ უნდა გვქონდეს უნარი ვიწინასწარმეტყველოთ სხვა
ადამიანების ქცევები. სხვაგვარად სამყარო ხდება შემთხვევითობებით, მოულოდნელობებით სავსე და
ბუნდოვანი.
22
პირველი მნიშვნელოვანი ფაქტორი, რასაც ადამიანი აქცევს ყურადღებას, სხვა ადამიანის ქცევის
მიზეზებზე შეხედულებების ჩამოსაყალიბებლად, არის ამ ქცევის სასურველობა სოციალურ პლანში.
სოციალურად არასასურველი ქცევა აყალიბებს ადამიანებში კონკრეტული ადამიანის თვისებების
შესახებ შეხედულებას მაშინ, როდესაც სოციალურად სასურველი ქცევა ნათლად არ ავლენს
პიროვნულ თვისებებს. მაგალითად, თუ ქეითი სამსახურში მოსაწყობად მოვიდა საზაფხულო ბანაკში
და იცის, რომ აღმზრდელის მიმართ მთავარი მოთხოვნაა ისეთი თვისება, როგორიც არის
ადამიანებთან კონტაქტი, მაშინ იგი გასაუბრებაზე მოიქცევა, როგორც ექსტრავერტის თვისებებით
აღჭურვილი ადამიანი; თუმცა ძნელი იქნება იმის გაგება, ნამდვილად ფლობს თუ არა კომუნიკაციურ
უნარებს თუ ცდილობს თავი მოგვაჩვენოს ასეთად, რათა დადებითი შთაბეჭდილება მოახდინოს
გასაუბრების დროს. თუმცა, თუ ქეითი მოიქცევა მორიდებულად და იქნება ჩაკეტილი, ადამიანი, ვინც
ატარებს გასაუბრებას, დარწმუნებით ჩათვლის, რომ ქეითი ინტროვერტია. მაშინ რატომ იქცეოდა იგი
ამგვარად, როდესაც სიტუაცია სხვაგვარ ქცევას ითხოვს?
კიდევ ერთი მნიშვნელოვანი პირობა, რომელიც გვეხმარება განვსაზღვროთ, ყალიბდება თუ არა ქცევა
ადამიანის დისპოზიციური თვისებების გავლენით, არის იმის ცოდნა, არის თუ არა ქცევა სოციალური
როლის ნაწილი. ქცევა, რომელიც დაკავშირებულია რაიმე როლთან, არ გვაძლევს დანამდვილებით
23
ინფორმაციას ადამიანის ძირითადი რწმენების და ქცევის თავისებურებების შესახებ. თუ მეხანძრე
გვეხმარება ცეცხლის ჩაქრობაში, ჩვენ არ ვაკეთებთ დასკვნას იმის შესახებ, რომ იგი ყოველთვის მზად
არის დაეხმაროს ადამიანებს; იგი უბრალოდ ასრულებს თავის სამუშაოს. მაგრამ თუ ცეცხლის
ჩაქრობაში ჩვენ გვეხმარება ქუჩიდან მოსული უცნობი, ჩვენ დარწმუნებით შეგვიძლია გავაკეთოთ
დასკვნა, რომ იგი ყოველთვის მზად არის ადამიანების დასახმარებლად.
ამგვარად, ჩვენ ადამიანების ქცევებს ვხსნით ჩვენი წინასწარი მოლოდინებით მათი ჭშმარიტი
მიდრეკილებების საფუძველზე (Jones, McGilles, 1976). მაგალითად, თუ თქვენ იცით, რომ თქვენი
ოთახის მეზობელი მხარს უჭერს ლიბერალურ პოლიტიკურ მოსაზრებებს, მაგრამ ხედავთ, რომ
სადილის დროს თავის დაქნევით ეთანხმება თავისი მშობლების კონსერვატიულ შეხედულებებს, ეს
ხელს არ შეგიშლით ისევ გჯეროდეთ მისი ლიბერალური შეხედულებების. თქვენ უბრალოდ ხედავთ
მისი დათანხმების გარეგან ატრიბუციას და შეაფასებთ მას, როგორც მცდელობას, რომ თავიდან
აიცილოს კამათი მშობლებთან.
ამგვარად, შეგვიძლია აღვნიშნოთ, რომ ჩვენ ხშირად ვამჟღავნებთ სურვილს გავიგოთ, თუ რატომ
ახორციელებს რომელიმე ადამიანი ამა თუ იმ ქცევას. ჩვენი ატრიბუციული ძიების მიზანი არის
დისპოზიციური ატრიბუცია, ანუ მცდელობა განვსაზღვროთ მუდმივი შინაგანი თვისებებს, რომელიც
ახასიათებს კონკრეტულ ადამიანს, და რითაც აიხსნება მოცემული ქცევა. იმისათვის, რომ მივაღწიოთ
დისპოზიციურ ატრიბუციას, ჩვენ ამ ადამიანის შესახებ ვიყენებთ როგორც მოცემული სიტუაციიდან
მიღებულ საკვანძო სიგნალებს, ასევე ჩვენს წარსულ ცოდნას მის შესახებ; ერთად შეკრებილი ეს
ინფორმაცია გვეხმარება გავაკეთოთ დასკვნა ადამიანების დისპოზიციურ თვისებებზე მათ ქცევაზე
დაკვირვებით.
წარმოიდგინეთ, რომ თქვენი მეგობარი მერი გიყვებათ კომიკოსის შესახებ, რომელიც ცოტა ხნის წინ
ნახა. იგი ამბობს, რომ ის იყო ყველაზე სასაცილო კომიკოსი, რომელიც ოდესმე უნახავს და თქვენ
აუცილებლად უნდა ნახოთ იგი. მანამ, სანამ ამას გააკეთებთ, თქვენ შეიძლება გაგიჩნდეთ სურვილი
გაარკვიოთ, მართლა ასეთი სასაცილოა ეს კომიკოსი თუ იმ საღამოს თითონ მერის ქცევა ან სიტუაცია
იყო უჩვეულო, მაგალითად განწყობილება, ან ადამიანები, ვისთანაც ერთად იყო წარმოდგენაზე,
სასმელი და ა.შ.
24
კელიმ ივარაუდა, რომ ჩვენ სულ ცოტა სამ კითხვას დავსვამთ:
3. არის თუ არა ეს ქცევა უცვლელი? მერის ამგვარი რეაგირება კომიკოსზე მხოლოდ ამ საღამოს იყო
გამოწვეული თუ იგი შემდეგშიც ძალიან სასაცილოდ ჩათვლის მას?
დარწმუნებით რომ დავასკვნათ, რომ სწორედ ეს კომიკოსი გახდა მერის ასეთი აღფრთოვანებული
რეკომენდაციის მიზეზი, უნდა მივიღოთ ტესტის შემდეგი შედეგები: მაღალი განსხვავებულობა,
მაღალი უცვლელობა და მაღალი შეთანხმებულობა. მისი რეაქცია უნდა განსხვავდებოდეს სწორედ ამ
კომიკოსთან მიმართებაში და არა სხვა კომიკოსებთან; იგი უნდა მოეწონოს ასევე სხვა ადამიანებსაც;
მერი ისევე უნდა მოიქცეს სხვა შემთხვევებშიც ამ კომიკოსის მიმართ. იმისათვის, რომ ჩამოაყალიბო
შინაგანი ატრიბუცია – ანუ დარწმუნდე, რომ მისი სიცილის მიზეზი ისევ თვითონ არის და არა
კომიკოსი – ჩვენ უნდა დავინახოთ დაბალი განსხვავებულობა, დაბალი შეთანხმებულობა და დაბალი
უცვლელობა: მერი იცინის ყველა კომიკოსზე, სხვა არავინ არ იცინის ამ კომიკოსზე და იგი საერთოდ
ისეთი ადამიანია, რომელიც სულ იცინის. მოცემული პროგნოზები ილუსტრირებულია 3.4. ცხრილში.
კელის თეორიის ძირითადი ვარაუდები და უცვლელობის, შეთანხმებულობის და განსხვავებულობის
გამოყენება კაუზალური ატრიბუციის გასაგებად ფართოდ იყო დამტკიცებული კვლევებში.
ცხრილი 3.4
მისაწვდომი ინფორმაცია
განსხვავებულობა შეთანხმებულობა უცვლელობა შედარებით
პირობები გავრცელებული
ატრიბუციები
1 მაღალი – იგი სხვაზე მაღალი – ყველა სხვა მაღალი – იგი მასტიმულირებელი
არავიზე არ იცინოდა დანარჩენი ყოველთვის ობიექტი: კომიკოსი
მაყურებელიც იცინის ამ (61%)
იცინოდა კომიკოსზე
2 დაბალი – იგი დაბალი – საეჭვოა, მაღალი – იგი მერის პიროვნება
ყოველთვის იცინის რომ სხვებსაც ეცინათ ყოველთვის (86%)
კომიკოსებზე იცინის ამ
კომიკოსზე
3 მაღალი – იგი სხვაზე დაბალი – საეჭვოა, დაბალი – იგი კონტექსტი (72%)
არავიზე არ იცინოდა რომ სხვებსაც ეცინათ თითქმის
არასოდეს არ
იცინოდა მასზე
წყარო: ადაპტირებულია Mc Artthur- დან (1972).
25
ზოგჯერ არსებობს რაიმე მოქმედების რამდენიმე შესაძლო მიზეზობრივი ახსნა და ჩვენ მოგვეთხოვება
განვსაზღვროთ, თუ რომელი ატრიბუციაა სწორი. 1972 წელს კელიმ განსახილველად შემოგვთავაზა
კაუზალური ატრიბუციის ჩამოყალიბების მეორე მთავარი პრინციპი, სახელწოდებით გაუფასურების
პრინციპი. ჩვენ ნაკლები ალბათობით შევუსაბამებთ რაიმე შედეგს ნებისმიერ კონკრეტულ მიზეზს,
თუ არის ალბათობა, რომ არსებობს ერთზე მეტი პოტენციური მიზეზი. როდესაც დაზღვევის აგენტი
თავაზიანია ჩვენს მიმართ და გვთავაზობს ყავას, ჩვენ შეიძლება არ დავასკვნათ, რომ მას
მეგობრულობა ახასიათებს. პირიქით, შესაძლოა გაგვიჩნდეს ეჭვი, რომ აგენტს ჩემი ბიზნესი
აინტერესებს. თუ უცნობ ქალს მოაქვს ჩვენთვის ჭიქით წყალი და ნამცხვარი, მანამ ველოდებით
ავარიის შემდეგ პოლიციის მოსვლას, ჩვენ დავასკვნით, რომ იგი კეთილია; მას სხვა არავითარი
მიზეზი არ გააჩნია რომ ჩვენს მიმართ თავაზიანი იყოს. ზოგადად ყალიბდება წარმოდგენა, რომ
კვლევის შედეგად მიღებული ცნობები ნამდვილად შეესაბამება მოდელებს, რომელიც აღწერილია
კოვარიაციის და გაუფასურების პრინციპებში ( Cheng, Novik, 1990; Morris, Larreck, 1995).
ატრიბუციის შეცდომა
26
სიტუაციის ძალას (ანუ, პოზიციის არჩევის შესაძლებლობის არქონა). ჯონსის და ჰარისის ორ
ერთმანეთის მსგავს ექსპერიმენტში მიღებული მონაცემები წარმოდგენილია 3.5. ცხრილში.
ცხრილი 3.5.
28
დისპოზიციურ თვისებებს, მაგრამ როდესაც ვხსნით საკუთარ ქცევას, ჩვენ სიტუაციურ ფაქტორებზე
ვაკეთებთ აქცენტს (Jones, Nisbett, 1972).
სხვა ახსნა იმაში მდგომარეობს, რომ განსხვავება შეიძლება განპირობებული იყოს სხვადასხვა
თვალსაზრისით. დამკვირვებლის ვიზუალურ ველში დომინირებს შემსრულებელი ადამიანი და
მისმა განსაკუთრებულმა განსხვავებულობამ შეიძლება მიგვიყვანოს იქამდე, რომ დამკვირვებელი
გადააფასებს შემსრულებლის ქცევას, რომელიც განპირობებულია მისი პიროვნული
თავისებურებებით. მაგრამ შემსრულებელი ადამიანი უყურებს არა საკუთარ ქცევას, არამედ
სიტუაციას - ადგილს, სხვა ადამიანებს, მათ მოლოდინებს და ა.შ. შემსრულებლისთვის საკუთარი
ქცევა არ არის ისე შესამჩნევი, როგორც დამკვირვებლისთვის – პირიქით, მისთვის სიტუაცია უფრო
შესამჩნევია და ამგვარად, უფრო დამაჯერებელია მომხდარის მიზეზის ახსნის თვალსაზრისით.
29
მცდარი დათანხმება
რატომ ჩნდება მცდარი დათანხმების ეფექტი? ერთერთი შესაძლო მიზეზი იმაში მდგომარეობს, რომ
ადამიანები ეძებენ იმ ადამიანების საზოგადოებას, რომლებიც მათ გვანან და იქცევიან ისე, როგორც
ისინი (Krueger, Zeiger, 1993). შესაბამისად სხვა ადამიანების რწმენების ან ქცევების შეფასებები
შეიძლება უბრალო ასახვა აღმოჩნდეს ადამიანების მცდარი არჩევანისა, რომელიც მისაწვდომია
სოციალური შეხედულებების ჩამოსაყალიბებლად. მეორე მიზეზი მდგომარეობს იმაში, რომ
საკუთარი აზრი ჩვენთვის შედარებით მნიშვნელოვანია, ამიტომ ჩვენი რწმენები კონსენსუსის
თვალსაზრისით ძლიერდება, რადგანაც ჩვენი საკუთარი პოზიცია – ერთადერთია, რომელზეც ჩვენ
ვფიქრობთ (Marks, Miller, 1987). მესამე შესაძლებლობა იმაში მდგომარეობს რომ, როდესაც ვცდილობთ
წინასწარ განვსაზღვროთ საკუთარი ქცევა ან გავიაზროთ გარკვეული სიტუაციები, გონებაში
სისტემატიზირებას ვუკეთებთ დეტალებს, რაც ორმაგი ახსნის დაშვების შესაძლებლობას იძლევა იმ
საშუალებების, რომელიც ხელს შეუწყობდა მოქმედების არჩეულ გზას. ჩვენ არ შეგვიძლია გავიგოთ,
რომ საკუთარი არჩევანი – ეს არა მარტო ობიექტური სიტუაციის რაიმე ფუნქციაა, არამედ ამ
სიტუაციის ჩვენეული ინტერპრეტაციის გამოვლენაა (Gilovich, 1990). მაგალითად, თუ ადამიანი
წარმოიდგენს, რომ სხვა ადამიანები დასცინებენ და თითს გაიშვერენ მისკენ სარეკლამო აბრის
ტარების დროს, მაშინ ყველაზე უფრო სავარაუდოა, რომ იგი უარს იტყვის მის ტარებაზე და ჩათვლის
რომ სხვებიც იგივეს გააკეთებენ, რადგან იგივე განცდა ექნებათ. მეოთხე შესაძლო მიზეზი იმაში
მდგომარეობს, რომ ადამიანებს აუცილებლად ჭირდებათ ჩათვალონ თავიანთი რწმენები და ქცევები,
რომ კარგია, ადექვატურია და ტიპიურია და ამიტომ შეუსაბამებენ ისინი სხვა ადამიანების რწმენებს
და ქცევებს თავისას, იმისათვის რომ შეინარჩუნონ საკუთარი ღირსების განცდა. კვლევები აჩვენებენ,
რომ ყველა ჩამოთვლილმა ახსნებმა შეიძლებმა გარკვეული როლი შეასრულოს მცდარი დათანხმების
ეფექტის წარმოქმნაში (Fabrigar, Krosnik, 1995; Marks, Miller, 1987).
30
ვგრძნობდეთ, რომ ჩვენ სხვებისაგან განვსხვავდებით და ზოგიერთი ჩვენი უნარი არის უნიკალურად
კარგი. ამგვარად, მაღალ დონეზე შეფასებული ჩვევები და უნარები არის მცდარი უნიკალურობის
ეფექტის დემონსტრირება, მაშინ, როცა განწყობები და მოსაზრებები უფრო მეტად ასახავენ მცდარი
დათანხმების ეფექტს.
საერთოდ არსებობს ბევრი ცნობა იმის შესახებ, რომ ადამიანები წარმატებებს იღებენ საკუთარ თავზე,
ხოლო წარუმატებლობისათვის არ იღებენ პასუხისმგებლობას. ზოგჯერ ადამიანებს სურთ აიღონ
საკუთარ თავზე პასუხისმგებლობა დამარცხებაზე, განსაკუთრებით მაშინ, როდესაც შეუძლიათ
მიაკუთვნონ იგი რაიმე მათ კონტროლს დაქვემდებარებულ ფაქტორს, მაგალითად ძალისხმევას.
როდესაც ამგვარად იქცევიან, მათ შეუძლიათ შეინარჩუნონ რწმენა, რომ მომავალში აღარ ექნებათ
ასეთი წარუმატებლობა. მიუხედავად იმისა, რომ ატრიბუციული წინასწარგანწყობა საკუთარი „მე“–ს
სასარგებლოდ მუშაობს უფრო სწრაფად და ფაქტებისგან დამოუკიდებლად, სინამდვილეში იგი
შეიძლება საკმაოდ ადაპტიური იყოს. წარმატების შესაბამისობამ საკუთარ ძალისხმევასთან,
განსაკუთრებით თუ ეხება მათი ხასიათის უცვლელ თვისებებს, შეიძლება მიგვიყვანოს იქამდე, რომ
ადამიანები დიდი ალბათობით შეეცდებიან მომავალშიც შეასრულონ მსგავსი დავალებები (იხ. Taylor
& Brown, 1988). მაგალითად, ერთერთი კვლევის ფარგლებში დადგენილი იყო, რომ უმუშევრები,
რომლებიც თავიანთ გათავისუფლებას უკავშირებდნენ გარეგან ფაქტორებს, დიდ ძალისხმევას
ხარჯავდნენ იმაზე, რომ ეშოვათ ახალი სამსახური და ნამდვილად ქონდათ მისი შოვნის უკეთესი
შესაძლებლობები ვიდრე მათ, ვინც გათავისუფლებას უკავშირებდა თავის პიროვნულ თვისებებს
(Schaufeli, 1988).
31
შეცდომები: საიდან მოდიან ისინი?
რატომ ჩნდება ერთი და იგივე შეცდომებია ტრიბუციის პროცესში? ამისათვის რამდენიმე მიზეზი
არსებობს. ზოგიერთი მათგანი არის კოგნიტური მექანიზმი, ანუ ის საშუალებები, რომლებიც სწრაფად
იჭრებიან ინფორმაციის მასაში, რათა მიაღწიონ დამაკმაყოფილებელ ახსნას. ტენდენციას, დავუთმოთ
ყურდღება აშკარა სტიმულს და ქცევა დავიყვანოთ შინაგან დისპოზიციამდე, შეუძლია აქციოს
კაუზალური ატრიბუციის ჩამოყალიბების პროცესი უფრო სწრაფი და ეფექტური. სხვა ატრიბუციული
შეცდომები ჩნდება ადამიანების მცდელობის შედეგად, დაიკმაყოფილონ საკუთარი მოთხოვნილებები
და მოტივები. გარე რეალობის ნათლად გაგების მოთხოვნილების გარდა არსებობს აუცილებლობა,
თავი იგრძნო კარგად. წინასწარ განწყობა საკუთარი „მე“–ს სასარგებლოდ და მცდარი დათანხმება
აძლიერებს საკუთარი ღირსების გრძნობას და განამტკიცებს იმის წარმოდგენას, რომ ჩვენ შეგვიძლია
ჩვენი ცხოვრების კონტროლი. ამგვარად, ჩვენი ატრიბუციული დამახინჯებები ჩნდება კოგნიტური და
მოტივაციური მოთხოვნილებების კომბინაციის შედეგად.
შთაბეჭდილების სიზუსტე
დამკვირვებლის თვალსაზრისი
პიროვნების აღქმის ერთერთი უფრო საინტერესო ასპექტია ის ფაქტი, რომ სხვადასხვა ადამიანი,
რომლებიც აკვირდებიან ერთსა და იმავე ადამიანს, შეიძლება მივიდნენ სრულიად განსხვავებულ
დასკვნებამდე მისი პიროვნების შესახებ. თუ დავაკვირდებით მოლაპარაკე, მხიარულ და კონტაქტურ
ახალგაზრდა ქალს, ერთმა ადამიანმა შეიძლება დაასკვნას, რომ ეს ქალი გულითადი და
მიმზიდველია, მაშინ, როდესაც მეორემ შეიძლება დაასკვნას, რომ იგი ზედაპირული და საკმაოდ
სულელია. ადამიანები არა მარტო გამოყოფენ სხვა ადამიანების ქცევის განსხვავებულ ასპექტებს,
არამედ ხშირად აერთიანებენ შეკრებილ ინფორმაციას უნიკალური გზებით (Park et al., 1994). ამით
შეგვიძლია ვივარაუდოთ, რომ რაც უფრო რთული და ინტეგრირებულია ჩვენი შთაბეჭდილება
32
ადამიანის შესახებ, მით უფრო მაღალია იმის ალბათობა, რომ იგი განსხვავებული იქნება სხვა
ადამიანების შთაბეჭდილებებისაგან.
პიროვნების შეფასება
მრავალი გამოკვლევის შედეგად შესწავლილ იქნა, თუ რამდენად სწორად აფასებენ ადამიანები სხვა
ადამიანის პიროვნულ თვისებებს, მაგალითად როგორიც არის ლიდერობა და კომუნიკაბელურობა. ამ
შრომის შედეგები გვიჩვენებს, რომ შეფასების სიზუსტე დამოკიდებულია რამდენიმე ფაქტორზე.
პირველ რიგში, ზოგიერთ შემთხვევაში სხვა ადამიანების შეფასება განისაზღვრება ძირთადად
გარკვეული პიროვნული მახასიათებლების უნიკალური უპირატესობით, ვიდრე ობიექტური
მახასიათებლებით, რომელსაც ფლობს შესაფასებელი ადამიანი და რომელიც ეხლახანს იყო
აღწერილი. მეორე, პიროვნული მახასიათებლების აღწერა რთულია და ამიტომ შეფასების სიზუსტის
შესაბამისი კრიტერიუმის განსაზღვრისას ჩვენ ვხვდებით გარკვეულ სიძნელეებს. მესამე პრობლემა
დაკავშირებულია იმასთან, თუ რამდენად მყარია ადამიანის პიროვნული თვისებები, განსაკუთრებით
მისი ქცევის პროგნოზირების დროს. ხშირად პიროვნული თვისებები გვიწინასწარმეტყველებენ ქცევას
მხოლოდ გარკვეულ გარემოებებში. თუ ადამიანი თაღლითობს კარტის თამაშის დროს, მაგრამ
ზედმიწევნით პატიოსანია თავის თანამშრომლებთან ერთად საქმეში, არის თუ არა იგი პატიოსანი ან
უპატიოსნო ადამიანი?
33
ექსტრავესიის შემჩნევა ადვილია), მაგრამ ნაკლები შეთანხმებულობა აქვთ იმ საკითხში, არის თუ არა
ადამიანი პატიოსანი ან კეთილსინდისიერი - ანუ იმ პიროვნულ თვისებებთან მიმართებაში,
რომელზეც დაკვირვება რთულია და დარწმუნებით ვერ დაადასტურებ ან უარყოფ (Park, Krauss, 1992).
შეფასების სისწორეს ასევე განსაზღვრავს ის, შეესაბამება თუ არა შემფასებლის შეხედულება თვით
შესაფასებლის შეხედულებას. მაგალითად, რომ გთხოვონ შეაფასოთ თქვენი ოთახის მეზობელი
სიუზი რამდენად მეგობრულია, საჭირო იქნებოდა თქვენი შეფასება შეგედარებინათ სიუზის
თვითშეფასებასთან, რათა გენახათ რამდენად ეთანხმება ერთმანეთს თქვენი შეფასებები. ზოგადად
რომ ვთქვათ დამკვირვებელსა და დასაკვირვებელს შორის შეფასებების თანხვედრა დამოკიდებულია
იმაზე, თუ რამდენად კარგად იცნობენ ერთმანეთს ეს ადამიანები (Malloy, Albright, 1990). როდესაც
თქვენ კარგად იცნობთ ადამიანს, მაშინ დიდი ალბათობაა დაინახოთ იგი ისეთი, როგორსაც თვითონ
ხედავს საკუთარ თავს. როდესაც თქვენ კარგად არ იცნობთ ადამიანს, შეიძლება იყოს მაღალი
თანხვედრა ისეთ პიროვნულ თვისებებთან მიმართებაში, რომელიც გარედან ჩანს და არა იმ
თვისებებთან მიმართებაში, რომელიც ნაკლებად ჩანს გარე დამკვირვებლისათვის (Fuhrman, Funder,
1995; Funder, Kolar & Blackman, 1995).
ადამიანის თვისებების სწორი აღქმა შეიძლება გაიზარდოს იმ შემთხვევებში, როდესაც ჩვენ გვაქვს
კონკრეტული სიტუაციების შესახებ ინფორმაცია, სადაც ეს თვისება ვლინდება. მაგალითად, როდესაც
ადამიანებმა იციან, რომ კონკრეტული ადამიანი მიყვება გარკვეულ მიზანს, მაშინ მისი ქცევის
დაკვირვების საფუძველზე ისინი დიდი ალბათობით აყალიბებენ შეხედულებას რომელიმე
პიროვნულ თვისებაზე. მაგალითად, თუ ლინდას სურს ისე მოიქცეს, რომ მისმა ჰოკეისტების გუნდმა
მოიგოს და ვარჯიშის დროს ფეხს უდებს მოწინააღმდეგეს, მაშინ მეტი დარწმუნებით შეგვიძლია
დავასკვნათ, რომ იგი სასტიკია, ვიდრე იმ შემთხვევაში, როდესაც იგი ხელს უშლის მოწინააღმდეგეს,
ისე, რომ რაიმე კონკრეტული მიზანი არ გააჩნია.
გასაკვირია, მაგრამ უცხო ადამიანზე სულ მცირეოდენი დაკვირვების შემდეგაც ადამიანებს გააჩნიათ
უნარი შეაფასონ იგი ისე, რომელიც შეესაბამება მის საკუთარ თვითაღქმას. თუმცა, როგორც ჩანს,
შეთანხმებულობას თვითაღქმასა და უცხო ადამიანის აღქმას შორის ადგილი აქვს ქცევის
ფორმებისთვის, რომელსაც დაკვირვებისთვის მისაწვდომი მრავალი მახასიათებელი გააჩნია, ისეთი
როგორიც არის ექსტრავერსია, ჭკუა და გულითადობა (მაგალითად, Borkenau, Liebler, 1993; Levesque,
Kenny, 1993). ერთგვაროვანი კულტურული ფონის არსებობა ჩვეულებრივ განაპირობებს უფრო ზუსტ
შეხედულებებს, ვიდრე მაშინ, როდესაც დამკვირვებელი და დასაკვირვებელი სხვადასხვა კულტურას
34
განეკუთვნება (Coleman, Beale & Mills, 1993), თუმცა მაღალ კონსენსუსს და სიზუსტეს სხვადასხვა
კულტურებს შორისაც აქვს ადგილი (Albright et al., 1997). ობიექტის თვისებებთან დაკავშირებით
შედარებით ძლიერი თანხმობა აღმოცენდება, როდესაც დამკვირვებლები ერთმანეთს უზიარებენ
ინფორმაციებს ობიექტების შესახებ, რომელიც სხვადასხვა სიტუაციებში თანმიმდევრულად იჩენს
თავს (Malloy, Agatstein, Yarlas & Albright, 1997). შედარებით ნაკლები თანხმობა აღინიშნება, როდესაც
დამკვირვებლები არ ურთიერთობენ ერთმანეთთან და ფლობენ სხვადასხვა ინფორმაციებს
ობიექტების შესახებ, რომლებიც სხვადასხვაგვარად იქცევიან სხვადასხვა სიტუაციებში.
35
ემოციების გამოცნობა
რატომ ვართ ასეთი ზუსტები ემოციის აღქმაში? 1871 წელს, ეფუძნებოდა რა თავის ევოლუციურ
თეორიებს, ჩარლზ დარვინმა გამოთქვა ვარაუდი იმის შესახებ, რომ გამომეტყველება გადმოსცემს
ერთსა და იმავე ემოციას ყველა კულტურაში. მისი დასკვნა იმაში მდგომარეობდა, რომ სწორედ
უნივერსალური გამომეტყველება ვითარდება, რადგან გააჩნია მაღალი ღირებულება გადარჩენისთვის:
ისინი საშუალება აძლევენ ცხოველებს შეატყობინონ ემოციები და ამის საშუალებით აკონტროლონ
სხვების ქცევა. ეკმანი და ფრიზენი (Ekman & Friezen, 1975) ამტკიცებდნენ, რომ ასეთი უნივერსალური
გამოვლენა სახის ემოციური რეაქციების პროგრამებში, ბიოლოგიურად განპირობებული სიგნალების
კრებულში, საშუალებას აძლევს ადამიანს გაიგოს მეორე ადამიანის ემოცია. გამოვლენილი იყო, რომ
ფაქტიურად ყველა სახეობის მაიმუნი და ადამიანისმაგვარი მაიმუნები ევროპაში აზიასა და აფრიკაში
იყენებენ მიმიკას უპირატესობის და მორჩილების სიგნალების გადასაცემად. შედარებით
მნიშვნელოვანია წარბების სხვადასხვაგვარი განლაგება: დომინანტ და ბრაზიან ადამიანებს წარბები
განლაგებული აქვს ჩვეულებრივ უფრო ქვევით (დაბლა), ხოლო მორჩილებს ან გულითად ადამიანებს
ზევით აქვთ აწეული (Keating et al., 1981). ევოლუციური თეორიის თანახმად, არსებობს კავშირის
შესაძლებლობა სახის გამომეტყველებას, რომელსაც იყენებენ ადამიანისმაგვარი პრიმატები თავიანთ
მოძმეებთან ურთიერთობისთვის და კონტროლისთვის და იმ გამომეტყველებასთან, რომელსაც ამავე
მიზნით იყენებენ ადამიანები. თუ ეს მართლაც ასეა, მაშინ სავარაუდოა, რომ ასეთივე კავშირი
არსებობს ემოციებსა და გამომეტყველებას შორის ყველა კულტურის ადამიანთან (ან უმრავლეს
კულტურებში).
ამ თვალსაზრისმა დასტური პოვა მთელ რიგ ემპირულ კვლევებში. კრეიგი და პატრიკი (Craig, Patrick,
1985) იწვევდნენ ტკივილის განცდას, როდესაც ცდის პირებს მაჯას და იდაყვს აყოფინებდნენ
გაყინულ წყალში, რომლის ტემპერატურა იყო გაყინვის დონეზე. ისინი აკვირდებოდნენ უცვლელ
რეაქციებს ამ დავალების შესრულების დროს სხვადასხვა კულტურის წარმომადგენლებთან; ამ
რეაქციებს ნაწილობრივ განეკუთვნებოდა ლოყების გაბერვა, თვალების მოჭუტვა ან დახუჭვა,
36
წამწამების აწევა, თვალების ხამხამი, ან ტუჩების გაბუშტვა. კიტინგმა (Keating, 1981) და მისმა
კოლეგებმა შეარჩიეს ფოტოები ევროპის, აფრიკის, ჩრდილო და სამხრეთ ამერიკის, აზიის სხვადასხვა
ქვეყნიდან, სახის გარკვეული გამომეტყველებით. ზოგიერთ მათგანს თვალები დახრილი ქონდა, ზოგს
გაღებული.ზოგი იღიმებოდა, ხოლო ზოგიერთი არა. ექსპერიმენტის მონაწილეებს უჩვენებდნენ
თავიანთი ქვეყნის წარმომადგენლის ფოტოსურათებს და თხოვდნენ შეეფასებინათ გამოსახულება
დომინირებულობის და ბედნიერების თვალსაზრისით. მკვლევარებმა გამოარკვიეს, რომ ადამიანები,
რომლებიც არ იღიმებოდნენ და წარბები დაბლა ქონდათ დაწეული ფასდებოდნენ როგორც
დომინანტური ადამიანები და თვლიდნენ, რომ ეს ადამიანები ახლოს არიან დასავლური ცხოვრების
წესთან, ხოლო ღიმილი ასოცირებული იყო ბედნიერებასთან.
1. ბედნიერება, სიხარული
2. გაკვირვება, გაოცება
3. შიში
4. დარდი
5. სიბრაზე
6. ზიზღი, სიძულვილი
7. ინტერესი, ყურადღება
არავერბალური კომუნიკაცია
ადამიანები სხვა ადამიანების შესახებ შეხედულებებს აყალიბებენ არა მარტო ემოციის გარეგნული
გამოვლენის საფუძველზე. სინამდვილეში კომუნიკაციის დიდი ნაწილი მიმდინარეობს
არავერბალურად და არავერბალური კომუნიკაციის გავლენა სხვა ადამიანების შესახებ
შთაბეჭდილებაზე განსაკუთრებულად ძლიერი შეიძლება იყოს. ემების და როზენტალის (Amaby,
Rosenthal, 1993) კვლევებში სტუდენტებს უჩვენებდნენ 30 წამიან უხმო ვიდეო რგოლებს, რომელზეც
გადაღებული იყო კოლეჯის პედაგოგების ლექციები. შემდეგ თხოვდნენ მათ შეეფასებინათ
პედაგოგები მთელი რიგი პიროვნული თვისებებით. სტუდენტებმა შეძლეს პედაგოგების თვისებების
სანდო შეფასების გაკეთება - შეფასების, რომლებიც აჩვენებდნენ კონსენსუსის მაღალ დონეს და
შეფასების სანდო პროგნოზებს, რომელსაც სტუდენტები იძლეოდნენ უფრო მოგვიანებით, სემესტრის
ბოლოს. ეჭვს არ ბადებს ის, რომ არავერბალური ქცევის სულ მცირე გამოვლენაც კი შესაძლოა იყოს
ძალზე არსებითი!
ადამიანები საკუთარი თავის შესახებ ინფორმაციას გადასცემენ ძირითადად სამი გზით (Richmond,
McCroskey & Payne, 1991). შედარებით თვალსაჩინო გზაა ვერბალური კომუნიკაცია, ე.ი. ადამიანის
სიტყვის შინაარსი. სხვა გზები არავერბალურია და წარმოადგენს კრებულს შედარებით ძნელად
შესამჩნევი სიგნალებისა. არავერბალური კომუნიკაცია არის იმ საშუალებების ჯამი, რომელთა
დახმარებითაც ჩვენ გადავცემთ ინფორმაციას სიტყვის გამოყენების გარეშე. არავერბალური
კომუნიკაცია ჩვენამდე მოდისვიზუალური არხის საშუალებით, რომელიც მოიცავს ისეთ
თავისებურებებს, როგორიც არის სახის გამომეტყველება, ჟესტები, პოზა და გარეგნობა. იგი ასევე
მოგვეწოდება პარალინგვისტური არხის საშუალებით, იმ სიტყვიერი სიგნალებით, რომელიც რჩება
შინაარსის მოცილების შემდეგ, კერძოდ ტონის სიმაღლე, ამპლიტუდა, ტემპი, ბგერის ხარისხი და
მეტყველების კონტურები.
ვიზუალური არხი
დისტანცია. ჩვეულებროივ, რაც უფრო მეგობრული და პირადი გრძნობები გააჩნია ადამიანს მეორე
ადამიანის მიმართ, მით უფრო ახლო დგას იგი მასთან. მეგობრები უფრო ახლოს დგანან
ერთმანეთთან, ვიდრე უცნობი ადამიანები (Aiello, Cooper, 1972); ადამიანებს, რომლებსაც სურთ
გამოჩნდნენ უფრო მეგობრულები, ირჩევენ უფრო მოკლე დისტანციას (Patterson, Sechter, 1970); ხოლო
ადამიანები, რომელთა შორისაც არის სექსუალური სწრაფვა, ძალიან ახლოს დგანან ერთმანეთთან
(Allgeier, Byrne, 1973). მიუხედავად იმისა, რომ ადამიანების უმრავლესობა დიდ დროს არ უთმობს
თავიანთ პიროვნულ სივრცეზე ფიქრს, ჩვენ მაინც ყველა ვაცნობიერებთ, რომ თუ ადამიანი ჩვენთან
38
ახლოს დგას, ეს ჩვეულებრივ შეფასებულია, როგორც მეგობრობის ან ინტერესის ნიშანი. შესაძლოა, ეს
არის ერთერთი მნიშვნელოვანი და მარტივი გზა იმის სათქმელად იმ ადამიანისთვის რომელსაც
ხვდები, რომ იგი მოგწონს. მეორე ადამიანი მაშინათვე აცნობიერებს თქვენს ინტერესს და მას თუ ეს არ
აინტერესებს, მაშინ იგი გაიწევა უფრო შორ დისტანციაზე, რათა თავისი დამოკიდებულება გიჩვენოთ.
ჟესტები. ბოლო წლებში ბევრი წიგნი გამოიცა სხეულის ენის თემაზე. ამ წიგნების ავტორები
ამტკიცებენ, რომ ზუსტად შეიძლება განსაზღვრა, თუ რას ფიქრობენ სხვა ადამიანები, როდესაც
აკვირდებიან მათი სხეულის მოძრაობებს და პოზებს. გაშლილი ხელისგულები ნიშნავს მოწვევას,
გადაჯვარედინებული ფეხები აჩვენებს თავდაცვის მცდელობას და ა.შ. ეჭვსგარეშეა, სხეულის
მოძრაობა და პოზა არის გარკვეული ინფორმაციის მატარებელი. არსებობს ღია, პირდაპირი ჟესტები
და ჟესტები, რომელიც ძნელი შესამჩნევია. სხეულის ბევრი მოძრაობა არის ზოგადად მიღებული და
გადმოცემს გარკვეულ ინფორმაციას ან მითითებას: ამის მაგალითებია ჟესტები, რომლის
მაგალითებია „გაჩერდი“ ან „აქ მოდი“, ასევე ჟესტები, რომელიც ნიშნავს „დაჯექი“, „დიახ“, „არა“,
„წადი“, „ნახვამდის“. მრავალ უწმაწურ ჟესტს აქვს საკმაოდ ცნობილი მნიშვნელობები. გარკვეული
აზრით ისინი ყველანი შეადგენენ ნიშნების ენას.
39
აჩვენონ სიყვარული, მზრუნველობა ან მიჯაჭვულობა. ჩვენ ყველამ ვიცით, რომ ხანგრძლივი
მხედველობითი კონტაქტი გამოიყენება რაღაცისკენ მისწრაფების საჩვენებლად. შემთხვევითი
საუბარიც კი შეიძლება გადაიქცეს რომანტიული ინტერესის გამოხატვად, თუ საუბრის ერთერთი
მონაწილე ახორციელებს ხანგრძლივ მხედველობით კონტაქტს. და პირიქით, ამგვარი კონტაქტის
თავის არიდება ან შეწყვეტა, ჩვეულებრივ იმის ნიშანია, რომ ადამიანი არ არის დაინტერესებული ამ
ურთიერთობით. საუბრის დროს, როდესაც ადამიანი გაურბის მხედველობით კონტაქტს, ჩვენი აზრით
ეს არის იმის მაჩვენებელი, რომ ადამიანი არ არის მთლიანად ჩართული ურთიერთობაში. თუმცა ამ
ზოგადი პრინციპიდან არსებობს გამონაკლისიც. მხედველობით კონტაქტს შეიძლება გაურბოდეს
ადამიანი, რომელსაც მოაქვს ცუდი ამბავი ან ამბავი, რომლითაც შეიძლება ტკივილი მიაყენოს სხვას.
ზოგჯერ მხედველობითი ქონტაქტის არქონა შესაძლოა ნიშნავდეს იმას, რომ ადამიანი
დამორცხვებული ან შეშინებულია. თუ ადამიანს რცხვენია, მას არ სურს იყოს დაჟინებული მზერის
ობიექტი. ელსუორტის, ფრიდმანის, პერლიკის და ჰოიტის (Ellsworth, Friedman, Perlick & Hoyt, 1978)
მიერ ჩატარებულ კვლევებში, კოლეჯის გოგონა სტუდენტებს უთხრეს, რომ მათ მონაწილეობა უნდა
მიიღონ საკითხების განხილვაში, რომელიც ეხება „საკმაოდ ინტიმურ, პირადი ცხოვრებას, რომელზეც
კოლეჯის სტუდენტებს ძირითადად არ უყვართ საუბარი“. ამის შემდეგ თითეულ გოგონას უნდა
მოეცადა დისკუსიის დაწყებამდე ადამიანთან ერთად, რომელიც იყო მკვლევარის მიერ შეგზავნილი
(მისი თანაშემწე) და რომელიც მთელი დროის 75%-ს განმავლობაში უყურებდა პირდაპირ მას ან
მთელი ამ ხნის განმავლობაში მხოლოდ ერთხელ შეხედავდა გამჭოლი მზერით. რასაკვირველია,
მონაწილე გოგონების უმრავლესობა არჩევდა იმ ადამიანს, რომელიც მას არ უყურებდა დაჟინებით.
მაგრამ ექსპერიმენტის მონაწილეების შემთხვევაში, რომლებსაც არ ქონდათ საუბრის მოლოდინი, რაც
გამოიწვევდა მათ დამორცხვებას, ყველაფერი სხვაგვარად იყო. პირდაპირი დაჟინებული მზერა
აშკარად აშინებდა დამორცხვებულ გოგონებს.
გარდა ამისა, მხედველობითი კონტაქტი შესაძლოა გამოყენებული იყოს დაშინების მიზნით. სხვა
ექსპერიმენტში ერთი ადამიანი დაჟინებით უყურებდა მეორე კვლევის მონაწილეს, რომელსაც
შესაძლებლობა ქონდა თავისი სურვილის მიხედვით აგრესიული რეაქცია მიეცა. მონაწილეები,
რომლებიც საკუთარ თავზე ცდიდნენ დაჟინებულ მზერას, ნაკლებად აგრესიულები იყვნენ, ვიდრე ის
ადამიანები, რომლებსაც არ უყურებდნენ (Ellsworth, Carlsmith, 1973). როგორც ჩანს ხანგრძლივი
მხედველობითი კონტაქტი აღიქმება მუქარად, რაც აიძულებს ადამიანებს გადაირჩინონ თავი ან
შემრიგებლურად მოიქცნენ. შესაძლოა, ყველას გვახსოვს ის მასწავლებლები, რომლებიც ამ ტექნიკას
საკმაოდ ეფექტურად იყენებდნენ.
40
მიბაძვა არის მსხვერპლისადმი სიმპათიის გამოვლენა; მიმბაძველი ადამიანი შეიძლება
ხელმძღვანელობდეს სურვილით, მიანიშნოს მეორე ადამიანს, რომ იგი იზიარებს მის განცდებს.
ამ იდეის შესამოწმებლად ბაველასი, ბლეკი, ლევერი და მულეტი (Bavelas, Black, lemery & Mullett,
1986) სტუდენტებს ცალცალკე აჩვენებდნენ, თუ როგორ უვარდება ადამიანს მძიმე მონიტორი
დაზიანებულ თითზე, რომელიც მას ბინტით ქონდა შეხვეული. ზოგ შემთხვევაში მსხვერპლი,
ექსპერმენტატორის მიერ მოგზავნილი ადამიანი, უყურებდა დამკვირვებელს; ხოლო სხვა
შემთხვევაში მხედველობითი კონტაქტი არ ხორციელდებოდა. დამკვირვებლების უმრავლესობას
სახეზე გამოეხატებოდა ტკივილი, მაგრამ როდესაც მხედველობითი კონტაქტი არ იყო, ის მალევე
ქრებოდა. უფრო მეტიც, როდესაც იყო მხედველობითი კონტაქტი, დამკვირვებლებს უფრო მეტად
ღიმილი გამოეხატებოდა სახეზე, როგორც ჩანს იმის გამო, რომ დაემშვიდებინათ დაზარალებული.
დამკვირვებლების სახის გამომეტყველება მხედველობითი კონტაქტის დროს შეფასებული იყო,
როგორც უფრო „გამგებიანი“ და „მზრუნველი“, ვიდრე იმ ადამიანების სახე, რომლებსაც არ ქონდათ
მხედველობითი კონტაქტი; ეს ნიშნავს, რომ პირველები წარმატებით ატყობინებდნენ თანაგრძნობის
განცდას.
ისეთ მარტივ გმოთქმას, როგორიცაა „შენ გინდა საცხოვრებლად წახვიდე იაპონიაში“, შეიძლება
ჰქონდეს სრულიად განსხვავებული მნიშვნელობა, რომელიც დამოკიდებულია მახვილსა და
ინტონაციაზე. წარმოთქვით ის ხმამაღლა, როგორც უაზრო გამოთქმა, ყოველგვარი მახვილის გარეშე
და ის გაისმება, როგორც უბრალოდ ფაქტის კონსტატაცია. გამოთქვით შეცვლილი ინტონაციით (ხმის
აწევა) წინადადების ბოლოს, და იგი კითხვის ქვეშ დააყენებს იაპონიაში გამგზავრების
გადაწყვეტილოების სისწორეს; თქვენ ეჭვს გამოთქვამთ იმასთან დაკავშირებით, თუ რამდენად კარგი
გადაწყვეტილებაა იაპონიაში საცხოვრებლად გადასვლა. თუ გააკეთებთ მახვილს პირველ სიტყვაზე,
მაშინ ის გადაიქცევა კითხვად, თუ რამდენად კვალიფიციურია ადამიანი, რომელსაც ამას ეუბნებიან;
თქვენ გამოხატავთ ეჭვს იმის თაობაზე, შეძლებს თუ არა ეს ადამიანი თავისი ადგილის პოვნას ამ
ქვეყანაში. მოკლე ფრაზა: „მომწონხარ“ - პარალინგვისტური მახასიათებლებზე დამოკიდებულებით
შეიძლება გამოხატავდეს ნებისმიერ რამეს - ზომიერი გრძნობიდან გატაცებულ ვნებამდე.
ამ ვარიაციებს ხშირად დიდი მნიშვნელობა აქვს ემოციების გადაცემისას. ნამდვილად, ისინი იმდენად
მნიშვნელოვანნი არიან, რომ ხშირად აუცილებელია დაემატოს წერილობით ენას. იმისათვის, რომ
ვაჩვენოთ, რომ ვიღაცა თვლის იაპონიას წარუმატებელ და არასწორ ალტერნატივად, წინადადება
შეიძლება წავიკითხოთ შემდეგნაირად: „შენ გინდა წახვიდე იაპონიაში საცხოვრებლად? - ჰკითხა მან
ეჭვით“; გრძნობის გადასაცემად, რომელიც დგას გამოთქმის უკან: „მე შენ მომწონხარ“, შეიძლება
41
დავწეროთ: „მე შენ მომწონხარ - წაიჩურჩულა მან ვნებით“. ამ პარალინგვისტური მინიშნებების
გარეშე რთულია მოცემული გამოთქმების ახსნა. პარალინგვისტური შესწავლის ერთ-ერთი სიძნელეა
(და არავერბალური ქცევის მრავალი სხვა სახეების), რომ ამ მინიშნებებს არ აქვს ფიქსირებული
მნიშვნელობა. ჩვენ ყველანი ვთანხმდებით სიტყვების მნიშვნელობაზე, ჩვენ ყველამ ვიცით, თუ რას
ნიშნავს სიტყვა იაპონია და გარკვეული ვარიაციებით ვიცით, რომ თუ ადამიანი ამბობს, რომ თქვენ
მას „მოსწონხართ“, მას მხედველობაში აქვს დადებითი გრძნობა. და პირიქით, ადამიანები
პარალინგვისტურ მინიშნებებს ანიჭებენ სრულიად განსხვავებულ მნიშვნელობებს.
კულტურული ფაქტი
საავტომობილო ტრანსპორტის დეპარტამენტის მომხმარებლები ყოველ დღე დგებიან რიგში იმისთვის, რომ
გადაიღონ ფოტოსურათი საიდენტიფიკაციო ბარათებისა და მართვის მოწმობისთვის. როდესაც ადამიანებს
თხოვენ ფართოდ გაიღიმონ, უმრავლესობა სიამოვნებთ აკეთებს ამას. თუმცა, როგორც კალიფორნიის
ავტოტრანსპორტის დეპარტამენტის ფოტოგრაფი მოგვითხრობს, ერთხელ, როდესაც მან იაპონელს თხოვა
გაეღიმა, მან უარი უთხრა. რა მოხდა? პასუხი არის განსხვავებული ინფორმაცია, რომელიც გადაიცემა
ღიმილით.
მრავლობითი არხები
საკითხი იმის თაობაზე, თუ რომელი არხი გადასცემს უფრო მნიშვნელოვან ინფორმაციას, ხდება
განსაკუთრებულად აქტუალური, როდესაც დამკვირვებელი სხვადასხვა არხებიდან იღებს
ურთიერთსაწინააღმდეგო სიგნალებს. როგორ ახსნით თქვენი მეგობრის გრძნობებს, თუ ის
გეუბნებათ, რომ უყვარხართ, მაგრამ შორს იწევს თქვენგან და არ გიყურებთ? მისი ვერბალური და
თქვენს მიერ დაკვირვებადი კომუნიკაცია, ჩანს, რომ წინააღმდეგობაში მოდის ერთმანეთთან. რა
ხდება მაშინ, როდესაც თქვენი ოთახის მეზობელი მთელი ხმით გიყვირით, რომ საერთად არ არის
თქვენზე გაბრაზებული იმის გამო რომ გაუტეხეთ მისი საყვარელი ყავის ჭიქა? არხებს შორის
წინააღმდეგობას აქვს განსაკუთრებული მნიშვნელობა აშკარად ცრუ კომუნიკაციის
ინტერპრეტაციისას.
43
1. აუდიო–ვიზუალური – სტანდარტული ვერსია, რომელიც ჩაწერილი იყო ვიდეო–კასეტაზე;
ცხრილი 3.6.
ვერბალური შინაარსი
მისაწვდომია არ არის მისაწვდომი
სახის გამომეტყველება +8.5 +7.4
მისაწვდომია
დამკვირვებლისთვის
სახის გამომეტყველება არ არის +8.4 +3.1
მისაწვდომი
დამკვირვებლისთვის
შენიშვნა. აღნიშვნა გულისხმობს აღმქმელის ჭეშმარიტი გრძნობების აღქმას მოწონებული სუბიექტისა
მინუს აღმქმელის ჭეშმარიტი გრძნობების აღქმა არ მოწონებული ობიექტის მიმართ, რომელთაგან
თითეული ფასდება 9 ბალიანი შკალით. წყარო:Zuckerman, Amidon, Bishop & Pomerantz (1982), p. 353.
სიცრუის პრობლემა
არავერბალური გაჟონვა
გაჟონვის ცნება გულისხმობს, რომ ზოგიერთი არავერბალური არხი ექვემდებარება მას უფრო მეტად,
რადგან ისინი ნაკლებად კონტროლირებადები არიან. მაგრამ, როდესაც ჩვენ სიმართლეს
ვლაპარაკობთ, ჩვენი სახის კუნთები სხვანაირად იკუმშება, ვიდრე მაშინ, როდესაც ვიტყუებით
(Ekman, Friesen & O’Sullivan, 1988). ზოგმა კვლევამ (მაგალითად Zuckerman et al., 1981) აჩვენა, რომ
სხეული (ტანი) ტყუილს გასცემს უფრო მეტი ალბათობით, ვიდრე სახე. პარალინგვისტური
სიგნალები ასევე ექვემდებარებიან გაჟონვას, რადგან ისევე, როგორც სხეული (ტანი), ხმის ტონიც
ნაკლებად ექვემდებარება კონტროლს, ვიდრე სახის გამომეტყველება. მაგალითად, მატყუარა
ადამიანებს უფრო აქვთ უნარი შეცვალონ, მოისაწყლონ ან ზედმეტად ხაზი გაუსვან – სახის
გამომეტყველებას, ვიდრე ხმის ტონს (Zuckerman, Larrance, Spiegel & Klorman, 1981). ჩვეულებრივ
წარმატებული მატყუარები ამყარებენ თვალებით კონტაქტს თავის მსმენელებთან და აკავებენ
ღიმილს, როდესაც იტყუებიან. როგორც ჩანს, ტყუილის უნარი დაკავშირებულია გარკვეულ
სოციალურ უნარებთან, რომელიც ახასიათებს ლიდერობას (Keating, Heltman, 1994).
ამგვარად ჰიპოთეზა, რომელიც ეხება გაჟონვას, გულისხმობს რომ, როდესაც ცდილობენ რაიმეს
დამალვას, ადამიანებს შეუძლიათ კარგად აკონტროლონ ვერბალური შინაარსი და სახის
გამომეტყველება, მაგრამ მათი ტყუილი შეიძლება გამოააშკარავოს სხეულის მოძრაობამ და
პარალინგვისტურმა სიგნალებმა. არავერბალურმა არხებმა შეიძლება გაატაროს მეტი ინფორმაცია,
ვიდრე ვერბალურმა, რადგან ინფორმაციის ვერბალურად გადაცემისას ადამიანს, რომელიც რაღაცას
წარმოთქვამს, ესმის სწორედ ის, რასაც ამბობს და შესაბამისად შეუძლია შეიტანოს კორექტივები
გამოთქმებში, რომლებიც შეიძლება ისე არ გამოითქვას, როგორსაც მოითხოვს საჭირო
შთაბეჭდილების შექმნა. თუმცა არავერბალური არხის შემთხვევაში ჩვენ ჩვეულებრივ ვერ
ვაკვირდებით საკუთარი ქცევის არავერბალურ ფორმებს და შესაბამისად ნაკლები შესაძლებლობა
გაგვაჩნია სიტუაციასთან მისი ადაპტირებისა (Depaulo, 1990). ამგვარად, მიუხედავად იმისა, რომ ჩვენ
შეგვიძლია შევეცადოთ საკუთარი არავერბალური ქცევის რეგულირებას, ყოველთვის ვერ ვაღწევთ
წარმატებას ამ მხრივ, რადგან საკმარისი არ არის ის უკუკავშირი, რომელსაც ვიღებთ ჩვენი
ვერბალური ქცევისგან.
ადამიანები საკმაოდ ხშირად აღიქვამენ უკეთ: ცრუ შეტყობინებებს, რომელიც ნაკლებად გავს
სიმართლეს, ვიდრე მართალ შეტყობინებებს (იხ. DePaulo, 1990). ათეულობით კვლევაში, სიცრუის
გამოცნობის სიზუსტე ამეტებს შემთხვევითობის დონეს, მაგრამ იშვიათად აღწევს შესამჩნევ
სიდიდემდე. (DePaulo, 1994; Frank, Ekman, 1997) ეს არ არის გასაკვირი, რადგან ადამიანებს შეუძლიათ
46
მოტყუების, როგორც ფაქტის გამოცნობა უკეთ, ვიდრე მატყუარის ჭეშმარიტი გრძნობების გამოცნობა.
უფრო ადვილია მატყუარების გამოცნობა, როდესაც არის მოტივი, როდესაც სურთ, რომ
კეთილგანწყობა მოიპოვონ, ანუ მაშინ, როდესაც ადამიანს აქვს ტყუილის მოტივაცია, მაგალითად,
ცრუ შეთანხმების შეტყობინება მოპირდაპირე სქესის მიმზიდველ პარტნიორთან. (DePaulo, Rosenthal,
Green & Rosenkrantz, 1982) გარკვეული ინფორმაციის გარეშე, ტყუილის მიზეზის გამოცნობა რთულია.
განსაკუთრებით რთულია გავარჩიოთ ტყუილი ამბივალენტურობისგან, რადგან ორივე
მდგომარეობას ახასიათებს მსგავსი არავერბალური სიგნალები.
გვეხმარება თუ არა გაფრთხილება იმ შემთხვევაში, რომ ობიექტმა შეიძლება მოიტყუოს. ვიღაც ასეც
ფიქრობს, რადგან ასეთ შემთხვევაში აღმქმელმა ადამიანმა შეიძლება უფრო დაკვირვებით მიაქციოს
ყურადღება „გაჟონვის“ არხებს, ისეთს, როგორიც არის სახე და ტონი, თუმცა შთაბეჭდილება რჩება,
რომ ეს არც თუ ძალიან გვეხმარება. კვლევაში, რომელიც ჩაატარეს ტორისმა და დეპაულომ (Toris,
DePaulo, 1984), ცდის პირები მონაწილეობას იღებდნენ სამსახურში მიღების ხელოვნურად
ჩატარებულ გასაუბრებაში. მაძიებლებს შესთავაზეს, რომ ყოფილიყვნენ გულახდილები ზოგიერთ
შემთხვევაში და არაპატიოსნები სხვა შემთხვევაში. ადამიანებს, ვინც ატარებდა გასაუბრებას, უთხრეს
რომ რომელიღაცა მაძებელი შეეცდება მოახდინოს ცრუ შთაბეჭდილება, ნაწილს კი საერთოდ
არანაირი გაფრთხილება არ მისცეს. შესაძლო მოტყუებასთან დაკავშირებით გაფრთხილებამ
ინტერვიუერში შექმნა დაეჭვება ყველა მაძიებლის მიმართ. იმ ინტერვიუერებთან შედარებით,
რომლებიც არ იყვნენ გაფრთხილებულები უპატიოსნო ქცევის შესაძლებლობაზე, ინტერვიუერები,
რომლებიც წინასწარ იყვნენ გაფრთხილებულები, მაძიებლებს აღიქვამდნენ, როგორც უფრო
მატყუარებს, მაგრამ არ იყვნენ უფრო ზუსტები, არაპატიოსანი მაძიებლის შერჩევაში, პატიოსნებს
შორის, ვიდრე ისინი, ვინც არ იყვნენ გაფრთხილებულები. უფრო მეტიც, ისინი უფრო ნაკლებად
დარწმუნებულები იყვნენ თავიანთ განსჯაში, ვიდრე ის ადამიანები, რომლებიც არ იყვნენ
გაფრთხილებულები.
47
ტყუილის გამოაშკარავება
ამგვარად, ჩვენი განხილვის დროს წამოიჭრა ვარაუდი რომ არავერბალური ქცევა არის უნებლიე და
გაუცნობიერებელი, ან წარმოადგენს ტყუილის შესახებ ინფორმაციის გაჟონვის პოტენციურ წყაროს.
თუმცა, არავერბალური ქცევა ექვემდებარება თვითრეგულაციას (DePaulo, 1992). როდესაც ადამიანებს
გააჩნიათ მოტივაცია, გარკვეული შთაბეჭდილება მოახდინონ სხვებზე, ისინი ხშირად აკეთებენ ამას,
ნაწილობრივ თავიანთი არავერბალური ქცევის მართვით.
48
გაიხსენეთ რა ხდებოდა, როდესაც ბოლო დროს თქვენი მეგობარი გიზიარებდათ თავის პრობლემებს.
თუ თქვენ მოთმინებით და თანაგრძნობით უსმენდით, რასაც უმრავლესი ჩვენთაგანი აკეთებს
საუბრის დასაწყისში მაინც, თქვენ შესაძლოა სრულიად გაცნობიერებულად წარმოთქვით სწორი
სიტყვები, როგორიც არის „ეს ძალიან ცუდია“ ან „ასე ცუდად არავის არ შეიძლება მოექცე“.
სავარაუდოა, რომ თქვენ ასევე გაცნობიერებულად იყენებდით არავერბალური ქცევის შესაბამის
ფორმებს, მაგალითად ამყარებდით მხედველობით კონტაქტს მეგობართან და თანაგრძნობით
უქნევდით თავს. მაგალითად თქვენ იცოდით, რომ არ შეიძლება გაიღიმო, უნდა გამოიყურებოდე
სერიოზულად და ამ დროს არ უნდა გახსნა და გადაათვალიერო საკუთარი ფოსტა, მანამ იგი თავის
პრობლემებზე გესაუბრებათ. მიუხედავად იმისა, რომ თქვენ არანაირი განზრახვა არ გქონიათ
მოგეტყუებინათ თქვენი მეგობარი, თქვენ მკაცრად აკონტროლებდით თქვენი არავერბალური ქცევის
ფორმებს, გარკვეული დონემდე მაინც, ისე რომ გამოხატავდით შესაბამის გრძნობებს და რეაქციებს
მეგობრის გულახდილობის მიმართ.
49
ყურადღების ცენტრში
როდესაც ჩვენ აღვიქვამთ სხვა ადამიანებს, როდესაც ჩვენი საკუთარი თვალებით ვუყურებთ ან
ვგებულობთ მათზე მასობრივი ინფორმაციის საშუალებებით, ვთვლით, რომ ვიღებთ მათ ობიექტურ
პორტრეტს, ან ვხედავთ მათ ისეთებს, როგორებიც სინამდვილეში არიან. მაგრამ მაინც, ჩვენი აღქმის
თავისებურებები შეიძლება ჩამოყალიბდეს დროის ისტორიული, კულტურული და ეკონომიკური
კონტექსტის გავლენით. ჩვენ იმდენად კი არ აღვიქვამთ გმირებს, რამდენადაც ვქმნით, ვაგებთ ლეგენდებს
ჩვენი ცოდნის და აღქმის ცალკეული ფრაგმენტების საფუძველზე, ვუმატებთ ამას ჩვენს მოთხოვნებს
გმირებისა და ბოროტმოქმედების მიმართ. რიჩარდ კრამერი (Cramer, 1998), მწერალი, რომელიც წერდა
ძირითადად სპორტზე, წერს იმის შესახებ, რომ სინამდვილეში წარსული წლების ნამდვილი გმირები,
პასუხობდნენ რა თავიანთი დროის მოთხოვნებს, იყვნენ მხოლოდ კერპები, რომელიც ჩამოაყალიბა
კულტურამ, და კიდევ უფრო მეტად მითები, რომლებიც სპორტსმენებს სძენდნენ გარკვეულ
მნიშვნელობას. იგი წერდა ბეიბი რუტზე: რუტმა კარგად გაათამაშა პარტია, რომელშიც
გათვალისწინებული იყო მისი არაჩვეულებრივი მადა და დღის ეროვნული განრიგი. ამერიკამ შექმნა
სამყარო, რომელშიც დემოკრატია უსაფრთხოდ იყო. ჩვენ ვიყავით მდიდრები, ჩვენ ვიყავით ძლიერები.
1920-იან წლებში ჩვენ მზად ვიყავით გვეთამაშა ჭეშმარიტად ამერიკული სიძლიერით. მანამ, სანამ
ეკონომიკა აგრძელებდა სიმძლავრის მატებას, ჩვენ ვიცოდით, რომ ღმერთს უყვარს ამერიკა და ამის
დასამტკიცებლად მან მოგვივლინა შეუდარებელი ბეიბი“.
ასევე არის ტედ უილიამსი, რომელიც დიდი ხანია უნდა შევნიშნოთ, რომ სრულიად შეუმჩნეველი იყო
დიდი დეპრესიის პერიოდში, მაგრამ გმირის სტატუსამდე ამაღლდა 1950 წლებში. ეპოქაში, რომელიც მოყვა
მეორე მსოფლიო ომს, როდესაც ქვეყნის ზოგადი განწყობა ისევ ამაღლდა თვალუწვდენელ სიმაღლეზე,
ჩვენ კიდევ შევიძინეთ უნარი შეგვექმნა გმირები. 1950-იან წლებში ჩვენ კიდევ შეგვეძლო საკუთარი
თავისთვის მიგვეცა უფლება გვყოლოდა გმირები, შეგვეძლო შეგვექმნა და კულტურის მონაპოვარი
გაგვეხადა.
რა განწყობაა დღეს? მზად ვართ ახალი გმირების გამოჩენისთვის? მარკ მაკ-გვაირი და სემი სოსა თითქმის
მიუახლოვდნენ იმას, რომ გამხდარიყვნენ ამერიკული ბეისბოლის ხატები. მაიკლ ჯორდანი, უეჭველია,
მეთაურობს ამ კატეგორიას კალათბურთში. ხოლო დენის როდმანი? მხიარულ კლასიკურ როკ-
კომპოზიციაში „მისის რობინსონი“ საიმონი და გარფუნკელი (Simon & Garfunkel) სვამენ კითხვას: „სად
წახვედი ჯო დი მაჯიო? ჩვენი ხალხი გიყურებს ობოლი თვალებით“. თუ ამ სიტყვების პერეფრაზირებას
გავაკეთებთ, ეს ასე ისმის: „სადა ხართ ჩვენო გმირებო? სადა ხარ ბეიბი რუთებო, მუჰამედ ალებო, ტედი
უილიამსებო?“.
50
თუ შევაჯამებთ, შეიძლება ითქვას, რომ პიროვნული აღქმები ხშირად არის კონსტრუქციული პროცესი,
რომელიც დაფუძნებულია არა მარტო ჩვენს განკარგულებაში მყოფ ინფორმაციაზე სხვა ადამიანის შესახებ
ან მის მხედველობით აღქმაზე, არამედ კულტურული და ისტორიული კონტექსტის თავისებურებებზე,
რომელშიც ყოველი ჩვენთაგანი არსებობს. ჩვენ ვქმნით გმირებს და ბოროტმოქმედებს მაშინ, როდესაც ჩვენ
თვითონ გვჭირდება ისინი.
ვინც მას არ მოწონს, იგი უფრო შორ მანძილზე დგას მოსაუბრისგან, დროდადრო აქეთ-იქით იხედება,
სახე აქვს უფრო სერიოზული და ხელები უჭირავს პირდაპირ.
რეზიუმე
51
2. სხვა ადამიანების თვისებების შესახებ ჩვენს შეხედულებაზე გავლენას ახდენს ფიზიკური
მახასიათებლები, განმასხვავებელი ნიშნები, სოციალური კატეგორიისადმი მიკუთვნებულობა
და ჩვენი საკუთარი მოტივები და მიზნები ამ შთაბეჭდილების ჩამოსაყალიბებლად;
3. პირველი შთაბეჭდილების შემდეგ, შედარებით მნიშვნელოვანი მაორგანიზებელი პრინციპი
არის შეფასებითი პარამეტრი. ადამიანებისთვის დამახასიათებელია თავდაპირველად მიიღონ
გადაწყვეტილება იმაზე, თუ რამდენად მოგვწონს ან არ მოგვწონს სხვა ადამიანი, ხოლო შემდეგ
მიაწეროს ამ ადამიანს თვისებები, რომელიც შეესაბამება ამ სასიამოვნო ან არასასიამოვნო ხატს;
4. ადამიანების შესახებ ჩვენი შეხედულებები მახინჯდება აღქმის სხვადასხვა შეცდომების
გავლენით, როგორიც არის ჰალო-ეფექტი (ჩვენ გვახასიათებს ჩავთვალოთ ადამიანი, რომელიც
მოგვწონს, ყველა თვალსაზრისით კარგ ადამიანად), პოზიტიური მიკერძოებულობა (ჩვენ
მიდრეკილება გვაქვს კარგი დამოკიდებულება გვქონდეს ადამიანების უმრავლესობასთან,
იმათ მიმართაც კი, ვინც ჩვენ არ მოგვწონს) და ნეგატიურობის ეფექტი (ნეგატიურ
ინფორმაციაზე კეთდება უფრო მეტი აქცენტი, ვიდრე დადებითზე);
5. მაშინაც კი, როდესაც ფლობენ შეზღუდულ ინფორმაციას, ადამიანებს ტენდენცია აქვთ
ჩამოაყალიბონ განსაკუთრებით მყარი შთაბეჭდილებები ადამიანების შესახებ;
6. ვაერთიანებთ რა ინფორმაციას ინტეგრირებულ შთაბეჭდილებებში, ჩვენ ჩვეულებრივ
ვიყენებთ მიდგომას, რომელიც დაფუძნებულია აწონილ გაშუალებზე, რომლის დროსაც
განიხილება ყველა ინფორმაცია, მაგრამ ზოგ ინფორმაციას გაბნსაკუთრებული მნიშვნელობა
ენიჭება. როდესაც ჩვენ გვაქვს შესაძლებლობა ადამიანის გარკვეულ სოციალურ ჯგუფთან
იდენტიფიცირებისა, მასზე შეხედულებების ჩამოსაყალიბებლად ჩვენ შეგვიძლია
ვისარგებლოთ ჩვენი სქემებით და სტერეოტიპებით;
7. ატრიბუციის თეორია განიხილავს, თუ როგორ აყალიბებენ ადამიანები შეხედულებებს
სოციალური მოვლენების მიზეზებზე. მიუხედავად იმისა, რომ კაუზალური ატრიბუციები
ყალიბდება ადამიანების უმრავლესობასთან უმრავლეს მოვლენებში, როდესაც ხდება რაღაცა
მოულოდნელი, არაჩვეულებრივი და არასასიამოვნო, ადამიანები ხშირად უსვამენ თავის თავს
კითხვას, რატომ? ადამიანები აყალიბებენ კაუზალურ ატრიბუციებს, რათა მისი დახმარებით
მოახდინონ გარემო რეალობის პროგნოზირება და კონტროლი;
8. შეხედულებების ჩამოსაყალიბებლად ადამიანის ქცევის მიზეზებზე ადამიანები იყენებენ
კოვარიაციის პრინციპს, ანუ ეძებენ კავშირს გარკვეულ მიზეზსა და გარკვეულ შედეგს შორის
სხვადასხვა სიტუაციებში. მეორე მნიშვნელოვანი პრინციპი არის ის, რომ ადამიანები ვერ
აფასებენ ერთი მიზეზის როლს მოცემული ეფექტის წარმოშობაში სხვა საალბათო მიზეზების
ერთდროული არსებობის შემთხვევაში;
9. ატრიბუციის პროცესში წარმოიშვება რამდენიმე სისტემური შეცდომა. როგორც ატრიბუციის
ფუნდამენტალური შეცდომა, ისევე მონაწილის და დამკვირვებლის მიკერძოებულობა
გულისხმობს, რომ ადამიანები მიაწერენ უფრო მნიშვნელოვან როლს შედარებით
განსხვავებულ სტიმულებს. ასევე ადამიანებზე გავლენას ახდენს კაუზალური ახსნის
მოთხოვნილება, რომლებიც იცავენ მისი ღირსების გრძნობას. ამ მოთხოვნილებას მივყევართ
წინასწარგანწყობამდე საკუთარი „მე“-ს სასარგებლოდ და ცრუ დათანხმების შეცდომამდე;
10. ჩვენი შეხედულებები ადამიანების შესახებ ყოველთვის არ არის სწორი. კერძოდ ჩვენ საკმაოდ
გვიჭირს, როდესაც ვაფასებთ ადამიანების ემოციებს მათი სახის გამომეტყველებით. ჩვენ
საკმაოდ ადვილად შეგვიძლია გარკვევა, არის თღუ არა ემოცია დადებითი ან უარყოფითი,
მაგრამ გვიჭირს იმის თქმა თუ კერძოდ რომელ დადებით ან უარყოფით ემოციას განიცდის
52
ადამიანი. მიუხედავად ამისა, სხვადასხვა კულტურაში არსებობს გარკვეული უნივერსალური
კავშირები გარკვეულ ემოციებსა და სახის გარკვეულ გამომეტყველებებს შორის.
11. სხვა ადამიანების თვისებების შესახებ შეხედულების ფორმირებისთვის ვერბალურ და
ვიზუალურ სიგნალებთან ერთად ჩვენ ვიყენებთ ასევე არავერბალურ სიგნალებს.
არავერბალური კომუნიკაცია მოიცავს სიგნალებს, რომელიც მოდის, როგორც ვიზუალური
არხებიდან (სახის გამომეტყველება, ჟესტები და პოზა), ასევე პარალინგვისტური არხებით
(რომლის შინაარსიც, არ არის გათვალისწინებული), როგორიც არის ტონის სიმაღლე, ტემპი და
მეტყველების შენელება. არავერბალური სიგნალები არა მარტო გვეხმარებიან
შთაბეჭდილებების ჩამოყალიბებაში, გარკვეულ გარემოებებში ისინი გვაძლევენ
შესაძლებლობას გამოვიცნოთ სიცრუე.
12. ვერბალური კომუნიკაცია - ეს, როგორც ჩანს, შედარებით მნიშვნელოვანი წყაროა სხვა
ადამიანების შესახებ ინფორმაციისა. თუმცა დაკვირვებადი და პარალინგვისტურ
ინფორმაციებს ასევე შეაქვთ მნიშვნელოვანი დამატებითი წვლილი, განსაკუთრებით მაშინ,
როდესაცშინაარსი გვეხმარებამისი მნიშვნელობის ინტერპრეტაციაში.
13. სიცრუე მჟღავნდება მრავალრიცხოვანი არავერბალური გზებით, როგორიც არის ნერვიული
ჟესტები, ხმამაღალი ტონი და სწრაფი მეტყველება. ჩვეულებრივ დამკვირვებლებს შეუძლიათ
გამოიცნონ ტყუილი, ეფუძნებიან რა ალბათობის პრიციპს, მაგრამ იმისთვის, რომ ეს
ეფექტურად მოხდეს, მათ ჭირდებათ კომუნიკაციის სამივე არხი.
კითხვები ანალიზისთვის
53