QUARTER 1: ARALIN 2: WIKANG PAMBANSA

Layunin:
A. Naiuugnay ang mga konseptong pangwika sa mga napakinggan/napanood na sitwasyong pang
komunikasyon sa radyo, talumpati, mga panayam at telebisyon (Halimbawa: Tonight with
Arnold Clavio, State of the Nation Address, Mareng Winnie, Word of the Lourd
(http://lourddeveyra.blogspot.com));
B. Naiuugnay ang mga konseptong pangwika sa sariling kaalaman, pananaw, at mga karanasan.
Simulan natin!
Upang lubos nating maunawaan itong aralin, Ilarawan ang mga nasa litrato base sa inyong pagkakakilala
sa kanila.

Ang Wikang Pambansa

Ang Pilipinas ay isang kapuluang binubuo ng iba’t ibang pangkat ng mga Pilipinong gumagamit
ng iba’t ibang wika at diyalekto. Meron tayong higit kumulang
na 150 wika at diyalekto na siyang umiiral sa ating bansa.
Bilang isang bansa nangangailangan tayo ng sarili nating wika.

1934: Dahil sa dami ng ating wika at diyalekto, tinalakay ng

Kumbensyong Konstitusyonal noong 1934 ang pagpili ng wika
na siyang iiral upang ating maging wikang pambansa, ngunit
sinalungat ito ng wikang Ingles na pinaniniwalaang higit na

Komunikasyon at Pananaliksik sa Wika at Kulturang Pilipino Page 1

K to 12 – Department of Education
makabubuti para sa ating mga Pilipino ang pagiging mahusay sa wikang ito. Sinabi ng grupo ni Lope K.
Santos na dapat ibatay ang pambansang wika sa mga wikang umiiral sa Pilipinas na sinang- ayunan ni
Manuel L. Quezon sa siyang Pangulo ng Pamahalaang Komonwelt ng Pilipinas.

1935: Nang dahil sa pagsang- ayon ni Pangulong Manuel L. Quezon, ito ay nagbigay- daan sa probisyong
pangwika na nakasaad sa Artikulo XIV, Seksiyon 3 ng Saligang Batas ng 1935 na nagsasabing “Ang
Kongreso ay gagawa ng mga hakbang tungo sa pagkakaroon ng isang wikang pambansang ibabatay sa
isa sa mga umiiral na katutubong wika. Hangga’t hindi itinatakda ng batas ang wikang Ingles at Kastila
ang siyang mananatiling opisyal na wika.”

Nang dahil sa Saligang Batas 1935, nagkaroon ng batas na isinulat ni Noberto Romualdez ng Leyte ng
Batas Komonwelt Blg. 184 na nagtatag ng Surian ng Wikang Pambansa.

Mga pamantayan sa pagpili ng wikang pambansa:

 Wika ng sentro ng pamahalaan;
 Wika ng sentro ng edukasyon;
 Wika ng sentro ng kalkalan; at
 Wika ng pinakamarami at pinakadakilang nasusulat na panitikan.

1937: Disyembre 30, 1937 ay iprinoklama ni Pangulong Manuel L. Quezon ang wikang Tagalog upang
maging batayan ng Wikang Pambansa na rekomendasyon ng Surian sa bisa ng Kautusang
Tagapagpaganap Blg. 134.

1940: Matapos mapagtibay ang Kautusang Tagapagpaganap Blg. 134 nagsimula ng ituro ang wikang
pambansa na Tagalog sa mga paaralang pampubliko at pribado.

1946: Simula ng ibigay ng mga Amerikano ang ating kalayaan noong Hulyo 4, 1946, ipinahayag na ang
Tagalog at Ingles ang opisyal na wika ng Pilipinas dahil sa bisa ng Batas Komonwelt Blg. 570

1959: Agosto 13, 1959, tinawag na Pilipino ang Wikang Pambansa nang lagdaan ni Kalihim Jose Romero
ng Kagawaran ng Edukasyon ang Kautusang Pangkagawaran Blg. 7.

1972: Sa pagtatalo sa Kombensyong Konstitusyunal tung kol sa wika, naging probisyong pangwika sa
Saligang Batas ng 1973, Aritikulo XV, Sekyon 3, Blg. 2 “Ang Batasang Pambansa ay dapat magsagawa ng
mga hakbang na magpapaunlad at pormal na magpatibay sa isang panlahat na wikang pambansang
kikilalaning Filipino.”

1987: Nakasaad naman sa Artikulo XIV, Seksiyon 6 ang probisyon tungkol sa wika na nagsasaad “Ang
wikang pambansa ng Pilipinas ay Filipino. Samantalang nililinang, ito ay dapat payabungin at
pagyamanin pa salig sa umiiral na mga wika sa Pilipinas at sa iba pang mga wika.”

Antas ng Inyong Pag- unawa: Sagutin ang sumusunod na mga tanong.

1. Bakit kailangang magkaroon tayo ng wikang pambansa?
____________________________________________________________________________
____________________________________________________________________________

Komunikasyon at Pananaliksik sa Wika at Kulturang Pilipino Page 2

K to 12 – Department of Education
 2. Angkop ba ang Tagalog sa mga pamantayan ng pagpili sa wika? Bakit?
____________________________________________________________________________
____________________________________________________________________________

Wikang Opisyal at Wikang Panturo

Ayon kay Virgilio Almario (2014:12) ang wikang opisyal ay ang itinatadhana ng batas na maging
wika sa opisyal na talastasan ng pamahalaan. Ang wikang panturo naman ang opisyal na wikang
ginagamit sa ormal na edukasyon.
Ayon sa Saligang Batas ng 1987, Artikulo XIV, Seksiyon 7, “Ukol
sa layunin ng komunikasyon at pagtuturo, ang mga wikang opisyal ng
Pilipinas ay Filipino at hangga’t walang ibang itinatadhana ang batas,
Ingles. Ang mga wikang panrehiyon ay pantulong na mga wikang
opisyal sa mga rehiyon at magsisilbing pantulong na mga wikang
panturo roon. Dapat itaguyod nang kusa at opsiyonal ang Kastila at
Arabic.”
Ang Filipino at Ingles ang naging opisyal na wikang panturo. Sa
pagpasok naman ng K to 12 Curriculum, ang Mother Tongue ang naging
wikang panturo mula Kindergarten hanggang Grade 3.
Ayon naman kay DepEd Secretary Brother Armin Luistro, FSC, “ang paggamit ng wikang
ginagamit sa tahanan sa unang baitang ng pag- aaral ay makakatulong sa pagpapaunlad ng wika at
kaisipan ng mga mag- aaral at mapagtibay ang kanilang kamalayang sosyo- kultural.”
Sa ikalawa at ikaanim na baiting bibigyang- diin ang iba’t iba pang komponent ng wika tulad ng
pakikinig, pagsasalita, pagbasa at pagsulat.
Sa unang taon ng pagpapatupad ng K to 12 ay itinadhana ng DepEd ang labindalawang
panrehiyong wika at diyalekto ang gagamitin sa MTB-MLE. Ngunit sa taong 2013 ay dinagdagan ito ng
pito, na naging labinsiyam na wika at diyalekto na magagamit tulad ng mga sumusunod: Tagalog,
Kapampangan, Pangasinense, Iloko, Bikol, Cebuano, Hiligaynon, Waray, Tausug, Maguindanaoan,
Merano, Chavacano, Ybanag, Ivatan, Sambal, Aklanon, Kinaray- a, Yakan at Surigaonon.

Antas ng Inyong Pang- unawa: Sagutin ang sumusunod na mga tanong

1. Ano ang ibig sabihin ng wikang opsiyal?

______________________________________________________________________________
______________________________________________________________________________

2. Sa inyong palagay, makakatulong ba sa mga batang mag- aaral na ang gamiting wikang
pagtuturo ay ang wikang kanilang kinagisnan? Bakit?
______________________________________________________________________________
______________________________________________________________________________

MAGAGAWA NATIN!
Gawain 1: Panoorin ang isang bahagi ng talumpati ni Pangulong Benigno Aquino III sa kanyang State of
the Nation Address sa link na ito https://www.youtube.com/watch?v=xaLvg7K_IT4 SONA 2015: Aquino’s
6th State of the Nation Address. Simulan sa 58:30 hanggang 1:08:30 at sagutan ang mga sumusunod na
katanungan:
Komunikasyon at Pananaliksik sa Wika at Kulturang Pilipino Page 3
K to 12 – Department of Education
 1. Higit mo bang naramdaman at naunawaan ang mensahe ng talumpati ng pangulo dahil wikang
Filipino ang ginamit niya sa pagbigka? Ipaliwanag.
_____________________________________________________________________________
_____________________________________________________________________________
2. Anong ang nararamdaman mo sa isang pangulo na gumagamit ng wikang Filipino sa kanyang
pagbibigay ng ulat sa bayan? Isa ba itong kahanga- hanga o hindi. Ipaliwanag ang inyong sagot.
_____________________________________________________________________________
_____________________________________________________________________________

Gawain 2: Iugnay ang mga natutuhang konseptong pangwika sa inyong sariling kaalaman, ng pananaw,
at mga karanasan sa pamamagitan ng pagsasagawa sa sumusunod:
1. Sa mga binasang tala ay nabatid mo ang masalimuot at mahabang proseso ng paghahanap ng
wikang magiging batayan ng ating wikang pambansa. Nang mapili ang wikang Tagalog ay
maraming naging hadlang at maraming taon ang lumipas bago ito napagtibay. Baon ang
kaisipang ito, sa paanong paraan mo maipapakita ang iyong pagpapahalaga at pagmamalaki sa
ating wikang pambansang Filipino? Maglahad ng limang paraan.
______________________________________________________________________________
______________________________________________________________________________
______________________________________________________________________________
______________________________________________________________________________
__________________________________________________________________________

Sanggunian: Pinagyamang Pluma Komunikasyon at Pananaliksik sa Wika at Kulturang Pilipino nina Alma
M. Dayag (Awtor- koordineytor) at Mary Grace G. del Rosario
Komunikasyon at Pananaliksik sa Wika at Kulturang Pilipino Page 4
K to 12 – Department of Education