MAIKLING KWENTO: Regalo sa Guro
Dalawang araw na lamang at isasarado na ang pinto ng
paaralan dahil sa Pasko. Sa paaralan ay may punong-kahoy
na pamasko na puno ng palamuti at mga ilaw. Ito'y puno
ng mga alaalang laan ng mga bata sa kanilang mga guro at
kamag-aaral.
Ang lahat ay maligaya. Ang buong daigdig ay nadaramtan
ng kaligayahan. Malapit nang isilang ang Mananakop. Ang
lahat ay may ngiti sa labi - may awit sa papawirin.
Ngunit may kaawa-awang nilalang na nalulungkot. Siya'y
si Nestor. Bakit? Ang lahat ng kanyang kamag-aral ay may
alaala sa pinakamamahal na guro, subalit siya'y wala.
Paanong di gayo'y si Nestor ay ulila sa ama at ang ina ay
maralita. Ang ina'y walang kaya upang isunod sa
kagustuhan ng kanyang bunsong anak.
"Inang," ang hikayat ni Nestor, "Ako lamang ang walang
alaala kay Bb. Mirasol. Ang lahat - sina Ador, Florante,
Ramon at Orlando - ang bawat isa sa kanila ay may
pamasko sa aking guro. Ako ay bukod-tanging wala."
"Nestor," ang butihing ina ay sumagot, "Makinig ka. Alam
ng iyong guro na tayo'y dukha. Siya'y di naghihintay ng
alaalang galing sa iyo. Huwag mong ikalungkot iyan.
Talos kong si Bb. Mirasol ay nakauunawa sa ating
kalagayan."
Si Nestor ay walang kibo. Maaga siyang nahiga ngunit
hindi makatulog. Siya'y nag-iisip. Kung mayroon lamang
siyang pagkakakitaan, kahit kaunting salapi upang ibili ng
kanyang papasko! Katapusang araw na kinabukasan.
Si Nestor ay nag-isip nang nag-isip. May gumuhit sa
kanyang gunita. Mayroon siyang naisip na maiaalay na
alaala kay Bb. Mirasol. Ito kaya ay kasiya-siya?
Magustuhan kaya ng kanyang guro?
Siya'y bumangon. Tinungo ang munting hapag sa silid at
sa malamlam na ilawan ay isinulat sa malinis na papel ang
kanyang papasko. Pinagbuti niya ang kanyang pagsulat,
ulit-ulit na binasa at pagkatapos ay tiniklop at ipinaloob sa
sobre. Sinarhan niya ito, ipinaloob sa isang aklat at
nahigang muli. Mayroon na siyang alaala. Anong tuwa
niya! At nakatulog siya nang mahimbing.
Dahil sa labis na kaligayahan ni Bb. Mirasol, kanyang
binasa muli ang liham.
"Minamahal kong Guro:
Inyo pong pakaasahang ako'y magpapakabuti.
Susundin ko po ang inyong mga utos. Ako'y mag-aaral
ng leksyon tuwi na. Pagpipilitan ko pong ako ay maging
pangunahing mag-aaral sa inyong klase. Ito pong
pangakong ito ang papasko ko sa inyo.
Nagmamahal, Nestor"
Kinaumagahan siya'y pinukaw ng ina, "Nestor, bangon
na. Tatanghaliin ka sa pagpasok."
Si Nestor ay nagmamadaling nagbihis, kumain, at
tumungo sa paaralan. Hindi niya nalimutang dalhin ang
kanyang papasko sa kanyang guro.
Sa lansangan ay gayon na lamang ang kanyang tuwa!
Mayroon na siyang papasko! Ito kaya ay mabuting
alaala? Iyan lamang ang kanyang nakaya at galing sa
kanyang puso. Nang dumating siya sa silid-aralan ay
kay-daming mga batang nanonood sa Christmas tree.
Buong-ingat na ibinitin ni Nestor ang kanyang papasko
sa guro.
Nakinig siya sa lahat ng bilang ng palatuntunan ngunit
ang laging bumabagabag sa kanya ay ang tanong na,
"Maibigan kaya ni Bb. Mirasol ang aking alaala?"
Ang katapusang bilang ng palatuntunan ay
pamumudmod ni Santa Claus ng mga papasko. Sumasal
ang puso ni Nestor nang katapusa'y ibinigay ni Santa
ang sobre niya kay Bb. Mirasol. Tila kilala ni Bb.
Mirasol ang kayang sulat. Tinitingan ang mga titik bago
binuksan ang liham. Habang binabasa ang liham, si
Nestor ay nagmamasid.
Matapos ang palatuntunan umalis na si Santa, pati lahat
ng mag-aaral na nagpaalam kay Bb. Mirasol. Ang
kahuli-huliha'y si Nestor na tinawag ng guro. "Nestor,
pumarito ka. Ako'y may sasabihin sa iyo."
"Nakita mo ba kung gaano karami ang mga alaalang
tinanggap ko? Ako'y galak na galak pagkat iya'y
tagapagpakilala na ako'y minamahal ng aking mga
tinuturuan. Sa pumpon ng mga alaala ay bukod at tangi
ang iyo na pinakamahalaga sa lahat. Ang iyong alaala
ay hindi pangkaraniwan. Iya'y nagbigay sa akin ng
labis na kagalakan."
Namangha si Nestor, di yata't ang kanyang alaala ang
pinakamahalaga sa lahat! Ito ang sabi ng kanyang guro.
"Salamat po, at maligayang pasko." ang sabi ni Nestor
bago siya umalis. Siya ay tuwang-tuwa.
Bilugan ang letra ng kasingkahulugan ng salitang nakasalungguhit.

1. Si Nestor ay ulila sa ama, at ang ina naman niya ay maralita, kaya hindi niya mabigyan ng
papasko ang kanyang guro.

A. magaling
B. mahirap
C. maunawain
D. mayaman

2. Habang binabasa ni Bb. Mirasol ang liham, si Nestor ay nagmamasid.

A. kumakain
B. lumalayo
C. nag-iingay
D. nanonood

3. Si Bb. Mirasol ay galak na galak sa liham na natanggap niya mula kay Nestor.

A. bilib na bilib
B. gulat na gulat
C. inip na inip
D. tuwang tuwa

Bilugan ang letra ng kasalungat ng salitang nakasalungguhit.

1. Alam daw ng guro ni Nestor na siya at ang kanyang pamilya ay dukha, kung kaya’t hindi
naghihintay ng regalo ang guro mula kay Nestor.

A. mahirao
B. masipag
C. matalino
D. mayaman

2. Ang regalo ni Nestor sa kanyang guro ay hindi pangkaraniwan, kaya siya ay galak na galak
nang matanggap at mabasa niya ito.

A. magaan
B. mura
C. naiiba
D. sikat

Bilugan ang letra ng sagot sa bawat tanong.

1. Ano ang mahalagang aral ng maikling kuwento?

 A. Laging makinig sa payo ng nanay.
B. Maging malikhain, lalo na’t kung walang perang panggastos.
C. Dapat ay magbigay ng regalo sa guro kahit na walang pambili.
D. Higit ang pagiging taos-puso at masunurin kaysa sa ano pa mang material na bagay.

2. Nakatulog _______ mahimbing si Nestor pagkatapos niyang isulat ang kanyang pamasko
kay Bb. Mirasol. Ano ang tamang salita upang makumpleto ang pangungusap?

A. na
B. nang
C. ng
D. noong

3. 3. Binigyan ni Nestor ang kanyang guro _______ isang taos-pusong liham. Ano ang tamang
salita upang makumpleto ang pangungusap?

A. na
B. nang
C. ng
D. noong

Ano ang tunggalian ng maikling kuwentong nabasa? Ipaliwanag ang sagot.

 tao laban sa sarili

 tao laban sa tao
 tao laban sa lipunan
 tao laban sa kalikasan
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________

Mag-isip ng tatlong salitang pinakaangkop para mailarawan si Nestor, ang pangunahing tauhan ng
kuwento. Bakit angkop ang mga ito sa iyong palagay? Ipaliwanag ang bawat isa gamit ang ebidensya
mula sa teksto.
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________
_________________________________________________________________________________