7

FILIPINO

Unang Kwarter-Modyul
Mga Akdang
1
Pampanitikan: Salamin ng
Mindanao

Filipino- Grade 7
Alternative Delivery Mode
Unang Kwarter - Modyul1: F7PN-Ia-b-1 Nahihinuha ang kaugalian at kalagayang
panlipunan ng lugar na pinagmulan ng kuwentong batay sa mga pangyayari at usapan
ng mga tauhan

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi sa anomang akda ang Pamahalaan ng Pilipinas. Gayonpaman,
kailangan muna ang pahintulot ng ahensiya o tanggapan ng pamahalaan na naghanda
ng akda kung ito ay pagkakakitaan. Kabilang sa mga maaaring gawin ng nasabing
ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul
na ito ay nagtataglay ng karapatang-ari ng mga iyon. Pinagsumikapang matunton ang
mga ito upang makuha ang pahintulot sa paggamit ng materyales. Hindi inaangkin ng
mga tagapaglathala at mga may-akda ang karapatang-aring iyon. Ang anomang gamit
maliban sa modyul na ito ay kinakailangan ng pahintulot mula sa mga orihinal na may-
akda ng mga ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: FAITH CHRISTY P. ALMIRANTE

Editor:
Tagasuri:

Tagaguhit:

Tagalapat:
Tagapamahala:

Inilimbag sa Pilipinas ng ________________________

Department of Education – Region VII
Office Address:
Telefax:
E-mail Address:

Page 2
 FILIPINO 7
Unang Kwarter
Aralin 1: Ang
Munting Ibon
(Kuwentong-Bayan)

Paunang Salita
Para sa tagapagdaloy:
Malugod na pagtanggap sa asignaturang Filipino 7 ng Alternative Delivery Mode (ADM)
Modyul para sa araling panitikan na tumatalakay sa kaugalian at kalagayang
Page 3
panlipunan ng lugar na pinagmulan ng kuwentong batay sa mga pangyayari at usapan
ng mga tauhan.
Ang modyul na ito ay pinagtulungang dinisenyo, nilinang at sinuri ng mga edukador
mula sa pambuliko at pampribadong institusyon upang gabayan ka, ang gurong
tagapagdaloy upang matulungang makamit ng mag-aaral ang pamantayang itinakda ng
Kurikulum ng K to12 habang kanilang pinanagumpayan ang pansarili, panlipunan at
pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-aaral sa mapatnubay at
malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga kasanayang
pan-21 siglo habang isinasaalang-alang ang kanilang mga pangangailangan at
kalagayan.
Bilang karagdagan sa materyal ng pangunahing teksto, makikita ninyo ang kahong ito
sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong o estratehiyang magagamit sa

paggabay sa mag-aaral.

Bilang tagapagdaloy, inaasahang bibigyan mo ng paunang kaalaman ang mag-aaral

kung paano gamitin ang modyul na ito. Kinakailangan ding subaybayan at itala ang
pag-unlad nila habang hinahayaan silang pamahalaan ang kanilang sariling pagkatuto.

Bukod dito, inaasahan mula sa iyo na higit pang hikayatin at gabayan ang mag-aaral
habang isinasagawa ang mga gawaing nakapaloob sa modyul.
Points to Ponder!

Para sa mag-aaral:
Malugod na pagtanggap sa Filipino 7 ng Alternative Delivery Mode (ADM) Modyul ukol sa
panitikang Ang Munting Ibon na isang kuwentong- bayan. Ang modyul na ito ay ginawa
bilang tugon sa iyong pangangailangan. Layunin nitong matulungan ka sa iyong pag-
aaral habang wala ka sa loob ng silid-aralan. Hangad din nitong madulutan ka ng mga
makabuluhang oportunidad sa pagkatuto.

Page 4
Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga dapat mong

matutuhan sa modyul.

Subukin Sa pagsusulit na ito, makikita natin kung ano na

ang kaalaman mo sa aralin ng modyul. Kung nakuha
mo ang lahat ng tamang sagot (100%), maaari mong
laktawan ang bahaging ito ng modyul.

Balikan Ito ay maikling pagsasanay o balik-aral upang

matulungan kang maiugnay ang kasalukuyang
aralin sa naunang leksyon.

Tuklasin Sa bahaging ito, ang bagong aralin ay ipakikilala sa

iyo sa maraming paraan tulad ng isang kuwento,
awitin, tula, pambukas na suliranin, gawain o isang
sitwasyon.

Suriin Sa seksyong ito, bibigyan ka ng maikling pagtalakay

sa aralin. Layunin nitong matulungan kang
maunawaan ang bagong konsepto at mga
kasanayan.

Pagyamanin Binubuo ito ng mga gawaing para sa mapatnubay at

malayang pagsasanay upang mapagtibay ang iyong
pang-unawa at mga kasanayan sa paksa. Maaari
mong iwasto ang mga sagot mo sa pagsasanay gamit
ang susi sa pagwawasto sa huling bahagi ng modyul.
Isaisip Naglalaman ito ng mga katanungan o pupunan ang
patlang ng pangungusap o talata upang maproseso
kung anong natutuhan mo mula sa aralin.
Isagawa Ito ay naglalaman ng gawaing makatutulong sa iyo
upang maisalin ang bagong kaalaman o kasanayan
sa tunay na sitwasyon o realidad ng buhay.

Tayahin Ito ay gawain na naglalayong matasa o masukat

ang antas ng pagkatuto sa pagkamit ng natutuhang
kompetensi.

Page 5
 Karagdagang Sa bahaging ito, may ibibigay sa iyong panibagong
Gawain
gawain upang pagyamanin ang iyong kaalaman o
kasanayan sa natutuhang aralin.

Susi sa Pagwawasto Naglalaman ito ng mga tamang sagot sa lahat ng

mga gawain sa modyul.

Ito ang talaan ng lahat ng pinagkuhanan sa paglikha

Sanggunian
o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang marka o
sulat ang anumang bahagi ng modyul. Gumamit ng hiwalay na papel sa pagsagot
sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at sa
pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na ito, huwag
mag-aalinlangang konsultahin ang inyong guro o tagapagdaloy. Maaari ka rin
humingi ng tulong kay nanay o tatay, o sa nakatatanda mong kapatid o sino man sa
iyong mga kasama sa bahay na mas nakatatanda sa iyo. Laging itanim sa iyong
isipang hindi ka nag-iisa.
Umaasa kami, sa pamamagitan ng modyul na ito, makararanas ka ng makahulugang
pagkatuto at makakakuha ka ng malalim na pang-unawa sa kaugnay na mga
kompetensi. Kaya mo ito!

ALAMIN

Mindanao. Marahil maraming bagay ang papasok sa iyong isipan kung

maririnig ang salitang Mindanao. Ngunit gaano nga ba ang iyong alam sa
Mindanao?
Maraming panitikan ang inilimbag at inilathala na naging bahagi na ng
kamalayang

Page 6
 Pilipino. Ngunit tulad ng nakasulat sa kasaysayan ng Pilipinas,hindi ganap
ang
pagsasalaysay sa kahalagahan ng lahat ng bahagi ng bansa, maraming
bagay pa ukol
sa Mindanao ang hindi batid ng marami: kasaysayan, kultura at panitikan.
Sa modyul na
ito, matututuhan mo ang mga panitikang Pilipino mula sa Mindanao. Sa
pag-aaral ng mga panitikang Mindanaoan, inaasahang higit mong mauunawaan at
mapahahalagahan ang iyong pagka-Pilipino. https://peac.org.ph/wp-
content/uploads/2019/10/FilipinoGr7Qtr1-Reg.pdf

Sa modyul na ito, ang panitikan na inyong mababasa ay isang

kuwentong- bayan mula sa lugar na ating nabanggit.

Ang mga kuwentong bayan o poklor ay mga kuwentong nagmula sa

bawat pook na naglalahad ng katangi-tanging salaysay ng kanilang lugar. Kadalasang
ito ay nagpapakita ng katutubong kulay (local color) tulad ng pagbabanggit ng mga
bagay, lugar, hayop, o pangyayari na doon lamang nakikita o nangyayari. Masasalamin
sa mga kuwentong bayan ang kultura ng bayan na pinagmulan
nito(https://www.rexinteractive.com/UserFiles/IM/Pointers-Filipino-2/Supplemental%20Filipino%20High%20School%20Grade
%207%20Q1.pdf)

Inaasahang sa huling bahagi ng modyul na ito ay iyong matamu ang kaalaman sa

mga sumusunod na layunin:

naibibigay ang kasingkahulugan at kasalungat na kahulugan ng salita

ayon sa gamit sa pangungusap,
nasusuri gamit ang graphic organizer ang ugnayan ng tradisyon at
akdang pampanitikan batay sa nabasang kuwentong bayan, at
naipapahayag ang mahalagang kaisipang natutuhang maaaring
magpabago sa pananaw, pakikitungo sa kapwa, at pagharap sa buhay?

SUBUKIN

I. Panuto: Suriin at isulat sa kahon ang kasingkahulugan ng salitang nakadiin ayon sa

pagkakagamit nito sa pangungusap.

1. Lumalabas ang mag-asawa tuwing takipsilim upang

mangaso.

2. Gumagamit sila ng bitag upang makaakit ng mga hayop.

Page 7
 3. Isang matabang usa ang kanyang nadale.

4. Sa halip na kumibo ay nag-isip na lang na ibang paraan

ang babae.

5. Gayon na lang ang kanyang panggigilalas sa nakitang

kakaiba.

II. Isulat sa kahon ang kasalungat ng salitang nakadiin ayon sa gamit ng pangungusap.

1.Tumingala siya at nakita ang nakasabit na matabang usa.

2. Kitang-kita sa kanya ang pagiging tuso.

3. Matabang usa ang nahuli ng bitag.

4. Sinolo ng lalaki ang biyayang natanggap.

5. Nagdaramdam siya sa ginagawang pagtrato sa kanya ng asawa.

I. Pagpuno sa Grapikong Pantulong

Panuto: Sa grapikong pantulong sa ibaba, ilahad ang mga naaalala mong kuwento mula
at ukol sa Mindanao. Maaaring ang mga ito’y nakuha mo sa mga balita, narinig na
kuwento mula sa ibang tao o kaya’y kamag-anak.
ALIKAN
Kuwento Mula sa Mindanao

Page 8
 Sagutin mo ang mga sumusunod na pamprosesong tanong.

1. Paano nakaimpluwensya sa iyong persepsyon sa Mindanao ang mga kuwentong

inilahad mo sa grapikong pantulong?

2. Alin sa mga ito ang batid mong totoo? Bakit?

3. Paano mo higit na makikilala ang Mindanao?

TUKLASIN

Pagbasa:
Ang Munting Ibon
Kuwentong-Bayan ng Maranao
“Upang mapagtibay ang relasyon sa kapwa, maging magalang, matapat, at mabuti ka.”

Noong unang panahon, may mag-asawang nanininrahan sa malayong bayan ng

Agamaniyog. Sila sina Lokes a Babay at Lokes a Mama. Pangangaso ang ikinabubuhay
ng mag-asawa subalit hindi lang ang lalaking si Lokes a Mama ang nangangaso kundi
maging ang kanyang maybahay na si Lokes a Babay. Bago sumapit ang takipsilim ay
inilalagay na ng mag-asawa ang kani-kanilang bitag sa gubat at ang mga ito’y kanilang
binabalikan sa madaling araw.
Isang gabi, habang nahihimbing si Lokes a Babay ay dahan-dahang lumabas ng bahay
si Lokes a Mama upang tingnan ang kanilang mga bitag. Anong laking gulat niya nang
makitang ang kanyang bitag na nakasabit sa puno ay nakahuli ng isang munting ibon
samantalang ang bitag ng kanyang asawang nasa lupa sa tabi ng ugat ng isang
malaking puno ay nakahuli ng isang malusog na usa. “Hmmm, hindi maaari ito,” ang
sabi ni Lokes a Mama sa sarili. “Matabang usa ang nahuli ng bitag niya samantalang
ang sa aki’y isang munting ibon lang ang nadale. Alam ko na. Pagpapalitin ko ang mga
hayop na nahuli ng aming mga bitag,” ang nakangising wika ni Lokes a Mama habang
inililipat ang usa sa kanyang bitag at saka itinali ang ibon sa bitag ng asawa. Umuwi si
Lokes a Mama nang nasisiyahan sa kanyang ginawa kahit alam niyang isang panloloko
ito sa kanyang asawa.

Kinabukasan, maagang ginising ni Lokes a Mama ang asawa. Gusto niya kasing sabay
silang magtungo sa kagubatan upang sabay ring Makita ang mga huli ng kani-kanilang
mga bitag. Gulat na gulat si Lokes a Babay nang makita ang matabang using nakasabit
sa bitag ng asawang nasa itaas ng puno samantalang ang kanyang bitag na nasa tabi ng
puno ay nakahuli lang ng isang maliit na ibon. Ipinagtataka niya kung paanong ang

Page 9
bitag na nasa itaas ng puno ang nakahuli ng isang usa subalit hindi na lang siya
kumibo. Sa halip, iniuwi niya ang munting ibon at inilagay ito sa isang hawla.

Samantalang, iniuwi naman ni Lokes a Mama ang kanyang huli at saka iniluto.
Umaamoy sa kapaligiran ang nakakagutom na amoy ng nilulutong usa subalit nang
handa na’y agad itong nilantakan ng lalaki nang hindi man lang nag-alok sa kanyang
asawa. Sinolo niyang kainin ang buong usa sa loob ng tatlong araw kahit alam niyang
gusto rin ito ng kanyang asawa. Isa pa’y ang bitag naman talaga ni Lokes a Babay ang
totoong nakahuli sa usa. Likas siyang maramot at walang pagpapahalaga sa asawa kaya
hanggang sa maubos ang usa ay hindi niya binigyan si Lokes a Babay na nanatiling
walang kibo sa kabila ng ginagawa ng asawa.

Nang maubos niya ang nilutong usa ay muling niyaya ni Lokes a Mama ang asawa.
“Gusto ko uling makatikim ng matabang usa. Halika, maglagay tayong muli ng bitag sa
gubat,” ang kanyang paanyaya sa asawa. Muli, naglagay ang dalawa ng kani-kanilang
mga bitag. Subalit hindi marunong umakyat ng puno si Lokes a Babay at dahil hindi
man lang siya tinulungan ni Lokes a Mama ay inilagay na lang niya uli ang kanyang
bitag sa tabi ng puno kung saan siya dating naglalagay.

Hatinggabi nang mamalayan ni Lokes a Babay ang kanyang asawang bumangon at

dahan-dahang lumabas ng pinto. Nagkunwari siyang tulog. Matalinong babae si Lokes a
Babay at nahulaan niya ang ginagawa ng asawa. Subalit wala siyang intensyong sundan
ito. “Alam kong niloloko mo lang ako, pero hindi kita papatulan”, ang tahimik niyang
naibulong sa sarili at saka niya pinilit makatulog kahit pa siya’y nagdaramdam sa
ginagawang pagtrato sa kanya ng asawa.

Nang siya’y makatulog ay nanaginip siya. Napanaginipan niyang pinakakain daw niya
ng palay ang kanyang alaga at anong laking gulat niya nang mangitlog ito ng isang
montias o isang mamahaling hiyas.

Nagising na lang siya dahil tinatawag na pala siya ni Lokes a Mama para tingnan ang
kanilang mga bitag. Subalit wala na siyang interes sa bitag. “Ikaw na lang ang
pumunta,” ang sabi niya sa asawa. “Masakit ang ulo ko at mas gusto ko pang
magpahinga na lang.” ang dugtong pa niya.

“Bahala ka. Basta’t pag may nahuli ako ay hindi uli kita bibigyan. Kanya-kanya tayo,”
ang sabi ni Lokes a Mama habang pababa ng hagdan. Hindi sumagot si Lokes a Babay.
Sanay na siya sa pagiging tuso at madamot ng kanyang asawa. Wala rin itong
pagpapahalaga sa kanya at hindi niya naramdamang mahal siya nito.

Pagkaalis ng kanyang asawa ay agad niyang pinuntahan ang kanyang munting ibon.
Kumuha siya ng palay at ipinatuka sa ibon. Gayon na lang ang kanyang panggigilalas
nang makitang pagkalunok nito sa palay ay biglang nangitlog ng isang maningning na
diyamante ang ibon. Dinampot niya ang diyamante. “Mayaman na ako! Mayaman na
ako!” ang paulit-ilit niyang sabi sa sarili habang itinatago ang mamahaling bato.

Tulad ng dati, pag-uwi ng kanyang asawa ay iniluluto nito ang kanyang huli at mag-
isang kumakain nang hindi man lang nag-aalok. Subalit hindi na ito pansin ni Lokes a
Babay ngayon. Sa halip ay masaya siyang humuhuni ng paborito niyang himig habang
gumagawa sa bahay na labis namang ipinagtataka ng kanyang asawa.

Page 10
Araw-araw nga, pagkaalis ng kanyang asawa upang kunin ang anumang nahuli ng
kanilang bitag ay pinakakain naman niya ng palay ang ibon at saka mag-aabang sa
ilalabas nitong diyamante. Walang kamalay-malay si Lokes a Mama na marami na
palang naiipong diyamante si Lokes a Babay.

Isang araw, habang mag-isa na namang kinakain ni Lokes a Mama ang kanyang
inilutong huli ay nagsalita si Lokes a Babay. “Hindi ko na matiis ang pakikitungo mo sa
akin. Alam ko na ang ginagawa mong panloloko sa akin. Bukod pa riyan hindi ko na rin
kayang tiisin ang pagiging maramot mo at kawalan mo ng pagpapahalaga sa akin,” ang
buong kapaitan niyang sabi sa asawa na hindi man lang tumingala mula sa pagngasab
sa niluto niyang ligaw na pato. “Payag na ako sa dati mo pang sinasabing
pakikipaghiwalay sa akin. Magmula ngayon, lilipat na ako ng tirahan at hindi na kita
aabalahin subalit huwag na huwag mo na rin akong aabalahin.” ang pangwakas na sabi
ni Lokes a Babay.

Medyo nakonsensya naman ang lalaki dahil totoong lahat ang sinabi sa kanya ng
asawa. Pero ito na ang pinakahihintay niyang pagkakataon. Ngayon ay Malaya na siya.
Matagal na niyang sinasabi kay Lokes a Babay na gusto niyang makipaghiwalay subalit
hindi ito pumapayag. Ngayon ay heto at pumapayag na siya sa kanyang kagustuhan.

Nag-impake si Lokes a Babay ng kanyang mga gamit at dala ang pinakamamahal niyang
ibon at umalis siya ng bahay. Naiwan naman si Lokes a Mama at ipinagpatuloy lang ang
kanyang pangangaso.

Samantala si Lokes a Babay ay bumili ng isang malawak na lupain at nagpatayo ng

isang torogan o malapalasyong tahanan. Kumuha siya ng mga guwardiya at mga
katulong na magsisilbi sa kanya. Naging maayos at masagana ang kanyang
pamumuhay. Nabalitaan ni Lokes a Mama ang napakagangdang kalagayan sa buhay ng
kanyang dating asawa kaya’t muli siyang nagplano.

“Babalikan ko si Lokes a Babay para makasalo rin ako sa kanyang kayamanan. Hindi ko
alam kung saan niya kinuha ang kanyang kayamanan subalit dapat lang na
makinabang din ako,” ang sabi sa sarili ng tusong lalaki.

Subalit napaghandaan na pala ito ni Lokes a Babay. Kilala niya kasi ang pagiging tuso
at manloloko ng asawa kaya’t pinabilinan niya ang kanyang mga guwardiya na huwag
na huwag itong palalapitin man lang sa kanyang magarang tahanan. Kahit anong gawin
ni Lokes a Mama ay hindi na nagpaloko sa kanya ang asawa.

At magmula noon, namuhay sa bayan ng Agamaniyog si Lokes a Babay nang maligaya,

masagana, at payapa.

 
SURIIN

Ang mga kuwentong-bayan ng Agamaniyog ay kalipunan ng mga

kilalang

Page 11
 pasalindilang panitikan sa lalawigan ng Lanao sa Mindanao. Ang Agamaniyog
ay karaniwang
ginagamit bilang tagpuan ng mga kilalang kuwentong-bayan at pabulang
Maranao bagama’
t wala naman talagang ganitong lugar sa nasabing lalawigan. Ang agama ay
isang salitang
Sanskrit na hiniram ng mga wikang Maranao at Malay at nangangahulugang
“relihiyon”
subalit ginamit ito ng mga Maranao bilang salitang tumutukoy sa mga byan o
lugar na
may lupain, mga tao, may moske, kayamanan at kapangyarihan. Kapag
idinugtong sa
salitang agama ang niyog, nagiging Agamaniyog na ang ibig sabihin ay
“Lupain ng mga
Niyog.” Sa maraming kuwentong-bayan Maranao, ang Agamaniyog ay
isinalarawan bilang
lupain ng karangyaan at kaluwalhatian. Iba’t ibang tauhan at banghay ang
hinabi sa
tagpuang ito upang makapanlibang o magturo ng aral tungkol sa mabuti at
masama. Sa
binasang kuwentong-bayan ay muling ginamit bilang tagpuan ang Agamaniyog.

(nakuha mula sa Pinagyamang Pluma sa

Filipino 7)
Ang panitikang “Ang Munting Ibon” ay isang kuwentong mula sa bayan ng Meranao,
ang pangunahing tauhan ay ang mag-asawang sina Lokes a Mama at Lokes a Babay.
Mahihinuha sa kuwento ang kaugalian at kalagayang panlipunan ng lugar kung saan
nagmula ang kuwento. Ilan sa mga kaugaliang ito ay ang mga sumusunod:
pagpapahalaga ng asawang babae sa asawang lalaki, kasipapagan, kabutihan ng puso,
at labis na kapangyarihan ng asawang lalaki sa pamilya. Karaniwan sa mga taga-
Meranao ay pangangaso ang hanapbuhay, umaasa sa kagubatan o kapaligiran upang
sila ay mabuhay. Naninirahan sa mabundok, magubat at mapuno upang mapadali ang
kanilang paghahanap ng makakain araw-araw.
 
PAGYAMANIN

Gawain 1: Ilarawan ang pagsasama o relasyon mayroon ang mag-asawang Lokes a

Babay at Lokes a Mama gamit ang graphic organizer.

Page 12
Gawain 2: Katangian ng Tauhan
Panuto: Ilarawan ang mga pangunahing tauhan sa kuwentong bayan na nabasa sa
pamamagitan ng mga salitang naglalarawan sa mga kahong nakapalibot sa pangalan ng
mga tauhan ng kuwentong bayang Ang Munting Ibon.

Lokes a Babay Lokes a Mama

Sagutin ang mga pamprosesong tanong:

1. Anong uri ng pag-uugali si Lokes a Mama? Bakit?

2. Paano nakaapekto ang ugali ni Lokes a Mama sa relasyon nilang dalawa ni Lokes a
Babay?

3. Anong uring asawa si Lokes a Babay?

4. Paano ninyo maihahalintulad ang relasyon ng mag-asawa sa mga relasyon sa

kasalukuyan?

 
ISAISIP

Panuto: Sagutin ang mga sumusunod na katanungan.

Page 13
 1. Paano makatutulong sa pagkaaroon ng maayos na relasyon sa kapwa ang paggalang o
pagrespeto at pagiging tapat?

2. Ano ang gagawin mo kung tulad ni Lokes a Mama ay ikaw naman ang hindi naging matapat
at ito ay nakasira sa relasyon mo sa ibang tao?

 
ISAGAWA

Gawain I. Panuto: Sa isang relasyon napakahalaga ng pagkakaroon ng respeto at

pagiging matapat.
Sa nabasang kuwentong-bayan, makikitang nasira ang relasyon ng mag-asawang sina
Lokes a Babay at Lokes a Mama sapagkat sa kawalan ng mga bagay na ito. Baon ang
aral at kaisipan mula sa kuwento, ano ang gagawin mo sa sumusunod na sitwasyon?
Isulat sa kahon ang iyong sagot.
1. Nakita mong kinuha ng iyong kaklase ang baon ng isa mong kaklase. Napag-alaman
mong ang kinuha niya ito sa dahilan na wala itong pera pambili ng makakain at siya’y
nagugutom na. Ano ang iyong gagawin?

2. Narinig mong nag-aaway ang iyong mga magulang, umiiyak na rin ang iyong
nakababatang kapatid dahil sa sigawan nila. Sa sitwasyong tulad nito, ano ang gagawin
mo?

Page 14
3. Napag-alaman mong nagsinungaling ang iyong matalik na kaibigan sa iyo at hindi ka
na niya kinikibo sa dahilang nahihiya siya. Ano ang iyong dapat gawin?

4. Nag-away kayo ng iyong nakakatandang kapatid dahil sa pinakialaman mo ang

kanyang gamit at nasira ito. Ano ang karapat-dapat mong gawin?

Gawain 2. Sagutin ang tanong. Isulat ang sagot sa loob ng ulap.

Ano ang mahalagang kaisipang

natutuhang maaaring
magpabago sa aking pananaw,
pakikitungo sa kapwa, at
pagharap sa buhay?

 
TAYAHIN

Panuto: Hinuhain ang kaugalian at kalagayang panlipunan ng lugar na pinagmulan ng

kuwentong- bayan batay sa mga pangyayari o usapan ng mga tauhan. Isulat ang iyong
sagot sa kahon.

Page 15
1. Pangangaso ang ikinabubuhay ng mag-asawa . Mahihinuha ang kanilang lugar ay . . .
..

2. “Babalikan ko si Lokes a Babay para makasalo rin ako sa kanyang kayamanan. Hindi
ko alam kung saan niya kinuha ang kanyang kayamanan subalit dapat lang na
makinabang din ako,” Mahihinuhang si Lokes a Mama ay . . . . .

3. “Alam kong niloloko mo lang ako, pero hindi kita papatulan,” ang tahimik niyang
naibulong sa sarili. Mahihinuhang ang si Lokes a Babay ay . . . . .

4. Sinolong kainin ni Lokes a Mama ang buong usa sa loob ng tatlong araw kahit alam
niyang gusto rin ito ng kanyang asawa. Isa pa’y ang bitag naman talaga ni Lokes a
Babay ang totoong nakahuli sa usa. Mahihinuhang ang lalaki ay . . . . .

5. “Matabang usa ang nahuli ng bitag niya samantalang ang sa aki’y isang munting ibon
lang ang nadale. Alam ko na. Pagpapalitin ko ang mga hayop na nahuli ng aming mga
bita,” ang nakangising wika ni Lokes a Mama habang inililipat ang usa sa kanyang bitag
at saka itinali ang ibon sa bitag ng asawa. Mahihinuha na si Lokes a Mama ay . . . . .

KARAGDAGANG GAWAIN

Panuto: Gumupit at idikit ang larawan ng iyong mga magulang o kilalang

hinahangaang mag-asawa o karelasyon. Ilarawan ang pagsasama o relasyon
nilang dalawa. Isulat ito sa ibaba ng larawan.

Page 16
  
SUSI SA PAGWAWASTO

Subukin Balikan Pagyamanin

I.
1. hatinggabi
2. patibong
3. nahuli
4. magsalita
5. pagkagulat Iba’t iba ang Iba’t iba ang
II kasagutan kasagutan
1. yumuko
2. mabuti
3. patpatin
4. ibinahagi
5. natutuwa

Isaisip Isagawa Tayahin Karagdagang Gawain

Iba’t iba ang Iba’t iba ang Iba’t iba ang Iba’t iba ang
kasagutan kasagutan kasagutan kasagutan

Page 17
Sanggunian

Most Essential Learning Competencies (MELCS)

Google Internet Information about the lessons
Google Internet Pictures/Icons
Pinagyamang Pluma sa Filipino 7, pahina 8 -18 awtor Ailene G. Baisa-Julian, Nestor S.
Lontoc,
at Carmela H. Esguerra; Awtor-Koordineytor: Alma M. Dayag

https://rexinteractive.com/UserFiles/IM/Pointers-Filipino2/Supplemental%20Filipino%20High%20School%20Grade
%207%20Q1.pdf
https://peac.org.ph/wp-content/uploads/2019/10/FilipinoGr7Qtr1-Reg.pdf

For inquiries or feedback, please write or call:

Department of Education : DepEd-Cebu Province
Office Address: Sudlon, Cebu City, 6000 Cebu
Telefax: ___________________________________
Email Address: _______________________________

Page 18