იავ ნანა, ვარდო ნანა, იავ ნანინაო, ლალის ჩანჩხურა უბიათ, ვარდო ნანინაო,

აქ ბატონები მობრძანდნენ, ვარდო ნანინაო, გადაჰკვრენ გადაარწევენ, იავ ნანინაო,

მობრძანდნენ და გაგვახარეს, იავ ნანინაო,
ბატონების მამიდასა, იავ ნანინაო,
ქვეშ გავუშლით ხალიჩასა, ვარდო ნანინაო,
იმასაც არ დავაჯერებთ, იავ ნანინაო,
ზედ გავუფენთ ორხოსაცა, ვარდო ნანინაო,
ამ ბატონების დედასა, იავ ნანინაო,
უდგია ოქროს აკვანი, ვარდო ნანინაო,
შიგ უწევთ ბატონიშვილი, იავ ნანინაო,
უსხიათ ოქროს ქოჩორი, ვარდო ნანინაო,
ატლასის საბანი ჰხურავს, იავ ნანინაო,
ზარ-ბაბთისა არტახები, ვარდო ნანინაო,
მოვის პერანგი უცვიათ, იავ ნანინაო,
მთვარე გრეხილათ უვლიათ, ვარდო ნანინაო,
ვარსკვლავი ღილათ უბიათ, იავ ნანინაო,
ამოდ ბრძანებენ ნანასა, ვარდო ნანინაო,
შვიდი ბატონი და-ძმანი, იავ ნანინაო,
შვიდ სოფელს მოვეფინეთო, ვარდო ნანინაო,
შვიდგანვე დავდგით კარავი, იავ ნანინაო,
შვიდგანვე მოვილხინეთო, ვარდო ნანინაო,
იაგუნდის მარანშიო, იავ ნანინაო,
ღვინო სდგას და ლალი სჭვივსო, ვარდო
ნანინაო,
შიგ ალვის ხე ამოსულა, იავ ნანინაო,
ტოტები აქვს ნარგიზისო, ვარდო ნანინაო,
ზედ ბულბული შემომჯდარა, იავ ნანინაო,
შევარდენი ფრთასა შლისო, ვარდო ნანინაო,
ია ვკრიფე, ვარდი ვშალე, იავ ნანინაო,
წინ ბატონებს გავუშალე, ვარდო ნანინაო"

წაიკითხეთ ტექსტი და გააანალიზეთ მისი ფუნქცია, კავშირი რიტუალებთან, რწმენა

-წარმოდგენებთან და იმსჯელეთ ტექსტის ფოლკლორულ ტრანსფორმაციაზე