FEU ROOSEVELT RODRIGUEZ

“TEKNOLOHIYA: EPEKTO SA PAGKATUTO NG MGA MAG-AARAL”

11 – ABM A

Mga mananaliksik:

Almoite, Leean Ysabela L.

Antonio, Jems Alfie B.

Calope, Stephanie Kaye

Gimelo, Aira Nicole D.C.

Gugol, Marren R.

Lacson, Sharika Bea T.

Potazo, Daniel V.
I. Pamagat ng Pananaliksik: “TEKNOLOHIYA: EPEKTO SA PAGKATUTO NG MGA

MAG-AARAL”

II. ABSTRAK:

Sa pananaliksik na ito ay patungkol sa mga positibo at negatibong gamit

ng teknolohiya sa pag-aaral ng mga mag-aaral. Ang mga mananaliksik ay

humanap ng impormasyon sa “internet” na nagbibigay katibayan sa kanilang

nakuhang impormasyon. Ang mga mananaliksik ay gumamit ng

deskriptibong pamamaraan upang malaman ang posibleng epekto ng

teknolohiya sa mga mag-aaral. Nilalaman nito kung paano nagiging epektibo

ang paggamit ng teknolohiya sa pag-aaral ng mga mag-aaral. Marami sa mga

mag-aaral ngayon ang nagsisilbing instrumento ay teknolohiya upang mapag-

aralan ang mga aralin. Gamit ang iba't ibang gadyet at networking sites, mas

napapadaling maibahagi ng mga guro at mag-aaral ang kanilang naiisip na

ideya. Maraming impormasyon tayong nakukuha sa tulong ng networking

sites kung kaya mas napapadali ang pag-unawa natin sa mga aralin.

Marami ring mga tao na nagsasabi na ang teknolohiya ay nakatutulong

upang mas mapadali ang paggawa natin sa mga aralin o kung ano mang

bagay, ngunit hindi rin maiiwasan na may magsasabi ng negatibo tungkol dito

tulad na lamang ng mas napagtutuonan na ng pansin ang teknolohiya dahil

sa mga networking sites.

A. INTRODUKSYON

Sa nakalipas na panahon tila sakop na tayo ng mundo ng teknolohiya.

Marami ring nagsasabi na hindi nila kayang mabuhay ng walang internet

at selpon. Parami na ng parami at palawak na ng palawak ang mga

naiimbentong mga teknolohiya para sa mga tao. Ang salitang teknolohiya

ay nanggaling sa salitang griyegong "technologia" na ang ibig sabihin ay

"sistematikong pagturing sa sining”. Ayon sa wikipedia, “Kadalasang

iniuugnay ang katagang teknolohiya sa mga imbento at gadyet na

ginagamit na kailan lamang natuklasan ang proseso at prinsipyong maka-

agham.”

Sa henerasyon ngayon (21st century) masasabing ang kompyuter ang

madalas na ginagamit na teknolohiya ng mga tao. Pangunahin itong

kagamitan na ginagamit ng mga nasa industriya, paaralan, kompanya, at

mga establisimentong pang negosyo. Ginagamit ang kompyuter sa

pagpapabilis at pagpapadali ng mga paraan o proseso ng gawain o

trabaho.

Isa sa nagdulot ng mga pagbabagong ito ay ang teknolohiya. Malaki

ang naging epekto ng mabilis na pag-usbong nito sa pamumuhay ng mga

tao sa kadahilanang nakatutulong ito sa kanilang pang-araw-araw na

gawain. Ang teknolohiya ay mabilis na nagpapabago sa maraming

aspekto sa lipunan at higit na malaki ang epekto nito sa mga kabataan

(Castrodes et. al., 2012). Patunay lamang ito na malaki ang maiaambag

ng teknolohiya upang mapaunlad ang kaalaman ng mga kabataan. Ayon

kay Pingol (2011), ang teknolohiya ay may kakayahan na gawing mas

produktibo pa ang kalidad ng edukasyon sa isang lipunan. Mas

napapabilis ng bawat mag-aaral at titser sa impormasyon saan mang

dako ng daigdig.

Sa panahon ngayon napakarami ng pagbabago ang makikita natin,

partikular na sa mga kagamitan. Marami ng gumagamit ng modernong

teknolohiya upang mapadali ang mga gawain, makasabay sa

makabagong henerasyon, at maging libangan na rin. Sinabi pa ni Aguilar

(2001), ang paglinang ng mga guro ng mga kagamitang pampagtuturo ay

makatutulong nang malaki sa pagtuturo ng hindi gaanong napakahirap na

gawain. Subalit ito ay nangangailangan ng pagtitiyaga, pagtitiis, lakas ng

loob at pagiging maparaan ng guro. Kailangang pinag-iisipang mabuti at

hindi lamang sariling kapakanan ang iniisip sa paggamit ng mga

kagamitang pampagtuturo. Isa sa pinakamahalagang tungkulin ng isang

guro ay ang masiguro na may matututuhan ang mga mag-aaral sa

itinuturo gamit ang mga kagamitan.

Sa makabagong kurikulum na ito nakapaloob dito ang paggamit ng

mga guro ng materyales na ginagamitan ng teknolohiya. Sa paraan na ito

ay mas napapadali ang pag-unawa ng mga mag-aaral sa mga aralin na

tinatalakay ng kani-kanilang mga guro.

 Ayon kay Bertllo (2011), sa kasaysayan ng edukasyon ay malaki ang

naiambag ng teknolohiya. Sa katunayan, ito’y isa sa mga pangunahing

paraan kung bakit ang pag-aaral ay nagiging madali, at mabisa kung kaya

naman napakaraming mag-aaral ang sumasangguni sa teknolohiya para

sa kanilang pag-aaral. Kasabay ng pag-unlad nito ay marami na ring mga

kabataan ang nahuhumaling sa paggamit ng mga teknolohiya kagaya

ng selpon, kompyuters at iba pa.

Ayon kay Aton (2007), nagkakaroon din daw ang mga guro ng

kawilihan, magaan at sistematikong pagtuturo at mababawasan ang

pagiging dominante sa pag-sasalita o pagtalakay ng aralin sa loob ng

silid-aralan.

Kaakibat ng mga ipinangakong pagbabago at pag-unlad ng ASEAN

Integration 2015 sa bansa ay ang pagkakaroon din ng pagbabago sa

larangan ng edukasyon. Ang edukasyon ang may pinakamahalagang

tungkuling ginagampanan tungo sa pag-unlad ng isang bansa ngunit ito

ay naaapektuhan ng pabago-bagong panahon, kapaligiran at kaugalian ng

mga tao (Bracero, et. al., 2007).

B. PAGLALAHAD NG SULIRANIN

Bilang pagbigay ng layunin sa ating mga mananaliksik narito ang iilang

katanungan upang malaman ang mga epekto ng teknolohiya.

 1.) Sa paanong paraan nailalahad ng mga guro ang kanilang aralin na

ginagamitan ng teknolohiya?

2.) Ano ang maaaring kagamitan ng guro na ginagamitan ng teknolohiya

sa pagtuturo ng aralin?

3.) Ano ang positibo at negatibong dulot ng teknolohiya sa pag-aaral ng

mga mag-aaral?

4.) Ano ang nararapat na lunsaran ng mga guro sa paggamit ng

kagamitang pang-teknolohiya?

C. LAYUNIN

Ang layunin ng pananaliksik na ito ay matuklasan at mapatunayan ang

epekto ng paggamit ng mga guro ng teknolohiya sa pagkatuto ng mga

mag-aaral. Nais ding malaman ng mga mananaliksik ang mabuti at

masamang epekto ng paggamit ng teknolohiya. Nais din ng mananaliksik

na maging gabay ang pananaliksik na ito sa iba pang mananaliksik at

magiging mananaliksik pa lamang.

D. MATERYALES, METODO, AT AKSYON

 Nagsimula ang mga mananaliksik sa pag-iisip ng paksa para sa

kanilang pananaliksik na gagawin. Nakaisip sila na ang kanilang paksa ay

patungkol sa pag gamit ng guro ng modernong teknolohiya bilang gabay

sa pagkatuto ng mga mag-aaral. Sila ay nagkasundo na magbukod ng

mga gawain upang mas mapadali nila itong matapos. Ang mga

mananaliksik ay kumuha ng impormasyon sa “internet” na nagbibigay

katibayan sa kanilang pananaliksik. Sa pag-aaral ng mga mananaliksik,

nalaman at natuklasan nila ang mga posibleng epekto ng teknolohiyang

ginagamit ng mga guro sa pagtuturo ng mga aralin.

E. NATUKLASAN, KONGKLUSYON, AT REKOMENDASYON

Natuklasan

Napag-alaman ng mga mananaliksik sa mga impormasyon na nakuha

nila ang epekto ng teknolohiya sa pag-aaral ng mga mag-aaral. Nabatid

ng mga mananaliksik kung paano ang pamamaraan ng guro sa pagtuturo

gamit ang teknolohiya para sa pagkatuto ng mga mag-aaral. Ayon din kay

Riel (2013), ang teknolohiya ay mabilis na nagbabago sa maraming

aspekto sa lipunan at higit na malaki ang epekto nito sa mga kabataan

kaya nararapat lamang na pag-aralang mabuti ang mga pagpaplano ng

paggamit ng multimedia sa loob ng klase upang maibigay sa mga mag-

aaral ang mainam na edukasyon. Malaki man ang tulong ng teknolohiya

sa pagkatuto ng mga mag-aaral ngunit malaki rin ang magiging epekto

nito kung hindi magagamit at maipapakilala nang maayos sa mga mag-

aaral.

Ang paggamit ng mga elektronik na kagamitan ay nakakatulong sa

pagtuturo ng mga guro at sa pag-aaral ng mga mag-aaral. Tulad ng

projector, lapel, kompyuter, at iba pang gamit na ginagamitan ng

teknolohiya. Ayon kina Halal at Liebowitz (1994), “The choice of

instructional materials can have an impact as large as or larger than the

impact of teacher”. Nangangahulugan ito na kailangang maging angkop

ang mga kagamitang ginagamit ng mga guro sa pagtuturo upang mas

maintidihan ng mga estudyante. Napapanahon at sumasabay sa

pangangailangan ng mga mag-aaral ang mga kagamitang makakatulong

na mas madaling maiintindihan ang mga aralin. Ayon kay Bai-Rhema S.

Marmay, isang malaking bahagi ang teknolohiya upang mas maayos na

maipakita ang mga aralin na itinuturo sa loob ng klase. Marami nang mga

naimbentong teknolohiya simula pa noong mga nakalipas na siglo.

Halimbawa na lamang nito ay ang unang praktikal na teleskopyo noong

ika-17 na siglo. Ito ay nagsilbing mahalagang instrumento sa mga mag-

aaral ng astronomiya. Sunod dito ay ang makinalya na nagbigay daan

para sa hustong pagbabago ng sistema ng pagtuturo kung saan mas

napabilis at epektibo ang pagbuo ng mga basahin. Sa loob lamang ng

ilang dekada, ang kompyuter naman ay naging pangunahing kagamitan

para sa pagtuturo sa ika-21 na siglo.

 Layunin din ng guro na matuklasan ang tamang paggamit ng

teknolohiya upang mas maunawaan ng mga mag-aaral ang tunay na

epekto nito sa pag-aaral. Ang mga kagamitang ito ay mayroong positibo

at negatibong epekto sa pagkatuto ng mga mag-aaral. Ayon kina Abad at

Ruedas (2001), ang mga kagamitang panturo, tulad ng midyang

instruksyonal ay nagbibigay ng kongkretong pundasyon sa pagkatuto.

Nagbubunga ito ng wastong gawi sa pag-aaral, nakagaganyak ito sa

kawilihan ng mga mag-aaral sapagkat higit na napasisigla at napagagaan

ang proseso ng pagtuturo at pagkatuto, at nagdudulot ito ng maayos,

madali, makahulugan at mabisang pagtuturo at pagkatuto. Bukod sa pag-

aaral nakakatulong rin ito sa mga guro sa paraan nila ng pagtuturo.

Inilabas ni Shepherd (2013) ang teorya na hinggil sa kabutihan ng

“Multimedia” sa pagkatuto ng mga mag-aaral. Iginiit din niya na may

kabutihang hatid ang paggamit ng “Multimedia” sa klase gaya ng mga

sumusunod: nagiging aktibo at nakikisali sa talakayan ang mga mag-

aaral; mas nagiging interesado mula sa mga itinuturo ng mga guro gamit

ang “Powerpoint presentation”; nadadagdagan ang kanilang kaalaman

tungkol sa teknolohiya at dahil dito ay hindi sila magiging mangmang o

walang muwang sa patuloy na pag-unlad nito.

Napag-alaman din ng mga mananaliksik ang kakulangan sa ideya ng

ibang guro sa paggamit ng mga kagamitang pang-teknolohiya na

makaaapekto sa pagkatuto ng mga mag-aaral. Binanggit nina Silivius at

Curry (2002), na kailangang pagtuonan ng pansin ang teknik sa pagtuturo

na dapat sinasanay at pinong-pinong inilalahad ng gurong gumagamit nito

upang ang pamamaraan ay mas maging epektibo kapag sila ay gagamit

ng tiyak na kagamitang pagturo. Kung gagamit ang guro ng mga

makabagong kagamitan sa pagtuturo nararapat na alamin ang tamang

paraan at teknik para ipakilala ito sa mga mag-aaral.

Kongklusyon

Sa pananaliksik na ito ay binibigyang pansin ang paggamit ng

teknolohiya ng mga guro na makakatulong sa pag-aaral ng mga mag-

aaral. Kabilang din ang mga kagamitan pang-teknolohiya na ginagamit ng

mga guro upang mas maunawaan ng mga mag-aaral. Gayun din ang mga

mag-aaral dapat alam ang tunay na layunin ng mga guro sa paggamit ng

makabagong gamit upang hindi sila malalayo sa mga aralin. Napag-

alaman din ng mga mananaliksik na may mga positbo at negatibo itong

epekto sa mga guro at sa mga mag-aaral.

Isa sa mga positibong epekto ng teknolohiya ay mas napapadali ang

mga gawain natin sa tulong ng teknolohiya at networking sites. Ganun rin

sa mga guro mas mabilis nilang naibibigay ang mga gawain o aralin sa

paggamit ng teknolohiya. Ang negatibong epekto naman ng teknolohiya

sa mga guro ay dahil sa modernong panahon ngayon may iilan sa mga

guro ang hindi nakasasabay o mas magandang sabihin na hindi alam

kung papaano gagamitin ang teknolohiya. Para naman sa mga mag-aaral

mas napagtutuonan na nila ng pansin ang paggamit ng teknolohiya, mas

nabibigyan nila ng maraming oras ang paggamit ng teknolohiya dahil sa

 paglalaro nila ng mga online games at iba pa na talaga namang

nakakaaliw kaya kapag ito ay nasimulan na mahirap ng itigil.

Rekomendasyon

Sa mga nahayag na suliranin sa pag-aaral na ito, ang mga sumusunod

ay ilan sa mga rekomendasyon ng mga mananaliksik:

Para sa mga Guro,

Maaaring gumamit ng teknolohiya ngunit alam rin dapat ang tunay na

layunin ng paggamit nito at kung mas napapadali ba ang pagkatuto ng

mga mag-aaral dahil sa paggamit ng teknolohiya.

Para sa mga Magulang,

Maaaring gumamit ang mga mag-aaral ng teknolohiya ngunit dapat

kanilang alamin ang tunay na layunin nito at huwag silang hahayaan na

mas mapagtutuonan na nila ng pansin ang paggamit nito sa paglalaro ng

online games at iba pa. Nakakatulong ito sa mga mag-aaral upang mas

mapadali ang kanilang mga gawain sa pag-aaral.

Para sa mga mag-araal,

Alamin ang maayos na paraan sa paggamit ng teknolohiya. Sumunod

sa tamang instraksyon sa paggamit ng mga kagamitan at sa mga guro na

nagsisilbing daan upang mas maunawaan ang mga aralin na tinatalakay.

F. BIBLIOGRAPIYA
G. Sa pagdaan ng panahon
tila nilalamon na tayo ng
mundong teknolohiya.
May mga tao na
H. rin ang nagsasabing
hindi nila kayang mabuhay
ng walang internet at
cellphone. Parami nang
I. parami at palawak nang
palawak ang mga
naiimbentong mga
teknolohiya para sa mga
tao. Pero
J. ano nga ba ang
teknolohiya? Ang salitang
 teknolohiya ay
nanggaling sa salitang
griyegong
K. "technologia" na ang
ibig sabihin ay
"sistematikong pagturing
sa sining." At ayon sa
wikapedia,
L. “Kadalasang iniuugnay
ang katagang teknolohiya
sa mga imbento at gadget
na ginagamit ang
M. kailan lamang
natuklasang na proseso at
prinsipyong maka-agham.”
N. Sa pagdaan ng panahon
tila nilalamon na tayo ng
mundong teknolohiya.
May mga tao na
O. rin ang nagsasabing
hindi nila kayang mabuhay
ng walang internet at
cellphone. Parami nang
P. parami at palawak nang
palawak ang mga
naiimbentong mga
teknolohiya para sa mga
tao. Pero
Q. ano nga ba ang
teknolohiya? Ang salitang
 teknolohiya ay
nanggaling sa salitang
griyegong
R. "technologia" na ang
ibig sabihin ay
"sistematikong pagturing
sa sining." At ayon sa
wikapedia,
S. “Kadalasang iniuugnay
ang katagang teknolohiya
sa mga imbento at gadget
na ginagamit ang
T. kailan lamang
natuklasang na proseso at
prinsipyong maka-agham.”