I.

Tungkol sa Pelikuka

A. Director ng Pelikulang Ang Babae sa Septic Tank

 Si Marlon Rivera ay isang direktor at artista, na kilala sa Ang babaeng sa septic tank
(2011),

B. Prodyuser ng Pelikulang Ang Babae sa Septic Tank

 Ang mga prodyuser ng pelikula ay sina Chris Martinez, Marlon Rivera at Josabeth
Alonso

C. Mga Pangunahing Tauhan sa Ang Babae sa Septic Tank

 Eugene Domingo (Mila)

 Kean Cipriano (Bingbong)
 JM de Guzman (Rainier)
 Kai Cortez (Jocelyn)

D. Ang Tema sa Pelikulang Ang Babae sa Septic Tank

 Pangunahing tema ng pelikula ang kahirapan sa ating bansa. Pangalawa rito’y ang
ambisyon ng taong makilala sa lipunang kanyang ginagalawan. Palasak na ang mga
temang nabanggit at hindi ito nabigyan ng bagong pagpapakahulugan sa pelikula ni
tinalakay sa isang maayos at makahulugang pamamaraan. Malinaw na ginamit lamang
ang mga isyung ito upang makagawa ng isang palabas na manlilibang lang sa manonood.

Walang bahid ng pagtatangka ang pelikula upang itaas ang panlipunang kamalayan ng
manonood nang sa gayon ay gumanyak ito sa isang kolektibong pagkilos upang harapin
at lunasan ang problema. Sa kabila ng paglalahad ng isyu ukol sa kahirapan, tumatawag
ng pansin ang makasariling pangarap/ambisyon ng magkaibigan upang maging bantog sa
kanilang larangan nang hindi alintana ang paggamit sa buhay, dangal at kalagayan ng
mga taong sangkot sa kuwento.

E. Buod ng Pelikula

 Ang pelikulang ito ay tungkol sa buhay ng tatlong “filmmakers” na gustong ipagmalaki

ang pag gawa ng pelikula ng mga Pilipino na makikilala sa buong mundo at masasabi
nilang “worldclass” na pelikula. Nais din nilang gumawa ng pelikula na tatalakay sa
kahirapan at sa kalagayan ng isang ina.
  Si Mila at ang kaniyang pitong anak ay nakatira sa“Payatas dumpsite” kung saan
madadama ang kahirapan. Upang makaraos mula sa labis nakahirapan nagpasya si Mila
na ibenta ang kaniyang isang anak sa pedopilya Ang “Pedophilia” isang abnormal na
kalagayan ng isang tao kung saan nakararamdam ng sekswal na attraction mula sa mga
bata.
 Ang mga gumagawa ng pelikula na sina Rainier, Bingbong at Jocelyn ay pinag-uusapan
kung papaano nila maisasagawa ang pelikula. Ilan sa mga pinagpilian nila
ay pangkaraniwang o simpleng pelikula, makatotohanang pagganap kung saan ang mga
tagapagganap ay mga totoong tao na galing sa lugar ng kahirapan,“musical” kung saan
 may pagkanta at pagsayaw, mala-teleserye na damang dama ang emosyon ng bawat
eksena. Binisita rin nila ang “dumpsite” na sinasabing tagpuan at pagdarausan ng
kanilang pelikula. Dahil sa sobrang pagkatuwa nila dahil sa labis na kagalakan,
nalimutan  nila ang katotohanan at panganib na dala ng kanilang piniling paksa. 

F. Suri

 Sa pelikulang ito, pinakita ng grupo nila Bingbong ang iba’t ibang pamamaraan sa
paggawa ng isang pelikula, tulad ng musical, indie style, dramatic style, meron at walang
narration na movie, at pelikula na puno ng iba’t ibang advertisement. Nakakamangha
dahil napakita nila iyon lahat sa isang pelikula lamang. Pinakita rin dito ang pagtatalo ni
Bingbong at Rainier sa kung ano ang maaari nilang gawin sa kanilang pelikula para ito ay
maging isang award winning movie kung saan pwedeng makilala ang mga Pilipino sa
buong mundo dahil dito

Ang istorya ng pelikula na ginagawa nila Bingbong ay umiikot sa buhay ni Mila, isang
ina sa kanyang pitong anak na nakitira sa isang depressed area, at ang kanyang mga
sakripisyo sa buhay upang makaraos sa kanilang pangunahing problema, ang kahirapan.
Ilan sa kanyang mga nagawa ay ang ibenta ang sarili nyang katawan sa iba, pumasok sa
iba’t ibang trabaho, at ibenta katawan ng sarili nyang anak sa mga dayuhan, lahat ay
upang kumita ng pera.

Sa huli napagdesisyunan nila Binogbong na si Eugene ang pinakaangkop na gumanap sa

posisyon ni Mila bukod kila Cherry Pie Picache at Mercedes Cabral na gumanap bilang
sarili rin nila tulad ni Eugene. Sa huli ang Payatas Dumpsite ang napili nila Bingbong na
magandang tagpuan ng kanilang pelikula dahil dito maiging pinapakita ang  istura ng
kahirapan ng Pilipinas. At sa dulo ng pelikula, kung saan ishu-shoot na ang eksena kung
saan lilinisin na ng ka-double ni Mila ang poso negro, aksidenteng nahulog si Eugene
Domingo sa loob nito, at dahil sya ay nasa loob na, napgdesisyunan na ng buong team na
ishoot ng eksenang iyon habang sya ay nasa loob at doon na tuluyang natapos ang
istorya.

Noong una ang akala ko sa pelikulang ito ay puno lamang ng comedy dahil dito ko
naman talaga nakilala si Eugene Domingo bilang isang aktres. Ako’y namangha ng tunay
dahil nagawa ni Ms. Domingo na umarte sa iba’t ibang point of view ng iba’t ibang
 tauhan sa istorya. Sa pelikulang ito nashowcase ang tunay na talent ni Ms. Domingo
bilang isang mahusay na alagad ng sining. Ang Indie film na ito ay isang malinaw na
istorya na maaaring mahalitulad sa totoong buhay di lang ditto sa Pilipinas kung hindi sa
ibang bansa narin. Dahil una, pinakita sa pelikulang ito ang mga mabubusising hakbang
upang makabuo ng isang istorya o pelikula na pwedeng mailaban sa iba’t ibang bansa sa
mga kompetisyon at maaring bumenta commercially at bilang isang ganap na indie film.
At pangalawa, dahil pinakita nga nito ang mga komon na problema ng mga magulang o
pamilya sa ating bansa.

Ang pelikulang ito ay napakaganda para sa akin. Dahil napaka komplikado nung
pagkakagawa at nung pagpapakita nung istorya. Talagang kailangan mapaisip ang mga
manonood upang maunawaan ang istorya. Maganda ang pagkakomplikado nito dahil di
sya sobra sobra. Talagang sakto lang, walang labis, walang kulang.  Kaya kudos sa mga
tao sa likod ng pelikulang ito at sa mga artistang gumanap sa mga tauhan sa kwento dahil
ang “Ang Babae Sa Septic Tank” ay isa sa mga pinaka kilalang Indie Film ditto sa
Pilipinas at dahil narin sa mga gantimpalang mga nakamit nito.

II. Mga Aspektong Teknikal

A. Sinematograpiya
 Sa pangkalahatan, maganda ang kinalabasan dahil tumutugma ang pag-iilaw sa bawat
eksena. May napansin lamang ako na may parte na kung saan ay dumidilim at tila
nakulangan ng ilaw. Ung parte na iyon ay nasa loob ng bahay. Mas mabuti sana kung
mas maliwanag ang eksena dahil masaya sila at kumakanta. Sa aking opinion mas
maganda kung mas maipapakita ng maliwanag ang pagsasalosalo ng pamilya para mas
dama ang bawat pangyayari. Bukod doon wala na akong iba pang komento ukol sa pag-
iilaw pero ang napansin ko sa unang bahagi ng kwento medyo magulo ang pagkakakuha
ng kamera yun yung tinatawag nila na “shaky”. Para sa akin hindi maganda yung ganung
“effects” kasi magulo siya tignan at medyo nakakaapekto rin ito sa pag-iilaw dahil hindi
gaano natuunan ng pansin ang sentro kung saan talaga ang sakop ng inyong paksa.

B. Musika o Tunod na Ginamit sa Pelikula

 Ang musika na napansin ko sa pelikula maliban sa mga “sound effects” ay yung mga
orihinal na kanta galing sa “musical scene”. Isa na doon ay pinamagatang “Walang
mawawala sa taong Walang-wala” na tumatalakay sa hirap at gutom na dinadanas ng
mga residente na nakatira sa “Payatas Dumpsite”. Natuwa at napasaya naman ako ng
kantang “Sabaw” na tumatalakay sa sabaw ng “instant noodles” na tanging maihahain ni
Mila para sa kanyang pitong supling. Ang “Wag mo akong tignan” ay kanta ni Mila para
sa kanyang anak na kanyang ibebenta na kung tumingin ito sa kaniyang mga mata ay tila
alam nito ang gagawin ni Mila. Ang mga sumunod na kanta ay naging sagutan at pag-
uusap ni Mila at ni Mr. Smithburger. Ang huling awitin naman ay “Sana’y malimutan” na
kanta ni Mila para sa kanyang anak dahil ayaw niyang maalala nito ang ginawa niya dahil
alam niyang hindi siya nito mapapatawad
C. Pagganap ng mga Tauhan sa Pelikula

 Si JM de Guzman bilang Producer Bingbong ay natural ang kanyang pagkakaganap at

malinis ang kaniyang pag-aarte. Malinaw siya kung magsalita pati ang paglalabas niya ng
emosyon sy natural na natural para sa kanyang role. Nakakatuwa dahil magaling talaga
siya at nahasa na ang kanyang talent a pag-arte. Sa eksenang sinisira ang kaniyang kotse,
damang dama ko ang tindi ng emosyon na nanggagaling sa kanya. Para sa akin tamang-
tama ang pagkakaganap niya kumbaga, walang labis walang kulang kundi sakto lang.
 Si Kean Cipriano as Director Rainier naman ay medyo nakulangan ako sa pagganap niya.
May mga pagkakataon na kulang sa emosyon ang kaniyang arte. Yun ay sa pananaw ko
lamang. Pero kung pagbabasehan sa pangkalahatan, maayos naman ang kaniyang
pagganap pero mas gusto ko yung karakter ni JM de Guzman kesa sa kanya.
 Si Kai Cortez bilang Production Assistant Jocelyn ay may pagkamisteryoso ang karakter
dahil hindi siya nagsasalita ng kahit na ano sa buong pelikula. Ang tanging narinig ko
lamang sa kanya ay ang pagtawa at pag-iyak.Idinaan niya lang sa pag-arte kahit wala
siyang diyalogo.
 Ang pinakanagningning sa pagkakaganap ay si Eugene Domingo. Napakapropesyonal at
napakagaling ng kanyang pag-arte. Isa siyang magaling na “versatile actress”. Kaya
niyang gampanan lahat ng klase ng pag-arte, mapa comedy, drama, normal etc. Napabilib
at napahanga talaga ako sa husay niya sa pag-arte. Hindi maipagkakaila ang dami ng
gantimpala niya sa larangan ng pelikula.

C. Pagkakasunod-sunod ng mga Pangyayari

 Ang unang pangyayari sa pelikulang Ang Babae sa Septic Tank ay isinalarawan
nila ang kwento ng nais nilang isapelikula na pinaniniwalaan nilang magpapanalo
sa kanila sa “Oscars”. Ang sumunod na pangyayari ay ng eksena sa isang coffee
shop kung saan pinag-uusapang nila ang director na si Arthur Poongbato na sa
hindi inaasahan ay nakatagpo rin nila sa mismong coffee shop kung saan ay
naroroon rin sila. Pinag-usapan ng mga filmmakers ang mga gusto nilang baguhin
o ibahin para sa ikabubuti ng kanilang pelikula, kumbaga nag “brainstorming” sila
para mas mapaganda ang pelikula dahil hindi sila pwedeng magkamali sa bawat
proseso at hakbang ng paggawa. Pumili rin sila ng “poster design” para sa
kanilang pelikula na ang pamagat ay “Walang-wala”.
 Pinag-isipan nila maigi kung sino ang gaganap na Mila. Pinagpilian nila sina
Cherry Pie Picache at si Mercedes Cabral upang ipalit kay Eugene Domingo dahil
nag aalinlangan sila sa kakayahan nito sa pagganap ng karakter ni Mila. Pati narin
ang pagpili sa anak na ibebenta ni Mila. Ang unang plano ay batang babae ang
ibebente ngunit kinuwestiyon iyon ng producer na si Bingbong dahil para sa
kanya mas kontrobersiyal kung lalaki ang gaganap dahil mas may dating at mas
pag-uusapan ng mga manunuod. Nagka-roon din ng konting pagtatalo sa pagitan
ni Rainier at Bingbong dahil maraming gustong palitan si Rainier na ma ideya a
pelikula kaya naisip ni Bingbong na mas maganda kung bumalik sila sa orihinal
na plano kung saan isa itong “docu-drama” na susundan nila ang buhay ng isang
ina mula sa payatas na may kaparehong storya ng buhay kay Mila.
  Naisipan din nilang gawing “musical” ang kanilang pelikulang “Walang-wala”
kaya ito’y isinalarawan sa pamamagitan ng imahinasyon ni Jocelyn habang sila ay
nasa biyahe. Nagkaroon ng mga kanta at sayaw imbis na diyalogo ang sinasabi ng
mga tauhan.
 Ang sumunod na eksena pagkatapos ng “musical” ay ang pagbisita nila kay
Eugene Domingo na gaganap bilang Mila. Nakumpirma nila na gusto ni Ms.
Eugene ang karakter ni Mila at lalong lalo na ang istorya ng “Walang-wala”,
tinawag rin niya itong “brilliant” kaya’t hindi na nagdalawang isip ang aktres na
gampanan ang karakter ni Mila. Nagkaroon din ng suwestiyon si Ms.Eugene para
sa ikagaganda ng pelikula. Naisip niya na lagyan ito ng narration upang mas
magkaroon ng damdamin ang istorya.Nagpagtuunan ng pansin ni Ms. Eugene ang
“Septic Tank scene” dahil hindi siya papayag na lumusob sa isang totoong septic
tank, kaya nagkaroon sila ng kaunting problema ngunit nangako naman ang mga
“filmmakers” na gagawan nila ng paraan ang hiling ng aktres.
 Matapos nilang mapabilang si Eugene Domingo sa pelikula, mayroon pa silang
huling pupuntahan sa araw na ito, walang iba kundi ang lokasyon na
paggaganapan ng kanilang pelikula. Sila ay nagtungo sa “Payatas dumpsite” kung
saan narooon ang realidad ng kahirapan sa lugar, kung saan madadama ang
kaawa-awang situwasyon ng bawat residente sa lugar. Hindi nila alintana ang
panganib na maaaring nilang sapitin sa lugar na iyon dahil masyado silang
nagalak at natuwa sa kanilang nakita dahil naisip nila na perpekto ang lugar sa
bawat anggulo na kanilang kukuhanan para sa pelikula.
 Palapit na nilang maisakatuparan ang mga plano para sa kanilang pelikula ng may
mangyaring hindi nila inaasahan. Nakita na lamang nila ang kotse ni Bingbong na
pinagtutulungan sirain ng mga walang pusong nilalang at hindi pa nakuntento sa
ginawang pagsira, sa halip tinangay rin ng mga ito ang mga gamit na nasa loob ng
kanilang kotse. Natapos ang buong araw na dapat sana ay matagumpay kung
hindi sana nangyari ang masamang bagay na iyon. Ipinakita ang tila na pagsuko
ng mga “filmmakers” dahil sa pagsubok na dumating sa araw na iyon.
 Sa huling parte ng Ang Babae sa Septic Tank, ipinakita ang aktuwal na
pagkukuha ng isang eksena mula sa pelikulang “Walang-wala”, yun ay ang
“septic tank scene”. Halatang pinagdidirihan ng mga tagapamahala sa pelikula
ang tindi ng hindi kaaya-ayang amoy mula sa septic tank. Dahil sa labis na
kagalakan ni Eugene Domingo sa eksenang iyon at naging hindi maingat sa bawat
galaw, aksidente siyang nalaglag sa totoong “septic tank” na dapat sana ay
gagawin ng kanyang kadobol. Doon na nagtapos ang pelikula habang si Eugene
Domingo ay umaarte habang lubog ang kanyang katawan sa “septic tank”.

D. Tagpuan
 Ang unang tagpuan na ipinakita sa pelikula ay ginanap sa isang “Coffee Shop”
kung saan nag salin-salin ang kanilang mga ideya para sa ikagaganda ng
pelikulang kanilang ginagawa. Ang tagpuan ng ginagawa nilang pelikula na
pinamagatang “Walang-wala” ay sa “Payatas Dumpsite” kung saan maipapakita
ang kalunos-lunos na kalagayan ng kahirapan. Pati sa magulong kalye ng Maynila
kung saan matatagpuan ang gusali na tinitirahan ng pedophile na si Mr.
Smithberger. Mayroon ding mga eksena na kinunan sa sasakyan, habang
 naglalakbay sila. May eksena rin mula sa bahay ni Eugene Domingo. Dahil
nangyari ang kaawa-awang pagsira at pagnanakaw sa kanyang kotse kaya
mayroon ding ipinakitang eksena sa himpilan ng pulis. Ang pinakahuling tagpuan
ay ang pagkuha nila sa septic tank scene.
 Napahanga ako sa tapang nila na pumili ang ganoong klase ng pelikula kung saan
ang tagpuan ay magulo, marumi, mabaho at malapit sa kapahamakan. Hindi nila
alintana ang maaaring idulot sa kanila ng papunta sa mga ganoong klase ng lugar.
Mas mahalaga sa kanilang na magawa ng maganda at maayos ang pelikula para
maipahatid ang damdamin na naroroon sa lugar upang mas madama ang
kahirapan na naroroon sa tagpuang kanilang pinili.
III. Mga Kahalagang Pantao

A. Mga Dulog o Teorya na makikita sa Pelikula

B. Kahalagahan o Aral

 Ang aral na natutunan ko sa pelikulang ito ay “Sa gitna ng kahirapan may pagsubok tayo
na dapat harapin at lampasan dahil ang buhay ay hindi puro sarap at kasaganahan, sa
halip ang totoong buhay dito sa ating mundo ay puno ng pagsubok na malalampasan
natin kung tayo ay haharap ng matatag sa mga problemang ating nararanasan dahil sa
katagalan magtuturo ito sa atin ng leksyon at pangaral para sa ikabubuti ng ating
kapakanan.”

C. Kabuoang Pag-unawa o Pananaw

Ang babae sa septic tank ay isang pelikulang nagpapatungkol sa Philippine cinema. Isa sa mga
nagustuhan ko dito ay kung papaano nila inilathala ang kwento. Kung mapapansin nagmukha
siyang a story within a story. Kung saan habang ipinapakita nila kung papaano nila ginagawa ang
isang pelikula kasabay noon ang pag papakita ng pangyayari nito sa ibat ibang posibleng aspeto
nito. Ipinakita dito na ang dalawang film makers na si Rainier (Jm de Guzman) at Bingbong
(Kian Cipriano) ay hindi magkamayaw sa ginagawa nilang indie film na pinamagatang “walang
wala” na pinagdesisyunan nila na ilalaban daw nila sa international at aabutin sila sa cannes at
oscar. Si rainier ang naging producer at si bingbong naman ang direktor at isang production
manager na si Jocelyn (Cai Cortez). Ang kwento ay tungkol kay Mila na nahihirapan tustusan
ang mga pangangailangan ng pito niyang anak kung kaya’t napilitan siyang ibenta sa isang
pedopilya ang isa niyang anak. Simpleng simple ang takbo ng kwento ipinakita nila kung gaano
Ka walang wala si mila. Si Eugene Domingo ang panghunahing artista na gaganap bilang mila
ayon sa napagkasunduan ng mga batang film makers. Habang ginagawa ang pelikulang ito Ibat
ibang persperktibo at posibilidad ng “walang wala” ang naisip nila. Maari daw itong maging
isang dokumentaryo para mas mukhang true to life story o kaya naman isang musical o soap
opera.
– Napakatalino ng produksyong ang ” Ang babae sa septic tank”. Nagawa nitong makuha ang
kiliti ng imahinasyon ng mga manonood sa maraming posibilidad ng isang materyal
pampelikula. Sa pagsilip sa mundo ng paggawa ng independent film ay makikita at maraming
realidad ang napakaloob dito. Kaya naman masasabi kong napaka ganda ng pagkakalathala dahil
dinala kami ng palabas na ito sa kung ano ang totoong kalagayan ng Philippine Cinema sa
kasalukuyan. Bagama’t simpleng maiituturing ang kwento ay hitik naman ito sa mensahe
patungkol sa pang aabuso ng sistema ng sining na siya mismong kinabibilangan ng pelikula. Sa
kabuuan ay pulido ang pagkakagawa ng pelikula sa kabila ng kakulangan nito ng tunay na
kwento. Ang mga komentaryo nito sa lipunan ay sapat na makapukaw at makiliti ang mga
manonood gaya ko. Kung mapapansin gumamit din sila dito ng kahirapan kung saan ipinakita
nila ang ibat ibang uri ng kahirapan.Itong sakit sa lipunan na inihayag ay siyang ipinamalas sa
mata ng mga banyaga. Sa prosesong ito, nagiging mababa ang tingin sa atin bilang lipunan
kapalit ng pagkilala sa mga indipendent film makers na para bang ang Philippine Cinema ay
nagiging “dumi” nalamang sa mata ng nakararami dahil din sa implwensiya ng mga banyaga.