Kahalagahan ng Pag-aaral

Nilalayon ng pag-aaral na ito na matukoy at bigyang diin ang mga Epekto ng online class

sa kalusugan ng mga mag- aaral. Kaakibat nito ang magiging resulta sa pag-aaral na ito ay

magiging kapakipakinabang sa mga sumusunod:

Mga Mag - aaral

Sila ang pangunahing magbebenipisyo sa pagaaral na ito. Maipaaalam ang iba't ibang

epekto ang online class at ang mga maaaring maging epekto nito sa kanilang kalusugan,

partikular na sa mentalidad, pisikal, at emosyon. Mapapakinabangan rin ito upang maiwasan at

mapagtuunan ng pansin ang mga magiging problema pagsila ay nakaranas ng mga nasabing

epekto nito.

Mga Magulang at Tagapag –alaga

Ang resulta ng pag-aaral na ito ay magkakaroon ng benepisyo sa mga magulang upang

mapagtuunan nila ng pansin ang kanilang mga anak. Maaaring makatulong ito upang magkaroon

ng mas malawak na kaalaman ang mga magulang at maagapan ang iba’t- ibang epekto ng online

class kung sakaling makaranas ang kanilang mga anak. Dagdag pa nito, maaaring maging tulay

ito upang mas magabayan ng husto ang kanilang mga anak at magbigay patnubay sa mga iba

pang gawain nito.

Mga Guro

Mahalaga na habang maaga pa ay maipapahayag na agad sa mga guro kung ano talagang

epekto na naibibigay ng online calss at maging gabay sa mga susunod na hamon sa pagtuturo at

upang mapagtuunan rin nila ng pansin ang mga kabataang nakakaranas ng mga nasabing epekto

ng online class.
 Paaralan

Ang mga paaralan ay hindi lamang isang establisyamento, ngunit sa halip, isang tahanan

para sa mga mag-aaral. Ang paaralan, pagkatapos maganap ang pag-aaral na ito sa pagsasaliksik,

ay magtataas ng isang kamalayan tungkol sa iba’t – ibang epekto ng online class sa kanilang mga

mag aaral. At bilang pakikibahagi upang mapangalaagaan ang kalusugan ng mga mag-aaral, ang

paaralan ay maaring magpatupad ng mga patakaran at alintuntunin na makakatulong upang mas

mabawasan ang naturang epekto. Sa ganitong hakbangin maaring magkaroon ang paaralan ng

isang magandang imahe.

Mga Mananaliksik sa Hinaharap

Makakatulong ito para mas mapalawak ang isip nila at mas mabigyan sila ng ideya para

sa gagawin nilang saliksik patungkol sa suliranin kaugnay ng epekto ng online class sa kalusugan

ng mga mag – aaral.

 MGA KAUGNAY NA PAG-AARAL AT LITERATURA

Balaoro, Bernadette

Calingal, Rodney

Canasa, Danica

Capada, Rica

De Castro, Jackielyn

Fajardo, Kayzel

Forio, LJ

Jocson, Kathleen

Pulmano, Joshua

Ramos, Karen

Kaugnay na Pag-aaral

Ayon sa pag-aaral na isinagawa sa Eastern Washington University sa Cheney,

Washington ang pag-aaral sa online ay nagpapakita ng isang pangunahing panganib sa ating

emosyonal at pisikal na kalusugan, na nagreresulta sa isang trend na malayo sa mga aktibong

paghahanap ng paglilibang at pampalakas. At ito ay humahantong patungo sa isang hindi na

aktibo na gawain particular ang laging nakaupo (Wang, Luo, Gao, & Kong, 2012). Ang hindi na

aktibo na gawain at pag-uugali ay humahantong sa maraming mga panganib sa kalusugan at

kundisyon tulad ng sakit sa puso, isa sa mga pangunahing sanhi ng pagkasira ng katawan.
 Lokal na Literatura

Online class

Ang “online class” ay isang plataporma ng pag-aaral kung saan ay idinadaos sa

pamamagitan ng paggamit sa internet, at ang estudyante ay di na kinakailangang lumabas pa ng

bahay upang magtungo nang personal sa klase at makaharap ang guro at mga kamag-aral. Nang

magkaroon ng lockdown sa bansa dahil sa epekto ng COVID-19 Crisis, nakapagpatuloy pa rin

ang mga estudyante mula elementarya hanggang kolehiyo sa kanilang pag-aaral gamit ang

computer. Bagama’t iba pa rin ang atmospera ng isang silid-aralan kung saan ay may personal na

interaksiyon sa pagitan ng guro at mga estudyante, kailangan na lamang gawing mas masigla,

epektibo at imperatibo ang paraan ng pagbabahagi ng aralin upang ang mga bata ay magkaroon

ng pokus at ibuhos ang kooperasyon. 

Ang pagsasagawa ng online class sa Pilipinas at ibang bahagi ng mundo ay isang

hamon sa gobyerno, sa Kagawaran ng Edukasyon (DepEd), sa mga guro at mga magulang, kung

paano ba matutugunan ang mga pangangailangan ng mga mag-aaral. Dahil sa gitna ng krisis na

dulot ng pandemya, mahalaga ang pagkakaroon ng suporta sa mga materyal na gamit, sa

koneksiyon sa internet, sa pagdisiplina sa mga estudyante para sa bagong daily routine nila at

mas tutok na pagsubaybay sa kanilang pag-aaral sa pamamagitan ng online class.

Positibong Epekto ng Online class

Ayon kay Centeno-De Jesus (2020), ang pag-aaral sa online ay may mga benepisyong

katulad ng pagkakaroon ng disiplina ng mga estudyante sa pagbabalanse ng kanilang pag-aaral,

paggawa sa mga gawain bahay at pagkakaroon ng oras para maglaro sa kanilang mga telepono.
Dagdag pa rito dahil sa online class mas maagang natututunan ng mga estudyante kung paano

umangkop sa isang bagong sitwasyon na makakatulong sa kanila sa pagharap sa reyalidad kapag

sila ay na kapag trabaho na. Sa kabilang dako, may kakambal ding hirap para sa iba ang pag-

aaral sa online dahil hindi naman lahat ay may kakayahang magkaroon ng internet sa kani-

kanilang tahanan kaya ang ginagamit ay ang mga telepono ng mga magulang na may

subskripsiyon ng internet o kaya ay pakikipagkomunikasyon gamit ang Messenger o iba pang

aplikasyon. Hindi rin lubos na nabibigyan ng pansin ng mga bata ang kanilang pag-aaral dahil sa

distraksyon nito sa paligid, hindi katulad sa kanilang silid-aralan na ang kanilang atensyon ay

naka pokus lang sa kanilang guro.

 Dayuhang Literatura

Negatibong Epekto ng Teknolohiya at Online class sa sumusunod:

Ang teknolohiya ngayon ay laganap na sa buong mundo. Importanteng balanse lamang

ang pag-gamit nito kasama ang mga iba pang mga gawain para sa paglaki ng mga bata. Ang

lubhang paggamit nito ay magkakaroon ng malaking negatibong epekto sa pisikal, mental at

emosyonal habang lumalaki ang bata. (Halupa, 2016)

 Gawi sa Pagtulog

Ang isa sa mga pangunahing kahihinatnan ng paglipat ng pag-aaral sa online ay ang

epekto nito sa kalusugan ng mag-aaral, partikular na sa mga gawi sa pagtulog. Ang mga mag-

aaral ay nahihirapan at nagsasakripisyo ngayon sa pagtulog upang magising para sa mga

itinakdang klase sa Zoom. Ayon kay Matthew Walker (2020), isang scientist sa pagtulog sa

Google at propesor ng neuroscience sa University of California sa Berkeley. Pinaliwanag niya

kung paano ang kakulangan ng pagtulog ay maaaring makaapekto sa mga mag - aaral. Sa mga

kinalabasan ng pag-aaral sa kanyang artikulo sa pagsasaliksik na pinamagatang “The sleep-

deprived human brain.” Sinulat ni Walker na ang kawalan at kakulangan sa pagtulog ay

nagdudulot ng mga kakulangan sa panksyon ng prefrontal cortex, na karaniwang nagpapanatili

sa normal na gawain ng ating amygdala, emosyon at ang iba pang bahagi ng ating utak.

Bilang karagdagan sa mga masamang epekto sa kalusugan ng pabago – bagong oras sa

pagtulog, ang mas mataas na digital na paggamit ay maaaring makaapekto sa kalusugan ng

pisikal at mental ng mga mag-aaral. Ipinaliwanag ni Katzenstein (2020), na ang circadian

rhythm ay batay sa light expose, na pinapanatiling gising ang ating katawan kapag may ilaw na
naaninag sa labas at kusang makakaramdam ng pagkaantok kapag madilim naman. Idinagdag

niya na ang taong may mataas na oras na gumagamit ng gadgets na may screen na siyang

naglalabas ng light ay maaaring magkaroon ng isang negatibong epekto sa ritmo. Aniya,

“Increased screen time usage … has been found to be linked with increases in depression,

anxiety and perceived attention problems,”. Na maaaring maging epekto ng paghihirap na

makatulog, manatiling tulog, paggising at pagkapagod sa araw.

 Pisikal na gawain

Ayon kay Mangis J. (2016), ang pagkakaroon ng sedentaryong pamumuhay ay mayroon

malaking epekto para sa kalusugan. Ang mananaliksik ay nagsagawa ng eksperimento upang

mahinuha ang epekto sa 8 functional health. Ang mga resulta nito ay nagpapakita ng malaking

negatibong epekto para sa kalusugan ng isang tao.

Tinatantiya ng Ministry of Education and Culture of the Republic of Indonesia na 34.5

porsiyento ng mga mag-aaral ay hindi ma-access ang online education. Mahahalagang

pagsisikap ang ginagawa ng pamahalaan at pang-edukasyon institusyon sa lahat ng antas upang

mahanap ang mga praktikal na solusyon sa online na pag-aaral sa gitna ng COVID-19 outbreak.

Ang aksyong ito ay tumutulong sa mga magulang na samahan ang kanilang anak sa edukasyon

sa bahay at hindi bababa ang mga alalahanin ng mga magulang tungkol sa kalidad ng online

learning. Ang pag-aaral ay nagpapakita na kapag ang mga mag-aaral ay hindi sa paaralan,

halimbawa, pista opisyal o pag-aaral sa bahay, sila ay pisikal na mas aktibo at magkaroon ng

isang mas mahabang oras upang gamitin ang mga mobile phone. (Brazendale et al., 2017).
  Pisikal na Pangangatawan

Ayon kay Wiles (2020) may isang estudyante na nagngangalang Karnoup ang nagbahagi ng

kanyang karanasan tungkol sa epekto ng pag-aaral sa pamamagitan ng online class. “Sa online

class, ang mga estudyante ay maaaring makaranas ng mga paghihirap kung maibabad sila ng

matagal sa harap ng screen. Makakaranas sila ng sobrang pagkapagod, pananakit ng ulo,

kakulangan sa determinasyon, pagpapaliban sa mga dapat gawin, hindi epektibong pamamahala

ng oras sa mga gagawin, pakiramdam na ikaw ay mag-isa sa kadahilanang malimit na ang

pakikipag-usap sa personal, umoonti rin ang kamalayan at pag-intindi kapag nakikipag usap sa

ibang tao.”

Ang pag sasagawa ng mga klase sa online ay talagang nakakaubos ng lakas dahil ito ay

nangangailangan ng mas maraming trabaho upang lubos na maintindihan ang mga aralin.

Ipinaliwanag sa isang artikulo sa National Geographic na ang pag tutok sa online gaya mga

video call ay nangangailangan ng matinding atensyon na nag reresulta sa pagkapagod ng

pangkalahatang kalusugan. Ito ay tinatawag na “Zoom fatigue”. Dagdag pa rito, sa limang oras at

kalahati na pagkababad ng mga ng estudyante ng kanilang mata sa iskrin ay nag reresulta sa

“digital eye strain.” At kasunod ng limang oras at kalahati ng bidyo call, ang mga estudyante ay

gagawa pa rin ng kanilang mga takdang-aralin na sa online rin gagawin.

Gayunpaman, ayon sa mga pag-aaral ng siyensya ay nagpapakita na ang kalusugan sa

pag-iisip kasama ang pagkapagod at “digital eye strain” ay mga bagay na nakaka apekto sa

pangkalahatang kalusugan.

Dagdag pa dito ni Schroeder (2020) na ang karamihan sa mga mag-aaral ay nakakaranas

ng puwersa o strain. Para sa mga nakararami, ang strain na yan ay nagsisimula sa mata. Ang mga

hindi sanay sa pag-squinting o tumingin sa iba’t-ibang direksyon sa hindi maayos na kompyuter

screen na may sub optimum na ilaw sa paligid ay napasailalim sa eyestrain na maaaring

magkaroon ng pangmatagalang epekto.

Ayon kay Rowan sa Sensomorotishe Intergratie, ang mga sensory at motor system ng

mga bata ay hindi iniakma sa pisikal na nakaupo at magulong kalikasan ng teknolohiya. Ang

labis na paggamit ng teknolohiya ay nagreresulta sa pagkabawas ng panksyon sa motor at

sensory stimulation na maaaring maging dahilan ng pagkabigo ng mga bata na maabot ang mga

pag-unlad sa kanilang sarili na nagreresulta sa pagkaantala sa pag-unlad ng kaisipan at maging sa

pisikal na pangangatawan.

Ayon kay Bell J. (2018), ang BMI o body mass index ay madalas na pinupuna bilang

pagiging batayan nang maayos na kalusugan. Ngunit sa kanilang pag-aaral sa epekto sa

kalusugan ng pagiging obese nalaman ng mga mananaliksik na ang BMI at ang mga body scan

measures na kanilang isnigawa ay halos pareho lamang ang binibigay na resulta.

Ayon kina Kautiainen et al. (2015) ang paggamit ng mga teknolohiya, kabilang ang mga

video game at computer kung saan pumapasok ang online class, ay isa sa mga salik na nag-

aambag sa sobrang timbang o labis na timbang. Sinaliksik nila ang mga epekto ng teknolohiya sa

populasyon ng 6,515 na kabataan. Nalaman nila na ang mga kabataang gumagamit ng higit na

teknolohiya ay nabibilang sa labis o sobrang timbang. Mayroon ding isang makabuluhang

istatistika na ugnayan sa pagitan ng mas mataas na oras na ginugol sa computer at sobrang

timbang. Ang labis na katabaan ay dumoble at ang teknolohiya ay isa sa pangunahing

kadahilanan.

Ayon kay Cawley at sa American Academy of Pediatrics (2014) bilang karagdagan, ang

kakulangan sa pagtulog at ang labis na paggamit ng teknolohiya ay maaaring maging rason ng

labis na timbang. Dagdag pa rito, ayon kina Strasberg et al. noong 2013, nalaman nila na ang

batang may teknolohiya (parikular mga gadgets at computer) sa silid tulugan ay tumaba ng sobra

sa timbang na 31%. Ayon naman sa Department of Health and Human Services, ang labis na

paggamit ng teknolohiya ay sanhi ng hindi maayos at hindi malusog na pagkain. Ito ay mahusay

na dokumentado na ang labis na timbang ay maaaring humantong sa Type II diabetes at sa

maagang pagsisimula ng sakit sa puso.

 Emosyon at Kaisipan (Mental Health)

Ang sitwasyon ay magiging mas malala kung sila ay ipinagbabawal na umalis sa bahay nang

wala mga panlabas na aktibidad at kawalan ng pakikipag-ugnayan sa kanilang mga kapantay.

Bored, stressed, takot na maging nakalantad sa mga virus, ang pagkalat ng maling impormasyon

(panloloko), at lumalalang pinansyal ng pamilya maaaring mangyari ang mga kondisyon. Ang

pasanin ng mga gawain sa panayam sa online ay isa sa mga nag-aambag na kadahilanan sa mga

antas ng stress ng mga mag-aaral, na kung saan ay kinakailangan silang gumamit ng online

media na kanilang natutunan at dapat agad na maunawaan. Ito ay pinatibay ng pananaliksik na

natagpuan ang kalusugan sa publiko ang mga emerhensiya ay maaaring magkaroon ng maraming

sikolohikal na epekto sa mga mag-aaral, na maaaring ipahiwatig sa anyo ng pagkabalisa, takot, at

pagkabalisa (Sharp & Theiler, 2018).

Ayon pa kay Schroeder (2020) na kapag ang kaisipan at emosyonal ng mga guro at

estudyante ay napipilitan lamang, maaaring lumala na mapasama ang kalusugan ng kanilang

pangangatawan. Ang pagkabalisa at stress ay nakapagdudulot ng pagbaba ng iyong kalusugan na

maaari kang makakuha ng mga sakit, at hindi lamang ito na karaniwang sipon. Ang mga taong

may mataas na antas ng pagkabalisa ay naitala na may 32 na porsyento na namatay sa sakit na

cancer; ang pagkalumbay naman ay nauugnay sa sakit sa puso. Hindi ito mga walang gaanong
epekto. Ang mga ito ay nakakapagpabago ng ating normal na buhay at mapanira sa ating

kinabukasan.

Dagdag pa rito ayon kay Jennifer Katzenstein (2020), direktor ng sikolohiya at

neuropsychology sa Hopkins All Children’s Hospital, naobserbahan niya ang epekto ng online

class sa mga mag- aaral sa lahat ng edad. Ipinaliwanag ni Katzenstein na isa sa mga dahilan na

maaaring makaapekto sa kalusugan ng kaisipan (mental health) ng mga mag-aaral ay ang

pagsusumikap ng mga ito na magkaroon ng isang kapaligiran na walang nakakaabala at ang

paggawa ng mga kinakailangang kasanayan upang manatili ang kanilang mga grado ng kanilang

mga takdang-aralin, partikular ang mga ito sa mga mag-aaral sa kolehiyo.

Ayon kay Jett (2020), Sa bansa ng Estados Unidos, 29% ng mga magulang na pinag-

aralan sa isang sarbey ng Gallup ay nagsabi na ang kanilang anak ay "nakakaranas na ng pinsala"

sa kanilang emosyonal at kalusugang pangkaisipan dahil sa distansya sa lipunan. Sinabi naman

ng 14% ng mga magulang na ang kanilang anak ay maaaring magpatuloy sa pag-aaral sa online

dahil hindi pa ito nakakaranas ng kahit anong karamdaman, emosyonal o pisikal. Ang pag-aaral

sa online ay walang elementong panlipunan ng pisikal na paaralan, na mahalaga sa pagkatuto ng

pakikisama at emosyonal ng mga mag-aaral. Sa parehong pag-aaral, 45% ng mga magulang ang

nagsabi na ang paghihiwalay ng kanilang anak sa mga kaklase at guro nito ay isang malaking

hamon. Sinang ayunan din ito ni Gross na ang kawalan ng interaksyon ay nakakaapekto sa

pangkaisipang katatagan ng isang indibidwal.

Ang pandemikong ito ay nagdadala hindi lamang ng panganib na mamatay mula sa isang

impeksyon sa viral kundi pati na rin sikolohikal na diin para sa mga tao sa buong mundo (Xiao,

2020). Tuluy-tuloy na pagpapakalat, mahigpit na mga hakbang sa paghihiwalay, at mga

problema sa pag-aaral sa online sa lahat ng antas ng edukasyon ay inaasahan upang makaapekto

sa kalusugan ng isip, kabilang ang mga mag-aaral. Ang isang pag-aaral ay isinagawa sa mga

sikolohikal na epekto ng COVID-19 na epidemya sa mga mag-aaral sa Tsina, na isinagawa nang

dami, na may 7,143 mga sumasagot na pumupuno ng isang palatanungan (Cao et al., 2020). Sa

ngayon, wala pang detalyadong pananaliksik sa sikolohikal na epekto ng mga mag-aaral sa

pagpapatupad ng online na pag-aaral sa panahon ng a pandemic outbreak. Samakatuwid, ang

pag-aaral na ito ay naglalayong makilala ang mga sikolohikal na epekto ng mga mag-aaral sa

online na pag-aaral sa panahon ng COVID-19 pandemya.

Pagkatuto

Sinabi rin ni Pietrewicz (2020) na ang pagbabasa ng mga impormasyon sa online ay may

dulot na negatibong epekto sa kung ano lang ang ating maaalala sa ating isip o utak. Ang

pagbabasa o natatanggap nating impormasyon mula sa screen o online ay nangangailangan ng

iba’t-ibang kakayahan kumpara sa pagbabasa lamang ng isang tradisyunal na libro. Ang mga tao

ay mas nakakaintindi at nakakapagpanatili ng impormasyon sa kanilang isipan kung magbabasa

sila mula sa totoong libro o handout

Gawain ng mga kabataan

Ayon sa Technology and Teenager's Blogspot (n.d.), ang labis na pagkakalantad sa media

sa Internet ay humantong sa mas mataas na peligro para sa paninigarilyo, pag-abuso sa droga at

alkohol at maagang aktibidad ng sekswal. Ang iba pang mas agarang mga peligro sa pisikal para

sa mas matandang kabataan ay kasama ang paglahok sa mga aksidente sa sasakyan kapag nagte-

text habang nagmamaneho ng kotse.

References:

Wang, L., Luo, J., Gao, W., & Kong, J. (2012). The effect of internet use on adolescents'

lifestyles: a national survey. Computers in Human Behavior, 28, 2007-2013.

Centeno-De Jesus D. (2020). Online class, ang bagong normal na pag-aaral ng mga kabataan.

Retrived from: https://www.akoaypilipino.eu/lifestyle/online-class-ang-bagong-normal-na-pag-

aaral-ng-mga-kabataan/

Halupa, C. (2016, November 01). Risks: The Impact of Online Learning and Technology on

Student Physical, Mental, Emotional, and Social health. Retrieved from: November

21,2020,

https://www.researchgate.net/publication/311362980_RISKS_THE_IMPACT_OF_O

LINE_LEARNING_AND_TECHNOLOGY_ON_STUDENT_PHYSICAL_MENTAL_EMOT

ONAL_AND_SOCIAL_HEALTH

Walker, M. and Katzenstein, J. (2020), How online learning can affect student health. Retrived

from: https://www.jhunewsletter.com/article/2020/04/how-online-learning-can-affect-student-

health

Mangis, J. (2016). Online learning and the effects on functional health: A pilot study. Retrieved

November 21, 2020, from https://dc.ewu.edu/theses/386/

Brazendale, et. al (2017). Understanding differences between summer vs. school obesogenic

behaviors of children: the structured days hypothesis. International Journal of Behavioral

Nutrition and Physical Activity, 14(1), 100. Retrived from:

https://www.researchgate.net/publication/341826008_Psychological_Impacts_of_Students_on_O

nline_Learning_During_the_Pandemic_COVID-19

Wiles, G. (2020). Students share the impact of online classes on their mental health. Retrived

from: https://issuu.com/statenews/docs/sndaily.072120-c

Schroeder, R. (2020). Wellness and Mental Health in 2020 Online Learning. Retrived from:

https://www.insidehighered.com/digital-learning/blogs/online-trending-now/wellness-and-

mental-health-2020-online-learning

Code, A. and Jett, N. (2020), The physical and mental effects of online learning. Retrived from:

https://portagenorthernlight.com/8266/feature/the-physical-and-mental-effects-of-online-

learning/

Joshua A. et. al (2018). Associations of Body Mass and Fat Indexes With Cardiometabolic

Traits. Journal of the American College of Cardiology, 2018; 72 (24): 3142

DOI: 10.1016/j.jacc.2018.09.066
S. Kautiainen et al. 2015, “Use of information and communication technology and prevalence of

overweight and obesity among adolescents,” International Journal of Obesity; vol. 29. Pp. 925-

933. doi: 10.1038/sj.ijo.0802994

J. Cawley, (2010 March). “The economics of childhood obesity,” Health Affairs, Retrieved

from http://content.healthaffairs.org/content/29/3/364.full

Xiao, C. (2020). A novel approach of consultation on 2019 novel coronavirus (COVID-

19)related psychological and mental problems: structured letter therapy. Psychiatry

Investigation, 17(2), 175. Retrived from:

https://www.researchgate.net/publication/341826008_Psychological_Impacts_of_Students_on_O

nline_Learning_During_the_Pandemic_COVID-19

Cao, W. et. al (2020). The psychological impact of the COVID-19 epidemic on college students

in China. Psychiatry Research, 112934. Retrived from:

https://www.researchgate.net/publication/341826008_Psychological_Impacts_of_Students_on_O

nline_Learning_During_the_Pandemic_COVID-19

Pietrewicz, A. (2020). Online classes can have an impact on mental health. Retrived from:

https://dailycollegian.com/2020/08/online-classes-can-have-an-impact-on-mental-health/

Health and Human Services, (2013, November), “Teen media use part 1: Increasing on the

move,” Retrieved from: http://www.hhs.gov/ash/oah/news/e-updates/eupdate-nov-2013.html

Technology and Teenagers Blogspot, “Impacts of media technology on teenagers,” n.d.

Retrieved from http://technologyandteenagers.blogspot.com/