Alam natin na walang pinipili ang sakuna. Kaya`t napakahalagang malaman
natin kung ano ang mga hakbang na maaring gawin ng isang pamilya sa paghahanda laban sa sakuna.
Mga Dapat gawin:
Maghanda ng mga supply para sa emergency. Nangangailangan ng paghahanda ng mga ilawan upang may magamit kung magkakaroon man ng kawalan ng kuryente at radyong de baterya para magkaroon ng update tungkol sa sa bagyo. Laging magtabi ng pagkain, tubig, at emergency kit sa inyong bahay. Punuin ang lalagyan ng tubig, ilagay sa plastik na supot ang mga ekstrang damit, mga delata, kandila, posporo at mga iba pang mahahalagang gamit.
Magkaroon o maging update sa impormasyon
Ugaliing makinig sa radyo o manuod ng TV para sa regular na anunsyo o babala sa kalagayan ng bagyong paparating o kaya naman ay makibalita sa mga kakilala. Alamin ang mga numero ng telepeno: Mas mabuting alam mo ang numero ng telepeno ng iyong kaibigang nasa malapit at malayong lugar.
Gumawa ng escape plan at praktisin ito kung nanaisin.
Mas mainam na alamin ang pinakamabuting daanan sa paglikas mula sa inyong bahay. Pag-usapan kung saan magkikita-kita ang inyong pamilya-gaya ng sa isang paaralan-at sa isa pang mas malayo sa inyong lugar. Alamin ang mga ligtas na lugar na maaring takbuhan bago pa man dumating ang sakuna.
Magplanong tumulong sa iba
Mabuting tumulong din lalo na sa mga matatanda at mga may sakit. Mas mabuti rin na magtulungan upang mas maging ligtas ang isa`t isa.