5

Filipino
Ikalawang Markahan – Modyul 1:
Nasasagot ang mga Tanong sa
Binasa at Napakinggang Talaarawan
 Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi sa anomang akda ang Pamahalaan ng Pilipinas. Gayonpaman,
kailangan muna ang pahintulot ng ahensiya o tanggapan ng pamahalaan na naghanda ng
akda kung ito ay pagkakakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban
sa modyul na ito ay kinakailangan ng pahintulot mula sa mga orihinal na may-akda ng mga
ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

ELEMENTARY MODULE DEVELOPMENT TEAM

Author : Ma. Rowena C. Paraiso

Co-Author - Content Editor : Yolanda R. Aguilar
Co-Author - Language Reviewer : Ma. Rowena C. Paraiso
Co-Author - Illustrator : Rhea Vianca A.
Asuncion Co-Author - Layout Artist : Ma. Rowena C.
Paraiso

DISTRICT MANAGEMENT TEAM:

District Supervisor, Samal : Jeolfa G. Reyes, EdD
Principal District LRMDS Coordinator : Rodrigo S. Panlaque Jr.
Teacher District LRMDS Coordinator : Omar S. Manalansan
District SLM Content Editor : Jeolfa G. Reyes, EdD
District SLM Language Reviewer : Jeolfa G. Reyes, EdD
District SLM Book Designer : Omar S. Manalansan

DIVISION MANAGEMENT TEAM:

Schools Division Superintendent : Romeo M. Alip, PhD, CESO V
OIC- Asst. Schools Division Superintendent : William Roderick R. Fallorin, CESE
Chief Education Supervisor, CID : Milagros M. Peñaflor, PhD
Education Program Supervisor, LRMDS : Edgar E. Garcia, MITE
Education Program Supervisor, AP/ADM : Romeo M. Layug
Education Program Supervisor, Filipino : Mila D. Calma
Project Development Officer II, LRMDS : Joan T. Briz
Division Librarian II, LRMDS : Rosita P. Serrano

Inilimbag sa Pilipinas ng Department of Education – Schools Division of Bataan

Office Address: Provincial Capitol Compound, Balanga City, Bataan
Telefax: (047) 237-2102
E-mail Address: bataan@deped.gov.ph
 5

Filipino
Ikalawang Markahan – Modyul 1:
Nasasagot ang mga Tanong sa
Binasa/Napakinggang
Talaarawan, Journal at
Anekdota at
Nababaybay nang Wasto ang
Salitang Natutuhan sa Aralin
at Salitang Hiram
 Paunang Salita
Para sa tagapagdaloy:

Malugod na pagtanggap sa asignaturang Filipino at Ikalimang Baitang ng

Alternative Delivery Mode (ADM) Modyul para sa araling Pagsasagot sa mga tanong
na binasa/napakinggang talaarawan, journal at anekdota at pagbaybay nang wasto
sa mga salitang natutuhan sa aralin at salitang hiram

Ang modyul na ito ay pinagtulungang dinisenyo, nilinang at sinuri ng mga

edukador mula sa pampubliko at pampribadong institusyon upang gabayan ka, ang
gurong tagapagdaloy upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.

Ang tulong-aral na ito ay umaasang makauugnay ang mag-aaral sa

mapatnubay at malayang pagkatuto na mga gawain ayon sa kanilang kakayahan,
bilis at oras. Naglalayon din itong matulungan ang mag-aaral upang makamit ang
mga kasanayang pan-21 siglo habang isinasaalang-alang ang kanilang mga
pangangailangan at kalagayan.

Bilang karagdagan sa materyal ng pangunahing teksto, makikita ninyo ang

kahong ito sa pinakakatawan ng modyul:

Mga Tala para sa Guro

mag-aaral upang masagot ang mga tanong sa binasa/napakinggang talaarawan, journal at anekdota at mabaybay nang wasto ang mga

Bilang tagapagdaloy, inaasahang bibigyan mo ng paunang kaalaman ang

mag-aaral kung paano gamitin ang modyul na ito. Kinakailangan ding subaybayan
at itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.

ii
Para sa mag-aaral:

Malugod na pagtanggap sa Filipino at Ikalimang Baitang ng Alternative

Delivery Mode (ADM) Modyul ukol sa Pagsasagot ng mga tanong sa
binasa/napakinggang talaarawan,journal at anekdota at mabaybay nang wasto ang
mga salitang natutuhan sa aralin at salitang hiram.

Ang modyul na ito ay ginawa bilang tugon sa iyong pangangailangan. Layunin

nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa pagkatuto.

Ang modyul na ito ay may mga bahagi at icon na dapat mong maunawaan.

Alamin Sa bahaging ito, malalaman mo ang mga

dapat mong matutuhan sa modyul.

Subukin Sa pagsusulit na ito, makikita natin kung

ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong laktawan
ang bahaging ito ng modyul.

Balikan Ito ay maikling pagsasanay o balik-aral

upang matulungan kang maiugnay ang
kasalukuyang aralin sa naunang leksyon.

Sa bahaging ito, ang bagong aralin ay

Tuklasin ipakikilala sa iyo sa maraming paraan tulad
ng isang kuwento, awitin, tula, pambukas na
suliranin, gawain o isang sitwasyon.

Suriin Sa seksyong ito, bibigyan ka ng maikling

pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.
Binubuo ito ng mga gawaing para sa
Pagyamanin malayang pagsasanay upang mapagtibay ang
iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.
Naglalaman ito ng mga katanungan o
Isaisip pupunan ang patlang ng pangungusap o
talata upang maproseso kung anong
natutuhan mo mula sa aralin.
 Isagawa Ito ay naglalaman ng gawaing makatutulong
sa iyo upang maisalin ang bagong kaalaman
o kasanayan sa tunay na sitwasyon o
realidad ng buhay.
Ito ay gawain na naglalayong matasa o
Tayahin masukat ang antas ng pagkatuto sa
pagkamit ng natutuhang kompetensi.
Karagdagang Gawain Sa bahaging ito, may ibibigay sa iyong
panibagong gawain upang pagyamanin ang
iyong kaalaman o kasanayan sa natutuhang
aralin.
Naglalaman ito ng mga tamang sagot sa lahat
Susi sa Pagwawasto ng mga gawain sa modyul.

Sa katapusan ng modyul na ito, makikita mo rin ang:

Sanggunian Ito ang talaan ng lahat ng pinagkuhanan sa

paglikha o paglinang ng modyul na ito.

Ang sumusunod ay mahahalagang paalala sa paggamit ng modyul na ito:

1. Gamitin ang modyul nang may pag-iingat. Huwag lalagyan ng anumang

marka o sulat ang anumang bahagi ng modyul. Gumamit ng hiwalay na papel
sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.

Kung sakaling ikaw ay mahirapang sagutin ang mga gawain sa modyul na ito,
huwag mag-aalinlangang konsultahin ang inyong guro o tagapagdaloy. Maaari ka
rin humingi ng tulong kay nanay o tatay, o sa nakatatanda mong kapatid o sino man
sa iyong mga kasama sa bahay na mas nakatatanda sa iyo. Laging itanim sa iyong
isipang hindi ka nag-iisa.
 Umaasa kami, sa pamamagitan ng modyul na ito, makararanas ka ng
makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!
 Alamin

Ang modyul na ito ay idinisenyo at isinulat upang tulungan kang maiugnay

ang sariling karanasan sa napakinggang teksto

Matapos ang modyul na ito, inaasahang matutuhan mo ang:

1. Nasasagot ang mga tanong sa binasa/napakinggang talaarawan, journal at
anekdota. (F5PB Id 3.4; F5 PB Ie 3.3; F5PB IIf 3.3)
2. Nababaybay nang wasto ang salitang natutuhan sa aralin at salitang hiram.
(F5 PU-Ic1)

1
 Subukin

Ayusin mo ang mga letra ayon sa ibinigay na kahulugan nito upang mabuo ang
hinihinging salita. Isulat ang sagot sa sagutang papel.

1. Naglalarawan ng personal na pangyayari sa araw araw na buhay ng

indibiduwal.
2. Isang uri ng akdang tuluyan na tumatalakay sa kakaiba o kakatwang
pangyayaring naganap sa buhay ng isang kilala, sikat o tanyag na tao.
3. Ito ay naglalaman ng damdamin ng isang indibidual tungkol sa mga
naranasan niya. Karaniwan itong isinasama sa portfolio.
4. Naglalaman ng mga kinalabasan ng mga gawain ng mga mag-aaral sa isang
klase

LIOFOLPORT DOTAANEK ARAWANTALA NALDYOR

 Pagsasagot sa mga Tanong
na Binasa/Napakinggang
Aralin Talaarawan,Journal at
1 Anekdota, at Pagbaybay
nang Wasto sa mga Salitang
Natutuhan sa Aralin at
Salitang Hiram
Isang paraan upang malaman ng guro na nauunawaan ng bata ang
kanyang binasa o napakinggang mga talata o sanaysay, kung masasagot nya
ang mga tanong tungkol dito at mabaybay ang ilang mga salitang natutuhan
sa aralin.

Balikan

Basahin mo ang maikling kuwento. Sagutin mo ang mga sumusunod na

tanong ng may katalinuhan. Isulat ang iyong sagot sa sagutang papel.
 Ang Quiapo ay matatagpuan sa Maynila, ito ay tinatawag nilang downtown
noong mga nakaraang panahon na hindi pa uso ang mga mall. Maraming lugar dito
ang mabibilhan ng iba’t - ibang paninda tulad ng mga damit, sapatos at
kasangkapan. Dito rin matatagpuan ang simbahan ng Quiapo na lalong
nagpatanyag sa pook na ito.

Masayang ipinagdiriwang ang pista ng Quiapo tuwing ika-9 ng Enero. Sa

nakararami, ang araw na ito ay araw ng pasasalamat at pagdarasal. Libo-libong tao
ang sumasama sa prusisyon. Karamihan ay mga lalaki na pawang deboto ng Poong
Nazareno na kilala sa tawag na Nazareno.

Dinudumog ng mga deboto ang imahen. Karaniwan nilang ipinapahid ang

kanilang mga panyo sa katawan nito. Upang maiwasang mahulog ang mga nasa
unahan ng karo, dalawang mahahabang lubid ang ipinaiikot sa karosa. Walang
sinuman ang pinahihintulutang lumampas sa lubid. Tinatahak ng prusisyon ang
mga lansangan.

1. Ano ang lugar na binanggit sa teksto?

2. Bakit downtown ang tawag sa Quiapo?
3. Kailan ang pista sa Quiapo?
4. Paano ipinagdiriwang ang pista ng lugar na ito?
5. Bakit nagdiriwang ng pista sa isang lugar?

Nakasagot ka ba nang wasto sa mga tanong? Kung gayon magiging madali

para sa iyo ang ating aralin ngayon. Kung may mga pagkakamali ka naman sa
iyong sagot, huwag kang malungkot sapagkat gagabayan ka ng modyul na ito sa
iyong pagkatuto. Sundin mo lamang nang maayos ang lahat ng sinasaad sa mga
gawain at kasanayan dito.
 Tuklasin
A. Isang anekdota naman ang iyong mapapakinggan mula sa kasama mo sa
bahay.

Bago mo ito ipabasa, hanapin mo muna sa loob ng kahon ang kahulugan

ng mga sumusunod na mga salita. (Talasalitaan)
1. pangulo
2. press
3. Padre
4. lunas
5. impiyerno

a. grupo ng mga taong nagsusulat at gumagawa ng balita

b. pinakamataas na pinuno ng isang bansang Republikano
c. lugar kung saan nagdaranas ng parusang walang hanggan ang
kaluluwa ng mga taong makasalanan
d. bagay o kaparaanang makapagpapagaling sa isang karamdaman o
damdamin o maipang aayos sa anumang uri ng suliranin
e. tawag sa pari

 Binabati kita sa mahusay mong pagsagot. Sa gayon ay madali mong

maunawaan ang anekdotang iyong babasahin. Kung mali naman ang iyong
sagot ay unawain mong mabuti ang kwentong iyong babasahin upang
makuha mo ang tamang sagot dito.

Kilala nyo ba ang nasa larawan? Siya ang dating Pangulong Quezon. Isang
halimbawa ng kanyang anekdota ang iyong papakinggan mula sa kasama mo sa
bahay. Ipabasa mo ito sa nakatatanda sa iyo. Pagkatatapos mong makinig ay sagutin
mo ang mga tanong sa ibaba nito. Isulat ang sagot sa sagutang papel.

5
 Nagkasakit si Pangulong Quezon kaya’t siya ay dinala sa isang ospital upang
mabigyan ng nararapat na lunas. Isang araw, dinalaw siya ni Padre Serapio Tamayo,
na isa niyang kaibigan. At dahil nga hindi naman siya inaasahan, pinaghintay muna
siya ng nars upang ipagbigay – alam sa Pangulo ang kanyang pagbisita.
“Mr. President, the prest is here.”

Inakala tuloy ng pangulo na ang kanyang panauhin ay isang mamamahayag.

Kaya’t kaniyang pasigaw na sinabi, “Sabihin mo sa press na pumunta sa impiyerno.”

Subalit hindi pa siya natatapos sa kaniyang sinasabi ay nakapasok na ang

mapilit na pari.
 Naunawaan mo ba ang anekdotang iyong napakinggan? Subukan mo
ngayung sagutin ang mga sumusunod na mga tanong. Isulat ang
iyong sagot sa sagutang papel.

1. Sino ang dinala sa ospital?

2. Bakit siya nanatili dito?
3. Sino ang kanyang naging panauhin?
4. Ano ang naramdaman niya nang ipagbigay- alam ito ng kaniyang
nars?
5. Bakit ganito ang kaniyang naramdaman?
6. Bakit siya napahiya sa kaniyang bisita?
7. Tungkol saan ang binasang akda?
8. Kaninong karanasan ito?

 Magaling! Ngayon naman ay isang talaarawan ang iyong babasahin.

Lunes, Marso 9

Excited kaming lahat. Ngayun ang simula ng Palarong

Pampaaralan. Pumarada kami sa buong plasa kasama ang mga
manlalaro sa buong lingo. Nakatutuwa ang dami kong nakita sa plaza.
Ang lulusog ng mga halaman na nakatanim sa may patio ng simbahan.
Nakita ko rin ang paborito naming kainan ni Nanay, nagutom tuloy
ako.
Ang layo ng nilakad naming pero hindi ako nakaranas ng pagod
kasi masaya kaming lahat.

Martes, Marso 10
Unang laro ang basketbol. Ang saya ng lahat. Ang lakas ng
sigawan sa basketbol court. Ang init ng labanan. Pero salamat naman
at nanalo ang aming koponan sa paghaharap ng mga magkakatung-
gali. Sa isang araw lalaban ulit ang aming team sa mananalo bukas.
Ang tagal namang dumating ng Huwebes.

6
  Naunawaan mo ba ang talaarawan na iyong binasa? Tingnan natin
kung masasagot mo ang mga sumusunod na mga tanong. Isulat ang
iyong sagot sa sagutang papel.

1. Tungkol saan ang binasang teksto?

2. Ano-ano ang nakasulat ditong detalye?
3. Ano ang tawag sa binasang teksto?

 Binabati kita sa matiyaga at mahusay mong pakikinig at pagbabasa.

Suriin

Balikan natin ang anekdota at talaarawan na iyong binasa? Saan

nagsisimula ang mga tanong? Paano mo sinagot ang mga tanong na nagsisimula sa
ano, sino at bakit? Ganito ba ang iyong mga sagot? Mahusay! Sapagkat nauunawaan
mo ang iyong aralin.

 Ang ano ay tanong na tungkol sa tao o pangyayari. Sino ay tanong na tungkol

sa tao, ang bakit ay tanong na nangangailangan ng pagpapaliwanag

Ipabasa mo sa kasama mo sa bahay ang mga salitang natagpuan sa teksto. Isulat

mo ito ng wasto sa iyong kuwaderno.

Quiapo Nazareno Quezon plaza

downtown mall court excited

 Tama ba ang pagkakabaybay mo sa mga salita? Pansinin mo ang mga letra at

ang pagkakabigkas ng mga salita. Tama! Ang mga salita na nasa unang hanay
ay may mga hiram na letra na kasama na rin sa alpabetong Filipino, ang nasa
pangalawang hanay naman ay mga salitang hango sa wikang Ingles.
Magaling! Maaari ka nang magpatuloy sa iyong aralin.
 Pagyamanin

A. Ipabasa mo sa kasama mo sa bahay ang anekdota tungkol sa batang si Dr.

Rizal at sagutin mo ang mga tanong sa ibaba nito. Isulat mo sa sagutang
papel ang iyong sagot.

Isang hapon sa ilalim ng puno, habang ang lahat ay namamahinga.

Lumapit si Pepe sa kaniyang ina na noon ay abala naman sa pagbuburda.
Sinabi niya sa kaniyang ina na nais na niyang matutunan ang abakada.
Kahit anong paliwanag ng kaniyang ina na siya ay bata pa upang pag-aralan
ito hindi tumigil ng batang si Pepe sa pagpupumilit na ito ay matutuhan.
Kaya’t walang nagawa ang kaniyang ina kundi ituro isa-isa ang pangalan at
tunog ng bawat letra. Makalipas ang dalawang oras, ang lahat ay namangha
dahil natutuhan at nakabisa na agad ni Pepe ang pangalan at tunog ng letra
sa abakada.

1. Sino ang bata sa teksto?

2. Ano ang nais niya?
3. Ano ang ginagawa ng kaniyang ina?
4. Bakit ayaw pa siyang turuan ng kaniyang ina?
5. Ano ang aral na natutuhan mo sa kwento?
Pagbaybay:
Ipadikta mo sa kasama mo sa bahay ang mga sumusunod na salita na
hango sa teksto at isulat mo ng wasto sa iyong sagutang papel.
1. nagbuburda
2. namamahinga
3. letra
4. pag-aralan
5. pagpupumilit

B. Basahin mo ang talaarawan at sagutin mo sa iyong sagutang papel ang mga

tanong sa ilalim nito.

Pebrero 2, Linggo
Maaga akong gumising, kaarawan ko kasi ngayun. Paglabas ko ng
silid-tulugan namin, wala si Nanay sa aming salas. Wala rin si Tatay sa
aming hardin. Wala si Kuya sa likod bahay. Hinahanap ko sila sa lahat ng
sulok ng aming bahay. Wala talaga sila. Iiyak na ako nang biglang may
kumulbit sa akin. Si bunso may dalang isang maliit na cake para sa akin
kasama sina Nanay, Tatay, at Kuya.
1. Anong okasyon ang binanggit sa teksto?
2. Sino-sino ang mga tauhan sa teksto?
 3. Bakit hindi niya nakita sa kanyang paggising ang kanyang Nanay, Tatay,
Kuya at bunsong kapatid?
Pagbaybay:
Ipadikta sa kasama mo sa bahay ang mga salitang hango sa teksto.
Isulat mo ito ng wasto.
1. cake
2. silid-tulugan
3. kumulbit
4. kaarawan
5. sulok

C. Ipabasa sa kasama sa bahay ang maikling kuwento at sagutin mo ang

mga sumusunod na tanong pagkatapos nito. Isulat sa sagutang papel ang
iyong mga sagot.

Makasaysayan ang Araw ng Rebolusyong EDSA. Ipinagdiriwang ito tuwing

ika-25 ng Pebrero. Ang araw na ito ang naging hudyat ng pagbalik ng kalayaan ng
mga mamamayan na matagal ring ipinagkait mula sa kanila. Nagkaisang nagtungo
ang libo-libong mga Pilipino sa EDSA noong Pebrero 22-25,1986. Ito ay sa harap ng
Camp Aguinaldo at Camp Crame. Sinuportahan ito ng mga mamamayan. Tinawag
itong Rebolusyong EDSA o EDSA Revolution. Tinatawag din itong People’s Power
Revolution o Rebolusyong Lakas-Sambayanan at Rebolusyon ng Pebrero.

1. Ano ang ipinagdiriwang tuwing ika 25- ng Pebrero?

2. Ano ang ginugunita sa araw na ito?
3. Ano-ano ang mga salitang hiram na ginamit sa tekstong binasa? Isulat ito
ng wasto
 Isaisip

A. Punan mo ang sumusunod. Hanapin sa kahon sa ibaba ang angkop na

sagot. Isulat ito sa kuwaderno

Ano ang iyong mga natutunan?

1

Gaano ito kahalaga?

2

B. Kumpletuhin ang sumusunod na pahayag.

3. Ang anekdota ay isang akda tungkol sa ng isang

tao.
4. Ang talaarawan ay isang akda tungkol sa

a. Pagsagot ng may katalinuhan sa mga tanong na ano, sino, bakit atbp

tungkol na binasa at napakinggang teksto
b. Mahalaga ang pakikinig at pagbabasa ng maayos upang maunawaang
mabuti ang mga aralin at makasagot ng may katalinuhan sa mga
tanong
c. buhay, kilala o tanyag
d. pangyayari sa araw araw na buhay
 Isagawa

Ipabasa mo sa isa sa kasama mo sa bahay ang talaarawan ni Tina at sagutin

mo ang mga tanong sa iyong sagutang papel.

Mula sa talaarawan ni Tina

Setyembre 1, Lunes

Malapit na ang kaarawan ni Isay, ang bunso naming kapatid. Mag-iipon ako
para maibili ko siya ng regalo. Magtitira ako sa baon kong Php40.00 araw-araw para
may maipon ako. Ililista ko araw-araw ang mga pinaggastusan ko sa aking baon,
Mayroon pa akong dalawang linggo para mag-ipon.

Setyembre 2, Martes

Ito na ang araw ng pagsisimula ko ng aking pag-iipon.

Narito ang pinagkagastusan ko ng aking Php40.00 baon:
Pamasahe Php 14.00
Meryenda Php 10.00
Kompyuter Php 10.00
(para sa project)
Php 34.00 Natipid ko Php 6.00

Setyebre 3, Miyerkules

Nakaipon ako ng Php 6.00 ulit. Masaya ako.

Setyembre 7, Sabado

Nakapag-ipon ako noong Biyernes ng isa pang Php 6.00. Mayroon na akong
Php 18.00 tapos idaragdag ko ang naipon ko ngayong Php 5.00. may Php 23.00 na
akong naipon.

Setyembre 8, Lunes
Sinabi ni Kuya na tutulungan niya akong makapag-impok. Naglakad kami
pauwi pagkatapos ng klase. Nakapapagod, pero masaya naman kaming
nagkukuwentuhan habang naglalakad. Mapayapang lugar naman ang aming bayan
kaya ligtas kaming nakauuwi araw-araw.
Pamasahe: Php 7.00
Meryenda: Php 10.00
Pananghalian: Php 20.00
 Php 37.00: Naion Php 3.00

Setyembre 15, Sabado

Mahigit isang lingo na rin akong nag-iipon at nakapag-ipon na ako ng Php

46.1. Idaragdag ko sa mga naipon ko ngayong Php 4.00
Pamasahe: Php 14.00
Meryenda: Php 10.00
Proyekto(Matematika) Php 12.00

Php 36.00

Setyembre 22, Linggo

Mula noong Setyembre 15 hanggang kahapon, Setyembre 21, ang naipon

ko ay nagkakahalaga na ng Php 77.00 Ito rin ang araw ng kaarawan ni Isay.
Pumunta kami ni kuya sa tindahan kanina. Nabili naming ang manyikang matagal
nang tinitingnan ni Isay tuwing mapapadaan kami roon – Php 50.00 lang! Inisip
naming bumili na din ng tsokolate, pero sabi ni kuya, itabi na lang namin ang butal.
Malapit na rin kasi ang kaarawan ni Nanay at malapit na rin ang Pasko.

 Nagustuhan mo ba ang pakikinig ng talaarawan ni Tina?

 Maaari mo ng sagutan ang mga tanong sa ibaba.

1. Ano ang itinatala ni Tina sa kaniyang talaarawan?

2. Bakit niya ito itinatala sa kaniyang talaarawan?
3. Ano-ano ang pinaglalaanan niya ng pera sa bawat araw?
4. Ano-ano ang kanyang ginawa upang makatipid?
5. Sa tingin mo ano pa ang pwede niyang gawin upang makatipid?

 Ipabigkas mo sa kasama mo sa bahay ang mga sumusunod na salita

habang binabaybay mo naman ito ng wasto sa iyong sagutang papel.
1.Pasko
2. Setyembre
3.kompyuter
4.makapag –impok
5.meryenda

 Magaling! Mahusay mong nasagutan ang mga tanong. Maaari ka na ulit

magpatuloy.
 Tayahin
Ipabasa mong muli sa kasama mo sa bahay ang maikling
talaarawan. Makinig kang mabuti nang masagot mo ang mga tanong.

Enero 23, Miyerkules

Sa wakas, pinayagan din ako nina Ama at Ina na sumama sa taunang

field trip ng aming paaralan. Nakita ko na rin sa wakas ang pinakamaliit na
plaza sa buong Pilipinas. Akalain mo nandito lamang pala iyon dito sa amin.
Kasing laki lamang ito ng isang basketball court at talagang hindi man ako
pinagpawisan nang inikot namin ito. Sumalubong sa amin ang isang malaking
marker na may nakasulat na “Smallest Plaza,” ang isang rebulto ni Dr. Jose
Rizal. Nakakaaliw talaga itong maliit na plaza sa Jordan, Guimaras, ang una
naming pinuntahan sa bayan ng Guimaras. Marami pa kaming pinuntahan
tulad ng plantasyon ng ipinagmamalaking mangga ng bayan. Binisita rin
naming ang Monasteryo ng Trappist. Dito daw nakatira ang paring monghe.
Yung iba sa amin nagdasal, yung iba naman namili ng mga pasalubong.
Nakapapagod talaga ang araw na ito.

Isulat mo ang mga sagot sa sagutang papel.

1. Tungkol saan ang binasang teksto?

2. Ano-ano ang lugar na pinuntahan nila?
3. Saan daw matatagpuan ang pinakamaliit na plaza sa buong Pilipinas?
4. Saan daw nakatira ang paring monghe na isa rin sa pinuntahan nila.
5. Sa iyong palagay naging masaya kaya ang kanilang field trip? Bakit?

 Pagbaybay. Ipabigkas mo sa kasama mo sa bahay ang mga salitang

may salungguhit sa teksto at isulat mo ito ng wasto sa iyong
sagutang papel
 Karagdagang Gawain

A. Subukan mong sumulat ng iyong talaarawan. Itala mo ang mahahalagang

nangyari sa iyo sa mga araw ng Lunes at Martes.
B. Gamitin mo sa pangungusap ang mga sumusunod na salitang hiram na
may wastong pagkakabaybay.
1. Edsa Revolution
2. basketball court
3. Pangulong Quezon
4. excited
5. mall
Sanggunian

Agarado, Patricia Jo, Maricar Francia, Perfecto Guerrero III, and

Genaro Gojo Cruz. Alab Filipino 5. 1st ed. Reprint, 1253 Gregorio
Araneta Avenue, Quezon City, Philippines: Vibal Group, Inc.,
2016.

Learner's Material 5. 1st ed. Reprint, Balanga City Bataan: Schools Division
of Bataan, 2016.

"Nadsfil 9A: Mga Sanaysay". Google.Com, 2015.

https://nadsfil9amgasanaysay2016.wordpress.com/2016/03/03/itim
-na-nazarenodebosyon-sa- diyos/amp/?
fbclid=IwAR0U0Ffb0_dtx_pHXl5cNwC3ImJ9Z8YdJ8A25A
H3JYKqli90q1xkmD6k56w.

Garcia, Giuls. "Mom Center". Google.Com, 2018.

https://momcenter.com.ph/2018/02/22/5-lessons-edsa-revolution-
need-share-kids/.

"Britannica". Google.Com, 2020.

https://www.britannica.com/biography/Manuel-Quezon.
Para sa mga katanungan o puna, sumulat o tumawag sa:

Department of Education – Region III,

Schools Division of Bataan - Curriculum Implementation Division Learning Resources Managem
Provincial Capitol Compound, Balanga City, Bataan Telefax: (047) 237-2102
Email Address: