Subject: FILIPINO Grade Level: FOUR Quarter: THIRD

Name of Candidate Module Writer: JOHN RUBIE D. INSIGNE

Mga Layunin

Nagagamit ang pang-abay sa paglalarawan ng kilos (Pamaraan, Pamanahon, Panlunan) (F4WG-IIIa-c-6)

Nailalarawan ang tauhan batay sa ikinilos, ginawi, sinabi at naging damdamin (F4PS-IIIb-2.1)

Panimulang Gawain
A. Balik-Aral
Panuto: Isulat sa loob ng “Mentimeter Board” ang mga salitang pandiwa.
Pumili ng sagot sa loob ng kahon.

Paaralan tumakbo

Naglaba bulaklak

Sumulat sumakay

Simbahan telepono

Uminom lamesa

Telebisyon naglinis

B. Maglaro Tayo
Panuto: Hanapin ang kasingkahulugan at kasalungat ng mga sumusunod na salita. Kulayan ang
salita sa loob ng “BINGO” kard.
a. Mabango (Kasalungat)
b. Mabilis (Kasingkahulugan)
c. Mahirap (kasingkahulugan) mabaho masigla matalino tahimik
d. Payapa (kasalungat)
Mabagal matulin Magulo Mabait
e. Malalim (kasalungat)
f. Mataas (Kasingkahulugan) Matatag mababaw Dukha matapang

Kapag nakabuo ng tuwid, malinaw mayaman Malayo matayog

pahalang o pahilis na linya, panalo
ka!

Pagtatalakay
A. Pagganyak
Sagutin ang mga tanong.
Sino sa inyo ang kasama ang kanilang mga lolo at lola sa bahay ? Paano mo naipapakita ang
pagmamahal sa kanila ? Paano naman nila naipapakita ang pagmamahal nila sa inyo ?

B. Basahin ang kuwentong may pamagat na “ Ang Regalo Ni Lolo”

Page 1 of 5
 Ang Regalo ni Lolo

Araw ng Martes, masaya ang lahat para sa paghahanda sa Pasko. Habang abala ang lahat,
nagpunta si Lolo Ben sa isang sikat na mall upang maghanap ng regalo. Matiyagang naghanap ng
regalo si Lolo Ben.
Gabi na nang makauwi si Lolo Ben. Sabik na sabik ang lahat para sa matatanggap nilang
mga regalo. Kinakabahan si Lolo Ben. Mukhang mga mamahalin kasi ang mga regalo ng kaniyang
anak sa kaniyang nag-iisang apo.
“Merry Christmas apo!” , masayang bati ni Lolo Ben sa kaniyang apo. “Pasensiya ka na sa
regalo ko, iyan lang ang nakayanan ng Lolo”, nakangiting sabi niya sabay abot sa isang kahon.
Sabik na binuksan ng apo ang regalo na binili ni Lolo Ben. “Wow! Ang ganda!” ang sigaw
ng apo sabay yakap sa kaniyang Lolo. “Thank you po Lolo,”sabi ng apo.
Hanggang sa pagtulog, mahigpit na niyakap ng apo ang regalo ng kaniyang lolo na isang
mumurahing manika. “Best gift ever…” mahinang sabi ng kaniyang apo bago pumikit ang
kaniyang mga mata bago matulog.
Sa may pinto, masayang nakasilip si Lolo Ben. “Merry Christmas apo. Mahal na mahal ka
ng Lolo” sabi niya sabay alis upang magpahinga na.

Sagutin ang mga tanong.

1. Bakit bumili ng regalo si Lolo Ben?
2. Ano ang biniling regalo ni Lolo Ben para sa kaniyang apo?
3. Kung ikaw ang bata sa kuwento , tatanggapin mo ba ang regalo ng iyong lolo ? Bakit ?

Basahin at pag-aralan ang mga pangungusap.

1. Matiyagang naghanap ng regalo ang lolo para sa kanyang apo.

Tanong: Paano naghanap ng regalo ang lolo? Sagot: matiyaga
Ang salitang sumasagot sa tanong na paano at nagsasabi kung paano ginawa ang kilos ay
tinatawag na Pang-abay na Pamaraan.
Iba pang halimbawa:
Sabik na binuksan ng apo ang regalo na binili ni Lolo Ben.
2. Sa kahon inilagay ni lolo and regalo.
Tanong: Saan inilagay ni lolo ang regalo? Sagot: sa kahon
Ang salitang sumasagot sa tanong na saan at nagsasabi kung saan ginawa ang kilos ay
tinatawag na Pang-abay na Panlunan.
Iba pang halimbawa.
Sa may pinto nakasilip si Lolo Ben.
3. Ibinigay ni lolo ang regalo ng apo noong Pasko.
Tanong: Kailan ibinigay ni lolo ang regalo? Sagot: noong Pasko
Ang salitang sumasagot sa tanong na kailan at nagsasabi kung kailan ginawa ang kilos ay
tinatawag na Pang-abay na Pamanahon.
Iba pang halimbawa.
Gabi na ng nakauwi si Lolo Ben.

Page 2 of 5
 Mga Pagsasanay
Pagsasanay Bilang 1
Panuto: Basahin ang mga pangungusap. Suriin at kulayan ang kahon kung ito ay may pang-abay na
pamaraan, pamanahon o panlunan.
1. Galak na sinalubong nila ang mga panauhin.
Pang-abay na Pamaraan Pang-abay na Pamanahon Pang-abay na Panlunan

2. Kaugalian na nating mga Pilipino ang magbigayan ng regalo tuwing Pasko.

Pang-abay na Pamaraan Pang-abay na Pamanahon Pang-abay na Panlunan

3. Nagtipon-tipon ang buong mag-anak sa loob ng bahay.

Pang-abay na Pamaraan Pang-abay na Pamanahon Pang-abay na Panlunan

4. Masayang kumain ng salu-salo kapag kumpleto ang pamilya.

Pang-abay na Pamaraan Pang-abay na Pamanahon Pang-abay na Panlunan

5. Mabilis na binuksan ng apo ang regalo sa kanya ng lolo.

Pang-abay na Pamaraan Pang-abay na Pamanahon Pang-abay na Panlunan

Pagsasanay Bilang 2

A.Gamit ang application na Facebook, B.Gamit ang application na Instagram,

magkomento sa status ng angkop na magkomento sa larawang naka “post” sa
pamamagitan ng 3 pangungusap. Gumamit ng
pang-abay na panlunan na gagamitin
pang-abay na pamaraan sa bawat
upang mabuo ang pangungusap.
pangungusap.

Page 3 of 5
C. Gamit ang application ng Twitter, mag
“tweet” ng 3 pangungusap na may pang-
abay na pamanahon.

Pagsasanay Bilang 3
Panuto: Bumuo ng isang pangungusap na may pang-abay batay sa mga larawan.

Pang-abay na Pamaraan Pang-abay na Pamanahon Pang-abay na Panlunan

_______________________________ _____________________________ ___________________________
_______________________________ _____________________________ ___________________________

Paglalahat
Ang Pang-abay ay nagbibigay turing sa pandiwa, pang-uri at kapwa pang-abay.
Ang pang-abay ay may iba’t ibang uri at gamit:
Ang Pang-abay na Pamaraan ay nagsasabi kung paano ginagawa ang kilos. Ito ay sumasagot sa tanong
na paano.
Ang Pang-abay na Pamanahon ay nagsasaad ng panahon kung kailan ginawa ang kilos. Ito ay sumasagot
sa tanong na kailan.
Ang Pang-abay na Panlunan ay nagsasaad ng lugar kung saan gingawa ang kilos at sumasagot sa tanong
na saan.

Page 4 of 5
 Paglalapat
Hanap Salita
Panuto: Punan ng angkop na pang-abay ang sumusunod na talata. Hanapin ang mga salita sa ibaba.
Isa sa pinakamagandang regalo na natanggap ng mga mamamayan ___________ ay ang
pagkakaloob ng isang malawak na lupain kinatitirikan ng kanilang paaralan. Bilang pasasalamat sa
kaniya, ___________ na ipinaglaban ng isang kinatawan ng Lungsod ng Valenzuela na isabatas na
ipangalan dito ang kanilang paaralan. ____________ naghintay ngunit nakamit din ang minimithi.
______________ tinanggap ng kaniyang pamilya ang parangal na ito.
Bilang pagtanaw ng utang na loob, mahalin natin ang ating paaralan at ipagmalaki natin
_________________ na ang mga mag-aaral dito ay nagmula at apo ni Doňa Roberta De Jesus.
Mga salita:
sa Bignay masigasig matiyagang masayang sa buong Valenzuela

Pagtataya
Panuto: Piliin at isulat sa patlang kung anong pang-abay ang dapat gamitin sa bawat pangungusap.

Karagdagang Gawain
Gamit ang application na Messenger.
Gamitin sa pangungusap ang mga sumusunod na salita bilang pang-abay. Ipadala ito sa ating Facebook
Group Chat.
1.Matiwasay
2.Sagana
3.sa itaas ng gusali
4.Mataas
5.noong isang buwan

Page 5 of 5